Begin typing your search above and press return to search.
proflie-avatar
Login
exit_to_app
exit_to_app
കൊടൈക്കനാലിൽ കോടമഞ്ഞും കുളിരും മാത്രമല്ല, ഏകാന്തസുന്ദര ​ഗ്രാമങ്ങള​ുമുണ്ട്​... കൊടൈ ഗ്രാമങ്ങൾ തേടിയൊരു യാത്ര
cancel
camera_alt

കൊ​ടൈ​ക്ക​നാ​ലിലെ മ​ന്ന​വ​ന്നൂ​ർ ഗ്രാമം

Homechevron_rightKudumbamchevron_rightTravelchevron_rightTraveloguechevron_rightകൊടൈക്കനാലിൽ കോടമഞ്ഞും...

കൊടൈക്കനാലിൽ കോടമഞ്ഞും കുളിരും മാത്രമല്ല, ഏകാന്തസുന്ദര ​ഗ്രാമങ്ങള​ുമുണ്ട്​... കൊടൈ ഗ്രാമങ്ങൾ തേടിയൊരു യാത്ര

text_fields
bookmark_border

കൊ​ടൈ​ക്ക​നാ​ലി​െ​ൻ​റ ഉ​ൾ​നാ​ട​ൻ ഗ്രാ​മ​ങ്ങ​ളി​ലേ​ക്കാ​യി​രു​ന്നു ആ ​യാ​ത്ര. വി​ഷ് ലി​സ്​​റ്റി​ൽ ഒ​രു​പ​റ്റം ക​വി​ത നി​റ​യും പേ​രു​ക​ൾ... പൂ​മ്പാ​റ, മ​ന്ന​വ​ന്നൂ​ർ, കു​മ്പൂ​ർ, കൗ​വു​ഞ്ചി, പോ​ലൂ​ർ, പൂ​ണ്ടി, ക്ലാ​വ​ര...

യാ​ത്ര​യി​ൽ മ​ക​ളും ഭ​ർ​ത്താ​വു​മ​ട​ങ്ങി​യ സ്ഥി​രം ടീം ​അം​ഗ​ങ്ങ​ൾ. ​കൊ​ടൈ​ക്ക​നാ​ലി​​െൻറ തി​ര​ക്കി​ൽപെ​ട്ടു ക്ഷീ​ണി​ച്ചുപോ​യ മൂ​ന്നു മു​ഖ​ങ്ങ​ൾ. ഹോ​ട്ട​ലി​ൽനി​ന്ന്​ ചെ​ക്കൗട്ട്​ ചെ​യ്തി​റ​ങ്ങി​യ​ത് ഒ​ട്ടും പ്ര​സ​ന്ന​മ​ല്ലാ​ത്ത മു​ഖ​വു​മാ​യാണ്. ത​ലേരാ​ത്രി​യി​ലെ ഗാ​ല ഡി​ന്ന​റുംകൂ​ടി ചേ​ർ​ന്ന​താ​ണ് പാ​ക്കേ​ജ് എ​ന്നു​പ​റ​ഞ്ഞു ഭീ​മ​മാ​യ തു​ക ഈ​ടാ​ക്കാ​ൻ നോ​ക്കി​യ ഹോ​ട്ട​ൽ ജീ​വ​ന​ക്കാ​ര​നോ​ടു​ള്ള പ്ര​തി​ഷേ​ധ​ത്തി​ൽ ക​ന​ത്തുപോ​യ മു​ഖ​ങ്ങ​ൾ. പാ​ക്കേ​ജി​നു നേ​ര​​േത്ത ത​ന്നെ പൈ​സ അ​ട​ച്ചി​രു​ന്ന ഞ​ങ്ങ​ൾ ഇ​നി ഒ​ന്നും ത​രി​ല്ലെ​ന്ന വാ​ശി​യി​ൽ ഉ​റ​ച്ചുനി​ൽ​ക്കു​ക ത​ന്നെ ചെ​യ്തി​രു​ന്നു. എ​ല്ലാ മൂ​ക​ത​യും കാ​ർ ചു​ര​മി​റ​ങ്ങി പൂ​മ്പാ​റ​യി​ലേ​ക്കെ​ത്തു​മ്പോ​ഴേ​ക്കും അ​സ്ത​മി​ച്ചി​രു​ന്നു.

