പാറമുകളിലെ അത്ഭുതമായി പുരാതന രാജകൊട്ടാരം; ഒരുകാലത്തി​െൻറ ഓർമപ്പെടുത്തലാണ്​ സി​ഗി​രി​യ

പാ​തി തു​റ​ന്ന ജാ​ല​ക​ങ്ങ​ൾ പോ​ലെ തോ​ന്നി​ക്കു​ന്ന മേ​ഘ​വി​ട​വു​ക​ളി​ലൂ​ടെ ല​ങ്കാ​തീ​രം ക​ണ്ട​മാ​ത്ര​യി​ൽ, പു​രാ​ണ​ങ്ങ​ളി​ലെ പു​ഷ്പ​ക​ വി​മാ​ന​വും രാ​വ​ണ​നും സീ​ത​യും ആ​യി​രു​ന്നു മ​ന​സ്സു​നി​റ​യെ. അ​ണി​ഞ്ഞൊ​രു​ങ്ങി സു​ന്ദ​രി​യാ​യി നി​ൽ​ക്കു​കയാണ് കൊ​ളം​ബോ ന​ഗ​രം. സഞ്ചാരികളെ സ്വീകരിക്കാൻ ഈ നഗരത്തി​െൻറ ഓരോ മുക്കും മൂലയും തയാറെടുത്തുനിൽക്കുകയാണെന്ന് തോന്നും. മറ്റെങ്ങും കണ്ടിട്ടില്ലാത്തയത്ര വൃത്തിയും കുലീനതയുംകൊണ്ട് അലംകൃതമാണ് ഇവിടം. ആ​ദ്യ​ ദി​വ​സ​ത്തെ ന​ഗ​ര കാ​ഴ്ച​ക​ൾ​ക്കു​ശേ​ഷം ക​ട​ലി​ന് അ​ഭി​മു​ഖ​മാ​യ ഹോ​ട്ട​ൽ മു​റി​യു​ടെ ബാ​ൽ​ക്ക​ണി​യി​ൽ വെ​റു​തെ​യി​രു​ന്നു.

ക​ൺ​മു​ന്നി​ൽ കാ​ണു​ന്ന ഈ ​തി​ര​ക​ളു​ടെ ക​ളി​ത്തോ​ഴ​രാ​വും സു​ലൈ​മാ​നി​യും ഗ​സ​ലും മ​ണ​ക്കു​ന്ന ന​മ്മു​ടെ കോ​ഴി​ക്കോ​ട് ബീ​ച്ചി​നോ​ട് കി​ന്നാ​രം പ​റ​യു​ന്ന​ത്. ഒ​ന്നോ​ർ​ത്താ​ൽ എ​ല്ലാ നാ​ടും ന​മ്മു​ടെ നാ​ടു​ത​ന്നെ. എ​ല്ലാ ക​ട​ലും ന​മ്മു​ടെ ക​ട​ൽ​ത​ന്നെ.

പി​റ്റേ​ന്ന് രാ​വി​ലെ​ത​ന്നെ യു​നെ​സ്കോ​യു​ടെ ലോ​ക പൈ​തൃ​ക പ​ട്ടി​ക​യി​ൽ ഇ​ടം​പി​ടി​ച്ചി​ട്ടു​ള്ള സി​ഗി​രി​യ കാ​ണാ​നാ​യി പു​റ​പ്പെ​ട്ടു. 181 കി​ലോ​മീ​റ്റ​ർ മൂ​ന്ന​ര മ​ണി​ക്കൂ​ർ കൊ​ണ്ട് പി​ന്നി​ടാം എ​ന്ന ഗൂ​ഗി​ളി​െ​ൻ​റ അ​തി​നൂ​ത​ന അ​ൽ​ഗോ​രി​തം ന​ട​ത്തി​യ പ്ര​വ​ച​നം ക​റു​ത്തു​മെ​ലി​ഞ്ഞ ഞ​ങ്ങ​ളു​ടെ ഡ്രൈ​വ​ർ നി​ഷ്ക​രു​ണം ത​റ​പ​റ്റി​ച്ചു. അ​തി​രാ​വി​ലെ മു​ത​ൽ അ​തിശ്ര​ദ്ധ​യോ​ടെ, ഒ​രു നി​യ​മംപോ​ലും തെ​റ്റി​ക്കാ​തെ, ആ​റു മ​ണി​ക്കൂ​ർ​കൊ​ണ്ടാ​ണ് 181 കി​ലോ​മീ​റ്റ​ർ പി​ന്നി​ട്ട​ത്. എ​ത്താ​റാ​യോ എ​ന്ന് ചോ​ദി​ക്കു​മ്പോ​ഴൊ​ക്കെ 'ഒ​രു 30 മി​നി​റ്റ് സാ​ർ' എ​ന്ന് അ​ദ്ദേ​ഹം ആ​വ​ർ​ത്തി​ച്ചു​കൊ​ണ്ടി​രു​ന്നു.

പാ​ട്ടും ത​മാ​ശ​ക​ളും ഒ​ക്കെ തീ​ർ​ന്ന്​ എ​ല്ലാ​വ​രും ഉ​റ​ക്കം​പി​ടി​ച്ച​പ്പോ​ഴും 'ഒ​രു 30 മി​നി​റ്റ്​ സാ​ർ' എ​ന്ന് ഇ​ട​ക്കി​ട​ക്ക്​ അ​യാ​ൾ ഞ​ങ്ങ​ളെ ആ​ശ്വ​സി​പ്പി​ക്കു​ന്നു​ണ്ടാ​യി​രു​ന്നു. ജാ​ല​ക​ക്കാ​ഴ്ച​ക​ളി​ൽ കേ​ര​ളം​ത​ന്നെ​യാ​ണ് ശ്രീ​ല​ങ്ക. ഒ​രു വി​ദേ​ശ​രാ​ജ്യം എ​ന്ന് തോ​ന്നു​ക​യി​ല്ല. ഇ​തു​വ​രെ കാ​ണാ​ത്ത കേ​ര​ള​ത്തി​ലെ ഏ​തൊ​ക്കെ​യോ നാ​ട്ടി​ൻ​പു​റ​ങ്ങ​ൾ പോ​ലെ.

