ഗ്രാന്‍റ് മാസ്റ്റർ മരോട്ടിച്ചാൽ

ഇ​ത് മ​രോ​ട്ടി​ച്ചാ​ലി​ന്റെ അ​തി​ശ​യ​ക​ര​മാ​യ അ​തി​ജീ​വ​ന​ക​ഥ​യാ​ണ്. വ​ന്യ​മൃ​ഗ​ങ്ങ​ളു​ടെ ച​ടു​ല​മാ​യ ക​രു​നീ​ക്ക​ങ്ങ​ളി​ൽ തു​ട​ർ​ച്ച​യാ​യി പ​രാ​ജ​യ​പ്പെ​ട്ട ഒ​രു ജ​ന​ത നാ​ട​കീ​യ​മാ​യ മു​ന്നേ​റ്റ​ങ്ങ​ളി​ലൂ​ടെ വി​ജ​യം കൊ​യ്ത അ​ത്ഭു​ത​ക​ഥ. കാ​ട്ടു​മൃ​ഗ​ങ്ങ​ൾ സ​ർ​വം ക​വ​ർ​ന്നെ​ടു​ത്ത​തോ​ടെ മ​ല​വാ​ര​ത്ത് ചാ​രാ​യം വാ​റ്റ​ൽ മാ​ത്ര​മേ ത​ങ്ങ​ളാ​ൽ ക​ഴി​യൂ എ​ന്ന് സ്വ​യം വി​ധി​ച്ചും പ​ഴി​ച്ചും ക​ട​ന്നു​പോ​യ ഒ​രു ന​ര​ച്ച കാ​ല​ത്തി​ൽ​നി​ന്ന് ക​റു​പ്പും വെ​ളു​പ്പും വി​താ​നി​ച്ച ച​തു​രം​ഗ​ക്ക​ള​ത്തി​ലെ 64 ക​ള​ങ്ങ​ൾ​ക്കു​ള്ളി​ൽ സ്വ​യം മു​ങ്ങി​നി​വ​ർ​ന്ന് ശു​ദ്ധീ​ക​രി​ക്ക​പ്പെ​ട്ട​തി​ന്റെ, ഉ​യി​ർ​ത്തെ​ഴു​ന്നേ​ൽ​പ്പി​ന്റെ ക​ഥ... അ​വ​സാ​ന നി​മി​ഷം വ​രെ ജ​യ​പ​രാ​ജ​യ​ങ്ങ​ൾ ഒ​ളി​പ്പി​ച്ചു​വെച്ച ചെ​സ് ക​ളി​പോ​ലെ ട്വി​സ്റ്റു​ക​ളും സ​സ്പെ​ൻ​സും നി​റ​ഞ്ഞ, ഒ​രു നാ​ടി​ന്റെ ജീ​വി​ത​രേ​ഖ. ചെ​സ് ഒ​രു ദേ​ശ​ത്തി​ന്റെ സി​ര​ക​ളി​ൽ ല​ഹ​രിയായ ക​ഥ...

ഒ​രു നാ​ട് ല​ഹ​രി​യോ​ട് ചെ​ക്ക്മേ​റ്റ് പ​റ​ഞ്ഞ ക​ഥ

പ​ശ്ചി​മ​ഘ​ട്ട മ​ല​നി​ര​ക​ളോ​ടു​ചേ​ർ​ന്ന് പീ​ച്ചി, ചി​മ്മി​നി വ​ന​മേ​ഖ​ല​യു​മാ​യി അ​തി​രു​പ​ങ്കി​ട്ട് നി​ല​കൊ​ള്ളു​ന്ന കു​ഞ്ഞു​ഗ്രാ​മ​മാ​ണ് മ​രോ​ട്ടി​ച്ചാ​ൽ. പു​ത്തൂ​ർ പ​ഞ്ചാ​യ​ത്തി​ലെ എ​ട്ട്, ഒ​മ്പ​ത്, പ​ത്ത് വാ​ർ​ഡു​ക​ളു​ൾ​പ്പെ​ടു​ന്ന പ്ര​ദേ​ശം. ഒ​രു സ​മ്പൂ​ർ​ണ ക​ർ​ഷ​ക കു​ടി​യേ​റ്റ ഗ്രാ​മം. ഏ​തൊ​രു മ​ല​യോ​ര നാ​ടി​നെ​യുംപോ​ലെ ആ​ന​യും പ​ന്നി​യും ഉ​ൾ​പ്പെ​ടു​ന്ന വ​ന്യ​ജീ​വി​ക​ളു​മാ​യി പ​ട​വെ​ട്ടി പ​രാ​ജ​യ​പ്പെ​ട്ട​തി​ന്റെ ക​ണ്ണീ​ർ​ക്ക​ഥ​ക​ളാ​ണ് മ​രോ​ട്ടി​ച്ചാ​ൽ നി​വാ​സി​ക​ളു​ടേ​തും. കാ​ടി​റ​ങ്ങി​യ ഭീ​തി​ക്ക് മു​ന്നി​ൽ തോ​റ്റ് തൊ​പ്പി​യി​ട്ടൊ​രു ദു​രി​ത​കാ​ലം. ഈ ​ഭൂ​ത​കാ​ലം നാ​ടി​നു​ണ്ടാ​ക്കി​യ കു​പ്ര​സി​ദ്ധി​യെ ജ​ന​ത​യു​ടെ ഇ​ച്ഛാ​ശ​ക്തി ‘ചെ​സ് ക​ളി​ച്ച് തോ​ൽ​പിച്ചു’. ആ ​ക​ഥ​യി​ലേ​ക്ക് പി​ന്നീ​ട് വ​രാം.

