എ​ന്നും ഒ​രു​പോ​ലെ... എ​ന്തേ​ലു​മൊ​രു ചേ​ഞ്ച് വേ​ണ്ടേ?

ഇ​ന്നു ചെ​യ്തു തീ​ർ​ക്കേ​ണ്ട​താ​യ ഒ​രു വ​ലി​യ to-do ലി​സ്റ്റു​മാ​യി​ട്ടാ​ണ് ന​മ്മ​ൾ പ​ല​പ്പോ​ഴും ദി​വ​സം തു​ട​ങ്ങു​ക. എ​ന്നാ​ൽ, വൈ​കീ​ട്ട് ഇ​തി​ൽ ഭൂ​രി​ഭാ​ഗ​വും ചെ​യ്യാ​നാ​കാ​തെ, ഈ ​സ​മ​യ​മെ​ല്ലാം എ​ങ്ങോ​ട്ടു​പോ​യി എ​ന്ന് സ​ങ്ക​ട​പ്പെ​ടു​ക​യും ചെ​യ്യും. ന​മ്മ​ൾ പ​ണി​യെ​ടു​ക്കു​ന്നി​ല്ല എ​ന്ന് ഇ​തി​ന​ർ​ഥ​മി​ല്ല. പ​ക്ഷെ, എ​ന്തൊ​ക്കെ​യോ ചെ​യ്യു​ന്നു-​മെ​സ്സേ​ജി​ന് മ​റു​പ​ടി അ​യ​ക്കു​ന്നു, ഒ​രു പ​ണി​യി​ൽ നി​ന്ന് അ​ടു​ത്ത​തി​ലേ​ക്ക് ചാ​ടു​ന്നു, അ​തു​മി​തും അ​ടു​ക്കി​വെ​ക്കു​ന്നു, ഉ​ത്ത​ര​വാ​ദി​ത്ത​ങ്ങ​ളി​ൽ കു​ടു​ങ്ങി​ക്കി​ട​ക്കു​ന്നു എ​ന്നി​ങ്ങ​നെ...

അ​താ​യ​ത്, ചെ​യ്തു തീ​ർ​ക്ക​ണ​മെ​ന്ന് ആ​വ​ശ്യ​പ്പെ​ട്ട് ഇ​ങ്ങോ​ട്ടു വ​രു​ന്ന കാ​ര്യ​ങ്ങ​ളോ​ട് പ്ര​തി​ക​രി​ക്കു​ക മാ​ത്ര​മാ​ണ് നാം ​ചെ​യ്യു​ന്ന​ത്. ഇ​ൗയൊരു കാ​ര്യം ചെ​യ്യ​ണം/​പ​ഠി​ക്ക​ണം/​ഒ​രി​ട​ത്തേ​ക്ക് പോ​ക​ണം എ​ന്നി​ങ്ങ​നെ, മ​ന​സ്സി​ൽ തീ​രു​മാ​നി​ച്ച് ഉ​റ​പ്പി​ച്ചൊ​രു കാ​ര്യം ചെ​യ്യാ​ൻ ഇ​തി​നി​ട​യി​ൽ സ​മ​യം കി​ട്ടാ​തെ പോ​കു​ന്നു.

തി​ര​ക്കാ​യ​തു​കൊ​ണ്ടാ​ണെ​ന്ന് ഒ​ടു​വി​ൽ നാം ​നെ​ടു​വീ​ർ​പ്പി​ടു​ക​യും ചെ​യ്യു​ന്നു. ഇ​ങ്ങ​നെ, ഇ​ങ്ങോ​ട്ടു​ക​യ​റി​വ​രു​ന്ന തി​ര​ക്കി​ൽ അ​മ​ർ​ന്നു​പോ​കാ​ൻ ​പ്രേ​രി​പ്പി​ക്കു​ന്ന​താ​ണ് ന​മ്മു​ടെ​യെ​ല്ലാം പ​രി​സ​ര​ം. യ​ഥാ​ർ​ഥ ഉ​യ​ർ​ച്ച​ക്കു​ള്ള ഒ​ന്നും ചെ​യ്യാ​ൻ ഇ​തി​നി​ട​യി​ൽ സ​മ​യം ക​ണ്ടെ​ത്താ​നാ​കി​ല്ല. ഫ​ല​മോ, എ​ന്നും എ​ന്തൊ​ക്കെ​യോ ചെ​യ്തു​കൂ​ട്ടു​ന്നു.