നെ​ൽ​പാ​ട​ങ്ങ​ൾ, തെ​ങ്ങി​ൻ​തോ​പ്പു​ക​ൾ, വാ​ഴ​ത്തോ​ട്ട​ങ്ങ​ൾ, പൈ​നാ​പ്പി​ളും മാ​മ്പ​ഴ​വും വി​ൽ​ക്കു​ന്ന വ​ഴി​യോ​ര​ ക​ച്ച​വ​ട​ക്കാ​ർ, തൊ​ടി​യും മു​റ്റ​വും അ​ടി​ച്ചു​വാ​രി വൃ​ത്തി​യാ​ക്കി സൂ​ക്ഷി​ച്ചി​രി​ക്കു​ന്ന കു​ഞ്ഞു​വീ​ടു​ക​ൾ...

എ​ല്ലാ​യി​ട​ത്തും പ​ച്ച​പ്പി​െ​ൻ​റ ആ​ഘോ​ഷ​ം...

ന​മ്മു​ടെ നാ​ട്ടി​ൽ മു​ട്ടി​നു​മു​ട്ടി​ന് കാ​ണു​ന്ന കു​രി​ശു​പ​ള്ളി​ക​ളും അ​മ്പ​ല​ങ്ങ​ളും പോ​ലെ ഇ​വി​ടെ ബു​ദ്ധ​വി​ഹാ​ര​ങ്ങൾ കാ​ണാം. കു​ന്നി​ൻ​മു​ക​ളി​ലും ഉ​യ​ർ​ന്ന പാ​റ​ക​ളി​ലും എ​ല്ലാം കാ​റ്റു​തി​ർ​ക്കു​ന്ന മ​ണി​യൊ​ച്ച​ക​ളു​മാ​യി ഉ​യ​ർ​ന്നു​നി​ൽ​ക്കു​ന്ന ബു​ദ്ധ​വി​ഗ്ര​ഹ​ങ്ങ​ൾ...

തെ​ങ്ങു​ക​ളും മാ​വു​ക​ളും പു​ൽ​ത്ത​കി​ടി​യും നീ​ന്ത​ൽ കു​ള​വും എ​ല്ലാം അ​ല​ങ്ക​രി​ച്ച മ​നോ​ഹ​ര​മാ​യ റി​സോ​ർ​ട്ടി​ൽ ഉ​ച്ച​ഭ​ക്ഷ​ണ​ത്തി​നാ​യി ക​യ​റി. മ​ത്സ്യം എ​ല്ലാ​യി​ട​ത്തും ഒ​രു പ്ര​ധാ​ന വി​ഭ​വ​മാ​ണ്. കേ​ര​ള​ത്തി​ലെ ഹോ​ട്ട​ലു​ക​ളെ​ക്കാ​ൾ പൊ​തു​വെ എ​രി​വു​ കൂ​ടു​ത​ലാ​ണ് ഇ​വി​ടെ.

ഭ​ക്ഷ​ണ​ത്തി​​െൻറ​യും കാ​ഴ്ച​ക​ളു​ടെ​യും ആ​ല​സ്യ​ത്തി​ൽ ഇ​രി​ക്കു​മ്പോ​ഴാ​ണ് ത​ഴ​ച്ചു വ​ള​ർ​ന്നു​നി​ൽ​ക്കു​ന്ന തെ​ങ്ങു​ക​ൾ​ക്കി​ട​യി​ലൂ​ടെ വി​ദൂ​ര​ത​യി​ൽ ഉ​യ​ർ​ന്നു​നി​ൽ​ക്കു​ന്ന കാ​ശ്യ​പ​രാ​ജാ​വി​െൻ​റ സി​ഗി​രി​യ ആ​ദ്യ​മാ​യി ക​ണ്ട​ത്.

'സിം​ഹ പാ​റ' എ​ന്നാ​ണ് സി​ഗി​രി​യ എ​ന്ന സിം​ഹ​ള പ​ദ​ത്തി​െ​ൻറ അ​ർ​ഥം. ശ്രീ​ല​ങ്ക​യു​ടെ സെ​ൻ​ട്ര​ൽ പ്രോ​വി​ൻ​സി​ലാണ് ഏ​ക​ദേ​ശം 200 മീ​റ്റ​ർ ഉ​യ​ര​വും ഏ​റെ വി​സ്തൃ​ത​വു​മാ​യ ഈ ​ഭീ​മ​ൻ പാ​റ ഉ​ള്ള​ത്. 'കു​ല​വം​ശം' എ​ന്ന പു​രാ​ത​ന ഗ്ര​ന്ഥമാണ് സി​ഗി​രി​യ​യു​ടെ ച​രി​ത്ര​ത്തി​ലേ​ക്കു​ള്ള പ്ര​ധാ​ന സൂ​ച​ന​ക​ൾ ന​ൽ​കു​ന്ന​ത്.

സി.ഇ 477-495 കാ​ല​ഘ​ട്ട​ങ്ങ​ളി​ൽ കാ​ശ്യ​പ രാ​ജാ​വി​​െൻറ കോ​ട്ട​യും കൊ​ട്ടാ​ര​വും ഈ ​പാ​റ​ക്കു​ മു​ക​ളി​ലാ​യി​രു​ന്നു. നൂ​റ്റാ​ണ്ടു​ക​ൾ​ക്കു​ശേ​ഷം പ​ണി​യ​പ്പെ​ട്ട ഇ​രു​മ്പു ഗോ​വ​ണി​യി​ലൂ​ടെ, പാ​റ​യു​ടെ ഏ​ക​ദേ​ശം പ​കു​തി​യി​ൽ എ​ത്തു​മ്പോ​ൾ, ര​ണ്ട് സിം​ഹപാ​ദ​ങ്ങ​ളാ​ൽ അ​ലം​കൃ​ത​മാ​യ ഒ​രു കൂ​റ്റ​ൻ ക​വാ​ട​മു​ണ്ട്. സി​ഗി​രി​യ എ​ന്ന പ​ദ​ത്തി​​െൻറ ഉ​ത്ഭ​വം ഈ ​സിം​ഹ​ ക​വാ​ട​മാ​ണ്.

