ഇ​നി ഭാ​സ്ക​രേ​ട്ട​നും ത​യ്യ​ൽ മെ​ഷീ​നും ര​ണ്ടു​വ​ഴി: തു​ന്നി​ത്തീ​ർ​ത്ത​ത് നാ​ൽ​പ്പ​താ​ണ്ടു​ക​ൾ

ദോ​ഹ: ദോ​ഹ​യി​ൽ​നി​ന്നും ഏ​താ​ണ്ട് ഏ​ഴെ​ട്ട് കി​ലോ​മീ​റ്റ​ർ ദൂ​രെ ബി​ൻ ഉം​റാ​നി​ലെ യൂ​നി​യ​ൻ ലേ​ഡീ​സ് ടെ​യ്‍ല​ർ എ​ന്ന ഒ​റ്റ​മു​റി​ക്ക​ട​യും, അ​വി​ടെ പ​ഴ​ഞ്ച​നൊ​രു ഡ​ബ്ൾ മോ​ട്ടോ​ർ മെ​ഷീ​നി​ൽ പെ​ൺ​കു​പ്പാ​യ​ങ്ങ​ൾ തു​ന്നു​ന്ന തൃ​ശൂ​രു​കാ​ര​ൻ ഭാ​സ്ക​രേ​ട്ട​നും ഖ​ത്ത​റി​ന്റെ നാ​ല് പ​തി​റ്റാ​ണ്ടോ​ളം പ​ഴ​ക്ക​മു​ള്ളൊ​രു കാ​ഴ്ച​യാ​ണ്.​ ദോ​ഹ മു​ത​ൽ റ​യ്യാ​ൻ, അ​ൽ വ​ക്റ തു​ട​ങ്ങി ദു​ഖാ​ൻ ഉ​ൾ​പ്പെ​ടെ വി​ദൂ​ര​ദി​ക്കു​ക​ളി​ൽ​നി​ന്നു​വ​രെ ഖ​ത്ത​രി വ​നി​ത​ക​ൾ കു​പ്പാ​യ​ങ്ങ​ൾ തു​ന്നി​യെ​ടു​ക്കാ​ൻ ഈ ​മ​ല​യാ​ളി തു​ന്ന​ൽ​ക്കാ​ര​നെ തേ​ടി​യെ​ത്തു​ന്ന​ത് പ​തി​വു​തെ​റ്റാ​ത്തൊ​രു ശീ​ല​മാ​ണ്.

ഈ ​കാ​ഴ്ച​ക​ൾ​ക്കെ​ല്ലാം വി​രാ​മം കു​റി​ച്ച് ഖ​ത്ത​റി​നോ​ട് യാ​ത്ര​പ​റ​ഞ്ഞ് വി​മാ​നം ക​യ​റു​ക​യാ​ണ് ഭാ​സ്ക​ര​ൻ. വെ​ള്ളി​യാ​ഴ്ച വൈ​കു​ന്നേ​ര​ത്തെ എ​യ​ർ അ​റേ​ബ്യ​ ക​യ​റി കൊ​ച്ചി​യി​ൽ വി​മാ​ന​മി​റ​ങ്ങു​മ്പോ​ൾ നാ​ലു​പ​തി​റ്റാ​ണ്ട് നീ​ണ്ട പ്ര​വാ​സ​ത്തി​നാ​ണ് പു​ഞ്ചി​​രി​യോ​ടെ 68കാ​ര​ൻ വി​ട​ചൊ​ല്ലു​ന്ന​ത്.

1982 ജൂ​ലൈ 15ന് ​തു​ട​ങ്ങി 41 വ​ർ​ഷം നീ​ണ്ട ഖ​ത്ത​ർ പ്ര​വാ​സം അ​വ​സാ​നി​പ്പി​ച്ച് തൃ​ശൂ​ർ കീ​ഴ്പ്പ​ള്ളി​ക്ക​ര പ​ണി​ക്ക​ൻ​പ​റ​മ്പി​ൽ ഭാ​സ്ക​ര​ൻ നാ​ട്ടി​ലേ​ക്ക് മ​ട​ങ്ങു​ന്ന​തോ​ടെ യൂ​​നി​യ​ൻ ലേ​ഡീ​സ് ടെ​യ്‍ല​ർ എ​ന്ന സ്ഥാ​പ​ന​വും, അ​വി​ടെ നി​റം​മ​ങ്ങി ത​ഴ​മ്പു​ക​യ​റി​യ ബ്ലൂ ​ബേ​ർ​ഡി​ന്റെ ത​യ്യ​ൽ മെ​ഷീ​നും അ​നാ​ഥ​മാ​വു​ന്നു.