ക​ണ​ക്കു​കൂ​ട്ടു​മ്പോ​ൾ ഒ​ന്നും എ​ടു​ക്കാ​നി​ല്ല എ​ന്ന നി​രാ​ശ. ഇ​തി​ൽ നി​ന്ന് പു​റ​ത്തു​വ​ന്ന്, അ​ർ​ഥ​പൂ​ർ​ണ​മാ​യ​തും യ​ഥാ​ർ​ഥ പു​രോ​ഗ​തി​യി​ലേ​ക്ക് വെ​ളി​ച്ച​മാ​കു​ന്ന​തു​മാ​യ കാ​ര്യ​ങ്ങ​ൾ ചെ​യ്യാ​ൻ എ​ല്ലാ​വ​ർ​ക്കും ക​ഴി​യും. താ​ഴെ പ​റ​യു​ന്ന അ​ഞ്ചു ലളിതമായ കാ​ര്യ​ങ്ങ​ൾ ഒ​ന്നു പ​രീ​ക്ഷി​ച്ചു നോ​ക്കൂ. ഒ​റ്റ രാ​ത്രി കൊ​ണ്ട് ഇവ ജീ​വി​തം അ​ടി​മു​ടി മാ​റ്റു​ക​യൊ​ന്നു​മി​ല്ല. എന്നാലും ചില ചേഞ്ചുകൾ കൊണ്ടുവരും, അതിൽ പിടിച്ച് കയറണമെന്നുമാത്രം.

ഒ​രു ദി​നം ഒ​ന്ന്

എ​ല്ലാം കൂ​ട്ടി​യി​ട്ട് വ​ലി​യൊ​രു ‘ക്ലീ​നി​ങ് ഡേ’​യി​ലേ​ക്ക് വെ​ക്കു​ന്ന​തി​നു​പ​ക​രം ഒ​രു ദി​വ​സം ഒ​രു വേ​സ്റ്റ് ബോ​ക്സ് മാ​ത്രം നീ​ക്കി നോ​ക്കൂ, ഉ​പ​യോ​ഗ​മി​ല്ലാ​ത്ത ഒ​രു ആ​പ്പ് മാ​ത്രം അ​ൺ​ഇ​ൻ​സ്റ്റാ​ൾ ചെ​യ്യു​ന്ന സ​മ​യ​മേ അ​തി​നു വേ​ണ്ടി വ​രൂ. ദി​വ​സേ​ന​യു​ള്ള ഇ​ത്ത​രം ചെ​റു ജോ​ലി​ക​ൾ നി​ർ​വ​ഹി​ച്ചാ​ൽ ശാ​ന്ത​വും ശു​ദ്ധ​വു​മാ​യ ഒ​രു ഇ​ടം സൃ​ഷ്ടി​ക്കാ​ൻ ക​ഴി​യും. അ​ത് വ്യ​ക്ത​ത​യും ഫോ​ക്ക​സു​മു​ള്ള മ​ന​സ്സ് സൃ​ഷ്ടി​ക്കും.

ചെ​റി​യ ടാ​സ്ക് ലി​സ്റ്റ്

ഒ​രു ദി​വ​സം ത​ന്നെ കു​റേ കാ​ര്യ​ങ്ങ​ൾ ചെ​യ്തു തീ​ർ​ക്കാ​ൻ ശ്ര​മി​ക്കു​മ്പോ​ൾ പ​ല​പ്പോ​ഴും വ​ള​രെ കു​റ​ച്ചു മാ​ത്ര​മേ ഫ​ല​പ്ര​ദ​മാ​യി പൂ​ർ​ത്തി​യാ​ക്കാ​ൻ സാ​ധി​ക്കൂ.

ഡെ​യ്‍ലി ടാ​സ്ക് ലി​സ്റ്റി​ൽ മൂ​ന്നു മു​ത​ൽ അ​ഞ്ചു വ​രെ മാ​ത്രം കാ​ര്യ​ങ്ങ​ൾ വെ​ക്കു​ന്ന​താ​ണ് പ്രാ​യോ​ഗി​കം. എ​ല്ലാം അ​ടി​യ​ന്ത​ര​മാ​യി തീ​ർ​ക്കേ​ണ്ട​താ​വി​ല്ല, എ​ല്ലാം ഒ​റ്റ​യ​ടി​ക്ക് തീ​ർ​ക്കേ​ണ്ട​തു​മാ​വി​ല്ല. വ​ള​രെ കു​റ​ച്ചു കാ​ര്യ​ങ്ങ​ളി​ൽ മാ​ത്രം ഫോ​ക്ക​സ് ചെ​യ്താ​ൽ അ​വ ചെ​യ്തു തീ​ർ​ക്കാ​നു​ള്ള സാ​ധ്യ​ത വ​ർ​ധി​ക്കു​ക​യും ദി​വ​സാ​വ​സാ​നം കു​റ്റ​ബോ​ധ​മി​ല്ലാ​തി​രി​ക്കു​ക​യു​മാ​കാം.