നീ​ണ്ട വ​രി​യി​ൽ കാ​ത്തു​നി​ന്ന്, ഏ​ക​ദേ​ശം 3000 ശ്രീ​ല​ങ്ക​ൻ രൂ​പ കൊ​ടു​ത്ത് ടി​ക്ക​റ്റ് എ​ടു​ത്തു. ഇ​ന്ത്യ​ക്കാ​രാ​ണെ​ന്ന് പ​റ​ഞ്ഞ​പ്പോ​ൾ പാ​സ്പോ​ർ​ട്ട് ആ​വ​ശ്യ​പ്പെ​ട്ട് പ​രി​ശോ​ധ​ന​ക​ൾ ഒ​ന്നു​കൂ​ടി ക​ർ​ശ​ന​മാ​ക്കി. പാ​സ്പോ​ർ​ട്ട് എ​ടു​ക്കാ​ൻ മ​റ​ന്നു​പോ​യ​വ​രെ അ​ക​ത്തു​ക​യ​റ്റില്ലെന്ന് അ​വ​ർ വാ​ശി​പി​ടി​ച്ചു. പി​ന്നീ​ട് പാ​സ്പോ​ർ​ട്ട് ന​മ്പ​ർ ത​ന്നാ​ൽ മ​തി എ​ന്നുപ​റ​ഞ്ഞ് അ​ൽ​പ​മൊ​ന്ന് അ​യ​ഞ്ഞു. എ​ല്ലാ​വ​രും മ​ന​സ്സി​ൽ തോ​ന്നി​യ ന​മ്പ​ർ പ​റ​ഞ്ഞു​കൊ​ടു​ത്ത്​ ടി​ക്ക​റ്റ് എ​ടു​ത്തു. തു​ച്ഛ​മാ​യ പ​ണം കൊ​ടു​ത്ത്, ഒ​രു ഭീ​ഷ​ണി​യും ഇ​ല്ലാ​തെ താ​ജ്മ​ഹ​ലും ചെ​ങ്കോ​ട്ട​യും എ​ല്ലാം ക​ണ്ട് ക​ട​ന്നു​പോ​കു​ന്ന വി​ദേ​ശി​ക​ളെപ്പറ്റി ഞാ​ൻ ഓ​ർ​ത്തു.

സി​ഗി​രി​യ

ലോ​ക​ത്തി​ലെ എ​ല്ലാ കോ​ട്ട​ക​ളെയുംപോ​ലെ ഉ​പേ​ക്ഷി​ക്ക​പ്പെ​ട്ട ഘ​ന​സ്മൃ​തി​ക​ളു​ടെ ചി​ത​റി​ക്കി​ട​ക്കു​ന്ന ഇ​ഷ്​​ടി​ക ക​ഷ​ണ​ങ്ങ​ളാ​യി സി​ഗി​രി​യ​യും കാ​ണ​പ്പെ​ട്ടു. കോ​ട്ട​മ​തി​ലി​​െൻറ ഇ​രു​വ​ശ​ങ്ങ​ളി​ലും​നി​ന്ന് പോ​രാ​ടി മ​രി​ച്ച​വ​രും ജ​യി​ച്ച​വ​രും തോ​റ്റ​വ​രും​ അ​ടി​മ​വം​ശ​ങ്ങ​ളും രാ​ജ​വം​ശ​ങ്ങ​ളും എ​ല്ലാം ഇ​ന്ന് കൊ​ഴി​ഞ്ഞും ജീ​ർ​ണി​ച്ചും പോ​യി​രി​ക്കു​ന്നു. വാ​ളു​ക​ളെ​യും കു​ന്ത​ങ്ങ​ളെ​യും ഗ​ജ​ങ്ങ​ളെ​യും അ​തി​ജീ​വി​ച്ച ക​രു​ത്താ​ർ​ന്ന കോ​ട്ട​യു​ടെ ഒ​തു​ക്കു​ക​ല്ലു​ക​ളെ ഊ​ർ​ത്തു​മാ​റ്റി​ക്കൊ​ണ്ട് അ​വ​ക്കി​ട​യി​ൽ കൊ​ങ്ങി​ണി​ച്ചെ​ടി​ക​ൾ പൂ​ത്തി​രി​ക്കു​ന്നു...

ഏ​റ്റ​വും പു​റ​ത്താ​യി ആ​ഴ​മേ​റി​യ കി​ട​ങ്ങ്. അ​തി​ൽ നി​റ​യെ മു​ത​ല​ക​ൾ ആ​യി​രു​ന്ന​ത്രെ അ​ക്കാ​ല​ത്ത്. അ​തി​നു​ള്ളി​ലാ​യി കോ​ട്ട​മ​തി​ലി​െൻറ ഇ​ന്ന​വ​ശേ​ഷി​ക്കു​ന്ന ത​റ​ക്കും ഉ​ള്ളി​ലാ​യി സി​ഗി​രി​യ​യെ പ്ര​ശ​സ്ത​മാ​ക്കി​യ പൂ​ന്തോ​ട്ട​ങ്ങ​ൾ. പാ​തി​യോ​ളം തേ​ഞ്ഞു​പോ​യ ച​വി​ട്ടു​പ​ടി​ക​ൾ ക​യ​റി​ത്തു​ട​ങ്ങു​മ്പോ​ൾ മ​ന​സ്സ് പ​തി​യെ ച​രി​ത്ര​ത്തി​ലേ​ക്ക് ഊ​ളി​യി​ടു​ക​യാ​യി​രു​ന്നു.