മ​രോ​ട്ടി​ച്ചാ​ലി​ൽ ഏ​തൊ​ഴി​ഞ്ഞ പ​റ​മ്പി​ലും ക​ട​ത്തി​ണ്ണ​യി​ലും പീ​ടി​ക​ക്കോ​ലാ​യയി​ലും കാ​ലാ​ളും കു​തി​ര​യും ആ​ന​യും ത​മ്മി​ലു​ള്ള തീ​പാ​റു​ന്ന യു​ദ്ധ​മാ​ണ്. മ​ന്ത്രി​യും രാ​ജാ​വും ത​മ്മി​ലു​ള്ള ജീ​വ​ൻ​മ​ര​ണ പോ​രാ​ട്ട​മാ​ണ്. ഒ​രു ച​തു​രം​ഗ​ക്ക​ള​ത്തി​ന് ഇ​രു​പു​റ​വു​മി​രു​ന്ന് എ​തി​രാ​ളി​യു​ടെ ഹൃ​ദ​യ​ത്തി​ലേ​ക്ക് ബു​ദ്ധി​കൊ​ണ്ട് എ​ളു​പ്പ​വ​ഴി തീ​ർ​ക്കു​ക​യാ​ണ​വ​ർ. പ്രാ​യ​ഭേ​ദ​മ​ന്യേ ഒ​രു കൈ​യി​ൽ ചാ​യ​യും മ​റു​കൈ​യി​ൽ ക​രു​ക്ക​ളു​മാ​യി ഒ​ഴി​വുസ​മ​യം മു​ഴു​വ​ൻ ക​ളി​യി​ലേ​ർ​പ്പെ​ടു​ന്ന​വ​ർ ഇ​വി​ടത്തെ ചാ​യ​ക്ക​ട​ക​ളി​ലെ പ​തി​വ് കാ​ഴ്ച​യാ​ണ്.

ആ​ൺ, പെ​ൺ വ്യ​ത്യാ​സ​മി​ല്ലാ​തെ അ​റു​പ​ത് ശ​ത​മാ​നം പേ​രും ചെ​സ് സാ​ക്ഷ​ര​രാ​യ ഗ്രാ​മ​മാ​ണി​ത്. ലോ​ക​ത്തി​ലെ ആ​ദ്യ സ​മ്പൂ​ർ​ണ ചെ​സ് ഗ്രാ​മ​മെ​ന്ന നേ​ട്ടം സ്വ​ന്ത​മാ​ക്കി​യ മ​രോ​ട്ടി​ച്ചാ​ലി​ന്റെ പേ​രി​ൽത​ന്നെ​യാ​ണ് ചെ​സ് ക​ളി​യു​ടെ പേ​രി​ലു​ള്ള ഏ​ഷ്യ​ൻ റെ​ക്കോ​ഡും. ഒ​രേ​സ​മ​യം ആ​യി​ര​ത്തി​ലേ​റെ പേ​ർ ചെ​സ് ക​ളി​ച്ച​തി​ലൂ​ടെ​യാ​ണ് ഈ ​റെ​ക്കോ​ഡ് മ​രോ​ട്ടി​ച്ചാ​ലി​ന്റെ പേ​രി​ൽ എ​ഴു​തി​ച്ചേ​ർ​ക്ക​പ്പെ​ട്ട​ത്. ഇ​ന്ത്യ ആ​തി​ഥേ​യ​ത്വം വ​ഹി​ച്ച ചെ​സ് ഒ​ളി​മ്പ്യാ​ഡി​ന് മു​ന്നോ​ടി​യാ​യു​ള്ള ദീ​പ​ശി​ഖാ പ്ര​യാ​ണ​ത്തി​ന് സം​സ്ഥാ​ന​ത്ത് സ്വീ​ക​ര​ണം ഒ​രു​ക്കാ​നു​ള്ള നി​യോ​ഗ​വും തൃ​ശൂ​ർ ജി​ല്ല​യി​ലെ ഈ ​കു​ഞ്ഞു​ഗ്രാ​മ​ത്തെ തേ​ടി​യെ​ത്തി. ക​റു​പ്പും വെ​ളു​പ്പും നി​റ​ഞ്ഞ ക​ള​ങ്ങ​ളി​ലെ തീ​പാ​റും പോ​രാ​ട്ട​ത്തി​ലൂ​ടെ മ​രോ​ട്ടി​ച്ചാ​ൽ നി​വാ​സി​ക​ൾ ക​ളി​മാ​ത്ര​മ​ല്ല, ജീ​വി​ത​വും പ​ഠി​ച്ചു. ശ​ത്രു​വി​നെ നേ​രി​ടേ​ണ്ട രീ​തി​യും എ​പ്പോ​ൾ പ​തു​ങ്ങ​ണ​മെ​ന്നും കു​തി​ക്ക​ണ​മെ​ന്നും അ​വ​രെ ചെ​സ് ബോ​ർ​ഡ് പ​ഠി​പ്പി​ച്ചു.