കൊ​ടൈ​ക്ക​നാ​ലിെ​ൻ​റ പേ​രു​പോ​ലെ​ത​ന്നെ വ​ഴി​നി​റ​യെ കോ​ട​മ​ഞ്ഞ്​ ക​ണ്ടുക​ണ്ട്​ സ്വ​പ്നം​പോ​ലെ ഒ​റ്റ​പ്പെ​ട്ട ഗ്രാ​മ​ങ്ങ​ളെ തേ​ടി ഒ​രു യാ​ത്ര... പൈ​ൻ​മ​ര​ക്കാ​ടു​ക​ളി​ലൂ​ടെ മ​ന്ന​വ​ന്നൂ​രി​ലേ​ക്കു​ള്ള യാ​ത്ര ഹൃ​ദ​യ​ത്തെ വ​ല്ലാ​തെ ത​ണു​പ്പി​ച്ചു​ക​ള​യും. കൊടൈ സി​റ്റി​യി​ൽ​നി​ന്ന് ഏ​താ​ണ്ട് 30 കി​ലോ​മീ​റ്റ​ർ അ​ക​ലെ​യു​ള്ള പ്ര​ശാ​ന്ത സു​ന്ദ​ര​മാ​മി​ടം.

മ​ന്ന​വ​ന്നൂ​രി​ലേ​ക്ക്...

പോ​കും​വ​ഴി​യി​ലെ സു​ന്ദ​രി​യാ​യ ഗ്രാ​മ​മാ​ണ് പൂ​മ്പാ​റ. വ​ഴി​യു​ടെ ഇ​രു​വ​ശ​വും ആ​ഹ്ലാ​ദ​മു​ണ​ർ​ത്തു​ന്ന കാ​ഴ്ച​ക​ളാ​ണ്. ഇ​ട​ക്കി​ടെ ശ​ക്ത​മാ​യ കോ​ട​മ​ഞ്ഞ് വ​ന്ന്​ കാ​റി​നെ​ത്ത​ന്നെ​യും മൂ​ടി​നി​ൽ​ക്കും. കാ​ർ നി​ർ​ത്തി ഹൃ​ദ​യം​വ​രെ​യും ത​ണു​പ്പി​ച്ച്​ സ്വ​പ്ന​ത്തി​ലെ​ന്നപോ​ലെ നി​ൽ​ക്കാ​ൻ എ​ന്തു ര​സ​മാ​ണ്.

ചെ​മ്മ​രി​യാ​ടു​ക​ൾ മേ​യു​ന്ന താ​ഴ്‌​വ​ര​ക​ൾ, വെ​ള്ളു​ള്ളി​യും പ​ട്ടാ​ണി​യും കാ​ര​റ്റും വി​ള​യു​ന്ന കൃ​ഷി​യി​ട​ങ്ങ​ൾ, ഗ്രാ​മ​ത്തിെ​ൻ​റ ഉ​ള്ളി​ലേ​ക്കു പോ​യാ​ൽ ആ​യി​ര​ക്ക​ണ​ക്കി​ന് വ​ർ​ഷ​ങ്ങ​ൾ പ​ഴ​ക്ക​മു​ള്ള സു​ബ്ര​ഹ്മ​ണ്യ​ക്ഷേ​ത്ര​മു​ണ്ട്. ഇ​ത് ശ​രി​ക്കും ക​ർ​ഷ​ക ഗ്രാ​മ​മാ​ണ്. മ​ല​നി​ര​ക​ളെ ത​ട്ടു​ക​ളാ​ക്കി​ത്തി​രി​ച്ച്​ വി​യ​ർ​പ്പൊ​ഴു​ക്കി പ​രി​പാ​ലി​ക്കു​ന്ന കൃ​ഷി​യി​ട​ങ്ങ​ൾ.

