Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLakshadweepchevron_rightലക്ഷദ്വീപിൽ...

ലക്ഷദ്വീപിൽ മൂന്നുവർഷത്തിനിടെ പിരിച്ചുവിട്ടത് 936 പേരെ; നീതികേടിന്‍റെ ഒടുവിലെ അധ്യായമെന്ന് ജോൺ ബ്രിട്ടാസ്

text_fields
bookmark_border
Lakshadweep
cancel

ന്യൂഡൽഹി: ലക്ഷദ്വീപ് ഭരണകൂടം ദ്വീപ് നിവാസികളോട് ഏതാനും വർഷങ്ങളായി തുടരുന്ന നീതികേടിന്‍റെ ഒടുവിലെ അധ്യായമാണ് രണ്ടു വർഷമായി നടക്കുന്ന കൂട്ടപിരിച്ചുവിടലെന്ന്​ ജോൺ ബ്രിട്ടാസ് എം.പി പറഞ്ഞു. മൂന്നുവർഷത്തിനിടെ 936 കരാർ​, സ്ഥിരം ജീവനക്കാരെയാണ് ദ്വീപിൽ പിരിച്ചുവിട്ടത്.

2020ൽ 15 കരാർ ജീവനക്കാരെയാണ്​ ദ്വീപിൽ പിരിച്ചുവിട്ടതെങ്കിൽ 2021ൽ ഇത് 617 ആയി ഉയർന്നു. 2022 ആയപ്പോഴേക്കും 25 സ്ഥിരം ജീവനക്കാരും 279 കരാർ ജീവനക്കാരും ഉൾപ്പെടെ 304 പേരെയാണ് പിരിച്ചുവിട്ടതെന്ന്​ രാജ്യസഭയിൽ ഉന്നയിച്ച ചോദ്യത്തിന് കേന്ദ്ര ആഭ്യന്തര മന്ത്രാലയം നൽകിയ മറുപടിയിൽ വ്യക്തമാക്കുന്നതെന്നും എം.പി കൂട്ടിച്ചേർത്തു.

ദ്വീപിന്റെ ഭൂമിശാസ്ത്രപരമായ പ്രത്യേകതകൾ കണക്കിലെടുത്താൽ സർക്കാർ ഉദ്യോഗത്തിൽ നിന്നുള്ള വരുമാനമാണ് അവിടത്തെ സമ്പദ് വ്യവസ്ഥയെ ചലിപ്പിക്കുന്നതിൽ പ്രധാന പങ്കുവഹിക്കുന്നത്. ഈ വരുമാനം ഇല്ലാതാകുന്നതോടെ ദ്വീപ് വാസികളുടെ ജീവിതം കൂടുതൽ ദുസ്സഹമാവുകയാണ് ചെയ്യുന്നത്. ജീവനക്കാരെ പിരിച്ചുവിടൽ, പണ്ടാരഭൂമി എന്ന പേരിൽ നിർമാണങ്ങൾ അനുവദിക്കാതിരിക്കൽ എന്നിവക്ക്​ പുറമെ മത്സ്യത്തൊലാളികൾക്കുള്ള മണ്ണെണ്ണ, റേഷൻ പഞ്ചസാര, ആരോഗ്യ ഇൻഷുറൻസ് തുടങ്ങി വിവിധ മേഖലകളിൽ നിയന്ത്രണങ്ങൾ ഏർപ്പെടുത്തിയതോടെ ദ്വീപ് വാസികൾ കടുത്ത പ്രയാസം അനുഭവിക്കുകയാണെന്നും എം.പി പറഞ്ഞു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Lakshadweep
News Summary - In Lakshadweep, 936 people were dismissed in three years
Next Story