'അ​നു​രാ​ധ​പു​രം' എ​ന്ന മ​നോ​ഹ​ര​വും ശി​ൽ​പ​ഭം​ഗി തു​ളു​മ്പു​ന്ന​തു​മാ​യ ത​ല​സ്ഥാ​നം വി​ട്ടാ​ണ് ഈ ​കോ​ട്ട​മ​തി​ലും മു​ത​ല​ക്കു​ള​വും പ​ണി​ത് കാ​ശ്യ​പ​ൻ ത​ല​സ്ഥാ​നം ഇ​ങ്ങോ​ട്ട് മാ​റ്റി​യ​ത്. ശ​ത്രുരാ​ജ്യ​ങ്ങ​ളെ​യോ അ​വ​രു​ടെ പോ​രാ​ളി​ക​ളെ​യോ പേ​ടി​ച്ച​ല്ല, സ്വ​ന്തം സ​ഹോ​ദ​ര​നാ​യ മൊ​ഗ​ല്ലാ​ന​യെ പേ​ടി​ച്ചാ​യി​രു​ന്നു ഇ​തെ​ല്ലാം ചെ​യ്ത​ത് എ​ന്ന​താ​ണ് വി​രോ​ധാ​ഭാ​സം. മാത്രമല്ല ധാ​തു​സേ​ന എ​ന്ന അ​ച്ഛ​ൻ സ്വ​ന്തം മ​ക​െ​ൻറ ഭ​ര​ണ​കാ​ല​ത്ത് ഈ ​കോ​ട്ട​ക്കുള്ളി​ൽ ഒ​രു ത​ട​വ​റ​യി​ൽ ജീ​വ​നോ​ടെ കു​ഴി​ച്ചു​മൂ​ട​പ്പെ​ട്ടിരുന്നു...

1500 വ​ർഷ​ങ്ങ​ൾ​ക്കു മു​മ്പ്​ പ​ണി​യ​പ്പെ​ട്ട 'വാ​ട്ട​ർ ഗാ​ർ​ഡ​ൻ' എ​ന്ന പ്ര​ശ​സ്ത​മാ​യ പൂ​ന്തോ​ട്ട​ത്തി​ലെ ജ​ലാ​ശ​യ​ങ്ങ​ളും കൃ​ത്രി​മ നീ​രു​റ​വ​ക​ളും ഇ​ന്നും പ്ര​വ​ർ​ത്തി​ക്കു​ന്നു. പൂ​ന്തോ​ട്ടം ക​ട​ന്ന് ക​ൽ​പ​ട​വു​ക​ൾ ക​യ​റി​ത്തു​ട​ങ്ങു​മ്പോ​ൾ പാ​തി​മ​നു​ഷ്യ​രും പാ​തി​പ്ര​കൃ​തി​യും ചേ​ർ​ന്ന്​ നി​ർ​മി​ച്ച ഗു​ഹ​ക​ൾ. ചു​ടു​ക​ട്ട​ക​ൾ കൊ​ണ്ട് കെ​ട്ടി​മ​റ​ച്ച ഗു​ഹാ​വാ​താ​യ​ന​ങ്ങ​ൾ. ക​രി​മ്പാ​റ​ക​ളി​ൽ കൊ​ത്തി​യു​ണ്ടാ​ക്കി​യ ക​ൽ​പ​ട​വു​ക​ൾ. അ​തി​നെ​ല്ലാം മു​ക​ളി​ലാ​യി വ​ള​ർ​ന്നു​പ​ന്ത​ലി​ച്ചു​നി​ൽ​ക്കു​ന്ന വ​ന്മര​ങ്ങ​ൾ. മ​ര​ച്ചി​ല്ല​ക​ളി​ൽ​ നി​ന്നു​യ​രു​ന്ന കി​ളി​പ്പാ​ട്ടു​ക​ൾ. നി​ശ്ശ​ബ്​​ദ​ത. ഇ​ളം ത​ണു​പ്പ്. പാ​യ​ൽ പ​ച്ച​യി​ൽ മ​യ​ങ്ങി​നി​ൽ​ക്കു​ന്ന ഇ​ന്ന​​െല​ക​ൾ...

കാ​ശ്യ​പ​​െൻറ കാ​മി​നി​മാ​ർ

200 മീ​റ്റ​റോ​ളം ഉ​യ​ര​ത്തി​ൽ ഒ​രു മ​തി​ൽ​പോ​ലെ നി​ൽ​ക്കു​ന്ന പ്ര​ധാ​ന പാ​റ​യു​ടെ ഒ​രു​വ​ശം വി​ശാ​ല​മാ​യ കാ​ൻ​വാ​സ് ആ​യി​രു​ന്നു. 140 മീ​റ്റ​ർ നീ​ള​വും 40 മീ​റ്റ​ർ ഉ​യ​ര​വു​മു​ള്ള, സി​മ​ൻ​റ് പോ​ലു​ള്ള ഏ​തോ മി​ശ്രി​തംകൊ​ണ്ട് പ്ലാ​സ്​​റ്റ​ർ ചെ​യ്തെ​ടു​ത്ത വി​ശാ​ല​മാ​യ കാ​ൻ​വാ​സി​ൽ വ​ര​ച്ച ഏ​ക​ദേ​ശം അ​ഞ്ഞൂ​റോ​ളം സ്ത്രീ​രൂ​പ​ങ്ങ​ൾ. ലോ​ക​ത്തി​െ​ൻ​റ പ​ല ഭാ​ഗ​ങ്ങ​ളി​ൽ​നി​ന്നും പ​ല ജ​ന​വി​ഭാ​ഗ​ങ്ങ​ളി​ൽ​നി​ന്നു​മു​ള്ള അ​ഴ​കൊ​ത്ത സ്ത്രീ​ക​ളു​ടെ വ​ർ​ണ​ചി​ത്ര​ങ്ങ​ൾ.