ജീ​വി​ത​ത്തി​നു​മേ​ൽ കാ​ട്ടു​മൃ​ഗ​ങ്ങ​ളു​ടെ വി​ള​യാ​ട്ടം

വ​ർ​ഷ​ങ്ങ​ൾ​ക്കു മു​മ്പ് കാ​ടി​റ​ങ്ങി​വ​ന്ന് ജീ​വി​തം ത​ക​ർ​ന്ന ഒ​രു ജ​ന​ത ഇ​വി​ടെ​യു​ണ്ടാ​യി​രു​ന്നു. കാ​ലം 1970ക​ൾ. വ​ന്യ​മൃ​ഗ​ങ്ങ​ളോ​ടും പ്ര​തി​കൂ​ല കാ​ലാ​വ​സ്ഥ​യോ​ടും പ​ട​വെ​ട്ടി​യു​ള്ള അ​തി​ജീ​വ​ന​ത്തി​ൽ പ​ല​പ്പോ​ഴും നാ​ട്ടു​കാ​ർ​ക്ക് അ​ടി​തെ​റ്റി. അ​പ്പു​റ​ത്ത് ക​രു കൃ​ത്യ​മാ​യി നീ​ക്കി​യ​ത് വ​ന്യ​ജീ​വി​ക​ളാ​യി​രു​ന്നു. ക​ർ​ഷ​ക​ർ ന​ട്ട വി​ള​ക​ൾ സ്വ​ന്ത​മാ​ക്കാ​നു​ള്ള സം​ഘ​ർ​ഷ​ത്തി​ൽ വി​ജ​യം എ​പ്പോ​ഴും ആ​ന​ക​ളു​ടെ​യും കാ​ട്ടുപ​ന്നി​ക​ളു​ടെ​യും ഭാ​ഗ​ത്തു​ത​ന്നെ​യാ​യി​രു​ന്നു. സ​ഹാ​യ​ത്തി​നും പ​രി​ഹാ​ര​ത്തി​നു​മു​ള്ള നാ​ട്ടു​കാ​രു​ടെ നി​ല​വി​ളി​ക​ൾ കാ​ടി​ന​പ്പു​റം ക​ട​ന്നി​ല്ല.

അ​വ​രു​ടെ ആ​ർ​ത്ത​നാ​ദം വ​ൻ​മ​ര​ങ്ങ​ളാ​ലും വ​ള്ളി​പ്പ​ട​ർ​പ്പു​ക​ളാ​ലും മൂ​ട​പ്പെ​ട്ടു. വി​ധി​യെ​പ്പോ​ഴും ക​ർ​ഷ​ക​രെ ഏ​ക​പ​ക്ഷീ​യ​മാ​യി തോ​ൽ​പി​ച്ചു. പൂ​ർ​ണ​മാ​യും പ​രാ​ജ​യ​പ്പെ​ട്ട​വ​ർ സ്വ​യം അ​ട​യാ​ള​പ്പെ​ടു​ത്താ​ൻ നി​ര​ന്ത​രം എ​ന്തെ​ങ്കി​ലും ചെ​യ്തു​കൊ​ണ്ടി​രി​ക്കു​മ​ല്ലോ. ഗ​ത്യ​ന്ത​ര​മി​ല്ലാ​തെ ഈ ​മ​ല​യോ​ര ഗ്രാ​മ​ത്തി​ന് ജീ​വി​ക്കാ​ൻ പ​ല ക​ളി​ക​ളും ക​ളി​ക്കേ​ണ്ടി വ​ന്നു. തെ​റ്റി​ലേ​ക്കാ​ണ് ചു​വ​ടു​വെ​ക്കു​ന്ന​ത് എ​ന്ന​റി​ഞ്ഞു​കൊ​ണ്ടു​ത​ന്നെ അ​വ​ർ ചാ​രാ​യം വാ​റ്റി ജീ​വി​ത മാ​ർ​ഗം ക​ണ്ടെ​ത്താ​ൻ തു​ട​ങ്ങി.