കൂ​ട​പ്പി​റ​പ്പെ​ന്ന പോ​ലെ ഭാ​സ്ക​ര​ന്റെ ജീ​വി​ത​ത്തി​ന്റെ ഭാ​ഗ​മാ​യി​രു​ന്നു ജ​പ്പാ​ൻ നി​ർ​മി​ത​മാ​യ ബ്ലൂ ​ബേ​ർ​ഡ് മെ​ഷീ​നും. ‘എ​നി​ക്ക് ല​ഭി​ച്ച സൗ​ഭാ​ഗ്യ​ങ്ങ​ളെ​ല്ലാം അ​വ​നി​ലൂ​ടെ​യാ​യി​രു​ന്നു. ഇ​ക്കാ​ല​ത്തി​നി​ടെ ഒ​രി​ക്ക​ലും അ​വ​ൻ പ​ണി​മു​ട​ക്കി​യി​ട്ടി​ല്ല. 27ാം വ​യ​സ്സി​ൽ ഖ​ത്ത​റി​ലെ​ത്തി ആ​ദ്യ​മാ​യി തൊ​ഴി​ലി​ട​ത്തി​ലെ​ത്തി​യ​തി​നു​പി​ന്നാ​ലെ സൂ​ഖ് വാ​ഖി​ഫി​ലെ ക​ട​യി​ൽ​നി​ന്നും വാ​ങ്ങി​യ​തു​മു​ത​ൽ ഒ​പ്പം കൂ​ടി​യ​താ​ണ് അ​വ​ൻ.

എ​ന്റെ സ്വ​പ്ന​ങ്ങ​ളെ​ല്ലാം അ​​വ​ന്റെ സൂ​ചി​മു​ന​യി​ലൂ​ടെ തു​ണി​ക​ളി​ൽ ക​യ​റി​യി​റ​ങ്ങി പു​തു​പു​ത്ത​ൻ കു​പ്പാ​യ​ങ്ങ​ളാ​യി മാ​റി. ഞാ​നും അ​വ​നും ഒ​ന്നി​ച്ച് ഡി​സൈ​ൻ ചെ​യ്ത വ​സ്ത്ര​ങ്ങ​ൾ ഖ​ത്ത​റി​ന്റെ പ​ല​ഭാ​ഗ​ങ്ങ​ളി​ലെ അ​റ​ബ് സ്​​ത്രീ​ക​ളു​ടെ ഇ​ഷ്ട​ങ്ങ​ളാ​യി... ഇ​പ്പോ​ൾ, നാ​ട്ടി​ലേ​ക്ക് മ​ട​ങ്ങു​മ്പോ​ൾ ഞ​ങ്ങ​ൾ ഇ​രു​വ​രും വേ​ർ​പി​രി​യു​ക​യാ​ണ്. ഇ​നി കു​ടും​ബ​ത്തി​നൊ​പ്പം ക​ഴി​യ​ണം’ -മ​ക്ക​ളെ​യും പ്രി​യ​ത​മ​യെ​യും കൂ​ട​പ്പി​റ​പ്പു​ക​ളെ​യും പോ​ലെ സ്നേ​ഹി​ച്ച പ്രി​യ​പ്പെ​ട്ട ‘ബ്ലൂ ​ബേ​ർ​ഡ്’ മെ​ഷീ​നെ​ക്കു​റി​ച്ച് ഭാ​സ്ക​ര​ന്റെ വി​ശേ​ഷ​ങ്ങ​ൾ പ​റ​ഞ്ഞു​തീ​രു​ന്നി​ല്ല.

