ഇഷ്ടമാണ് ഖത്തർ; ആവേശമാണ് ‘ഖത്തർ റൺ’

അ​തി​മ​നോ​ഹ​ര​മാ​യി​രു​ന്നു ഖ​ത്ത​ർ. അ​വി​സ്മ​ര​ണീ​യ മു​ഹൂ​ർ​ത്ത​ങ്ങ​ളാ​ണ് ആ ​നാ​ട് എ​ന്റെ ജീ​വി​ത​ത്തി​ൽ പ​ക​ർ​ന്നു ന​ൽ​കി​യ​ത്. ഫു​ട്ബാ​ളി​ന്റെ വി​ശ്വ​പോ​രാ​ട്ട​ങ്ങ​ൾ​ക്ക് ഖ​ത്ത​റി​ലെ​ത്തി സാ​ക്ഷി​യാ​കാ​ൻ ക​ഴി​ഞ്ഞ​ത് ജീ​വി​ത​ത്തി​ൽ എ​ക്കാ​ല​വും കൂ​ടെ​ക്കൊ​ണ്ടു ന​ട​ക്കാ​ൻ ക​ഴി​യു​ന്ന ഓ​ർ​മ​ക​ളാ​ണ് സ​മ്മാ​നി​ച്ച​ത്. 2018ൽ ​റ​ഷ്യ​യി​ലെ ലോ​ക​ക​പ്പ് മ​ത്സ​ര​ങ്ങ​ൾ​ക്കും ഞാ​ൻ ദൃ​ക്സാ​ക്ഷി​യാ​യി​രു​ന്നു. പ​ക്ഷേ, ഖ​ത്ത​ർ അ​തി​നേ​ക്കാ​ളൊ​ക്കെ എ​ത്ര​യോ മു​ക​ളി​ലാ​യി​രു​ന്നു. ലോ​ക​ക​പ്പ് ച​രി​ത്ര​ത്തി​ൽ ഏ​റ്റ​വും മി​ക​ച്ച രീ​തി​യി​ൽ ന​ട​ത്തി​യ​തും ഏ​റ്റ​വും ആ​വേ​ശ​ക​ര​മാ​യ മ​ത്സ​ര​ങ്ങ​ൾ അ​ര​ങ്ങേ​റി​യ​തും ഖ​ത്ത​ർ ലോ​ക​ക​പ്പി​ലാ​ണെ​ന്ന് നി​സ്സം​​ശ​യം പ​റ​യാ​നാ​കും. എ​ന്തൊ​രു കൈ​യ​ട​ക്ക​ത്തി​ലാ​ണ് ഖ​ത്ത​ർ ആ ​വി​ശ്വ​മേ​ള ന​ട​ത്തി​യ​ത്! എ​ല്ലാം കൃ​ത്യ​മാ​യി ആ​സൂ​ത്ര​ണം ചെ​യ്ത് ഒ​രു പി​ഴ​വു​ക​ളു​മി​ല്ലാ​തെ ഒ​രു ലോ​ക​ക​പ്പ് ഈ ​രീ​തി​യി​ൽ സം​ഘ​ടി​പ്പി​ക്കു​ന്ന​തി​ന് നൂ​റി​ൽ നൂ​റ് മാ​ർ​ക്ക് ത​ന്നെ ന​ൽ​ക​ണം.

കു​റ​ഞ്ഞ ദൈ​ർ​ഘ്യ​മു​ള്ള സ്ഥ​ല​ത്ത് ഒ​രു ദി​വ​സം നാ​ലു മ​ത്സ​ര​ങ്ങ​ൾ വ​രെ ന​ട​ത്തി​യി​ട്ടും ഒ​രു ഗ​താ​ഗ​ത​ക്കു​രു​ക്ക് പോ​ലു​മി​ല്ലാ​തെ അ​വ​ര​തെ​ല്ലാം എ​ങ്ങ​നെ മാ​നേ​ജ് ​ചെ​യ്തു​വെ​ന്ന​ത് ഇ​ന്നും എ​നി​ക്ക് അ​തി​ശ​യ​മാ​ണ്. ഏ​റ്റ​വു​മൊ​ടു​വി​ൽ, ച​രി​ത്രം ക​ണ്ട ഏ​റ്റ​വും വാ​ശി​യേ​റി​യ ക​ലാ​ശ​ക്ക​ളി​യി​ൽ ആ ​സ്വ​ർ​ണ​ക്ക​പ്പി​ൽ ല​യ​ണ​ൽ മെ​സ്സി മു​ത്ത​മി​ട്ട​ത് ക​ളി​യു​ടെ കാ​വ്യ​നീ​തി​യാ​യി​രു​ന്നു. എ​ല്ലാം കാ​ൽ​ക്കീ​ഴി​ലൊ​തു​ക്കി​യി​ട്ടും ലോ​ക​ക​പ്പ് മാ​ത്രം മെ​സ്സി​യി​ൽ​നി​ന്ന​ക​ന്നു​പോ​യാ​ൽ ആ ​ക​രി​യ​റി​ന്റെ തി​ള​ക്ക​ത്തി​ന് അ​തൊ​രു കു​റ​ച്ചി​ലാ​വു​മെ​ന്ന ക​ണ​ക്കു​കൂ​ട്ട​ലു​ക​ളെ​യൊ​ക്കെ ഖ​ത്ത​റി​ൽ ഇ​തി​ഹാ​സ താ​രം കാ​റ്റി​ൽ​പ​റ​ത്തി. ഖ​ത്ത​റി​ലു​ണ്ടാ​യി​രു​ന്ന ആ ​നാ​ളു​ക​ൾ ഇ​പ്പോ​ഴും ഞാ​ൻ ദി​വ​സ​വു​മെ​ന്നോ​ണം അ​യ​വി​റ​ക്കി​ക്കൊ​ണ്ടി​രി​ക്കു​ക​യാ​ണ്.