മ​ന്ന​വ​ന്നൂ​രിലെ പ്രധാന ആകർഷണമായ തടാകം

വ​ഴി​വ​ക്കി​ലു​ള്ള ഓ​രോ ക​ർ​ഷ​ക​രു​ടെ​യും അ​ടു​ത്തു നി​ർ​ത്തി സാ​ധ​ന​ങ്ങ​ൾ വാ​ങ്ങി​യാ​ണ് ഞ​ങ്ങ​ളു​ടെ യാ​ത്ര. വെ​ള്ളു​ള്ളി​യും കാര​റ്റും വാ​ങ്ങി​യ ഇ​ട​ത്തുനിന്ന്​ പൂ​മ്പാ​റ​ക്കാ​ര​ൻ മാ​രി​മു​ത്തു മ​ന്ന​വ​ന്നൂ​രി​നെ പ​റ്റി ഒ​രു ജ​ന​റ​ൽ പി​ക്ച​ർ ത​ന്നു. ''കു​ഗ്രാ​മ​മാ​ണ്. ര​ണ്ടു ബ​സു​ക​ളേ ഉ​ള്ളൂ. ഫോ​റ​സ്​റ്റ്​ ഡി​പ്പാ​ർ​ട്മെ​ൻറി​െൻറ അ​നു​വാ​ദ​മു​ണ്ടെ​ങ്കി​ൽ ഉ​ൾ​ക്കാ​ടു​ക​ൾ കാ​ണാം. നി​റ​യെ കാ​ട്ടു​പോ​ത്തു​ണ്ട്. ചി​ല ദി​വ​സം മ​ഞ്ഞുമൂ​ടി​യാ​ൽ സൂ​ര്യ​നെ കാ​ണാ​ൻകൂ​ടി കി​ട്ടി​ല്ല.''

ശ​രി​ക്കും അ​ന്നും മ​ഞ്ഞ് ഞ​ങ്ങ​ളെ ഒ​രു ന​ല്ല ചി​ത്രംപോ​ലും എ​ടു​ക്കാ​ൻ അ​നു​വ​ദി​ച്ചി​ല്ല. ഏ​താ​ണ്ട് പ​ത്തു മീ​റ്റ​ർ ചു​റ്റ​ള​വി​ൽ പോ​ലും വി​സി​ബി​ലി​റ്റി ക​മ്മി. ഇ​ട​ക്ക്​ മ​ഞ്ഞ​ല​ക​ൾ മ​ല​നി​ര​ക​ളി​ലേ​ക്ക് പി​ന്മാ​റു​മ്പോ​ൾ ടി​.വി സ്ക്രീ​നി​ലെന്നപോ​ലെ തെ​ളി​യു​ന്ന സു​ന്ദ​രദൃ​ശ്യ​ങ്ങ​ൾ ക​ണ്ടു ഞ​ങ്ങ​ൾ ആ​ഹ്ലാ​ദംകൊ​ണ്ട് മ​തി​മ​റ​ന്നു.

ഒ​രു മ​നോ​ഹ​ര​മാ​യ താ​ഴ്‌​വാ​ര​ത്തി​ലേ​ക്കാ​ണ് കാ​ർ വ​ള​വു​തി​രി​ഞ്ഞെ​ത്തി​യ​ത്. ദൂ​രെ മ​ര​ങ്ങ​ളു​ടെ​യും പു​ൽ​മേ​ടു​ക​ളു​ടെ​യും ഇ​ട​യി​ൽ​ക്കൂ​ടി ത​ടാ​ക​ത്തിെ​ൻ​റ ഒ​രു സു​ന്ദ​ര​ദൃ​ശ്യം. ചോ​ല​ക്കാ​ടു​ക​ളും നേ​ർ​ത്ത അ​രു​വി​ക​ളും നി​ശ്ശ​ബ്​​ദ​ത​യും നി​റ​ഞ്ഞ ഒ​രി​ടം. രാ​ജാ​വിെ​ൻ​റ ഊ​രെ​ന്നാ​ണ് പേ​രെ​ങ്കി​ലും അ​ധ്വാ​നി​ക്കു​ന്ന നി​ഷ്‌​ക​ള​ങ്ക​രാ​യ മ​നു​ഷ്യ​രാ​ണ് ചു​റ്റും. മ​ല​ക​ൾ​ക്കി​ട​യി​ൽ ഒ​റ്റ​പ്പെ​ട്ടു​പോ​യ പ​ഴ​ക്ക​മേ​റി​യ ജ​ന​വാ​സ​കേ​ന്ദ്ര​മാ​ണി​ത്. മ​നു​ഷ്യ​സ്പ​ർ​ശം അ​ധി​ക​മേ​ൽ​ക്കാ​ത്ത​തി​േ​ൻ​റ​താ​യ വേ​റി​ട്ട സൗ​ന്ദ​ര്യ​മു​ള്ള ത​ടാ​കം​ത​ന്നെ​യാ​ണ് ഇ​വി​ട​ത്തെ ഹൈ​ലൈ​റ്റ്. മ​ന്ന​വ​ന്നൂ​ർ ഇ​ക്കോ​ടൂ​റി​സം പാ​ർ​ക്കി​ൽ ഹോ​ഴ്സ് റൈ​ഡ്, കൊ​ട്ടവ​ഞ്ചി, വാ​ച്ച് ട​വ​ർ തു​ട​ങ്ങി സ​ഞ്ചാ​രി​ക​ളെ ആ​ക​ർ​ഷി​ക്കാ​നാ​യു​ള്ള സ്ഥി​രം സങ്കേ​ത​ങ്ങ​ളു​മു​ണ്ട്.


