Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightLIFEchevron_rightMenchevron_right​ബ്രിട്ടീഷ്​...

​ബ്രിട്ടീഷ്​ കുടുംബത്തിന്‍റെ സ്​നേഹത്തിന്​ നന്ദി ചൊല്ലി സുരേന്ദ്രൻ നാട്ടിലേക്ക്​

text_fields
bookmark_border
​ബ്രിട്ടീഷ്​ കുടുംബത്തിന്‍റെ സ്​നേഹത്തിന്​ നന്ദി ചൊല്ലി സുരേന്ദ്രൻ നാട്ടിലേക്ക്​
cancel
camera_alt

സുരേന്ദ്രന്​ ബ്രിട്ടീഷ്​ കുടുംബം നൽകിയ യാത്രയയപ്പ്

നീണ്ട 38 വർഷത്തെ പ്രവാസത്തിനൊടുവിൽ നാട്ടിലേക്ക്​ മടങ്ങു​േമ്പാൾ സ്വന്തം വീട്ടിൽനിന്ന്​ ഇറങ്ങുന്നതുപോലൊരു വേദനയാണ്​ വടകര കടമേരി സ്വദേശി സുരേന്ദ്രൻ കേളോത്തിന്​. 16 വർഷത്തോളം ഒരു ബ്രിട്ടീഷ്​ കുടുംബത്തിനൊപ്പം ഡ്രൈവറായാണ്​ ജോലി ചെയ്​തത്​. കുടുംബാംഗത്തെപ്പോലെ തങ്ങളോടൊപ്പം കഴിഞ്ഞ സുരേന്ദ്രനെ ഏറെ വിഷമത്തോടെയാണ്​ അവർ യാത്രയാക്കുന്നത്​.

നവംബർ 11നാണ്​ സുരേന്ദ്രൻ നാട്ടിലേക്ക്​ തിരിക്കുന്നത്​. ഇതിന്​ മുന്നോടിയായി കഴിഞ്ഞദിവസം അദ്​ലിയയിലെ റസ്​റ്റാറൻറിൽ​ ബ്രിട്ടീഷ്​ കുടുംബം സുരേന്ദ്രന്​ യാത്രയയപ്പ്​ പാർട്ടിയുമൊരുക്കി. സുരേന്ദ്രന്​ തിരിച്ചുവരണമെന്നു​ തോന്നിയാൽ അതിനും സൗകര്യമൊരുക്കി വിസ രണ്ടു വർഷത്തേക്കുകൂടി പുതുക്കി​ ഇൗ കുടുംബം.

18ാമത്തെ വയസ്സിലാണ്​ സുരേന്ദ്രൻ ബഹ്​റൈനിൽ എത്തിയത്​. ആദ്യ കാലത്ത്​ കൺസ്​ട്രക്​ഷൻ മേഖലയിൽ ഉൾപ്പെടെ ജോലി ചെയ്​തു. പിന്നീട്​ ഇവിടെനിന്ന്​ ഡ്രൈവിങ്​ ലൈസൻസ്​ എടുത്തു. തുടർന്ന്​ ബഹ്​റൈൻ ഗ്യാസ്​ ഡയറക്​ടറുടെ ഡ്രൈവറായി കുറേക്കാലം ജോലി ചെയ്​തു. അതിനുശേഷമാണ്​ ബഹ്​റൈൻ ഇൻറർനാഷനൽ സർക്യൂട്ടിൽ ജോലി ചെയ്യുന്ന ബ്രിട്ടീഷ്​ കുടുംബത്തിനൊപ്പം ചേർന്നത്​.

ഇവിടത്തെ രണ്ടു കുട്ടികളെ സ്​കൂളിൽ ​കൊണ്ടുപോവുകയും തിരിച്ചു കൊണ്ടു വരുകയുമായിരുന്നു പ്രധാന ജോലി. കോവിഡ്​ കാലത്തും അതിനുമുമ്പും ഒരുപാട്​ സഹായിച്ച ബ്രിട്ടീഷ്​ കുടുംബത്തെ ഏറെ നന്ദിയോടെയും സ്​നേഹത്തോടെയുമാണ്​ സുരേന്ദ്രൻ ഒാർക്കുന്നത്​.

ബഹ്​റൈനിൽ എത്തി 10 വർഷം കഴിഞ്ഞ്​ നാലുവർഷം സൗദിയിലും ജോലി ചെയ്​തു. ഒരു പോറ്റമ്മയെപ്പോലെ കരുതുന്ന ബഹ്​റൈനെ വിട്ടുപോകാൻ പ്രയാസമുണ്ടെങ്കിലും ഭാര്യയും രണ്ടു​ മക്കളുമടങ്ങുന്ന കുടുംബത്തോടൊപ്പം നാട്ടിൽ കഴിയാമെന്ന സന്തോഷമാണ്​ സുരേന്ദ്രനുള്ളത്​.

Show Full Article
TAGS:Surendran returned home British family 
Next Story