19 വ​യ​സ്സി​ലാ​യി​രു​ന്നു ഭാ​സ്ക​ര​ൻ നാ​ട്ടി​ൽ ത​യ്യ​ൽ മേ​ഖ​ല​യി​ലെ​ത്തു​ന്ന​ത്. സു​ഹൃ​ത്ത് കൂ​ടി​യാ​യ സ​ലീ​മി​നൊ​പ്പം സ്വ​ന്ത​മാ​യി ത​യ്യ​ൽ​ക്ക​ട തു​ട​ങ്ങി ചു​രു​ങ്ങി​യ കാ​ല​ത്തി​നു​ള്ളി​ൽ​ത്ത​ന്നെ പ്ര​ശ​സ്തി നേ​ടി. ഇ​തി​നി​ട​യി​​ൽ ഖ​ത്ത​റി​ലേ​ക്ക് ജോ​ലി തേ​ടി​യെ​ത്തി​യ സ​ലീ​മാ​ണ് ഭാ​സ്ക​ര​നെ ഇ​വി​ടെ​യെ​ത്തി​ച്ച് ത​ങ്ങ​ളു​ടെ നാ​ട്ടി​ലെ സം​രം​ഭം ഇ​വി​ടെ പ​റി​ച്ചു​ന​ടാ​ൻ ആ​ലോ​ചി​ച്ച​ത്. അ​ങ്ങ​നെ, 1982ൽ ​ത​ന്റെ 27ാം വ​യ​സ്സി​ൽ ഭാ​സ്ക​ര​നും പ്ര​വാ​സി​യാ​യി. സ്ത്രീ​ക​ളു​ടെ വ​സ്ത്ര​ങ്ങ​ൾ തു​ന്നു​ന്ന​തി​ലാ​യി​രു​ന്നു ഇ​വ​രു​ടെ സ്ഥാ​പ​നം പ്ര​ശ​സ്തി നേ​ടി​യ​ത്. ആ​ദ്യ ആ​റു വ​ർ​ഷം ഒ​രു സ്​​പോ​ൺ​സ​ർ​ക്കു​കീ​ഴി​ൽ പ്ര​വ​ർ​ത്തി​ച്ച ശേ​ഷം, മ​റ്റൊ​രു ഖ​ത്ത​രി സ്​​പോ​ൺ​സ​റു​ടെ കീ​ഴി​ലേ​ക്ക് ത​ങ്ങ​ളു​ടെ സ്ഥാ​പ​നം മാ​റി ‘യൂ​നി​​യ​ൻ ലേ​ഡീ​സ് ടെ​യ്‍ല​ർ’ ആ​യി മാ​റി.

ഇ​തി​നി​ട​യി​ൽ സ​ലീം ദു​ബൈ​യി​ലേ​ക്ക് പോ​യി. പി​ന്നെ പ​ല​രും കൂ​ട്ടാ​യെ​ത്തി​യെ​ങ്കി​ലും ഭാ​സ്ക​ര​നും ത​ന്റെ മെ​ഷീ​നും മാ​ത്രം യൂ​നി​യ​ൻ ടെ​യ്‍ല​റി​ന്റെ പ​ടി​യി​റ​ങ്ങി​യി​ല്ല. നാ​ട്ടി​ലേ​ക്ക് അ​വ​ധി​ക്ക് പോ​കു​മ്പോ​ഴും പെ​രു​ന്നാ​ളി​ന്റെ ഭാ​ഗ​മാ​യി ര​ണ്ടു​ദി​വ​സ​ത്തെ അ​വ​ധി ദി​വ​സ​ങ്ങ​ളി​ലു​മ​ല്ലാ​തെ ഒ​രി​ക്ക​ൽ പോ​ലും ഇ​രു​വ​രും പി​രി​ഞ്ഞി​ട്ടി​ല്ല. നാ​ട്ടി​ക സ്വ​ദേ​ശി​യാ​യ ക​മ​റു​ദ്ദീ​നൊ​പ്പം 28 വ​ർ​ഷ​ത്തോ​ളം ഭാ​സ്ക​ര​ൻ ക​ട ന​ട​ത്തി. പി​ന്നെ, ക​ഴി​ഞ്ഞ ഏ​ഴു​വ​ർ​ഷ​മാ​യി ഭാ​സ്ക​ര​​ൻ ത​ന്നെ കൊ​ണ്ടു​ന​ട​ന്നു. ഇ​പ്പോ​ൾ, നാ​ട്ടി​ലേ​ക്ക് മ​ട​ങ്ങു​മ്പോ​ൾ വാ​ടാ​ന​പ്പ​ള്ളി​ക്കാ​ര​ൻ അ​ബൂ​ബ​ക്ക​റി​ലേ​ക്ക് ത​ന്റെ ബ്ലൂ ​ബേ​ർ​ഡ് മെ​ഷീ​നും ക​ട​യും കൈ​മാ​റി​യാ​ണ് മ​ട​ക്കം.