ത​ടാ​ക​ക്ക​ര​യി​ൽ, 'പേ​ര​ൻ​പി'​ലെ അ​മു​ദ​ത്തി​​െ​ൻ​റ​യും പാ​പ്പ​യു​ടെ​യും ത​ക​ർ​ന്നു​തു​ട​ങ്ങി​യ മ​ര​പ്പാ​ലം (റോ​മ​ൻ​സ്, ആ​ദ​വ​ൻ മൂ​വി​ക​ളു​ടെ​യും ലൊ​ക്കേ​ഷ​ൻ ഇ​വി​ടെ​യാ​ണ്).​ ഇ​ന്ത്യ​ൻ കൗ​ൺ​സി​ൽ ഓ​ഫ് അ​ഗ്രി​ക​ൾ​ച​റിെ​ൻ​റ ഒ​രു ഷീ​പ് ആ​ൻ​ഡ് വൂൾ റി​സ​ർ​ച്​ ഇ​ൻ​സ്​​റ്റി​റ്റ്യൂ​ട്ടും ഇ​വി​ടെ​യു​ണ്ട്. ചെ​മ്മ​രി​യാ​ടു​ക​ൾ കു​ഞ്ഞു​ങ്ങ​ളു​മാ​യി താ​ഴ്വ​ര​ക​ളി​ലേ​ക്ക് വ​രി​യാ​യി പോ​കു​ന്ന സു​ന്ദ​ര​കാ​ഴ്ച നോ​ക്കി എ​ത്രനേ​രം നി​ന്നെ​ന്ന്​ അ​റി​യി​ല്ല. ത​ടാ​ക​ത്തി​നു ചു​റ്റും ച​വി​ട്ടി​യാ​ൽ താ​ഴ്ന്നു​പോ​കു​ന്ന ച​തു​പ്പു​നി​ല​ങ്ങ​ളാ​ണ്. മ​ഞ്ഞി​ൽ പൊ​തി​ഞ്ഞ പു​ൽ​നാ​മ്പു​ക​ളി​ൽ​നി​ന്നും ഉ​യ​ർ​ന്നു​നി​ൽ​ക്കു​ന്ന മ​ഞ്ഞ​യും വെ​ള്ള​യും ഇ​ട​ക​ല​ർ​ന്ന കു​ഞ്ഞി​പ്പൂ​ക്ക​ൾ...

ത​ടാ​ക​ക്ക​ര​യി​ലെ പു​ൽ​മേ​ടു​ക​ളി​ലൂ​ടെ അ​ല​സം ന​ട​ന്നു. വൃ​ത്തി​യു​ള്ള ടോ​യ്‌​ലറ്റു​ള്ള ഒ​രി​ടം​കൂ​ടി​യാ​ണ് എ​ന്നു മ​ന​സ്സി​ലോ​ർ​ത്തു. ട്ര​ക്കേ​ഴ്സിെ​ൻ​റ സ്വ​ർ​ഗം​കൂ​ടി​യാ​ണി​വി​ടം.