ബാ​ക്കി​യെ​ല്ലാ​വ​രും കാ​ല​ത്തി​െ​ൻറ​യും കാ​റ്റി​െ​ൻറ​​യും മ​ഴ​യു​ടെയും വി​ര​ൽ​ത്തുമ്പു​പി​ടി​ച്ച്, മ​ദ്യ​വും കാ​മ​വും തു​ക​ൽ​വാ​ദ്യ​ങ്ങ​ളി​ൽ​ പെ​യ്ത നൃ​ത്ത​ച്ചു​വ​ടു​ക​ളും ത​ളം​കെ​ട്ടി​നി​ൽ​ക്കു​ന്ന, കാ​ശ്യ​പ​െ​ൻറ​ അ​ന്ത​ഃപുര​ത്തി​ലേ​ക്ക്, ച​മ​യ​ങ്ങ​ളും ചി​ല​ങ്ക​യും കൊ​ലു​സ്സുമണി​ഞ്ഞ് തി​രി​കെ പോ​യി​രി​ക്കാം...

ഒ​രു​വേ​ള മി​ഴി​പൂ​ട്ടി ശ്ര​ദ്ധി​ച്ചാ​ൽ, ഇ​ന്ന​െ​ല​ക​ളു​ടെ ന​നു​ത്ത ഇ​ട​നാ​ഴി​ക​ളി​ലൂ​ടെ അ​ക​ന്നു​പോ​കു​ന്ന ആ ​കാ​ലൊ​ച്ച​ക​ൾ കേ​ൾ​ക്കാം. അ​ര​മ​ണി​ക​ളു​ടെ ശൃം​ഗാ​ര​നാ​ദം കേ​ൾ​ക്കാം. കാ​മ​വും പ്ര​ണ​യ​വും ഉ​ള്ളി​ലൊ​ളിപ്പി​ച്ച വേ​ദ​ന​യിൽ ചാ​ലി​ച്ച പൊ​ട്ടി​ച്ചി​രി​ക​ൾ കേ​ൾ​ക്കാം. ആ​കാ​ശ​ത്തി​െ​ൻറ​ അ​ന​ന്ത​സ്മൃ​തി​ക​ളി​ൽ എ​ന്നോ പ​തി​ഞ്ഞ, മൈ​ലാ​ഞ്ചി​യി​ട്ട ആ ​കാ​ൽ​പാ​ദ​ങ്ങ​ൾ അ​റി​യാ​തെ പി​ന്തു​ട​രാ​ൻ തോ​ന്നും. യാ​ത്ര​ക​ൾ വ​ർ​ത്ത​മാ​ന​ത്തി​െ​ൻറ​​യും ഭൂ​ത​ത്തി​െ​ൻറ​​യും അ​തി​രു​ക​ൾ അ​നു​ഭൂ​തി​ക​ൾ​കൊ​ണ്ട് മാ​യ്ക്കു​ന്നു...

പാ​റവി​ളുമ്പിലെ പി​രി​യ​ൻ ഗോ​വ​ണി​യി​ലൂ​ടെ വേ​ണം ഗ്രാ​ഫിറ്റി​യു​ടെ അ​ടു​ത്തെ​ത്താ​ൻ. ഭി​ത്തി​യി​ലെ സ്ത്രീ​രൂ​പ​ങ്ങ​ളെ നോ​ക്കി ഒ​രു വ​ശ​ത്തു​നി​ന്നും മ​റു​വ​ശ​ത്തേ​ക്ക് ന​ട​ന്നാ​ൽ അ​നു​രാ​ഗവി​വ​ശ​രാ​യ അ​വ​രു​ടെ ക​ണ്ണു​ക​ൾ ന​മ്മെ പി​ന്തു​ട​രു​ന്ന​ത് കാ​ണാം.

ക​വി​ത തു​ളു​മ്പു​ന്ന ക​ണ്ണാ​ടി​ച്ചു​മ​രു​ക​ൾ

മി​റ​ർ വാ​ൾ (ക​ണ്ണാ​ടിച്ചുമ​ർ) എ​ന്ന മി​നു​സ​മു​ള്ള​തും തി​ള​ക്ക​മാ​ർ​ന്ന​തു​മാ​യ നീ​ണ്ട ചു​വ​രി​ലേ​ക്കാ​ണ് അ​ടു​ത്ത​താ​യി ന​മ്മ​ൾ പോ​വു​ക. കാ​ശ്യ​പ​ൻ ന​ട​ന്നു​പോ​കു​മ്പോ​ൾ അ​ദ്ദേ​ഹ​ത്തി​െ​ൻ​റ പ്ര​തി​ബിം​ബം അ​ക്കാ​ല​ഘ​ട്ട​ത്തി​ൽ ഈ ​ചു​മ​രി​ൽ കാ​ണാ​മാ​യി​രു​ന്നു. നൂ​റ്റാ​ണ്ടു​ക​ൾ​ക്കു മു​േ​മ്പ ഇ​വി​ടെ സ​ന്ദ​ർ​ശ​നം ന​ട​ത്തി​യ​വ​ർ കാ​ലാ​കാ​ല​ങ്ങ​ളാ​യി ഈ ​ചു​മരി​ൽ ക​വി​ത​ക​ൾ കോ​റി​​െവ​ച്ചു. പ്ര​ണ​യ​ത്തിെ​ൻറ​യും വേ​ദ​ന​യു​ടെ​യും ഹൃ​ദ​യ​സ്പ​ർ​ശി​യാ​യ അ​ക്ഷ​ര​ക്കൂ​ട്ട​ങ്ങ​ൾ...

