മാലിന്യസംസ്കരണത്തിൽ മാതൃകയായി യുവാവ്

വൈ​ക്കം: മാ​ലി​ന്യ​സം​സ്ക​ര​ണം വീ​ട്ടു​കാ​ർ​ക്കും ഭ​ര​ണ​കൂ​ട​ത്തി​നും പ്ര​തി​സ​ന്ധി​യാ​യി മാ​റു​മ്പോ​ൾ ല​ളി​ത​വും കാ​ര്യ​ക്ഷ​മ​വു​മാ​യ രീ​തി​യി​ൽ മാ​തൃ​ക കാ​ട്ടു​ക​യാ​ണ് വൈ​ക്കം കൂ​ട്ടു​മ്മേ​ൽ സ്വ​ദേ​ശി അ​ശോ​ക് കു​മാ​ർ. കു​ല​ശേ​ഖ​ര​മം​ഗ​ലം മ​ണ്ഡ​വ​പ്പ​ള്ളി വീ​ടി​ന​ടു​ത്ത്​ നി​ർ​മി​ച്ച തു​മ്പൂ​ർ​മു​ഴി മോ​ഡ​ൽ എ​യ​റോ​ബി​ക് ക​മ്പോ​സ്റ്റി​ങ്​ സം​വി​ധാ​ന​ത്തി​ലാ​ണ് ക​ഴി​ഞ്ഞ നാ​ലു​വ​ർ​ഷ​ത്തോ​ള​മാ​യി വീ​ട്ടി​ലെ​യും പു​ര​യി​ട​ത്തി​ലെ​യും ജൈ​വ മാ​ലി​ന്യ​ങ്ങ​ളെ​ല്ലാം സം​സ്ക​രി​ക്കു​ന്ന​ത്.

1.2 മീ​റ്റ​ർ വീ​തം നീ​ള​വും വീ​തി​യും ഉ​യ​ര​വും ക​ണ​ക്കാ​ക്കി വാ​യു​സ​ഞ്ചാ​രം ഉ​റ​പ്പാ​ക്കു​ന്ന ത​ര​ത്തി​ൽ പാ​ളി​ക​ളോ​ടെ നി​ർ​മി​ച്ച സ​മ​ച​തു​രാ​കൃ​തി​യി​ലു​ള്ള കാ​ബി​നു​ക​ളാ​ണ് തു​മ്പൂ​ർ​മു​ഴി മോ​ഡ​ലി​ന്‍റെ പ്ര​ധാ​ന ഭാ​ഗം. മ​ഴ കൊ​ള്ളാ​തി​രി​ക്കാ​ൻ മേ​ൽ​ക്കൂ​ര ആ​വ​ശ്യ​മാ​ണ്. ദി​വ​സേ​ന 10 മു​ത​ൽ 15 വ​രെ കി​ലോ​ഗ്രാം മാ​ലി​ന്യം സം​സ്ക​രി​ക്കേ​ണ്ടി​വ​രു​ന്ന സ്ഥാ​പ​ന​ങ്ങ​ൾ​ക്ക് ഇ​ത്ത​രം ര​ണ്ടോ മൂ​ന്നോ കാ​ബി​നു​ക​ൾ മ​തി. ച​പ്പു​ച​വ​റു​ക​ളും ആ​ഹാ​ര അ​വ​ശി​ഷ്ട​ങ്ങ​ളും സം​സ്ക​രി​ക്കാം.

സം​സ്ക​ര​ണം ത്വ​രി​ത​പ്പെ​ടു​ത്താ​ൻ ബാ​ക്ടീ​രി​യ അ​ട​ങ്ങി​യ ഇ​നോ​ക്കു​ല​മോ ഇ.​എം സൊ​ലൂ​ഷ​നോ ചാ​ണ​ക​പ്പൊ​ടി​യോ ഉ​പ​യോ​ഗി​ക്ക​ണം. കാ​ബി​ന്‍റെ അ​ടി​ത്ത​ട്ടി​ൽ ഇ​നോ​ക്കു​ലം വി​ത​റി​യ ശേ​ഷ​മാ​ണ് മാ​ലി​ന്യം നി​ക്ഷേ​പി​ച്ചു​തു​ട​ങ്ങേ​ണ്ട​ത്. ഓ​രോ​ത​വ​ണ മാ​ലി​ന്യം ഇ​ടു​മ്പോ​ഴും പു​റ​മേ ഇ​നോ​ക്കു​ലം വി​ത​റ​ണം. സം​സ്ക​ര​ണ സ​മ​യ​ത്ത് ദു​ർ​ഗ​ന്ധം ഉ​ണ്ടാ​കു​ന്നി​ല്ലെ​ന്ന​താ​ണ് ഇ​തി​ന്‍റെ മേ​ന്മ. മാ​ലി​ന്യം ചീ​യു​മ്പോ​ഴു​ണ്ടാ​കു​ന്ന ലീ​ച്ചേ​റ്റ് (ലാ​യ​നി) എ​ടു​ക്കാ​നു​ള്ള സൗ​ക​ര്യ​വും ഇ​തി​നു​ണ്ട്.

