ലക്ഷദ്വീപിൽ നിയമ നിർമാണസഭ രൂപവത്കരിക്കണം- എം.കെ. രാഘവൻ

ന്യൂഡൽഹി: ലക്ഷദ്വീപ് നിയമ നിർമാണസഭ രൂപവത്കരണ ആവശ്യം ഉൾപ്പെടെ എം.കെ. രാഘവൻ എം.പി ലോക്സഭയിൽ മൂന്ന് സ്വകാര്യ ബില്ലുകൾ അവതരിപ്പിച്ചു. ആരോഗ്യം`മൗലികാവകാശ ബിൽ, സാർവത്രികാരോഗ്യ ഇൻഷുറൻസ്‌ ബിൽ എന്നിവയാണ് മറ്റുള്ളവ.

ലക്ഷദ്വീപിൽ അഡ്മിനിസ്ട്രേറ്റർമാരുടെ ഭരണം അധികാര കേന്ദ്രീകരണത്തിന്‌ വഴിതെളിച്ചിട്ടുണ്ടെന്നും ജനപ്രതിനിധികളുടെ അഭാവം ലക്ഷദ്വീപ് നേരിടുന്നതായും ബില്ലിൽ പറയുന്നു. കേരള ഗവർണറെ കേന്ദ്ര ഭരണപ്രദേശത്തിന്‍റെ ലെഫ്റ്റനന്‍റ് ഗവർണറായി മാറ്റണം. ഇന്ത്യയിലെ മുഴുവൻ പൗരന്മാർക്കും കേന്ദ്ര-സംസ്ഥാന സർക്കാറുകളുടെ തുല്യ വിഹിതത്തോടു കൂടി ആരോഗ്യ ഇൻഷുറൻസ്‌ ഏർപ്പെടുത്തുക എന്നതാണ്‌ സാർവത്രികാരോഗ്യ ഇൻഷുറൻസ്‌ ബിൽ ആവശ്യപ്പെടുന്നത്.