എ​സ്‌​കേ​പ്​ റോ​ഡ്

മ​ന്ന​വ​ന്നൂ​രി​ൽ​നി​ന്ന് ബാ​രി​ജ​ത്തേ​ക്ക് ഒ​രു ട്ര​ക്കി​ങ് പാ​ത​യു​ണ്ട്. സ്വാ​ത​ന്ത്ര്യ​ല​ബ്​​ധി​ക്കു മു​േ​മ്പ ബ്രി​ട്ടീ​ഷു​കാ​രു​ടെ കാ​ല​ത്തു ബാ​രി​ജ​ത്തി​ൽ​നി​ന്ന്​ ടോ​പ് സ്​​റ്റേ​ഷ​ൻ വ​ഴി കോ​ടൈ​യി​ൽ​നി​ന്നു മൂ​ന്നാ​റി​ലേ​ക്ക് ഒ​രു എ​സ്‌​കേ​പ്​ റോ​ഡു​ണ്ടാ​യി​രു​ന്നു. ര​ണ്ടാം ലോ​ക​യു​ദ്ധ​കാ​ല​ത്ത് ജാ​പ്പ​നീ​സ് ആ​ക്ര​മ​ണ​മു​ണ്ടാ​യാ​ൽ എ​ളു​പ്പ​ത്തി​ൽ കൊ​ടൈ​ക്ക​നാ​ൽ-​ബാ​രി​ജം-​ടോ​പ് സ്​​റ്റേ​ഷ​ൻ വ​ഴി കൊ​ച്ചി തു​റ​മു​ഖ​ത്തെ​ത്തി ക​ട​ലു ക​ട​ക്കാ​നു​ള്ള ബ്രി​ട്ടീ​ഷ് ബു​ദ്ധി... ന​മി​ച്ചു!



അ​ന്നു ജ​ാപ്പ​നീ​സ് പ​ട്ടാ​ളം മ​ദി​രാ​ശി ന​ഗ​ര​ത്തി​ൽ ന​ട​ത്തി​യ ബോം​ബി​ങ്ങി​ൽ പ​രി​ഭ്രാ​ന്ത​രാ​യ അ​ന്ന​ത്തെ മ​ദ്രാ​സ്​ റെ​സി​ഡ​ൻ​സി​യി​ലെ സ​മ്പ​ന്ന​രാ​യ ബ്രി​ട്ടീ​ഷ് ജ​ന​ത പ​ള​നി​മ​ല​നി​ര​ക​ളി​ലെ കൊ​ടൈ​ക്ക​നാ​ലി​ലേ​ക്കു ചേ​ക്കേ​റി. പ​ശ്ചി​മ​ഘ​ട്ട​മാ​യി​രു​ന്നു അ​ന്ന​വ​രു​ടെ പ​ലാ​യ​ന​ത്തി​നു​ള്ള വി​ഘാ​തം. അ​തി​നു പ​രി​ഹാ​ര​മാ​യി ബാ​രി​ജം ത​ടാ​ക​ത്തി​നെ ചു​റ്റി വ​ര​ന്ത​ര​വ് കൊ​ടു​മു​ടി​യെ അ​രി​കി​ലാ​ക്കി​യു​ള്ള ആ ​പു​രാ​ത​ന​മാ​യ റോ​ഡ് ബ്രി​ട്ടീ​ഷ് മി​ലി​ട്ട​റി​യു​ടെ സി​വി​ൽ എ​ൻ​ജി​നീ​യ​റിങ്​ വി​ഭാ​ഗം മി​നു​ക്കി​യെ​ടു​ക്കു​ക​ത​ന്നെ ചെ​യ്തു. 2480 അ​ടി ഉ​യ​രത്തിൽ ഒ​രു എ​സ്‌​കേ​പ്​ റോ​ഡ്. അ​ന്ന്​ ആ ​റോ​ഡ്​ വ​ഴി കൊ​ടൈ​ക്ക​നാ​ലി​ൽ​നി​ന്നു കേ​ര​ള​ത്തി​ലേ​ക്കു​ള്ള ദൈ​ർ​ഘ്യം വെ​റും 49 കി​ലോ​മീ​റ്റ​ർ. ഇ​ന്ന് ന​മ്മ​ൾ ഏ​താ​ണ്ട് 170 കി​ലോ​മീ​റ്റ​ർ യാ​ത്ര​ചെ​യ്യു​ന്ന ദൂ​രം. ഏ​ഷ്യ​യി​ൽ കാ​ട്ടു​പോ​ത്തു​ക​ളു​ടെ നൈ​സ​ർ​ഗി​ക​മാ​യ വി​ഹാ​ര​ ഇട​മാ​ണ​ത്രെ വ​ര​ന്ത​ര​വ് പീ​ക്. പ​തി​വു​പോ​ലെ ഈ ​പാ​ത​യും ത​മി​ഴ്നാ​ട്, കേ​ര​ള സ​ർ​ക്കാ​റു​ക​ളു​ടെ മ​ത്സ​രി​ച്ചു​ള്ള നോ​ട്ട​ക്കു​റ​വി​ൽ നാ​മാ​വ​ശേ​ഷ​മാ​യി​ക്ക​ഴി​ഞ്ഞു.

