മലയാളത്തിന് അഭിമാനമായി ബാസിൽ

യു.എ.ഇ ടീം ട്വന്‍റി-20 ലോകകപ്പ് യോഗ്യത നേടുമ്പോൾ കേരളത്തിന് അഭിമാനമായി ബാസിൽ ഹമീദും ടീമിലുണ്ടായിരുന്നു. യു.എ.ഇ കളിച്ച അഞ്ച് മത്സരങ്ങളിലും ബാസിലും കളത്തിലിറങ്ങി.

അഞ്ച് മത്സരത്തിലായി മൂന്ന് വിക്കറ്റും നേടി. മധ്യനിര ബാറ്റ്സ്മാനും ഓഫ് ബ്രേക്ക് ബൗളറുമാണ് ഈ കോഴിക്കാട്ടുകാരൻ. ഇതിലെല്ലാമുപരി ഫീൽഡിലെ പറക്കും താരം കൂടിയാണ്.

ആസ്ട്രേലിയയിൽ ലോകകപ്പ് നടക്കുമ്പോൾ ബാസിലിനൊപ്പം മലയാളി താരങ്ങളായ റിസ്വാൻ റഊഫും അലിഷാൻ ഷറഫുവും ടീമിൽ ഇടംപിടിക്കുമെന്നാണ് പ്രതീക്ഷ.