മ​ദ്യ​ത്തി​ന്റെ പി​ടി​യി​ലേ​ക്ക്

ദൈ​ന്യ​ത​യും ദു​ര​ന്ത​ങ്ങ​ളും സ​മാ​ന​ത​ക​ളി​ല്ലാ​ത്ത ദു​ര​നു​ഭ​വ​ങ്ങ​ളും വേ​ട്ട​യാ​ടി​യ ഈ ​കു​ടി​യേ​റ്റ മ​നു​ഷ്യ​ർ​ക്ക് വേ​റെ മാ​ർ​ഗ​മു​ണ്ടാ​യി​രു​ന്നി​ല്ല. ക​ശു​മാ​വി​ലു​ള്ള ഒ​രു ത​രം ചു​ണ ആ​ന​ക്ക് തി​ന്നാ​ൻ ഇ​ഷ്ട​മ​ല്ലാ​ത്ത​തി​നാ​ൽ കൃ​ഷി​ഭൂ​മി​യി​ൽ ആ ​വി​ള മാ​ത്രം ബാ​ക്കി​യാ​യി. ആ​ന​യു​ടെ പ​രാ​ക്ര​മ​ത്തി​നൊ​ടു​വി​ൽ ബാ​ക്കി​യാ​യ ക​ശു​വ​ണ്ടി ഉ​പ​യോ​ഗി​ച്ച് അ​വ​ർ വാ​റ്റാ​ൻ ആ​രം​ഭി​ച്ചു. മി​ക്ക വീ​ടു​ക​ളി​ലും ചാ​രാ​യം വാ​റ്റ് പ​തി​വ് കാ​ഴ്ച​യാ​യി. അ​വ​രു​ടെ കാ​ർ​ഷി​ക സ്വ​പ്ന​ങ്ങ​ൾ കീ​ഴ്മേ​ൽ മ​റി​ച്ച അ​തേ കാ​ടു​ത​ന്നെ ചാ​രാ​യം വാ​റ്റാ​ൻ അ​നു​ഗ്ര​ഹ​വും അ​ഭ​യ​വു​മാ​യി. പൊ​ലീ​സി​നും അ​ധി​കാ​രി​ക​ൾ​ക്കും അ​ത്ര പെ​ട്ടെ​ന്ന് എ​ത്തി​പ്പെ​ടാ​ൻ പ​റ്റാ​ത്ത സാ​ഹ​ച​ര്യം നാ​ട്ടു​കാ​ർ പ​ര​മാ​വ​ധി മു​ത​ലെ​ടു​ത്തു.

അ​വ​ർ ഉ​ൽ​പാ​ദി​പ്പി​ക്കു​ന്ന ചാ​രാ​യം വാ​ങ്ങാ​ൻ പ​ല നാ​ടു​ക​ളി​ൽനി​ന്നും മ​രോ​ട്ടി​ച്ചാ​ലി​ലേ​ക്ക് ആ​ളു​ക​ൾ ഒ​ഴു​കാ​ൻ തു​ട​ങ്ങി. അ​ങ്ങ​നെ അ​വി​ടത്തെ ആ​ണു​ങ്ങ​ൾ ധാ​രാ​ളം പ​ണം സ​മ്പാ​ദി​ച്ചു. പ​ക്ഷേ, ഈ ​ല​ഹ​രി വ​ലി​യ വി​പ​ത്തി​ലേ​ക്കാ​ണ് നാ​ടി​നെ ന​യി​ക്കു​ന്ന​തെ​ന്ന് ചി​ല​രെ​ങ്കി​ലും തി​രി​ച്ച​റി​ഞ്ഞു തു​ട​ങ്ങി. കു​ടും​ബ ക​ല​ഹ​ങ്ങ​ളും സം​ഘ​ർ​ഷ​ങ്ങ​ളും പ​തി​വാ​യി. നാ​ട് അ​തി​വേ​ഗം ന​ട​ക്കു​ന്ന​ത് ദു​ര​ന്ത​ത്തി​ലേ​ക്കാ​ണെ​ന്ന് തി​രി​ച്ച​റി​ഞ്ഞ​വ​ർ ഒ​രു ക​ര​ക​യ​റ്റം ആ​ഗ്ര​ഹി​ച്ചു. പ്ര​ത്യേ​കി​ച്ചും അ​വി​ടത്തെ സ്ത്രീ​ക​ളും കു​ട്ടി​ക​ളും. പ​രാ​ജ​യ​ത്തി​ന്റെ ത​മോ​ഗ​ർ​ത്ത​ത്തി​ൽ​നി​ന്ന് മ​രോ​ട്ടി​ച്ചാ​ൽ വി​ജ​യ​ത്തി​ലേ​ക്കു​ള്ള വ​ഴി തി​ര​ഞ്ഞു തു​ട​ങ്ങി.

