രാ​ഹു​ലി​ന് വയനാട്ടില്‍ ഉ​ച്ച​യൂൺ വി​ഭ​വ​സ​മൃ​ദ്ധം

പ്ര​ചാ​ര​ണ​ത്തി​​ന്റെ ഭാ​ഗ​മാ​യി ബു​ധ​നാ​ഴ്ച സു​ൽ​ത്താ​ൻ ബ​ത്തേ​രി​യി​ലെ​ത്തി​യ കോ​ൺ​ഗ്ര​സ് അ​ധ്യ​ക്ഷ​ ൻ രാ​ഹു​ൽ ഗാ​ന്ധി​ക്ക് ഉ​ച്ച​ഭ​ക്ഷ​ണം വി​ഭ​വ​സ​മൃ​ദ്ധം. സ​ദ്യ, നാ​ലു​ത​രം പാ​യ​സം, മ​ട്ട​ൺ പെ​പ്പ​ർ റോ​സ്​​റ ്റ്, ബ​ട്ട​ർ നാ​ൻ, ചെ​മ്മീ​ൻ ഫ്രൈ, ​ഫി​ഷ് ഫ്രൈ, ​ജി​ഞ്ച​ർ ചി​ക്ക​ൻ, ചി​ക്ക​ൻ വ​യ​നാ​ട​ൻ ഫ്രൈ, ​ഫി​ഷ് മോ​ളി, ബ​ദാ​മ ി മ​ഗ് ക​ബാ​ബ് ഇ​ങ്ങ​നെ പോ​കു​ന്നു വി​ഭ​വ​ങ്ങ​ൾ.

ബ​ത്തേ​രി​യി​ലെ വി​ൽ​ട്ട​ൺ ഹോ​ട്ട​ലാ​ണ് ഉ​ച്ച​ഭ​ക്ഷ​ണം ഒ​രു​ക്കി​യ​ത്. പൊ​തു​സ​മ്മേ​ള​ന​ത്തി​നു​ശേ​ഷം തി​രു​വ​മ്പാ​ടി​യി​ലേ​ക്ക് പോ​കു​ന്ന​തി​ന്റെ ഇ​ട​വേ​ള​യി​ൽ സെന്റ് മേ​രീ​സ് കോ​ള​ജി​ലെ സ്​​റ്റാ​ഫ് മു​റി​യി​ൽ മു​തി​ർ​ന്ന നേ​താ​ക്ക​ൾ​ക്കൊ​പ്പ​മാ​ണ് ഭ​ക്ഷ​ണം ക​ഴി​ച്ച​ത്. പ്രി​യ നേ​താ​വി​ന് ഭ​ക്ഷ​ണം വി​ള​മ്പാ​നാ​യ​തി​​ന്റെ സ​ന്തോ​ഷ​ത്തി​ലാ​ണ് ഹോ​ട്ട​ൽ ഉ​ട​മ സ​ത്താ​ർ. കാ​ര​റ്റ്, അ​ട​പ്ര​ഥ​മ​ൻ, പ​രി​പ്പും ചെ​റു​പ​യ​റും, സേ​മി​യ എ​ന്നീ നാ​ലു​ത​രം പാ​യ​സ​മാ​ണ് ത​യാ​റാ​ക്കി​യ​ത്. കാ​ര​റ്റ് പാ​യ​സം ഏ​റെ ഇ​ഷ്​​ട​മാ​യെ​ന്നും വീ​ണ്ടും ചോ​ദി​ച്ചു വാ​ങ്ങി​യെ​ന്നും സ​ത്താ​ർ പ​റ​ഞ്ഞു.

സ​ദ്യ​യാ​ണ് ആ​ദ്യം ക​ഴി​ച്ചു​തു​ട​ങ്ങി​യ​ത്. ഇ​ല​യി​ലാ​ണ് സ​ദ്യ വി​ള​മ്പി​യ​ത്. ചി​ക്ക​ൻ വ​യ​നാ​ട​ൻ ഫ്രൈ​യും ബ​ദാ​മി മ​ഗ് ക​ബാ​ബും ഇ​ഷ്​​ട​മാ​യി. 25 പേ​ർ​ക്കു​ള്ള ഭ​ക്ഷ​ണ​മാ​ണ് ഒ​രു​ക്കി​യ​ത്. ചൊ​വ്വാ​ഴ്ച വൈ​കീ​ട്ടാ​ണ് രാ​ഹു​ലി​നും അ​തി​ഥി​ക​ൾ​ക്കു​മു​ള്ള ഭ​ക്ഷ​ണം വേ​ണ​മെ​ന്നു പ​റ​ഞ്ഞ് കോ​ൺ​ഗ്ര​സ് നേ​തൃ​ത്വം ഹോ​ട്ട​ലു​മാ​യി ബ​ന്ധ​പ്പെ​ടു​ന്ന​ത്. പി​ന്നാ​ലെ സ്വാ​ദി​ഷ്​​ട​മാ​യ ഭ​ക്ഷ​ണം ഒ​രു​ക്കാ​നു​ള്ള നെ​ട്ടോ​ട്ട​ത്തി​ലാ​യി​രു​ന്നു സ​ത്താ​റും ജീ​വ​ന​ക്കാ​രും. ഭ​ക്ഷ​ണ​ത്തി​നു​ള്ള എ​ല്ലാ സാ​ധ​ന​ങ്ങ​ളും വൈ​കീ​ട്ടോ​ടെ​ത്ത​ന്നെ സം​ഘ​ടി​പ്പി​ച്ചു.

ബു​ധ​നാ​ഴ്ച രാ​വി​ലെ പൊ​ലീ​സു​കാ​രു​ടെ നി​രീ​ക്ഷ​ണ​ത്തി​ലാ​യി​രു​ന്നു പാ​ച​കം. ഭ​ക്ഷ​ണ​ത്തി​നു​ശേ​ഷം രാ​ഹു​ൽ പ്ര​ത്യേ​കം അ​ഭി​ന​ന്ദി​ച്ച​പ്പോ​ൾ മ​ന​സ്സ് നി​റ​ഞ്ഞ​താ​യി സ​ത്താ​ർ പ​റ​യു​ന്നു. ജീ​വി​ത​ത്തി​ൽ ആ​ദ്യ​മാ​യാ​ണ് ഒ​രു വി.​വി.​ഐ.​പി​ക്ക് സ​ത്താ​ർ ഭ​ക്ഷ​ണം ത​യാ​റാ​ക്കു​ന്ന​ത്.