​ഫോണിൽ നിന്ന് നിങ്ങളെ സംരക്ഷിക്കുക

ഏ​റ്റ​വും അ​വ​ശ്യ​വ​സ്തു​ക്ക​ളി​ലൊ​ന്നാ​യി ഫോ​ൺ മാ​റി​യി​ട്ടു​ണ്ടെ​ങ്കി​ലും ന​മ്മ​ള​റി​യാ​തെ സ​മ​യം കാ​ർ​ന്നെ​ടു​ക്കു​ന്ന രാ​ക്ഷ​സ​ൻ കൂ​ടി​യാ​ണ​ത്. ചെ​റി​യ മാ​റ്റ​ങ്ങ​ൾ കൊ​ണ്ട് ഇ​ക്കാ​ര്യ​ത്തി​ൽ കാ​ര്യ​മാ​യ വ്യ​ത്യാ​സ​ങ്ങ​ൾ കൊ​ണ്ടു​വ​രാ​നാ​കും. അ​ത്യാ​വ​ശ്യ​മ​ല്ലാ​ത്ത നോ​ട്ടി​ഫി​ക്കേ​ഷ​ൻ​സ് ഓ​ഫാ​ക്കി​​യേ​ക്കു​ക.

ന​മ്മു​ടെ ശ്ര​ദ്ധ പി​ടി​ച്ചെ​ടു​ക്കു​ന്ന ആ​പ്പു​ക​ൾ ഹോം ​സ്ക്രീ​നി​ൽ വെ​ക്കാ​തെ, തി​ര​ഞ്ഞ് ക​ണ്ടെ​ത്താ​ൻ പാ​ടു​പെ​ടു​ന്ന അ​ക​ല​ത്തി​ൽ ഒ​ളി​പ്പി​ച്ചു​വെ​ക്കാം. എ​ന്തെ​ങ്കി​ലും ശ്ര​ദ്ധാ​പൂ​ർ​വം ചെ​യ്യു​ന്ന സ​മ​യ​ത്ത് ‘Do not Disturb’ ഫീ​ച്ച​ർ ഉ​പ​യോ​ഗി​ക്കാം. ചെ​റി​യ കാ​ര്യ​ങ്ങ​ളാ​ണെ​ങ്കി​ലും ചി​ല്ല​റ നി​യ​ന്ത്ര​ണ​ങ്ങ​ൾ ഇ​വ ത​രും.

പ​തി​വ് പ​ണ​മി​ട​പാ​ടു​ക​ൾ ഓ​ട്ടോ​മേ​റ്റ് ചെ​യ്യാം

ഏ​ത് ബി​ല്ലാ​ണ് അ​ട​ക്കാ​നു​ള്ള​ത്, എ​ങ്ങോ​ട്ടാ​ണ് പ​ണം ട്രാ​ൻ​സ്ഫ​ർ ചെ​യ്യാ​നു​ള്ള​ത് എ​ന്നെ​ല്ലാം ആ​ലോ​ചി​ക്കാ​ൻ സ​മ​യം ക​ള​യു​ന്ന​താ​ണ് ഇ​ന്ന​ത്തെ കാലത്ത് യഥാർഥ ടൈം ​വേ​സ്റ്റാ​ക്ക​ൽ. ഇ​ട​പാ​ടു​ക​ൾ ഓ​ട്ടോ​മേ​റ്റ് ചെ​യ്യാ​ൻ സ​ഹാ​യി​ക്കു​ന്ന ഒ​ട്ടേ​റെ ഫി​നാ​ൻ​ഷ്യ​ൽ പ്ലാ​റ്റ്ഫോ​മു​ക​ളു​ണ്ട്. ഇ​തു​വ​ഴി സേ​വി​ങ്സ്, അ​ട​വു​ക​ൾ, നി​ക്ഷേ​പ​ങ്ങ​ൾ വ​രെ ഓ​ട്ടോ​മേ​റ്റ് ചെ​യ്യാം.

ചെ​റി​യ കാ​ര്യ​ങ്ങ​ൾ പെ​ട്ടെ​ന്ന്

ര​ണ്ടു മി​നി​റ്റു​കൊ​ണ്ട് ചെ​യ്തു തീ​ർ​ക്കാ​ൻ പ​റ്റു​ന്ന കാ​ര്യ​ങ്ങ​ളു​ണ്ടെ​ങ്കി​ൽ ഉ​ട​ന​ടി അ​ത് ചെ​യ്തു തീ​ർ​ക്കു​ക. മെ​യി​ലി​നു മ​റു​പ​ടി, ഒ​രു വ​സ്തു യ​ഥാ​സ്ഥാ​ന​ത്ത് തി​രി​ച്ചു​വെ​ക്കു​ക തു​ട​ങ്ങി​യ​വ ഉ​ദാ​ഹ​ര​ണം. ഇ​തെ​ല്ലാം ചെ​യ്യാ​തെ​വെ​ച്ച് കു​ന്നു​കൂ​ടി​യാ​ൽ പി​ന്നെ, അ​റി​യാ​മ​ല്ലോ.