തോ​ൽ​വി​യി​ൽ​നി​ന്ന് ജ​യ​ത്തി​ലേ​ക്കൊ​രു ക​രു​നീ​ക്കം

വ​ർ​ധി​ച്ചു വ​ന്ന ല​ഹ​രി വി​ൽ​പ​ന​യും ഉ​പ​യോ​ഗ​വും നാ​ട്ടി​ൽ ഇ​തി​ന​കം വ​ലി​യ പ്ര​ശ്ന​ങ്ങ​ൾ​ക്ക് കാ​ര​ണ​മാ​യി. സ്വ​യം വാ​റ്റി​യും കു​ടി​ച്ചും ചൂ​തു ക​ളി​ച്ചും വ​ർ​ഷ​ങ്ങ​ൾ ക​ഴി​ച്ചു​കൂ​ട്ടി​യ നാ​ട് പു​റം​ലോ​ക​ത്ത് വാ​റ്റി​ന്റെ പേ​രി​ൽ കു​പ്ര​സി​ദ്ധി​യാ​ർ​ജി​ച്ചു. നാ​ടി​നെ​യും നാ​ട്ടു​കാ​രെ​യും ആ​ത്മാ​ഭി​മാ​ന​ത്തോ​ടെ ത​ല​യു​യ​ർ​ത്തി നി​ൽ​ക്കാ​ൻ പ്രാ​പ്ത​രാ​ക്കേ​ണ്ട​ത് കാ​ല​ഘ​ട്ട​ത്തി​ന്റെ ആ​വ​ശ്യ​മാ​ണെ​ന്ന തി​രി​ച്ച​റി​വി​ലേ​ക്ക് ആ​ദ്യം ചൂ​ട്ടു തെ​ളി​ച്ച​ത് നാ​ട്ടു​കാ​ർ ഉ​ണ്ണി​ മാ​മ​ൻ എ​ന്ന് വി​ളി​ക്കു​ന്ന ഉ​ണ്ണി​കൃ​ഷ്ണ​നാ​ണ്.

നാ​ടി​ന്റെ ല​ഹ​രി​യെ മ​ദ്യ​ത്തി​ൽ​നി​ന്ന് ക​റു​പ്പും വെ​ളു​പ്പും ക​ല​ർ​ന്ന ബോ​ർ​ഡി​ലേ​ക്ക് പ​റി​ച്ചു​ന​ടാ​ൻ അ​ദ്ദേ​ഹം അ​ര​യും ത​ല​യും മു​റു​ക്കി​യി​റ​ങ്ങി. ത​ന്റെ വീ​ട്ടു​മു​റ്റ​ത്ത് വ​ലി​യ പ​ന്ത​ലി​ട്ട് അ​വി​ടെ നാ​ട്ടു​കാ​രെ പ​ക​ല​ന്തി​യോ​ളം സൗ​ജ​ന്യ​മാ​യി ചെ​സ് പ​രി​ശീ​ലി​പ്പി​ച്ചു. മ​രോ​ട്ടി​ച്ചാ​ൽ സെ​ന്റ​റി​ലെ അ​ദ്ദേ​ഹ​ത്തി​ന്റെ ചാ​യ​ക്ക​ട​യി​ലും ഇ​ട​മു​റി​യാ​തെ ചെ​സ് ക​ളി​യും പ​രി​ശീ​ല​ന​വും ന​ട​ത്തി. ഒ​രു നാ​ടി​നെ ച​തു​രം​ഗ​ക്ക​ള​ത്തി​ലേ​ക്ക് അ​ദ്ദേ​ഹം ആ​വാ​ഹി​ക്കു​ക​യാ​യി​രു​ന്നു. മ​ദ്യ ഗ്ലാ​സു​ക​ൾ​ക്ക് ചു​റ്റും കൂ​ടി​യി​രു​ന്ന​വ​ർ പ​തി​യെ ച​തു​രം​ഗ​ക്ക​ള​ത്തി​ന് ചു​റ്റും അ​ണി​നി​ര​ക്കാ​ൻ തു​ട​ങ്ങി. മ​ദ്യ​ത്തേ​ക്കാ​ൾ ത്ര​സി​പ്പി​ക്കു​ന്ന ല​ഹ​രി​യാ​യി അ​ത് മ​രോ​ട്ടി​ച്ചാ​ലി​ലെ മ​നു​ഷ്യ​രി​ൽ​നി​ന്ന് മ​നു​ഷ്യ​രി​ലേ​ക്ക് പ​ട​ർ​ന്നു.