പ​ത്തി​ര​ട്ടി വ​രെ വെ​ള്ളം​ചേ​ർ​ത്ത് നേ​ർ​പ്പി​ച്ചാ​ണ് ലീ​ച്ചേ​റ്റ് ചെ​ടി​ക​ൾ​ക്ക് വ​ള​മാ​യി ഉ​പ​യോ​ഗി​ക്കേ​ണ്ട​ത്. ഒ​രു കാ​ബി​ൻ നി​റ​ഞ്ഞു​ക​ഴി​ഞ്ഞാ​ൽ അ​ടു​ത്ത കാ​ബി​ൻ നി​റ​ച്ചു​തു​ട​ങ്ങാം. നി​റ​ഞ്ഞ കാ​ബി​നി​ലെ മാ​ലി​ന്യം ഏ​ക​ദേ​ശം 45 ദി​വ​സ​ങ്ങ​ൾ​ക്കു​ള്ളി​ൽ വ​ള​മാ​യി മാ​റും. ഇ​ത് ചെ​ടി​ക​ൾ​ക്ക് ഉ​പ​യോ​ഗി​ക്കാം. മാ​ർ​ക്ക​റ്റു​ക​ൾ, കാ​ർ​ഷി​ക ഫാ​മു​ക​ൾ, ഫ്ലാ​റ്റു​ക​ൾ തു​ട​ങ്ങി​യ​വി​ട​ങ്ങ​ളി​ൽ ഈ ​രീ​തി പ്ര​യോ​ജ​ന​ക​ര​മാ​ണ്.

കാ​ർ​ഷി​ക​മേ​ഖ​ല​യോ​ടും പ്ര​കൃ​തി​സൗ​ഹൃ​ദ രീ​തി​ക​ളോ​ടു​മു​ള്ള താ​ൽ​പ​ര്യ​മാ​ണ് ഈ ​പ​രീ​ക്ഷ​ണ​ത്തി​ന് ത​ന്നെ പ്രേ​രി​പ്പി​ച്ച​തെ​ന്ന് അ​ശോ​ക് കു​മാ​ർ പ​റ​യു​ന്നു. വാ​യ​ന​യി​ലൂ​ടെ​യും യു​ട്യൂ​ബി​ലൂ​ടെ​യും ല​ഭി​ച്ച അ​റി​വു​ക​ൾ പ്ര​ചോ​ദ​ന​മാ​യി. ശു​ചി​ത്വ മി​ഷ​ൻ അം​ഗീ​കൃ​ത സ​ർ​വി​സ് പ്രൊ​വൈ​ഡ​റാ​യ സ​ഹൃ​ദ​യ ടെ​ക് മാ​നേ​ജ​ർ ജീ​സ് പി.​പോ​ൾ ആ​വ​ശ്യ​മാ​യ സാ​ങ്കേ​തി​ക ഉ​പ​ദേ​ശ​ങ്ങ​ൾ ന​ൽ​കി.

ഒ​ന്നേ​കാ​ൽ ഏ​ക്ക​റോ​ളം വ​രു​ന്ന പു​ര​യി​ട​ത്തി​ലെ ച​പ്പു​ച​വ​റു​ക​ൾ ഉ​ൾ​പ്പെ​ടെ​യു​ള്ള മാ​ലി​ന്യം ഈ ​രീ​തി​യി​ലാ​ണ് സം​സ്ക​രി​ക്കു​ന്ന​ത്. മ​ത്സ്യ​കൃ​ഷി​യും ഇ​വി​ടെ​യു​ണ്ട്. വീ​ട്ടി​ലെ കാ​ർ​ഷി​ക ആ​വ​ശ്യ​ങ്ങ​ൾ​ക്കാ​യി രാ​സ​വ​ള​ങ്ങ​ൾ ഉ​പ​യോ​ഗി​ക്കേ​ണ്ടി​വ​രു​ന്നി​ല്ല. വീ​ട്ടി​ലെ​ത്തു​ന്ന കൃ​ഷി​വ​കു​പ്പ് ഉ​ദ്യോ​ഗ​സ്ഥ​രെ​ല്ലാം മി​ക​ച്ച പ്രോ​ത്സാ​ഹ​ന​മാ​ണ് ന​ൽ​കു​ന്ന​തെ​ന്നും ഇ​ദ്ദേ​ഹം പ​റ​യു​ന്നു.