കൗ​വു​ഞ്ചി​യും ക​ട​ന്ന് ക്ലാ​വ​ര​യി​ലേ​ക്ക്

മ​ന്ന​വ​ന്നൂ​രും ക​ഴി​ഞ്ഞാ​ണ് കൗ​വു​ഞ്ചി. വി​ക്ര​മിെ​ൻ​റ ഐ ​മൂ​വി​യു​ടെ കു​റെ ഭാ​ഗ​ങ്ങ​ൾ ഇ​വി​​െട​യാ​ണ് ഷൂ​ട്ട് ചെ​യ്ത​ത്. കൃ​ഷി​യി​ട​ങ്ങ​ളു​ടെ സൗ​ന്ദ​ര്യ​മാ​ണ് ഇ​വി​ട​ത്തെ​യും പ്ര​ധാ​ന ആ​ക​ർ​ഷ​ണം. കൗ​വു​ഞ്ചി​യി​ൽ​നി​ന്ന് വെ​ളു​ത്തു​ള്ളി മ​ണ​ക്കു​ന്ന ഗ്രാ​മ​മാ​യ പൂ​ണ്ടി​യും ക​ഴി​ഞ്ഞ്​ ക്ലാ​വ​ര​യെ​ത്തു​മ്പോ​ൾ പാ​ത മു​റി​യു​ന്നു. ഇ​നി വ​ന​മാ​ണ്. ഏ​താ​ണ്ട് എ​സ്‌​കേ​പ്​ റോ​ഡി​നു സ​മാ​ന്ത​ര​മാ​യി വ​ട്ട​വ​ട ചെ​ന്നു​ക​യ​റാ​ൻ ക​ഴി​യു​ന്ന ഒ​രു പാ​ത​യാ​യി​രു​ന്ന​ത്രെ ഇ​തും.



മ​ന്ന​വ​ന്നൂ​രി​ൽ​നി​ന്ന്​ അ​ഞ്ചു കി​ലോ​മീ​റ്റ​ർ​കൂ​ടി യാ​ത്ര​ചെ​യ്താ​ൽ കു​മ്പൂ​ർ ഗ്രാ​മം എ​ത്തും. അ​വി​ടെ​നി​ന്നു​മൊ​രു ഫോ​ർ വീ​ൽ ഡ്രൈ​വി​ൽ നി​ങ്ങ​ൾ​ക്ക് ത​മ്പു​രാ​ൻകോ​വി​ൽ എ​ത്താം.​ നീ​ല​ക്കു​റി​ഞ്ഞി​ക​ൾ കാ​ലം​തെ​റ്റി പൂ​ത്തു​നി​ൽ​ക്കു​ന്ന പു​ൽ​മേ​ടു​ക​ളു​ടെ ഒ​രി​ക്ക​ലും മ​ടു​ക്കാ​ത്ത കാ​ഴ്ച കാ​ണാം. ക​ൺ​മു​ന്നി​ൽ സ​ഹ്യ​െൻ​റ വി​സ്മ​യി​പ്പി​ച്ചു പ​ട​ർ​ന്നു​കി​ട​ക്കു​ന്ന ഗി​രി​ശൃം​ഗ​ങ്ങ​ൾ... താ​ഴെ മ​ഞ്ചം​പെ​ട്ടി താ​ഴ്‌​വ​ര. കൊ​ടൈ​ക്ക​നാ​ലി​ൽ​നി​ന്നു മ​ന്ന​വ​ന്നൂ​ർ പൂ​ണ്ടി വ​ഴി യാ​ത്ര ചെ​യ്‌​താ​ൽ നാ​ട്ടാം​പെ​ട്ടി​യി​ലെ​ത്താം. ത​ണു​ത്തു പോ​യ ഹൃ​ദ​യ​വു​മാ​യാ​ണ് തി​രി​കെ പോ​ന്ന​ത്.​ അ​ത്ര​യും നി​ർ​മ​ല​ പ്ര​കൃ​തിയായിരുന്നു...

