ചെറുപ്പയർപരിപ്പ്‌ പക്കോട 

ചേരുവകൾ: 

• ചെറുപ്പയർപരിപ്പ് - 100ഗ്രാം
• അരിഞ്ഞ സവാള - ഒന്ന്​
• മല്ലിയില - കാൽ കപ്പ് 
• ഇഞ്ചി, വെളുത്തുള്ളി പേസ്റ്റ് - 1 ടീസ്​പൂൺ 
• പച്ചമുളക് - രണ്ട്​ 
• മഞ്ഞൾപ്പൊടി - കാൽ ടീസ്​പൂൺ 
• മുളക്പ്പൊടി - കാൽ ടീസ്​പൂൺ   
• ജീരകപ്പൊടി - അര ടീസ്​പൂൺ 
• ഉപ്പ് - ആവശ്യത്തിന് 
• വെളിച്ചെണ്ണ -ആവശ്യത്തിന് 

തയ്യാറാക്കുന്ന വിധം:          
ഒരു മിക്‌സി ജാറിൽ രണ്ട്​ പച്ചമുളകും, രണ്ട്​ സ്​പൂൺ വെള്ളവും ചേർത്ത് ചെറുപ്പയർപരിപ്പ് നല്ലതുപോലെ അരച്ചെടുക്കുക. ഇത് 20 മിനിറ്റ് മാറ്റിവയ്ക്കുക. 20 മിനിറ്റിനു ശേഷം, ഇതിലേക്ക് അരിഞ്ഞു വച്ചിരിക്കുന്ന സവാള, മല്ലിയില, ഇഞ്ചി വെളുത്തുള്ളി പേസ്​റ്റ്​, മഞ്ഞൾപ്പൊടി, മുളക്പ്പൊടി, ജീരകപ്പൊടി, ഉപ്പ് എന്നിവ യഥാക്രമം ചേർത്ത് ഇളക്കി യോജിപ്പിക്കുക. ചൂടായ പാനിൽ എണ്ണ ഒഴിച്ച് ചൂടാകുമ്പോൾ, ഈ കൂട്ട് സ്​പൂണിൽ കുറേശ്ശേ കുറേശ്ശേ എടുത്തു എണ്ണയിൽ ഇട്ട് വറുത്തു കോരുക. നല്ല രുചികരവും ആരോഗ്യത്തിന്​ മികച്ചതുമായ ചെറുപ്പയർപരിപ്പ് പക്കോട തയ്യാർ. ചട്ട്‌ണി അല്ലെങ്കിൽ തക്കാളി സോസ് ചേർത്ത് കഴിക്കാം.

തയാറാക്കിയത്: ബ്ലെയ്‌സി ബിജോയ്‌ ബുദയ്യ