Begin typing your search above and press return to search.
proflie-avatar
Login
exit_to_app
exit_to_app
Homechevron_rightLIFEchevron_rightYouthchevron_rightലോക്​ഡൗൺ കാലത്തെ...

ലോക്​ഡൗൺ കാലത്തെ വർണത്തുന്നലുകൾ 

text_fields
bookmark_border
ലോക്​ഡൗൺ കാലത്തെ വർണത്തുന്നലുകൾ 
cancel

ലോക്​ഡൗൺ കാലത്ത്​ എന്തുചെയ്​തെന്ന്​ ചോദിച്ചാൽ പലർക്കും പല മറുപടികളാകും. ചിലർ കണ്ടുതീർത്ത സിനിമകളുടെയും സീരീസുകളുടെയും പട്ടിക നിരത്തും. മറ്റുചിലർ വായിച്ച പുസ്​തകങ്ങളുടെ വി​ശേഷം പറയും. ചിലർ മുറ്റത്തൊരുക്കിയ ഗാർഡനിലേയും അടുക്കളയിലെ പച്ചക്കറി​ത്തോട്ടത്തിൻെറയും വൈവിധ്യങ്ങളെക്കുറിച്ച്​ വാചാലരാകും.

എന്നാൽ ചോദ്യം മലപ്പുറം കൽപ്പകഞ്ചേരിയിലെ സീനത്ത്​ ഇർഷാദിനോട്​ ചോദിച്ചാൽ ചുമരിലെ വർണ്ണച്ചിത്രങ്ങളിലേക്ക്​ ചൂണ്ടിക്കാട്ടും. മേശയിലിരിക്കുന്ന നിറങ്ങൾ ഒലിച്ചിറങ്ങിയ പാതിതീർന്ന മഷിക്കുപ്പികളും വെട്ടിക്കൂട്ടിയ വർണക്കടലാസുകളും ഇതിന്​ സാക്ഷിയാകും.

ലോക്​ഡൗൺ കാലത്ത്​ വീണുകിട്ടിയ സമയം ഉള്ളിലെ നിറക്കൂട്ടുകളെയും സർഗാത്മകതയെയും പറത്തിവിടാനാണ്​ ഈ പെൺകുട്ടി വിനിയോഗിച്ചത്​. കഠിനാധ്വാനത്തിനൊടുവിൽ അതിമനോഹരങ്ങളായ നിരവധി കാലിഗ്രഫികളും എ​ംബ്രോയ്​ഡറി വർക്കുകളും പിറന്നുവീണു.

ലോക്​ഡൗൺ ഒരുക്കിയ അവസരം

ചെറിയ രീതിയിൽ വരക്കാറുണ്ടായിരുന്നെങ്കിലും ലോക്​ഡൗൺ സമയത്താണ്​ ഇച്ചിരി ഗൗരവമായി വരച്ചുതുടങ്ങിയത്​​. യൂട്യൂബിൽ നോക്കി അറബിക്​ കാലിഗ്രഫി ചെയ്യുന്നവർ ഏറെയുണ്ടെങ്കിലും എംബ്രോയ്​ഡറിയിൽ പരീക്ഷിക്കുന്നവർ വളരെ കുറവാണ്​.

പരീക്ഷണങ്ങളിൽ ചിലത്​ ഇൻസ്​റ്റഗ്രാമിൽ പോസ്​റ്റ്​ചെയ്​ത്​ തുടങ്ങിയതോടെ നിരവധി പേർ അന്വേഷണങ്ങളുമായെത്തി. ഇപ്പോൾ താൽപ്പര്യമുള്ളവർക്കായി ചെറിയ ഫീസിൽ ഓൺലൈൻ ട്രെയിനിങ്ങും നടത്തുന്നുണ്ട്​.

കൈകൊണ്ടുതുന്നിയാണ്​ എംബ്രോയിഡറികളെല്ലാം ചെയ്യുന്നത്​. സമ്മാനങ്ങളായി നൽകാനുള്ള തരത്തിലൊരുക്കിയ വർക്കുകളാണ്​ അധികവും. ചെയ്​തവർക്കുകൾക്ക്​ ആവശ്യക്കാർ എത്തുന്നത്​ ആവേശം ഇരട്ടിപ്പിക്കുന്നുണ്ട്​.

സർഗവൈഭവമുള്ളവർക്ക് ഇൻസ്​റ്റഗ്രാം അടക്കമുള്ളവ ഉ​പയോഗിച്ച്​ അത്​ പ്രകടിപ്പിക്കാനുള്ള വലിയ അവസരം ഇപ്പോഴുണ്ട്​. എംബ്രോയ്​ഡറിയിൽ പുതിയ സാധ്യതകളും ഭാവനയും പരീക്ഷിക്കുന്ന തിരക്കിലാണിപ്പോൾ. ഓൺലൈൻ ട്രെയിനിങ്​ കുറച്ചൂകൂടി വിശാലമാക്കാനുള്ള ചിന്തകളും ഇപ്പോഴുണ്ടെുന്നും സീനത്ത്​ പറയുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:embroideryMalappuram News
Next Story