ബാ​ല​ഗ​ണേ​ശ​ൻ ഓ​ട്ട​ത്തി​ലാ​ണ്; വ​ലി​യ ല​ക്ഷ്യ​ത്തി​നാ​യി

എ​ട​പ്പാ​ൾ: നി​ർ​മാ​ണ തൊ​ഴി​ലി​ലെ ഇ​ട​വേ​ള​ക​ളി​ൽ മ​റു​നാ​ടു​ക​ളി​ലേ​ക്ക് ചെ​സ് മ​ത്സ​ര​ങ്ങ​ൾ​ക്കാ​യു​ള്ള ഓ​ട്ട​ത്തി​ലാ​ണ് എ​ട​പ്പാ​ൾ സ്വ​ദേ​ശി​യാ​യ ബാ​ല​ഗ​ണേ​ശ​ൻ. ഗ്രാ​ൻ​ഡ് മാ​സ്റ്റ​റാ​വു​ക​യെ​ന്ന​താ​ണ് ബാ​ല​ഗ​ണേ​ശ​ന്റെ ഏ​റ്റ​വും വ​ലി​യ ല​ക്ഷ്യം. എ​ട​പ്പാ​ളി​ലെ വാ​ട​ക​മു​റി​യി​ലാ​ണ് ജീ​വി​തം. ചെ​സ് ബോ​ർ​ഡി​ലെ രാ​ജാ​വി​നും മ​ന്ത്രി​ക്കും പ​ട​യാ​ളി​ക​ൾ​ക്കു​മൊ​പ്പ​മു​ള്ള ജീ​വി​തം ബോ​റ​ടി​പ്പി​ക്കു​ന്നി​ല്ലെ​ന്ന് ബാ​ല​ഗ​ണേ​ശ​ൻ പ​റ​യു​ന്നു. ചെ​റു​പ്പം മു​ത​ൽ​ത​ന്നെ ബാ​ല​ഗ​ണേ​ശ​ന് ചെ​സി​നോ​ട് അ​ട​ങ്ങാ​ത്ത ആ​ഗ്ര​ഹ​മാ​യി​രു​ന്നു.

പ്ല​സ് ടു​വി​ന് ശേ​ഷം പ​ഠ​നം അ​വ​സാ​നി​ച്ചു. പി​ന്നി​ട് നി​ർ​മാ​ണ തൊ​ഴി​ൽ ചെ​യ്താ​ണ് ജീ​വി​ച്ച​ത്. ചെ​സി​നോ​ടു​ള്ള ഇ​ഷ്ട​ത്തെ പി​ന്തു​ണ​ക്കാ​ൻ ആ​രു​മി​ല്ലാ​ത്ത​തി​നാ​ൽ സ്വ​യം വ​ഴി​തെ​ളി​ച്ച് നീ​ങ്ങി. കൂ​ലി​പ്പ​ണി ചെ​യ്ത് ല​ഭി​ക്കു​ന്ന പ​ണം ഉ​പ​യോ​ഗി​ച്ച് ദേ​ശീ​യ, അ​ന്ത​ർ​ദേ​ശീ​യ മ​ത്സ​ര​ങ്ങ​ളി​ൽ പ​ങ്കെ​ടു​ത്തു. പ​ണി ചെ​യ്ത് കി​ട്ടു​ന്ന പ​ണം ഈ ​ഓ​ട്ട​ത്തി​ന് തി​ക​യാ​ത്ത അ​വ​സ്ഥ​യാ​ണെ​ന്ന് ബാ​ല​ഗ​ണേ​ശ​ൻ പ​റ​യു​ന്നു.

മ​റ്റ് സം​സ്ഥാ​ന​ങ്ങ​ളി​ൽ ന​ട​ക്കു​ന്ന മ​ത്സ​ര​ങ്ങ​ളി​ൽ പ​ങ്കെ​ടു​ക്കാ​ൻ ചു​രു​ങ്ങി​യ​ത് 25,000 രൂ​പ വേ​ണം. ചി​ല മ​ത്സ​ര​ങ്ങ​ളി​ൽ അ​തി​ൽ കൂ​ടു​ത​ലും വേ​ണം. ഒ​രു സ്പോ​ൺ​സ​ർ ഉ​ണ്ടെ​ങ്കി​ൽ സ​ഹാ​യ​ക​മാ​യേ​നെ​യെ​ന്ന് ബാ​ല​ഗ​ണേ​ശ​ൻ പ​റ​യു​ന്നു. നി​ര​വ​ധി സം​സ്ഥാ​ന​ങ്ങ​ളി​ൽ ന​ട​ന്ന മ​ത്സ​ര​ങ്ങ​ളി​ൽ ബാ​ല​ഗ​ണേ​ശ​ൻ പ​ങ്കെ​ടു​ത്ത് വി​ജ​യി​യാ​യി​ട്ടു​ണ്ട്. ചെ​സ് ഓ​ൺ​ലൈ​ൻ ആ​യും അ​ല്ലാ​തെ​യും പ​ഠി​പ്പി​ക്കു​ന്നു​മു​ണ്ട്.