ഇ​ന്ന് ലോ​കം ‘ചെ​സ് ഗ്രാ​മം’ എ​ന്നാ​ണ് ഈ ​നാ​ടി​നെ വി​ളി​ക്കു​ന്ന​ത്. ‘എ​ന്റെ വീ​ട്ടി​ൽ നെ​ൽ​കൃ​ഷി​യു​ണ്ടാ​യി​രു​ന്നു. സ്കൂ​ൾ വി​ട്ട് വ​ന്നാ​ൽ കൃ​ഷി​ക്ക് അ​ച്ഛ​നെ സ​ഹാ​യി​ക്കും. ഇ​തു​ക​ഴി​ഞ്ഞാ​ൽ വേ​റെ പ​ണി​യൊ​ന്നു​മി​ല്ല​ല്ലോ. അ​ങ്ങ​നെ​യാ​ണ് ചെ​സ് പ​ഠി​ച്ചാ​ലോ​യെ​ന്ന ചി​ന്ത വ​രു​ന്ന​ത്. ചെ​സ് പ​ഠി​ക്കാ​ന്‍ പോ​യി​ത്തു​ട​ങ്ങി. കൗ​മാ​ര​ത്തി​ൽത​ന്നെ താ​ര​മാ​യ അ​മേ​രി​ക്ക​യു​ടെ ബോ​ബി ഫി​ഷ​ർ എ​ന്ന ചെ​സ് താ​രം എ​ന്നെ വ​ല്ലാ​തെ സ്വാ​ധീ​നി​ച്ചു. ആ​ദ്യ​കാ​ല​ത്ത് നാ​ട്ടു​കാ​രെ ക​ളി​ക്ക​ള​ത്തി​ലേ​ക്ക് എ​ത്തി​ക്കാ​ൻ വ​ള​രെ ക​ഷ്ട​പ്പെ​ട്ടി​ട്ടു​ണ്ട്. അ​മ്പ​ല​മു​റ്റ​വും ക​ട​ത്തി​ണ്ണ​ക​ളും വ​രാ​ന്ത​ക​ളും പ​ട​ക്ക​ള​മാ​ക്കി​യാ​ണ് സ്ത്രീ​ക​ളെ​യു​ൾ​പ്പെ​ടെ ഇ​തി​ലേ​ക്ക് ആ​ക​ർ​ഷി​ച്ച​ത്. വ​ള​രെ വ​ള​രെ പ​തി​യെ​യാ​ണ് ആ​ളു​ക​ൾ ഈ ​കാ​യി​ക​വി​നോ​ദം ഇ​ഷ്ട​പ്പെ​ട്ടു തു​ട​ങ്ങി​യ​ത്’- നാ​ട്ടു​കാ​രു​ടെ ഉ​ണ്ണി​മാ​മ​ൻ പ​റ​യു​ന്നു.

ക​ട​ൽ ക​ട​ന്ന ച​തു​രം​ഗ​പ്പെ​രു​മ

ഉ​ണ്ണി​മാ​മ​ന്റെ ചാ​യ​ക്ക​ട​യി​ൽ അ​തി​രാ​വി​ലെ ഒ​രു അ​പ്ര​തീ​ക്ഷി​ത അ​തി​ഥി​യെ​ത്തി. ച​തു​രം​ഗ​ത്തി​ൽ ഇ​തി​ന​കം ഈ ​നാ​ട് തീ​ർ​ത്ത വി​പ്ല​വം സമൂ​ഹമാ​ധ്യ​മ​ങ്ങ​ളി​ലൂ​ടെ കേ​ട്ട​റി​ഞ്ഞെ​ത്തി​യ​ത് മ​ധ്യ​യൂ​റോ​പ്പി​ലെ ചെ​ക്ക് റി​പ്പ​ബ്ലി​ക് രാ​ജ്യ​ത്തെ മ​റാ​ക് എ​ന്ന യു​വാ​വ്. ഇ​ത്ത​രം അ​തി​ഥി​ക​ൾ ഈ ​നാ​ടി​ന് പു​തു​മ​യ​ല്ല. മ​രോ​ട്ടി​ച്ചാ​ലി​ന്റെ ക​ളി​ക്ക​മ്പം ഈ ​കു​ഞ്ഞു ഗ്രാ​മ​ത്തെ ലോ​ക​ശ്ര​ദ്ധ​യി​ലെ​ത്തി​ച്ചി​ട്ട് ഏ​റെ​യാ​യി. ഡ​ൽ​ഹി, ഹൈ​ദ​രാ​ബാ​ദ് എ​ന്നി​വി​ട​ങ്ങ​ളി​ൽ​നി​ന്ന് മാ​ത്ര​മ​ല്ല, സ്പെ​യി​ൻ, നോ​ർ​വേ തു​ട​ങ്ങി​യ രാ​ജ്യ​ങ്ങ​ളി​ൽ​നി​ന്നു​വ​രെ മാ​ധ്യ​മ പ്ര​വ​ർ​ത്ത​ക​രു​ൾ​പ്പെ​ടെ ‘അ​ത്ഭു​ത​നാ​ടി​നെ’ അ​ന്വേ​ഷി​ച്ചു​വ​രു​ന്നു​ണ്ട്. ബി.​ബി.​സി ഉ​ൾ​പ്പെ​ടെ ചാ​ന​ലു​ക​ളി​ൽ വാ​ർ​ത്ത​യു​മാ​യി. സോ​ള​മ​ൻ ഐ​ല​ൻ​ഡ് എ​ന്ന രാ​ജ്യം ഉ​ണ്ണി​കൃ​ഷ്ണ​നോ​ടു​ള്ള ആ​ദ​ര സൂ​ച​ക​മാ​യി സ്റ്റാ​മ്പ് പു​റ​ത്തി​റ​ക്കി​യി​ട്ടു​ണ്ട്.

