അ​ധ്യാ​പി​ക​ക്കൊ​പ്പം സ​ത്യ​പ്ര​തി​ജ്ഞ ചെ​യ്ത് വി​ദ്യാ​ർ​ഥി​നി

അ​ധ്യാ​പി​ക​ക്കൊ​പ്പം സ​ത്യ​പ്ര​തി​ജ്ഞ ചെ​യ്ത് വി​ദ്യാ​ർ​ഥി​നി. തൃ​ക്കാ​ക്ക​ര ന​ഗ​ര​സ​ഭ​യി​ലെ ജ​ന​പ്ര​തി​നി​ധി​ക​ളു​ടെ സ​ത്യ​പ്ര​തി​ജ്ഞാ ച​ട​ങ്ങാ​ണ് അ​പൂ​ർ​വ​സം​ഭ​വ​ത്തി​ന് സാ​ക്ഷ്യം വ​ഹി​ച്ച​ത്. ന​ഗ​ര​സ​ഭ​യി​ലെ 40ാം വാ​ർ​ഡി​ലെ (സ​ഹ​ക​ര​ണ റോ​ഡ്) കൗ​ൺ​സി​ല​ർ ലാ​ലി ജോ​ഫി​നും 41ാം വാ​ർ​ഡ് (തോ​പ്പി​ൽ) കൗ​ൺ​സി​ല​ർ ലി​യ ത​ങ്ക​ച്ച​നു​മാ​ണ് ന​ഗ​ര​സ​ഭ കൗ​ൺ​സി​ലി​ലെ ഗു​രു​വും ശി​ഷ്യ​യും. നി​യ​മ​ബി​രു​ദ​ധാ​രി​ക​ളാ​യ ഇ​രു​വ​രും വ്യ​ത്യ​സ്ത രാ​ഷ്​​ട്രീ​യം പ്ര​തി​നി​ധാ​നം ചെ​യ്യു​ന്ന​വ​രാ​ണ്.

ഇ​ട​പ്പ​ള്ളി സെൻറ് പ​യ​സ് സ്കൂ​ളി​ലാ​യി​രു​ന്നു വ​ർ​ഷ​ങ്ങ​ൾ​ക്ക് മു​മ്പ് ലാ​ലി ജോ​ഫി​ൻ ലി​യ​യെ പ​ഠി​പ്പി​ച്ച​ത്. ആ​റാം ക്ലാ​സി​ലെ അ​ധ്യാ​പി​ക ലാ​ലി ടീ​ച്ച​റെ കെ​ട്ടി​പ്പി​ടി​ച്ച് അ​നു​ഗ്ര​ഹം വാ​ങ്ങി​യ ശേ​ഷ​മാ​യി​രു​ന്നു സ​ത്യ​പ്ര​തി​ജ്ഞ. പ​ര​സ്പ​രം അ​തി​ർ​ത്തി പ​ങ്കി​ടു​ന്ന വാ​ർ​ഡു​ക​ളാ​ണ് ഇ​രു​വ​രു​ടെ​യും. സാ​മൂ​ഹി​ക​ശാ​സ്ത്രം അ​ധ്യാ​പി​ക​യാ​യി​രു​ന്ന ലാ​ലി തൃ​ക്കാ​ക്ക​ര പ​ഞ്ചാ​യ​ത്താ​യി​രു​ന്ന കാ​ല​ത്ത് ഇ​ട​പ്പ​ള്ളി ബ്ലോ​ക്കി​ലും ജി​ല്ല പ​ഞ്ചാ​യ​ത്തി​ലും അം​ഗ​മാ​യി​രു​ന്നു.

ഡി.​സി.​സി ജ​ന​റ​ൽ സെ​ക്ര​ട്ട​റി​യാ​യ ഇ​വ​ർ 2016ൽ ​സ​ർ​വി​സി​ൽ​നി​ന്ന് വി.​ആ​ർ.​എ​സ് എ​ടു​ത്ത ശേ​ഷ​മാ​ണ്​ രാ​ഷ്​​ട്രീ​യ​ത്തി​ൽ വീ​ണ്ടും സ​ജീ​വ​മാ​യ​ത്. പി​ന്നീ​ട് നി​യ​മ​ബി​രു​ദം നേ​ടു​ക​യും ചെ​യ്തു. എ​സ്.​എ​ഫ്.​ഐ​യി​ലൂ​ടെ​യാ​ണ് ലി​യ സ​ജീ​വ രാ​ഷ്​​ട്രീ​യ​ത്തി​ലേ​ക്കി​റ​ങ്ങു​ന്ന​ത്. ക​ഴി​ഞ്ഞ വ​ർ​ഷ​മാ​ണ് തി​രു​വ​ന​ന്ത​പു​രം ലോ ​കോ​ള​ജി​ൽ​നി​ന്ന് നി​യ​മ​ബി​രു​ദം പൂ​ർ​ത്തി​യാ​ക്കി പു​റ​ത്തി​റ​ങ്ങി​യ​ത്. ലാ​ലി ടീ​ച്ച​റി​െൻറ പ്രി​യ​പ്പെ​ട്ട ശി​ഷ്യ ത​ന്നെ​യാ​ണ് ലി​യ​യു​ടെ സ​ഹോ​ദ​രി​യും.