സൗദിയിൽ ഉ​പ​യോ​ഗി​ച്ച വ​സ്​​ത്ര​ങ്ങ​ൾ ശേ​ഖ​രി​ക്കു​ന്ന​തി​നെ​തി​രെ മു​ന്ന​റി​യി​പ്പ്​

ജി​ദ്ദ: അം​ഗീ​കൃ​ത വ​കു​പ്പു​ക​ളി​ൽ​നി​ന്ന്​ അ​നു​മ​തി​യി​ല്ലാ​തെ പൊ​തു​ജ​ന​ങ്ങ​ളി​ൽ​നി​ന്ന്​ ഉ​പ​യോ​ഗി​ച്ച വ​സ്​​ത്ര​ങ്ങ​ൾ നേ​രി​ട്ട്​ ശേ​ഖ​രി​ക്കു​ന്ന​തി​നെ​തി​രെ​ സൗ​ദി വാ​ണി​ജ്യ​മ​ന്ത്രാ​ല​യ​ത്തി​​ന്റെ​യും ലാ​ഭ​ര​ഹി​ത ദേ​ശീ​യ കേ​ന്ദ്ര​ത്തി​​ന്റെ​യും മു​ന്ന​റി​യി​പ്പ്.

ചി​ല ക​മ്പ​നി​ക​ളും വാ​ണി​ജ്യ​സ്ഥാ​പ​ന​ങ്ങ​ളും പൊ​തു​ജ​ന​ങ്ങ​ളി​ൽ​നി​ന്ന് ലൈ​സ​ൻ​സി​ല്ലാ​തെ ഉ​പ​യോ​ഗി​ച്ച വ​സ്ത്ര​ങ്ങ​ൾ ശേ​ഖ​രി​ക്കു​ന്ന ലം​ഘ​നം തു​ട​ർ​ച്ച​യാ​യി​ ശ്ര​ദ്ധ​യി​ൽ​​പെ​ട്ട​തി​നെ തു​ട​ർ​ന്നാ​ണ്​ ബ​ന്ധ​പ്പെ​ട്ട വ​കു​പ്പു​ക​ളു​ടെ മു​ന്ന​റി​യി​പ്പ്. അം​ഗീ​കൃ​ത എ​ൻ.​ജി.​ഒ​ക​ൾ​ക്ക്​ മാ​ത്ര​മേ പ​ഴ​യ വ​സ്​​ത്ര​ങ്ങ​ൾ ശേ​ഖ​രി​ക്കാ​നു​ള്ള അ​നു​വാ​ദ​മു​ള്ളൂ​.

നോ​ൺ പ്രോ​ഫി​റ്റ്​ വി​ക​സ​ന ദേ​ശീ​യ​കേ​ന്ദ്ര​വും വാ​ണി​ജ്യ​മ​ന്ത്രാ​ല​യ​വും ത​മ്മി​ൽ തു​ട​ർ​ച്ച​യാ​യ ഏ​കോ​പ​ന​വും സ​ഹ​ക​ര​ണ​വും വേ​ണം. അ​ല്ലാ​ത്ത സ്വ​കാ​ര്യ​സ്ഥാ​പ​ന​ങ്ങ​ളും വ്യ​ക്തി​ക​ളും പ​ഴ​യ​വ​സ്​​ത്ര​ങ്ങ​ൾ ശേ​ഖ​രി​ച്ചാ​ൽ നി​യ​മ​ലം​ഘ​ന​മാ​യി ക​ണ​ക്കാ​ക്കും.

ഉ​പ​യോ​ഗി​ച്ച വ​സ്ത്ര​ങ്ങ​ൾ ശേ​ഖ​രി​ക്കു​ന്ന​തി​നു​ള്ള പ്ര​വ​ർ​ത്ത​നം ബ​ന്ധ​പ്പെ​ട്ട അ​ധി​കാ​രി​ക​ളു​മാ​യി ചേ​ർ​ന്ന് നി​യ​ന്ത്രി​ക്കു​ന്ന​തി​നാ​ണെ​ന്നും വാ​ണി​ജ്യ​മ​ന്ത്രാ​ല​യ​വും ലാ​ഭ​ര​ഹി​ത​ ദേ​ശീ​യ​കേ​ന്ദ്ര​വും വ്യ​ക്ത​മാ​ക്കി.