ഡബ്ല്യൂ.ഇ പുരസ്കാരപ്പട്ടികയിലിടം പിടിച്ച്​ ഡോ.റുഖയ മുഹമ്മദ്​കുഞ്ഞി

വുമൺ എംപവേർഡ്​​ ഇന്ത്യയുടെ പുരസ്​കാരപ്പട്ടികയിലിടം പിടിച്ച്​ ഡോ.റുഖയ മുഹമ്മദ്​കുഞ്ഞി​. കാഞ്ഞങ്ങാട്​ നെഹ്​റു കോളജിലെ ഇംഗ്ലീഷ്​ വിഭാഗം പ്രൊഫസറായ റുഖയ 'എമേർജിങ്​ പോയറ്റ്​സ്'​ വിഭാഗത്തിൽ ജാഗരി മുഖർജിയുമായി പുരസ്​കാരം പങ്കിട്ടു. ഇന്ത്യയിലെ ഇംഗ്ലീഷ്​ പെണ്ണെഴുത്തുകൾക്ക്​ വേണ്ടി പ്രവർത്തിക്കുന്ന എൻ.ജി.ഒയാണ്​ വുമൺ എംപവേർഡ്​​ ഇന്ത്യ. സംഘടന​യുടെ കമല ദാസ്​ അവാർഡ്​ കൊൽക്കത്ത യൂണിവേഴ്​സിറ്റിയിലെ മുൻ മേധാവി സഞ്​ജുക്​ത ദാസ്​ ഗുപ്​ത സ്വന്തമാക്കി.

കേരള കേന്ദ്ര സർവ്വകലാശാലയിൽ നിന്നും ഇംഗ്ലീഷ്​ സാഹിത്യത്തിൽ ഡോക്​ട​റേറ്റ്​ നേടിയ റുഖയയുടെ നിരവധി ലേഖനങ്ങളും കവിതകളും പ്രസിദ്ധീകരിച്ചിട്ടുണ്ട്​. എയർ ഇന്ത്യ ട്രാഫിക്​ വിഭാഗത്തിൽ നിന്നും വിരമിച്ച മുഹമ്മദ്​ കുഞ്ഞിയുടേയും പരേതയായ മറിയുമ്മയുടേയും മകളാണ്​.