Begin typing your search above and press return to search.
exit_to_app
exit_to_app
Homechevron_rightLIFEchevron_rightFashionchevron_rightചിമ്പാൻസി മാസ്​ക്​...

ചിമ്പാൻസി മാസ്​ക്​ മുതൽ ഏലിയൻ മാസ്​ക്​ വരെ.... അറിയാം ഫാഷൻ ലോകത്തെ പുത്തൻ താരങ്ങളെ

text_fields
bookmark_border
ചിമ്പാൻസി മാസ്​ക്​ മുതൽ ഏലിയൻ മാസ്​ക്​ വരെ.... അറിയാം ഫാഷൻ ലോകത്തെ പുത്തൻ താരങ്ങളെ
cancel

2020​െൻറ തുടക്കത്തിൽ ഫാഷൻ രംഗവും പുത്തൻ ഉണർവിലായിരുന്നു​. എന്നാൽ മഹാമാരിയെത്തുടർന്ന്​ ലോകം സ്​തംഭിച്ചതോടെ ഫാഷൻ വിപണിക്കും പൂട്ടു വീണു. എന്തിലും ഏതിലും ഫാഷനും സ്​റ്റൈലും കൊണ്ടുവരുന്ന ജനങ്ങൾ കോവിഡ്​ കാലത്തും അത്​ തുടർന്നു.

കോവിഡിന്​ തടയിടാനുള്ള ഏറ്റവും മികച്ച പ്രതിരോധ മാർഗമായ 'മാസ്​ക്​' ആണ്​ ഇക്കാലത്തെ ഏറ്റവും വലിയ ഫാഷൻ ഐക്കണായി മാറിയത്​. ക്രിയാത്മകമായ മാറ്റങ്ങളും സ്​റ്റൈലുകളും വരുത്തിയ മാസ്​കുകൾ വിപണി കീഴടക്കി. വൈവിധ്യമായ മാസ്​കുകൾ പുറത്തിറക്കിയ നിരവധിയാളുകൾ ​വൈറലായി മാറി. ഫാഷൻ ലോകം കീഴടക്കിയ പുത്തൻ മാസ്​കുക​ളെ പരിചയപ്പെടാം.

ട്രെൻഡി മാസ്​കി​െൻറ തുടക്കം


ചൈനയിലെ വുഹാനിൽ നിന്ന്​ പൊട്ടിപ്പുറപ്പെട്ട കോവിഡ്​-19 വിവിധ ലോകരാജ്യങ്ങളിലേക്ക്​ കൂടി വ്യാപിച്ചതോടെ ലോകാരോഗ്യ സംഘടന മഹാമാരിയായി പ്രഖ്യാപിച്ചു. കോവിഡിനെ ചെറുക്കാൻ എൻ 95 മാസ്​കാണ്​ അത്യുത്തമം എന്നായിരുന്നു ആദ്യം പറഞ്ഞത്​. ഇതോടെ കടകളിൽ എൻ 95 മാസ്​കിന്​ ആവശ്യക്കാർ ഏറുകയും ക്ഷാമം നേരിടുകയും ചെയ്​തു.

ആളുകൾ അവശ്യ സാധനം എന്ന രീതിയിൽ എൻ 95 മാസ്​കുകൾ വാങ്ങിക്കൂട്ടുകയായിരുന്നു. എന്നാൽ സർജിക്കൽ മാസ്​ക്​, തുണി മാസ്​ക്​, വിവിധ ലെയറുകളിലുള്ള മാസ്​കുകൾ എന്നിവയി​െലല്ലാം ജനങ്ങൾ 'പരീക്ഷണം' തുടങ്ങി​.​

സ്വർണ മാസ്​ക്​


മാസ്​കുകളിൽ നടത്തിയ പരീക്ഷണങ്ങളിൽ ഏറ്റവും കൂടുതൽ വാർത്താ പ്രാധാന്യം കൈവന്നത്​ സ്വർണം കൊണ്ട്​ നിർമിക്കപ്പെട്ട മാസ്​കുകൾക്കാണ്​. മഹാരാഷ്​ട്രയിലെ പൂനെ സ്വദേശിയായ ശങ്കർ കുറാതെയാണ്​ 2.89 ലക്ഷം രൂപ മുടക്കി സ്വർണ മാസ്​ക്​ നിർമിച്ചത്​.

മാസ്​കിൽ ചെറിയ ദ്വാരങ്ങൾ ഉള്ളതിനാൽ ശ്വസിക്കാൻ ബുദ്ധിമുട്ട്​ നേരിടില്ലെന്നതാണ്​ ഇയാൾ കണ്ട ഉപകാരം. എന്നാൽ ഈ മാസ്​ക്​ ഫലപ്രദമാണോ എന്ന കാര്യത്തിൽ ഇയാൾക്ക്​ തന്നെ ഉറപ്പില്ല. പിന്നാലെ ഒഡീഷ സ്വദേശിയായ മറ്റൊരുരാളും സ്വർണ മാസ്​ക്​ ഉണ്ടാക്കി. മുംബൈയിലെ സാനേരി ബസാറിൽ നിന്ന്​ ഇയാൾ നിർമിച്ച 100 ഗ്രാം തൂക്കം വരുന്ന മാസ്​കിന്​ 3.5 ലക്ഷം രൂപ ചെലവ്​ വന്നു.

