അഭിമുഖത്തിനിടെ തീയണക്കാന്‍ ഓടിയെത്തി 21കാരന്‍

അ​ഞ്ചാ​ലും​മൂ​ട്: പ​ഴ​യ അ​ഞ്ചാ​ലും​മൂ​ട് ബ്ലോ​ക്ക് ഓ​ഫി​സ് കെ​ട്ടി​ട​ത്തി​ലെ പ്ലാ​സ്റ്റി​ക് മാ​ലി​ന്യം വേ​ര്‍തി​രി​ക്ക​ല്‍ കേ​ന്ദ്ര​ത്തി​ലു​ണ്ടാ​യ തീ​പി​ടി​ത്ത​ത്തി​ല്‍ തീ​യ​ണ​ക്കാ​ൻ മു​ൻ​നി​ര​യി​ൽ​നി​ന്ന​തി​ൽ ജോ​ലി​ക്ക് അ​ഭി​മു​ഖ​ത്തി​നാ​യെ​ത്തി​യ ഇ​രു​പ​ത്തി​യൊ​ന്നു​കാ​ര​നും. ക​ട​വൂ​ര്‍ അ​യ​നി​മൂ​ട്ടി​ല്‍ ജെ.​ജെ ഭ​വ​നി​ല്‍ ജോ​യ​ല്‍ചാ​ക്കോ (21)യാ​ണ് അ​ഗ്നി​ര​ക്ഷാ​സേ​ന​യു​ടെ​യും നാ​ട്ടു​കാ​രു​ടെ​യും കൗ​ണ്‍സി​ല​ര്‍മാ​രു​ടെ​യും പ്ര​ശം​സ​ക്ക് അ​ര്‍ഹ​നാ​യ​ത്.

നെ​ബോ​ഷ് കോ​ഴ്‌​സും ഫ​യ​ര്‍ ആ​ൻ​ഡ് സേ​ഫ്റ്റി ഡി​പ്ലോ​മ കോ​ഴ്‌​സും പ​ഠി​ച്ചി​റ​ങ്ങി​യ ജോ​യ​ല്‍ സ​മീ​പ​ത്തെ മാ​ളി​ല്‍ ജോ​ലി​ക്കാ​യു​ള്ള അ​ഭി​മു​ഖ​ത്തി​ല്‍ പ​ങ്കെ​ടു​ക്കാ​നാ​ണ് അ​ഞ്ചാ​ലും​മൂ​ട്ടി​ലെ​ത്തി​യ​ത്. അ​ഭി​മു​ഖ​ത്തി​ന് സ​മ​യ​മു​ള്ള​തി​നാ​ല്‍ പു​റ​ത്തേ​ക്കി​റ​ങ്ങി​യ​പ്പോ​ഴാ​ണ് അ​ന്ത​രീ​ക്ഷ​ത്തി​ല്‍ ക​റു​ത്ത പു​ക​യു​യ​രു​ന്ന​തും അ​ഗ്നി​ര​ക്ഷാ​സേ​ന​യൂ​നി​റ്റു​ക​ളെ​ത്തു​ന്ന​തും ശ്ര​ദ്ധ​യി​ല്‍പെ​ട്ട​ത്. ഉ​ട​ന്‍ തീ​പി​ടി​ത്ത​സ്ഥ​ല​ത്തേ​ക്ക് ഓ​ടി​യെ​ത്തു​ക​യും ചെ​യ്തു.

മ​റ്റു​ള്ള​വ​ര്‍ തീ​പ​ട​രു​ന്ന​തു​ക​ണ്ട് മാ​റി​നി​ന്ന​പ്പോ​ള്‍ ജോ​യ​ല്‍ അ​ഗ്നി​ര​ക്ഷാ​സേ​ന​യോ​ടൊ​പ്പം തീ​യ​ണ​ക്കാ​ന്‍ ആ​ദ്യ​വ​സാ​നം പ​ങ്കാ​ളി​യാ​യി. ഫ​യ​ര്‍ ആ​ൻ​ഡ്​ സേ​ഫ്റ്റി കോ​ഴ്‌​സി​ല്‍ പ​ഠി​ച്ച കാ​ര്യ​ങ്ങ​ള്‍ മ​ന​സ്സി​ലോ​ര്‍ത്ത് തീ​യ​ണ​ക്കു​ന്ന​തി​ൽ വ്യാ​പൃ​ത​നാ​യി.