പു​രാ​വ​സ്തു​ ഗ​വേ​ഷ​ക​രും പു​രാ​ത​ന ഭാ​ഷാ​പ​ണ്ഡി​ത​ന്മാ​രും പാ​ലി​യി​ലും മ​റ്റു പു​രാ​ത​ന ഭാ​ഷ​ക​ളി​ലു​മാ​യി എ​ഴു​തി​യ 685ഓ​ളം വ​രി​ക​ൾ ക​ണ്ടെ​ടു​ത്തി​ട്ടു​ണ്ട്. ആ ​ക​വി​ത​ക​ളി​ൽ എ​നി​ക്ക് ഏ​റ്റ​വും ഇ​ഷ്​​ട​പ്പെ​ട്ട ഏ​താ​നും വ​രി​ക​ൾ ഇ​ങ്ങ​നെ. ''ഞാ​ൻ ബു​ധാ​ള്, സി​ഗി​രി​യ​യെ കാ​ണാ​നാ​യി വ​ന്നു... എ​ല്ലാ​വ​രും ക​വി​ത​ക​ൾ കു​റി​ച്ചി​രി​ക്കു​ന്ന​തി​നാ​ൽ ഞാ​ൻ മാ​ത്രം ഒ​ന്നും അ​ട​യാ​ള​പ്പെ​ടു​ത്തു​ന്നി​ല്ല...''

പ്രി​യ​പ്പെ​ട്ട​വ​ളു​ടെ കൈ ​ചേ​ർ​ത്തു​പി​ടി​ച്ച് ക​വി​ത തു​ളു​മ്പു​ന്ന ക​ണ്ണാ​ടി​ച്ചു​മരി​നു മു​ന്നി​ലൂ​ടെ നി​ശ്ശ​ബ്​​ദ​മാ​യി ന​ട​ന്നു. തി​ള​ക്കം ഏ​റെ ന​ഷ്​​ട​പ്പെ​ട്ടു​പോ​യ കാ​ല​ത്തി​െ​ൻ​റ ആ ​ചു​മരി​ൽ, ന​നു​ത്ത അ​ക്ഷ​ര​ക്കൂ​ട്ട​ങ്ങ​ൾ​ക്കി​ട​യി​ൽ, ഇ​രു​ണ്ട നി​ഴ​ൽ​രൂ​പ​ങ്ങ​ൾ​പോ​ലെ ന​മു​ക്ക് ന​മ്മെ​ത്തന്നെ കാ​ണാം, സൂ​ക്ഷി​ച്ചു​നോ​ക്കി​യാ​ൽ.

കൊ​ട്ടാ​ര​വും അ​ന്ത​ഃപു​ര​ങ്ങ​ളും...

സിം​ഹ​പാ​ദ​ങ്ങ​ളു​ടെ പ്ര​ധാ​ന​ ക​വാ​ട​മാ​ണ് അ​ടു​ത്ത​ത്. പ​ല​പ്പോ​ഴാ​യി പു​തു​ക്കി​പ്പ​ണി​ത​തി​​െൻറ പാ​ടു​ക​ൾ അ​വി​ടെ കാ​ണാം. ചു​ടു​ക​ട്ട​ക​ളു​ടെ പ​ടി​ക്കെ​ട്ടു​ക​ൾ അ​വ​സാ​നി​ക്കു​ന്നി​ട​ത്തു​നി​ന്ന് ക​ൽ​ഭി​ത്തി​യി​ൽ ചെ​ത്തി​യൊ​രു​ക്കി​യ പ​ട​വു​ക​ൾ ആ​രം​ഭി​ക്കു​ന്നു.

ഏ​റ്റ​വും മു​ക​ളി​ൽ എ​ത്തു​മ്പോ​ഴാ​ണ് കൊ​ട്ടാ​ര​ത്തി​െ​ൻറ​​യും അ​ന്ത​ഃപുര​ങ്ങ​ളു​ടെ​യും വ​ലു​പ്പം മ​ന​സ്സി​ലാ​വു​ക. പ​ക്ഷേ, ഇ​ന്ന് അ​വ​ശേ​ഷി​ക്കു​ന്ന​ത് ച​രി​ത്ര​ത്തി​െ​ൻറ​ രൂ​പ​രേ​ഖ ക​ണ​ക്ക് കു​റ​ച്ച് ത​റ​ക​ളും ചു​ടു​ക​ട്ട​യു​ടെ ഭി​ത്തി​ക​ളും മാ​ത്രം. ഇ​വ​ക്കെ​ല്ലാം ഇ​ട​യി​ൽ പാ​റ അ​രി​ഞ്ഞു​ണ്ടാ​ക്കി​യ കി​ണ​റു​ക​ൾ, കു​ള​ങ്ങ​ൾ... കു​ടി​വെ​ള്ള​ത്തി​നു​ വേ​റെ, കു​ളി​ക്കാ​നും മ​റ്റാ​വ​ശ്യ​ങ്ങ​ൾ​ക്കും വേ​റെ... ഇ​വി​ടെ​യെ​ത്തു​ന്ന​തു​വ​രെ ച​രി​ത്രം പ​റ​യു​ന്ന​തു​പോ​ലെ ഇ​ത്ത​ര​മൊ​രു കൊ​ട്ടാ​രം ഈ ​പാ​റ​യു​ടെ മു​ക​ളി​ലു​ണ്ടാ​യി​രു​ന്നു എ​ന്ന് ഒ​ട്ടും​ത​ന്നെ എ​നി​ക്ക് വി​ശ്വാ​സം ഇ​ല്ലാ​യി​രു​ന്നു.

പൊ​ടു​ന്ന​നെ മു​ന്ന​റി​യി​പ്പു​ക​ൾ ഇ​ല്ലാ​തെ വെ​യി​ൽ കു​റ​യു​ക​യും താ​ഴ്ന്നി​റ​ങ്ങി​വ​ന്ന മേ​ഘ​ശ​ക​ല​ങ്ങ​ൾ കാ​റ്റി​നെ ത​ണു​പ്പി​ക്കു​ക​യും ചെ​യ്തു. ന​ട​ന്നു​ത​ള​ർ​ന്ന ക്ഷീ​ണം​കൊ​ണ്ടോ ച​രി​ത്ര​ത്തി​ൽ സ്വ​യം ന​ഷ്​​ട​പ്പെ​ട്ട​തു​കൊ​ണ്ടോ എ​ല്ലാ​വ​രും നി​ശ്ശ​ബ്​​ദ​രാ​യി കാ​ഴ്ച​ക​ളി​ലൂ​ടെ പ്ര​ദ​ക്ഷി​ണം ​െവ​ച്ചു.