‘ജീ​വി​ത പ്രാ​ര​ബ്ധ​ങ്ങ​ൾ​ക്കി​ട​യി​ലാ​യി​രു​ന്നു പ്ര​വാ​സ​ത്തി​ലെ​ത്തി​യ​ത്. ഇ​പ്പോ​ൾ തി​രി​ഞ്ഞു​നോ​ക്കു​മ്പോ​ൾ ഏ​റെ സ​ന്തോ​ഷം മാ​ത്രം. ആ​ദ്യം നാ​ല് സ​ഹോ​ദ​രി​​മാ​രെ വി​വാ​ഹം ചെ​യ്ത​യ​ച്ചു. പി​ന്നെ സ്വ​ന്തം വി​വാ​ഹ​വും. മൂ​ന്ന് പെ​ൺ​മ​ക്ക​ൾ ഉ​ൾ​പ്പെ​ടെ നാ​ലു​മ​ക്ക​ളു​ടെ​യും പ​ഠ​ന​വും വി​വാ​ഹ​വും വീ​ട് നി​ർ​മാ​ണ​വു​മെ​ല്ലാ​മാ​യി പ്ര​വാ​സം ഒ​രു​പാ​ട് ന​ല്ല കാ​ര്യ​ങ്ങ​ൾ സ​മ്മാ​നി​ച്ചു. മ​ക്ക​ളെ​ല്ലാം ജോ​ലി​യി​ലും പ്ര​വേ​ശി​ച്ചു. ഇ​തി​നി​ട​യി​ൽ, ഖ​ത്ത​റി​ൽ മ​രി​ച്ച സ​ഹോ​ദ​ര​ൻ സു​ബ്ര​ഹ്മ​ണ്യ​ന്റെ ജീ​വ​ന​റ്റ ശ​രീ​രം നാ​ട്ടി​ലെ​ത്തി​ച്ച​ത് തീ​രാ​നോ​വാ​യി ഒ​പ്പ​മു​ണ്ട്. 23 വ​ർ​ഷം മു​മ്പാ​യി​രു​ന്നു വി​വാ​ഹ​ത്തി​നാ​യി നാ​ട്ടി​ലേ​ക്ക് പോ​കാ​നു​ള്ള ഒ​രു​ക്ക​ത്തി​നി​ടെ സു​ബ്ര​ഹ്മ​ണ്യ​ൻ മ​രി​ച്ച​ത്’ -ഖ​ത്ത​റി​നോ​ട് യാ​ത്ര പ​റ​യും​മു​മ്പേ പ​ഴ​യ ആ ​ഓ​ർ​മ​ക​ളു​ടെ ചെ​പ്പ് ഭാ​സ്ക​ര​ൻ വീ​ണ്ടും തു​റ​ന്നു.

​ത​ങ്ങ​ളു​ടെ പ്രി​യ​പ്പെ​ട്ട ത​യ്യ​ൽ​ക്കാ​ര​ൻ നാ​ട്ടി​ലേ​ക്ക് മ​ട​ങ്ങു​മ്പോ​ൾ ഏ​റെ വേ​ദ​ന​യോ​ടെ​യാ​ണ് ഖ​ത്ത​രി​ക​ളാ​യ ഇ​ട​പാ​ടു​കാ​ർ യാ​ത്ര പ​റ​യു​ന്ന​ത്. ഇ​നി​യും ഇ​വി​ടെ തു​ട​രാ​നു​ള്ള അ​വ​രു​ടെ സ്നേ​ഹ​പൂ​ർ​ണ​മാ​യ നി​ർ​ബ​ന്ധ​ത്തി​ന് നോ ​പ​റ​യു​ക​യാ​ണ് ഈ ​തൃ​ശൂ​ർ​കാ​ര​ൻ. ഇ​നി വീ​ട്ടി​ലെ​ത്തി ഭാ​ര്യ കാ​ഞ്ച​ന​ക്കൊ​പ്പം ശി​ഷ്ട​കാ​ലം ക​ഴി​യ​ണം. അ​ധ്യാ​പി​ക​മാ​രാ​യ സ്മി​ത, സ്മി​ന, ബി​ന്ദു, ദു​ബൈ​യി​ൽ പ്ര​വാ​സി​യാ​യ സ​ന​ൽ എ​ന്നി​വ​രാ​ണ് മ​ക്ക​ൾ.