ക​ന​ത്ത തീ​യി​ല്‍ നി​ന്നു​ണ്ടാ​കു​ന്ന ചൂ​ടേ​റ്റ് ജ​ന​ല്‍ ചി​ല്ലു​ക​ള്‍ പൊ​ട്ടി​ത്തെ​റി​ക്കാ​തി​രി​ക്കാ​നാ​യി ജ​ന​ലു​ക​ള്‍ അ​ഗ്​​നി​ര​ക്ഷ​ക്കു​വേ​ണ്ടി പൊ​ട്ടി​ച്ചു​ന​ല്‍കി തീ​യ​ണ​ക്കാ​ന്‍ സ​ഹാ​യി​ക്കു​ക​യും ചെ​യ്തു. പ​രി​ശീ​ല​നം ല​ഭി​ച്ച അ​ഗ്നി​ര​ക്ഷാ​സേ​ന ഉ​ദ്യോ​ഗ​സ്ഥ​രെ പോ​ലെ​യാ​യി​രു​ന്നു ജോ​യ​ലി​ന്റെ പ്ര​വ​ര്‍ത്ത​ന​ങ്ങ​ള്‍.

തീ​യ​ണ​ക്കാ​ന്‍ പ്ര​യ​ത്‌​നി​ക്കു​ന്ന​തി​നി​ടെ, കൈ​യി​ല്‍ മു​റി​വേ​ല്‍ക്കു​ക​യും കൈ​യി​ലു​ണ്ടാ​യി​രു​ന്ന വാ​ച്ച് ന​ഷ്ട​പ്പെ​ടു​ക​യും ചെ​യ്തു. ദൗ​ത്യം പൂ​ര്‍ത്തി​യാ​യി മ​ട​ങ്ങാ​ന്‍ നേ​ര​മാ​ണ് അ​ഗ്നി​ര​ക്ഷാ​സേ​ന ഉ​ദ്യോ​ഗ​സ്ഥ​ര്‍ ജോ​യ​ലി​നെ അ​ഭി​ന​ന്ദി​ച്ച​ത്. നാ​ട്ടു​കാ​രും ജോ​യ​ലി​നെ അ​ഭി​ന​ന്ദ​ന​ങ്ങ​ള്‍കൊ​ണ്ട് മൂ​ടി.

ന​ഷ്ട​മാ​യ വാ​ച്ചി​നു പ​ക​രം പു​തി​യ വാ​ച്ച് വാ​ങ്ങി ന​ല്‍കാ​മെ​ന്ന് നാ​ട്ടു​കാ​ര്‍ പ​റ​ഞ്ഞെ​ങ്കി​ലും ജോ​യ​ല്‍ അ​ത് സ്‌​നേ​ഹ​ത്തോ​ടെ നി​ര​സി​ച്ചു. തു​ട​ര്‍ന്ന്, വി​വ​ര​മ​റി​ഞ്ഞ് സ്ഥ​ല​ത്തു​ണ്ടാ​യി​രു​ന്ന ഡി​വി​ഷ​ന്‍ കൗ​ണ്‍സി​ല​ര്‍ സ്വ​ര്‍ണ്ണ​മ്മ ജോ​യ​ലി​നെ അ​ഭി​ന​ന്ദി​ച്ചു. ഇ​ത്ത​ര​ത്തി​ലു​ള്ള ചെ​റു​പ്പ​ക്കാ​രാ​ണ് നാ​ടി​നാ​വ​ശ്യ​മെ​ന്നും കൗ​ണ്‍സി​ല​ര്‍ അ​ഭി​പ്രാ​യ​പ്പെ​ട്ടു.

ശേ​ഷം അ​ഭി​മു​ഖ​ത്തി​നെ​ത്തി​യ ജോ​യ​ലി​നോ​ട് സ​മ​യം വൈ​കി​യ​തി​നാ​ല്‍ ജോ​ലി​ന​ല്‍കാ​നാ​വി​ല്ലെ​ന്ന് തൊ​ഴി​ൽ​ദാ​യ​ക​ർ അ​റി​യി​ച്ച​ത് ഈ ​കൊ​ച്ചു​മി​ടു​ക്ക​നെ ദുഃ​ഖ​ത്തി​ലാ​ക്കി. അ​തേ​സ​മ​യം ചി​ല​ര്‍ പാ​രി​തോ​ഷി​കം ന​ല്‍കാ​ന്‍ വ​ന്നെ​ങ്കി​ലും ജോ​യ​ല്‍ അ​ത് നി​ര​സി​ച്ചു. ത​നി​ക്കി​പ്പോ​ള്‍ വേ​ണ്ട​ത് പാ​രി​തോ​ഷി​ക​മ​ല്ലെ​ന്നും ഒ​രു ജോ​ലി​യാ​ണെ​ന്നും അ​തി​നാ​യാ​ണ് ശ്ര​മി​ക്കു​ന്ന​തെ​ന്നും ഇ​ത്ത​ര​ത്തി​ലു​ള്ള അ​പ​ക​ട​ങ്ങ​ള്‍ എ​വി​ടെ ക​ണ്ടാ​ലും ര​ക്ഷാ​പ്ര​വ​ര്‍ത്ത​ന​ത്തി​നി​റ​ങ്ങാ​റു​ണ്ടെ​ന്നും ജോ​യ​ല്‍ പ​റ​ഞ്ഞു.