ചു​ടു​ക​ട്ട​ക​ളു​ടെ ത​റ​ക​ൾ​ക്കി​ട​യി​ലൂ​ടെ വെ​റു​തെ ന​ട​ന്ന​പ്പോ​ൾ മ​ന​സ്സി​ലോ​ർ​ത്തു, ഇ​വി​ടെ​യാ​യി​രി​ക്കും ധാ​തു​സേ​ന ത​ട​വി​ൽ കി​ട​ന്ന​ത്. ഈ ​മു​റി​യി​ലാ​യി​രി​ക്കും മ​ക​ൻ അ​ച്ഛ​നെ ത​ട​വ​റ​യു​ടെ ഇ​രു​ട്ടി​ൽ ജീ​വ​നോ​ടെ മ​റ​വു​ചെ​യ്ത​ത്. ക​ല​ക​ളി​ലും കാ​മി​നി​മാ​രി​ലും അ​ഭി​ര​മി​ച്ച് കാ​ലം ക​ഴി​ച്ച കാ​ശ്യ​പ​നെ തേ​ടി സൈ​ന്യം രൂ​പ​വ​ത്​​ക​രി​ച്ച് അ​നു​ജ​ൻ തി​രി​ച്ചു​വ​ന്നു. സേ​നാ​പ​തി കൂ​റു​മാ​റിയതോടെ പി​ന്നി​ൽ ഒ​രു പോ​രാ​ളി​യു​ടെ പി​ന്തു​ണ​പോ​ലു​മി​ല്ലാ​തെ കാ​ശ്യ​പ​ൻ യു​ദ്ധ​ഭൂ​മി​യി​ൽ ഒ​റ്റ​പ്പെ​ട്ടു. ത​ട​വ​റ​യു​ടെ ഇ​രു​ട്ടി​ൽ ഒ​രു അ​ടി​മ​യാ​യി ശി​ഷ്​​ട​കാ​ലം ജീ​വി​ക്കാ​ൻ ഇ​ഷ്​​ട​പ്പെ​ടാതെ അയാൾ അ​ര​യി​ൽ​നി​ന്ന്​ ക​ഠാ​ര​യൂ​രി സ്വ​ന്തം ക​ഴു​ത്ത​റു​ത്തു. ക​ാശ്യ​പ​നെ അ​നു​ജ​ൻ ആ​ദ​ര​വോ​ടെയാണ് സം​സ്ക​രി​ച്ചത്.

പി​ന്നീ​ട് ത​ല​സ്ഥാ​നം അ​നു​രാ​ധ​പു​ര​ത്തേ​ക്ക് മാ​റ്റ​പ്പെ​ട്ടു. കാ​ശ്യ​പ​െ​ൻറ​ മേ​ഘ​ശി​ഖ​ര​ങ്ങ​ളി​ലെ ആ​കാ​ശ​ഗോ​പു​രം ഒ​രു ബു​ദ്ധ​വി​ഹാ​ര​മാ​ക്കി​ മാ​റ്റ​പ്പെ​ട്ടു. മൃ​തി​യു​ടെ​യും പ​ക​യു​ടെ​യും ര​തി​യു​ടെ​യും ഗി​രി​ശൃം​ഗ​ങ്ങ​ളി​ൽ പി​ന്നീ​ട് നൂ​റ്റാ​ണ്ടു​ക​ൾ ബു​ദ്ധ​സ​ന്യാ​സി​മാ​ർ ധ്യാ​നി​ച്ചി​രു​ന്നു. ഏ​റ്റ​വും മു​ക​ളി​ൽ​നി​ന്ന് നോ​ക്കു​മ്പോ​ൾ പൂ​ന്തോ​ട്ട​ങ്ങ​ൾ​ക്ക​പ്പു​റ​ത്ത് ഉ​യ​ർ​ന്നു​നി​ൽ​ക്കു​ന്ന ഒ​രു വെ​ളു​ത്ത കൂ​റ്റ​ൻ ബു​ദ്ധ​വി​ഗ്ര​ഹം കാ​ണാം. ത​ണു​ത്ത കാ​റ്റും കാ​ഴ്ച​യും ആ​സ്വ​ദി​ച്ച് ഏ​റെ​നേ​രം അ​വി​ടെ ഇ​രു​ന്നു.

പ​ടി​ക​ൾ ഇ​റ​ങ്ങി​വ​രു​മ്പോ​ൾ വി​യ​ർ​പ്പി​ലും മ​ണ്ണി​ലും കു​ളി​ച്ച പ​ണി​യാ​ള​ന്മാ​ർ പാ​റ​വി​ളു​മ്പി​ലെ ക​ൽ​പ​ട​വു​ക​ളി​ലൂ​ടെ ക​ല്ലും മ​ണ്ണും ചു​മ​ന്ന്, കൊ​ട്ടാ​രം ഉ​ണ്ടാ​ക്കാ​ൻ ക​യ​റി​പ്പോ​കു​ന്ന കാ​ഴ്ച മ​ന​സ്സി​ൽ സ​ങ്ക​ൽ​പിച്ചു​നോ​ക്കി. ച​രി​ത്രം ഇ​ങ്ങ​നെ​യാ​ണ്, കാ​ശ്യ​പ​നെ​പ്പോ​ലെ ചി​ല​ർ എ​ത്ര നൂ​റ്റാ​ണ്ടു​ക​ൾ ക​ഴി​ഞ്ഞാ​ലും കോ​ട്ട​ക​ളു​ടെ​യും കൊ​ട്ടാ​ര​ങ്ങ​ളു​ടെ​യും അ​വ​ശേ​ഷി​പ്പു​ക​ളാ​യി ജീ​വി​ക്കും. ബു​ദാ​ളി​നെ​പ്പോ​ലെ ചി​ല​ർ ക​ണ്ണാ​ടി​ച്ചു​മരു​ക​ളി​ലെ ക​വി​ത​ക​ളാ​യി അ​വ​ശേ​ഷി​ക്കും. കാ​ല​ത്തി​െ​ൻറ​ കാ​ൻ​വാ​സി​ലെ ഗ്രാ​ഫി​റ്റി​ക​ളാ​യി, ച​രി​ത്ര​ത്തെ ക​ട​മി​ഴി​ക​ൾ​കൊ​ണ്ട് പി​ന്തു​ട​രു​ന്ന കാ​മി​നി​മാ​രാ​യി ചി​ല​ർ ബാ​ക്കി​യാ​കും. വീ​ണ്ടും ചി​ല​ർ ഊ​രും പേ​രും ഇ​ല്ലാ​ത്ത, കാ​ൽ​പാ​ടു​ക​ൾ​പോ​ലും അ​വ​ശേ​ഷി​പ്പി​ക്കാ​ത്ത അ​ടി​മ​ക​ളും സ​ഞ്ചാ​രി​ക​ളു​മാ​യി കാ​ല​യ​വ​നി​ക​യി​ൽ മ​റ​യും...