പ്ലേഗ്​ ഡോക്​ടർ മാസ്​ക്​

ചിത്രം: Reuters

14ാം നൂറ്റാണ്ടിലെ പ്ലേഗ്​ കാലത്ത്​ ആ​േരാഗ്യപ്രവർത്തകർ ഉപയോഗിച്ചിരുന്ന പ്ലേഗ്​ ഡോക്​ടർ മാസ്​കി​െൻറ തിരിച്ചു വരവിനും കോവിഡ്​ കാലം സാക്ഷിയായി. നീണ്ട കൊക്കി​െൻറ ഡിസൈനിലുള്ള മാസ്​ക്​ ധരിച്ചാണ്​ നടി രാധിക മിച്ചൽ വെനീസ്​​ ചലച്ചിത്ര മേളയിൽ ചുവടുവെച്ചത്​.

പിഗ്​ മാസ്​ക്​

ചിത്രം: Reuters

മികച്ച ഡിസൈനിൽ മുഖം മൊത്തം മറക്കാൻ സാധിക്കുന്ന മാസ്​കുകൾ ലഭിക്കു​േമ്പാൾ വായും മൂക്കും മാത്രം മറച്ച്​ എന്തിന്​ റിസ്​ക്​ എടുക്കണം. പന്നിയുടെ മുഖത്തോട്​ സാദൃശ്യമുള്ള മാസ്​കുകൾ ധരിച്ച്​ പുറത്തിറങ്ങിയ ജപ്പാൻകാരാണ്​ ആദ്യമായി ഈ ഉപായം കണ്ടെത്തിയത്​.

ചിത്രങ്ങൾ ​ൈവറലായതോടെ മറ്റ്​ മൃഗങ്ങളുടെ തലക്ക്​ സമാനമായ മാസ്​കുകൾ രംഗപ്രവേശനം ചെയ്യപ്പെട്ടു തുടങ്ങി.

ചിമ്പാൻസി മാസ്​ക്​


മാസ്​കുകളിൽ പരീക്ഷണം നടത്തി വ്യത്യസ്​തരാകാൻ ആളുകൾ ശ്രമം തുടങ്ങി കഴിഞ്ഞിരുന്നു. സിനിമാ താരങ്ങൾ ആയിരുന്നു ഇവരിൽ പ്രധാനികൾ.

ചിമ്പാൻസിയുടെ മുഖമുള്ള മാസ്​ക്​ ധരിച്ച്​ പൊതു സ്​ഥലത്ത്​ പ്രത്യക്ഷപ്പെട്ട നടി അദാ ശർമ ആരാധകരെ ചിരിപ്പിച്ചു.

പ്രകൃതി സൗഹൃദ മാസ്​ക്​

ചിത്രം: AP

മാസ്​കിനുള്ള ആവശ്യം കൂടിയതോടെ വിലയും റോക്കറ്റ്​ പോലെ ഉയർന്നു. ഇതോടെ ആളുകൾ മാസ്​ക്​ സ്വന്തമായി തയ്​ക്കാനും മറ്റ്​ മാർഗങ്ങൾ തേടാനും തുടങ്ങി.

ഇതിനിടെ കാബേജ്​ ഇലകൾ കൊണ്ട്​ മക്കൾക്ക്​ പ്രകൃതി സൗഹൃദ മാസ്​ക്​ നിർമിച്ച്​ നൽകിയ ഫലസ്​തീനി മാതാവി​െൻറ ചിത്രം വൈറലായി മാറി.

വേസ്​റ്റിൽ നിന്ന്​ മാസ്​ക്​

ചിത്രം: AFP

ഫിലിപ്പീൻസുകാരനായ ഒരാളാണ്​ പ്ലാസ്​റ്റിക്​ വാട്ടർ ടാങ്ക്,​ മാസ്​കും ഫേസ്​ ഷീൽഡുമാക്കി മാറ്റി കോവിഡിനെ പ്രതിരോധിക്കാമെന്ന്​ കാണിച്ചു തന്നത്​.

​വ്യത്യസ്​ത പ്രതിഷേധങ്ങൾ

ചിത്രം: Reuters

സ്വന്തം പൗരൻമാരെ രോഗബാധയിൽ നിന്ന്​ രക്ഷിക്കാനായി ലോകരാജ്യങ്ങൾ അടച്ചുപൂട്ടൽ പ്രഖ്യാപിച്ചിരുന്നു. എന്നാൽ ലോക്​ഡൗൺ ചട്ടങ്ങൾ ജനജീവിതത്തെ ദുഷ്​കരമായി ബാധിച്ചതോടെ പൗരൻമാർ തന്നെ പ്രതിഷേധങ്ങളുമായി രംഗത്ത്​ വന്നു. ജർമനിയിൽ നടന്ന പ്രതിഷേധത്തിനിടെ സ്വന്തം അടിവസ്​ത്രം മാസ്​കാക്കി ധരിച്ചാണ്​ യുവാവ്​ പ്രതിഷേധിച്ചത്​.

ഗ്യാസ്​ മാസ്​ക്​ അല്ലെങ്കിൽ ഏലിയൻ മാസ്​ക്​


അമേരിക്കയിലെ ഐഡഹോയിൽ ബിരുദദാനച്ചടങ്ങിനായി തൊപ്പിക്കും ഗൗണിനുമൊപ്പം ഗ്യാസ് മാസ്ക് ധരിച്ചെത്തിയ വിദ്യാർഥിയാണ്​ ശ്രദ്ധ കവർന്നത്​.

ഇതി​െൻറ ചിത്രങ്ങൾ‌ ഇൻറർ‌നെറ്റിൽ‌ വൈറലായി. ചിത്രങ്ങൾ വൈറലായതിന്​ പിന്നാലെ മാസ്​കിന്​ 'അന്യഗ്രഹ മാസ്‌ക്' എന്നും വിളിപ്പേര്​ വീണു.

അവലംബം: https://mumbaimirror.indiatimes.com

Show Full Article
TAGS:mask fashion world viral image covid 19 
Next Story