മുമ്പ് കണ്ട സ്ഥ​ല​ങ്ങ​ൾ പി​ന്നീ​ട് പോ​കു​മ്പോ​ൾ പ്ലാ​സ്​​റ്റി​ക്ക് വ​ന്മ​ല​ക​ളാ​ൽ ന​ശി​പ്പി​ക്ക​പ്പെ​ട്ടു​കി​ട​ക്കു​ന്ന കാ​ഴ്ച എ​ത്ര ദു​സ്സ​ഹ​മെ​ന്നോ. യാ​ത്രി​ക​രു​ടെ കാ​ൽ​പ്പാ​ടു​പോ​ലും പ​തി​യാ​തെ സ്ഥ​ല​ങ്ങ​ളെ ഒന്ന​നു​ഭ​വി​ച്ചു​നോ​ക്കൂ. അ​ല​റി​വി​ളി​ച്ചും കാ​ട്ടി​ൽ​ക്കൂ​ടി ഹോ​ണ​ടി​ച്ചു പാ​ഞ്ഞും പ്ലാ​സ്​​റ്റി​ക്കും മ​ദ്യ​ക്കു​പ്പി​ക​ളും ഉ​പേ​ക്ഷി​ച്ചു​പോ​കു​ന്ന​തു​മാ​യ യാ​ത്ര​ക​ൾ​ക്കെ​തി​രെ ഫ​ല​പ്ര​ദ​മാ​യ കാ​മ്പ​യി​ൻ ഉ​ണ്ടാ​കു​മെ​ന്നും ന​ല്ല ഒ​രു യാ​ത്രാ​സം​സ്കാ​ര​മു​ണ്ടാ​കു​മെ​ന്ന പ്ര​ത്യാ​ശ​യോ​ടെ...

ആ​ന​ന്ദ​യാ​ത്രാവ​ഴി​ ഇ​ങ്ങ​നെ...
മ​ന്ന​വ​ന്നൂ​രി​ൽ 1500 രൂ​പ മു​ത​ൽ ഇ​ക്കോ ടൂ​റി​സ​ത്തിെൻറ താ​മ​സ​സൗ​ക​ര്യ​ം ല​ഭി​ക്കും. കൊ​ടൈ​ക്ക​നാ​ൽ-​പൂ​മ്പാ​റ-​മ​ന്ന​വ​ന്നൂ​ർ ആ​ണ് വ​ഴി. കൊ​ടൈ​ക്ക​നാ​ലി​ൽ​നി​ന്ന് ക്ലാ​വ​ര, ക​ട​വ​രി, കോ​ട്ട​ക്ക​മ്പൂ​ർ, വ​ട്ട​വ​ട വ​ഴി മൂ​ന്നാ​ർ എ​ത്താ​ൻ ക​ഴി​യും. കൗ​വു​ഞ്ചി വ​രെ​യാ​ണ് ന​ല്ല റോ​ഡ്. അ​തി​നു​ശേ​ഷം ന​ല്ല റോ​ഡ് അ​വ​സാ​നി​ക്കു​ന്നു. മ​ന്ന​വ​ന്നൂ​രി​ൽ നാം ​അ​മി​ത പ്ര​തീ​ക്ഷ​ക​ളു​മാ​യി പോ​ക​രു​ത്. പ​ര​മശാ​ന്ത​മാ​യ ത​ടാ​ക​വും ട്ര​ക്കി​ങ്ങു​മാ​ണ് ഇ​വി​ട​ത്തെ ആ​ക​ർ​ഷ​ണീ​യ​ത.
കൊടൈ-​മ​ന്നവ​ന്നൂ​ർ- 30 കി​ലോ​മീ​റ്റ​ർ
മ​ന്ന​വ​ന്നൂ​ർ-​പൂ​ണ്ടി - 8 കി​ലോ​മീ​റ്റ​ർ
പൂ​ണ്ടി-​ക്ലാ​വ​ര - 2 കി​ലോ​മീ​റ്റ​ർ

(കുടുംബം മാഗസിൻ 2021 ഏപ്രിൽ ലക്കത്തിൽ പ്രസിദ്ധീകരിച്ചത്​ )
Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Kodaikanaltravel
News Summary - journey through the hinterlands of Kodaikanal
Next Story