ഖ​ത്ത​റി​ൽ കാ​റി​ൽ എ​ത്താ​നാ​യി​ല്ല; സ​ക്കീ​റി​ന്​ നി​രാ​ശ

മ​ണ്ണ​ഞ്ചേ​രി: ഖ​ത്ത​റി​ൽ കാ​ൽ​പ​ന്ത് ക​ളി നേ​രി​ൽ കാ​ണാ​ൻ പ​റ്റാ​ത്ത​തി​ന്‍റെ നി​രാ​ശ​യി​ലാ​ണ്​ മ​ണ്ണ​ഞ്ചേ​രി സ്വ​ദേ​ശി സ​ക്കീ​ർ ഹു​സൈ​ൻ പൊ​ക്ക​ത്തി​ൽ. സാ​മ്പ​ത്തി​ക​വും സാ​ങ്കേ​തി​ക​ത്വ​വും തീ​ർ​ത്ത വി​ല​ക്കാ​ണ്​ ത​ട​സ്സ​മാ​യ​ത്. ഇ​തി​ന്​ മു​ന്നോ​ടി​യാ​യി ഒ​മ്പ​തു​മാ​സ​മാ​യി കാ​സ​ർ​കോ​ട്ടു​നി​ന്ന്​ തി​രു​വ​ന​ന്ത​പു​ര​ത്തേ​ക്ക്​ ഫു​ട്ബാ​ൾ പ്ര​ചാ​ര​ണ​യാ​ത്ര ന​ട​ത്തി.

ഖ​ത്ത​ർ ഫു​ട്​​ബാ​ൾ ലോ​ഗോ ആ​ലേ​ഖ​നം ചെ​യ്​​ത ഖ​ത്ത​ർ അ​മീ​റി​ന്റെ ഫോ​ട്ടോ​യും പ​തി​ച്ച് കാ​ർ മോ​ഡി​ഫൈ ന​ട​ത്തി​യാ​യി​രു​ന്നു യാ​ത്ര. അ​നു​മ​തി​ക്കും മോ​ഡി​ഫി​ക്കേ​ഷ​നും ഒ​രു​ല​ക്ഷ​ത്തോ​ളം രൂ​പ ചെ​ല​വാ​യി. യാ​ത്ര ഉ​ൾ​പ്പെ​ടെ ചെ​ല​വ്​ ര​ണ്ട​ര ല​ക്ഷ​വും. ഖ​ത്ത​ർ എ​ന്ന കൊ​ച്ചു​രാ​ജ്യ​ത്തി​ന്റെ സം​സ്കാ​ര​വും ആ​തി​ഥേ​യ​ത്വ​വും മ​റ്റു​ള്ള​വ​ർ​ക്കു​കൂ​ടി മ​ന​സ്സി​ലാ​ക്കാ​നാ​ണ്​ സി​യ​ഹ കേ​ര​ള ഹോ​ളി​ഡേ​യ്‌​സ് ടൂ​ർ ഓ​പ​റേ​ഷ​ൻ സ്ഥാ​പ​ന​ത്തി​ന്റെ എം.​ഡി കൂ​ടി​യാ​യ സ​ക്കീ​റി​ന്‍റെ ല​ക്ഷ്യം.

കേ​ര​ള​ത്തി​ലെ ഫു​ട്ബാ​ൾ പ്രേ​മി​ക​ളെ കാ​ശു​കൊ​ടു​ത്താ​ണ് ഖ​ത്ത​ർ ഇ​റ​ക്കി​യ​തെ​ന്ന പ​ടി​ഞ്ഞാ​റ​ൻ രാ​ജ്യ​ങ്ങ​ളു​ടെ വ്യാ​ജ പ്ര​ചാ​ര​ണ​ത്തി​ന് ത​ട​യി​ടു​ക​യെ​ന്ന ഉ​ദ്ദേ​ശ്യ​വും ഉ​ണ്ടാ​യി​രു​ന്നു. യാ​ത്ര​യു​ടെ ഭാ​ഗ​മാ​യി 2500 കി​ലോ​മീ​റ്റ​റോ​ളം സ​ഞ്ച​രി​ച്ചു. മ​ല​പ്പു​റം കു​റ്റി​പ്പു​റ​ത്താ​യി​രു​ന്നു യാ​ത്ര​യു​ടെ ക​ലാ​ശ​ക്കൊ​ട്ട്. റോ​ഡ് മാ​ർ​ഗം കാ​റി​ൽ ഖ​ത്ത​റി​ലെ വേ​ദി​യി​ൽ എ​ത്ത​ണ​മെ​ന്നാ​യി​രു​ന്നു സ​ക്കീ​റി​ന്റെ ആ​ഗ്ര​ഹം. എ​ന്നാ​ൽ, സാ​മ്പ​ത്തി​ക​വും സാ​ങ്കേ​തി​ക​ക​ത്വ​വും അ​തി​ന് ത​ട​സ്സ​മാ​യെ​ങ്കി​ലും സ​ങ്ക​ട​മി​ല്ലെ​ന്ന്​ അ​ദ്ദേ​ഹം പ​റ​ഞ്ഞു.