40 വർഷങ്ങൾക്കു ശേഷം കുടുംബത്തിലേക്ക്

നാ​ദാ​പു​രം: ഇ​രു​പ​താം വ​യ​സ്സി​ൽ നാ​ടു​വി​ട്ട മൊ​യ്തു നാ​ൽ​പ​ത് വ​ർ​ഷ​ത്തി​ന് ശേ​ഷം വീ​ട്ടി​ലേ​ക്ക്. തൂ​ണേ​രി ക​ണ്ണം​കൈ​യി​ലെ തെ​യ്യ​മ്പാ​ടി മൊ​യ്തു​വാ​ണ് ഡ​ൽ​ഹി​യി​ൽ പ്ര​വ​ർ​ത്തി​ക്കു​ന്ന ത്വ​യ്ബ​യു​ടെ ത​ണ​ലി​ൽ കു​ടും​ബ​ത്തെ ക​ണ്ടെ​ത്തി​യ​ത്. നാ​ൽ​പ​ത് വ​ര്‍ഷം മു​മ്പ് ഇ​രു​പ​താം വ​യ​സ്സി​ല്‍ മാ​താ​വ് മ​ര​ണ​പ്പെ​ട്ട സ​ങ്ക​ട​ത്തി​ല്‍ നാ​ടു​വി​ട്ട​താ​ണി​യാ​ൾ. കൊ​ല്‍ക്ക​ത്ത, മും​ബൈ, ഡ​ല്‍ഹി തെ​രു​വു​ക​ളി​ല്‍ അ​ന്തി​യു​റ​ങ്ങി വി​വി​ധ ജോ​ലി​ക​ള്‍ ചെ​യ്തു ജീ​വി​ച്ചു. ഡ​ൽ​ഹി തെ​രു​വി​ൽ ത്വ​യ്ബ ന​ട​ത്തു​ന്ന ഭ​ക്ഷ​ണ​വി​ത​ര​ണ​ത്തി​നി​ടെ ഒ​രു ദി​വ​സം മ​ല​യാ​ളം സം​സാ​രി​ക്കു​ന്ന​ത് ശ്ര​ദ്ധ​യി​ല്‍പെ​ട്ട ത്വ​യ്ബ ഹെ​റി​റ്റേ​ജ് പ്ര​വ​ര്‍ത്ത​ക​നാ​യ ഈ​സ റ​ബ്ബാ​നി​യാ​ണ് മ​ട​ക്ക​ത്തി​നു​ള്ള കാ​ര്യ​ങ്ങ​ൾ ചെ​യ്ത​ത്.

മൊ​യ്തു​വി​ൽ​നി​ന്ന് വി​ശ​ദാം​ശ​ങ്ങ​ൾ ചോ​ദി​ച്ച​റി​യു​ക​യും തു​ട​ര്‍ന്ന് ന​ട​ത്തി​യ അ​ന്വേ​ഷ​ണ​ത്തി​ൽ ബ​ന്ധു​ക്ക​ളെ ക​ണ്ടെ​ത്തു​ക​യു​മാ​യി​രു​ന്നു. ഡ​ല്‍ഹി ത്വ​യ്ബ ഹെ​റി​റ്റേ​ജ് പ്ര​വ​ർ​ത്ത​ക​ർ ക​ണ്ണം​കൈ മ​ഹ​ല്ല് ക​മ്മി​റ്റി​യു​മാ​യി ബ​ന്ധ​പ്പെ​ടു​ക​യും ബ​ന്ധു​ക്ക​ളു​മാ​യി വി​ഡി​യോ കാ​ളി​ൽ സം​സാ​രി​ക്കു​ക​യും ചെ​യ്തു. നാ​ൽ​പ​ത് വ​ർ​ഷം‍ മു​മ്പ് കാ​ണാ​താ​യ അ​നി​യ​നാ​ണെ​ന്ന് ജ്യേ​ഷ്ഠ സ​ഹോ​ദ​ര​ൻ കു​ഞ്ഞാ​ലി സ്ഥി​രീ​ക​രി​ക്കു​ക​യും ചെ​യ്തു. ​

തു​ട​ർ​ന്ന് കു​ഞ്ഞാ​ലി, സ​ഹോ​ദ​ര പു​ത്ര​ൻ റ​ഷീ​ദ്, തെ​യ്യ​മ്പാ​ടി അ​ലി എ​ന്നി​വ​ർ ഡ​ൽ​ഹി​യി​ലെ​ത്തി മൊ​യ്തു​വി​നെ സ്വീ​ക​രി​ച്ചു. അ​ടു​ത്ത ദി​വ​സം വീ​ട്ടി​ലേ​ക്ക് തി​രി​ക്കും.