ഖ​ത്ത​ർ ലോ​ക​കാ​യി​ക ഭൂ​പ​ട​ത്തി​ൽ വ​ള​രെ തി​ള​ക്ക​ത്തോ​ടെ അ​ട​യാ​ള​പ്പെ​ടു​ത്തു​ന്ന നാ​ളു​ക​ളാ​ണി​ത്. വ​രും​കാ​ല​ങ്ങ​ളി​ൽ അ​ത് കൂ​ടു​ത​ൽ ഉ​ജ്ജ്വ​ല​മാ​കു​​മെ​ന്നു​റ​പ്പ്. ലോ​ക​കാ​യി​ക ഭൂ​പ​ട​ത്തി​ൽ ആ​ഗോ​ള മേ​ള​ക​ളു​ടെ ഹ​ബ്ബാ​യി ഖ​ത്ത​ർ പേ​രെ​ടു​ക്കു​ക​യാ​ണ്. ആ ​കു​തി​പ്പി​ൽ, ഖ​ത്ത​റി​ൽ ചേ​ക്കേ​റി​യ ആ​യി​ര​ക്ക​ണ​ക്കി​ന് മ​ല​യാ​ളി​ക​ൾ ആ​വേ​ശ​പൂ​ർ​വം അ​ട​യാ​ള​പ്പെ​ടു​ത്തു​ന്ന ഒ​ന്നു​ണ്ട്. അ​ത് ഗ​ൾ​ഫ് മാ​ധ്യ​മം മൂ​ന്നു പ​തി​പ്പാ​യി വി​ജ​യ​ക​ര​മാ​യി സം​ഘ​ടി​പ്പി​ക്കു​ന്ന ‘ഖ​ത്ത​ർ റ​ൺ’ ആ​ണ്. ഖ​ത്ത​റി​ന്റെ മ​ഹ​ത്താ​യ കാ​യി​ക പാ​ര​മ്പ​ര്യ​ത്തി​നും അ​തി​ന്റെ സം​ഘാ​ട​ന മി​ക​വി​നു​മു​ള്ള സ​മീ​പ​കാ​ല വി​ജ​യ​ങ്ങ​ളു​ടെ ഏ​റ്റ​വും വ​ലി​യ സാ​ക്ഷ്യ​മാ​യാ​ണ് ലോ​ക​ക​പ്പി​ലെ എ​ന്റെ അ​നു​ഭ​വ​ങ്ങ​ളെ​ക്കു​റി​ച്ച് ഞാ​ൻ പ​റ​ഞ്ഞ​ത്. ഈ ​സം​ഘാ​ട​ന മി​ക​വി​ലും വി​ജ​യ​ക​ര​മാ​യ പ​ങ്കാ​ളി​ത്ത​ത്തി​ലു​മു​ള്ള മ​ല​യാ​ളി​യു​ടെ പ​ങ്കു​ചേ​ര​ൽ കൂ​ടി​യാ​ണ് ഖ​ത്ത​ർ റ​ൺ എ​ന്നാ​ണ് അ​തി​ന്റെ അ​ഭൂ​ത​പൂ​ർ​വ​മാ​യ സ്വീ​കാ​ര്യ​ത എ​​​ന്നെ ബോ​ധ്യ​പ്പെ​ടു​ത്തു​ന്ന​ത്.