രാ​ജ്യാ​ന്ത​ര ശ്ര​ദ്ധ പി​ടി​ച്ചു​പ​റ്റി​യ ഈ ​ചെ​സ് ബോ​ർ​ഡ് വി​പ്ല​വം ഗി​ന്ന​സ് റെ​ക്കോ​ഡ് നേ​ട്ട​ത്തി​ലെ​ത്തി​ക്കാ​നു​ള്ള ശ്ര​മ​ത്തി​ലാ​ണ് മ​രോ​ട്ടി​ച്ചാ​ൽ ചെ​സ് അ​സോ​സി​യേ​ഷ​ൻ. കൂ​ടാ​തെ, നൂ​റു ശ​ത​മാ​നം ചെ​സ് സാ​ക്ഷ​ര​ത​ക്കു​ള്ള ശ്ര​മ​ങ്ങ​ളും തു​ട​രു​ന്നു. കെ.​ബി. വേ​ണു സം​വി​ധാ​നം ചെ​യ്ത്, റി​മ ക​ല്ലി​ങ്ങ​ലും മു​ര​ളി ഗോ​പി​യും പ്ര​ധാ​ന ക​ഥാ​പാ​ത്ര​ങ്ങ​ളാ​യ ‘ആ​ഗ​സ്റ്റ് ക്ല​ബ്’ സി​നി​മ​യി​ലും മ​രോ​ട്ടി​ച്ചാ​ലി​ലെ ക​ളി​പ്പെ​രു​മ പ​രാ​മ​ർ​ശി​ച്ചു​പോ​കു​ന്നു​ണ്ട്.

മ​രോ​ട്ടി​ച്ചാ​ൽ ചെ​സ് അ​സോ​സി​യേ​ഷ​ൻ

ഇ​ന്നാ​ട്ടു​കാ​രെ ഒ​ന്നാ​കെ അം​ഗ​ങ്ങ​ളാ​ക്കി 2016ലാ​ണ് മ​രോ​ട്ടി​ച്ചാ​ൽ ചെ​സ് അ​സോ​സി​യേ​ഷ​ൻ രൂ​പ​വ​ത്ക​രി​ച്ച​ത്. കൃ​ത്യ​മാ​യ ഭ​ര​ണ​ഘ​ട​ന​യോ​ടെ​യാ​ണ് അ​സോ​സി​യേ​ഷ​ൻ പ്ര​വ​ർ​ത്തി​ക്കു​ന്ന​ത്. ‘ചെ​സി​ൽ ഒ​രു ലോ​ക ചാ​മ്പ്യ​നെ ഉ​ണ്ടാ​ക്കു​ക​യോ മ​റ്റൊ​രു വി​ശ്വ​നാ​ഥ​ൻ ആ​ന​ന്ദി​നെ സം​ഭാ​വ​ന ചെ​യ്യു​ക​യോ അ​ല്ലാ​യി​രു​ന്നു ഞ​ങ്ങ​ളു​ടെ ല​ക്ഷ്യം. നാ​ടി​നെ പി​ടി​കൂ​ടി​യ മ​ദ്യ​മെ​ന്ന വി​പ​ത്തി​ൽ​നി​ന്ന് ര​ക്ഷി​ക്കു​ക. അ​ത് മാ​ത്ര​മാ​യി​രു​ന്നു ഉ​ദ്ദേ​ശ്യം’–അ​സോ​സി​യേ​ഷ​ൻ പ്ര​സി​ഡ​ന്റ് ബേ​ബി ജോ​ൺ പ​റ​യു​ന്നു. ലോ​കം മ​രോ​ട്ടി​ച്ചാ​ലി​നെ ചെ​സ് ഗ്രാ​മം എ​ന്ന് പേ​രി​ട്ട് വി​ളി​ക്കു​ന്നു​ണ്ടെ​ങ്കി​ലും സം​സ്ഥാ​ന സ​ർ​ക്കാ​ർ അ​ങ്ങ​നെ ഔ​ദ്യോ​ഗി​ക​മാ​യി നാ​മ​ക​ര​ണം ചെ​യ്തി​ട്ടി​ല്ലെ​ന്നും അ​സോ​സി​യേ​ഷ​ൻ ഭാ​ര​വാ​ഹി​ക​ൾ പ​റ​യു​ന്നു.