അ​പ്പോ​ൾ, പ​റ​ഞ്ഞു​വ​രു​ന്ന​ത് ഇ​താ​ണ്. വി​ദേ​ശി​ക​ളും സ്വ​ദേ​ശി​ക​ളും ഉ​ൾ​പ്പെ​ടെ ഖ​ത്ത​റി​ലെ റ​ണ്ണ​ർ​മാ​ർ ആ​വേ​ശ​പൂ​ർ​വം കാ​ത്തി​രി​ക്കു​ന്ന അ​ൽ​സ​മാ​ൻ എ​ക്സ്ചേ​ഞ്ച് റി​യാ​മ​ണി ‘ഖ​ത്ത​ർ റ​ൺ’ നാ​ലാം പ​തി​പ്പ് ഫെ​ബ്രു​വ​രി 24ന് ​അ​ര​ങ്ങേ​റു​ക​യാ​ണ്. ഒ​രു​പാ​ട് പ്ര​വാ​സി സു​ഹൃ​ത്തു​ക്ക​ളു​ള്ള​യാ​ളെ​ന്ന നി​ല​യി​ൽ, എ​ന്റെ എ​ല്ലാ കൂ​ട്ടു​കാ​​​രോ​ടും പ്ര​വാ​സ​ത്തി​നി​ട​യി​ലെ ക​ടു​ത്ത തി​ര​ക്കു​ക​ൾ​ക്കി​ട​യി​ലും ആ​രോ​ഗ്യ​പ​രി​പാ​ല​ന​ത്തി​ന്റെ ആ​വ​ശ്യ​ക​ത എ​പ്പോ​ഴും ഞാ​ൻ ഉ​ണ​ർ​ത്താ​റു​ണ്ട്. സ​മ​യം കി​ട്ടു​മ്പോ​ൾ ഓ​ടു​ക​യോ ന​ട​ക്കു​ക​യോ ചെ​യ്യു​ന്ന​ത് ശാ​രീ​രി​ക വി​ഷ​മ​ത​ക​ളെ മ​റി​ക​ട​ക്കാ​ൻ മാ​ത്ര​മ​ല്ല, മാ​ന​സി​ക​മാ​യി ക​രു​ത്താ​ർ​ജി​ക്കാ​നും ന​മ്മ​​ളെ സ​ഹാ​യി​ക്കും. ‘ഖ​ത്ത​ർ റ​ണ്ണും’ മു​ന്നോ​ട്ടു​വെ​ക്കു​ന്ന​ത് ഈ ​ല​ക്ഷ്യ​മാ​ണ്. ആ​രോ​ഗ്യ​ക​ര​മാ​യ ജീ​വി​ത​ശൈ​ലി​യി​ലേ​ക്ക് ആ​ളു​ക​ളെ വ​ഴി​ന​ട​ത്തി​ക്കു​ക​യെ​ന്ന ആ ​ല​ക്ഷ്യം പ്ര​വാ​സ സ​മൂ​ഹ​ത്തോ​ടു​ള്ള ഗ​ൾ​ഫ് മാ​ധ്യ​മ​ത്തി​ന്റെ പ്ര​തി​ബ​ദ്ധ​ത കൂ​ടി​യാ​ണെ​ന്ന് ഞാ​ൻ ക​രു​തു​ന്നു.

ഇ​ക്കു​റി 60ലേ​റെ രാ​ജ്യ​ങ്ങ​ളി​ൽ​നി​ന്നാ​യി 700ലേ​റെ താ​ര​ങ്ങ​ളാ​ണ് ഖ​ത്ത​ർ റ​ണ്ണി​ൽ ഓ​ടാ​നി​റ​ങ്ങു​ന്ന​ത്. നേ​ര​ത്തേ, പ​റ​ഞ്ഞ​തു​പോ​ലെ ഖ​ത്ത​റി​ന്റെ കാ​യി​ക സം​ഘാ​ട​ന​ത്തി​ൽ മ​ല​യാ​ളി​ക​ളു​ടെ അ​ഭി​മാ​ന​വേ​ദി കൂ​ടി​യാ​ണി​ത്. അ​തു​കൊ​ണ്ട് ഈ ​ഉ​ദ്യ​മ​ത്തി​ൽ എ​ല്ലാ മ​ല​യാ​ളി​ക​ളും പ​ങ്കാ​ളി​ക​ളാ​ക​ണം. വ്യ​ക്തി​പ​ര​മാ​യ തി​ര​ക്കു​ക​ളി​ല്ലെ​ങ്കി​ൽ ഞാ​നു​മു​ണ്ടാ​കും. ലോ​ക​ക​പ്പി​ന്റെ അ​വി​സ്മ​ര​ണീ​യ വേ​ദി​യി​ൽ വീ​ണ്ടു​മെ​ത്താ​ൻ എ​നി​ക്ക് അ​ത്ര​യേ​റെ ആ​ഗ്ര​ഹ​മു​ണ്ട്.