ഒ​ന്നി​ലേ​റെ വെ​ള്ള​ച്ചാ​ട്ട​ങ്ങ​ളു​ള്ള നാ​ടു​കൂ​ടി​യാ​ണ് മ​രോ​ട്ടി​ച്ചാ​ൽ. കൂ​ടാ​തെ ചി​മ്മി​നി ഡാം, ​പീ​ച്ചി ഡാം, ​തൊ​ട്ട​ടു​ത്ത് പു​ത്തൂ​ർ സു​വോ​ള​ജി​ക്ക​ൽ പാ​ർ​ക്ക് എ​ന്നി​വ​യു​മു​ണ്ട്. ചെ​സ് ഗ്രാ​മ​ത്തെ​യും ഉ​ൾ​പ്പെ​ടു​ത്തി ഒ​രു വി​നോ​ദ സ​ഞ്ചാ​ര ഇ​ട​നാ​ഴി, ഗി​ന്ന​സ് റെ​ക്കോ​ഡ് എ​ന്നി​വ നാ​ടി​ന്റെ അ​ട​ങ്ങാ​ത്ത ആ​ഗ്ര​ഹ​ങ്ങ​ളാ​ണ്. രാ​ജ്യ​ത്തി​ന​ക​ത്തും പു​റ​ത്തും നി​ന്നാ​യി നി​ര​വ​ധി വി​നോ​ദ സ​ഞ്ചാ​രി​ക​ൾ ചെ​സ് ഗ്രാ​മം കാ​ണാ​നെ​ത്തു​ന്നു​ണ്ടെ​ന്നും അ​വ​ർ പ​ല​പ്പോ​ഴും താ​മ​സി​ക്കു​ന്ന​ത് അ​സോ​സി​യേ​ഷ​ൻ അം​ഗ​ങ്ങ​ളു​ടെ വീ​ടു​ക​ളി​ലാ​ണെ​ന്നും ബേ​ബി ജോ​ൺ പ​റ​ഞ്ഞു.

ഇ​തു​ൾ​പ്പെ​ടെ അ​സോ​സി​യേ​ഷ​ന്റെ​യും നാ​ടി​ന്‍റെ​യും ആ​വ​ശ്യ​ങ്ങ​ൾ സ​ർ​ക്കാ​ർ ശ്ര​ദ്ധ​യി​ൽ​പ്പെ​ടു​ത്തി പ്ര​തീ​ക്ഷ​യോ​ടെ കാ​ത്തി​രി​ക്കു​ക​യാ​ണ് ഈ ​നാ​ട്. ഏ​കാ​ഗ്ര​ത, ക്ഷ​മ, ബു​ദ്ധി. ഇ​ത് മൂ​ന്നു​മാ​ണ് ചെ​സ് ക​ളി​യു​ടെ അ​ടി​സ്ഥാ​ന ഗു​ണ​ങ്ങ​ൾ. പ​ല പ്ര​തി​സ​ന്ധി​ക​ളെ​യും ‘ക​ളി​ച്ചു തോ​ൽ​പി​ച്ച’ ഈ ​നാ​ടി​ന് വി​ജ​യ​ത്തി​ലേ​ക്ക് ഇ​നി​യും പ​ട​വു​ക​ൾ ക​യ​റാ​നാ​കു​മെ​ന്ന​തി​ൽ സം​ശ​യം വേ​ണ്ട.

എ​ങ്ങ​നെ എ​ത്തി​പ്പെ​ടാം

തൃ​ശൂ​ർ-​മാ​ന്ദാ​മം​ഗ​ലം റൂ​ട്ടി​ല്‍ ഇ​രു​പ​തു കി​ലോ​മീ​റ്റ​ർ സ​ഞ്ച​രി​ച്ചാ​ല്‍ മ​രോ​ട്ടി​ച്ചാ​ൽ ജ​ങ്ഷ​നി​ലെ​ത്താം. എ​റ​ണാ​കു​ളം-​പാ​ല​ക്കാ​ട് ദേ​ശീ​യ​പാ​ത​യി​ൽ കു​ട്ട​നെ​ല്ലൂ​രി​ൽ​നി​ന്ന് മാ​ന്ദാ​മം​ഗ​ലം-​മ​രോ​ട്ടി​ച്ചാ​ൽ റൂ​ട്ടി​ൽ 12 കി​ലോ​മീ​റ്റ​ർ സ​ഞ്ച​രി​ച്ചാ​ലും ഇ​ങ്ങോ​ട്ടെ​ത്താം.