ബു​ദ്ധ​സ​​ന്യാസി​മാ​രും സി​ഗി​രി​യ​യെ പി​ന്നീ​ട് എ​ന്നോ ഉ​പേ​ക്ഷി​ച്ചു. പു​ൽ​ത​ല​പ്പു​ക​ളു​ടെ​യും ചെ​റു​മ​ര​ങ്ങ​ളു​ടെ​യും വീ​ട് ആ​യി​രു​ന്നു പി​ന്നീ​ട് നൂ​റ്റാ​ണ്ടു​ക​ളോ​ളം സി​ഗി​രി​യ. അ​തി​നു​ശേ​ഷം വ​നാ​ന്ത​ര​ങ്ങ​ളി​ലൂ​ടെ കു​തി​ര​സ്സവാ​രി​പോ​യ ഒ​രു ബ്രി​ട്ടീ​ഷു​കാ​ര​ൻ ആ​ണ​ത്രെ സി​ഗി​രി​യ​യി​ലേ​ക്ക് ലോ​ക​ത്തി​െ​ൻ​റ ശ്ര​ദ്ധ​യാ​ക​ർ​ഷി​ച്ച​ത്. ഓ​രോ പ​ടി​യും ഇ​റ​ങ്ങി പൂ​ന്തോ​ട്ട​വും കോ​ട്ട​മ​തി​ലും ക​ട​ന്നു സി​ഗി​രി​യ​യോ​ട് യാ​ത്ര​പ​റ​ഞ്ഞു.

തെ​ങ്ങു​ക​ളും പൊ​ന്ത​ക്കാ​ടു​ക​ളും നി​റ​ഞ്ഞ നാ​ട്ടി​ൻ​പു​റ​ത്തു കൂ​ടെ​യു​ള്ള മ​ട​ക്ക​യാ​ത്ര​യി​ൽ പ്ര​ഭാ​ക​ര​നെ ഓ​ർ​ത്തു. ത​ല​യോ​ട്ടി ത​ക​ർ​ന്ന് അ​യാ​ൾ മ​രി​ച്ചി​ട്ട് ഏ​താ​നും വ​ർ​ഷ​ങ്ങ​ൾ ആ​കു​ന്ന​തേ​യു​ള്ളൂ. ആ​യി​ര​ക്ക​ണ​ക്കി​ന് ത​മി​ഴ​രാ​ണ് പ​ട്ടാ​ള​ത്തി​െൻറ തോ​ക്കി​നി​ര​യാ​യ​ത്. നൂ​റു​ക​ണ​ക്കി​നു​ പേ​ർ സ​യ​നൈ​ഡ്​ ക​ഴി​ച്ചും ആ​ത്മ​ഹ​ത്യ ചെ​യ്തു. പ്ര​ഭാ​ക​ര​ന് സു​ര​ക്ഷി​ത​ത്വം ന​ൽ​കാ​ൻ മ​നു​ഷ്യ​മ​തി​ലാ​യി​നി​ന്ന നൂ​റു​ക​ണ​ക്കാ​യ സാ​ധു​ജ​ന​ങ്ങ​ൾ കൊ​ന്നു​ത​ള്ള​പ്പെ​ട്ടു. ത​മി​ഴ് പു​ലി​ക​ളു​ടെ ശ​വ​പ്പ​റ​മ്പാ​യി ഈ ​ചെ​റി​യ ദ്വീ​പ് അ​ന്ന് മാ​റി.

അ​വ​രെ​ല്ലാം ഇ​ന്ന് ഈ ​പൊ​ന്ത​ക​ൾ​ക്കി​ട​യി​ൽ കാ​റ്റാ​യും കാ​ട്ടു​പൂ​വാ​യും കാ​ട്ടി​ല​ക​ളു​ടെ മ​ർ​മ​ര​ങ്ങ​ളാ​യും ഒ​ളി​ച്ചി​രു​ന്ന്, സ്വാ​ത​ന്ത്ര്യ​ത്തി​​െൻറ സു​ഭ​ഗ​സ്വ​പ്ന​ങ്ങ​ൾ കാ​ണു​ന്നു​ണ്ടാ​കും... ര​ണ്ടു സ​ഹ​സ്രാ​ബ്​​ദ​ങ്ങ​ളു​ടെ നീ​ണ്ട​ക​ഥ​യി​ൽ ന​മ്മ​ൾ ഒ​ട്ടും മാ​റി​യി​ട്ടേ​യി​ല്ല. അ​ട്ടി​മ​റി​ക​ളും അ​ധി​കാ​ര വ​ടം​വ​ലി​ക​ളും ആ​ൾ​ക്കൂ​ട്ട​ത്തി​െൻറ ബു​ദ്ധി​ശൂ​ന്യ​മാ​യ ഭ്ര​മ​ക​ൽ​പ​ന​ക​ളും നി​ഷ്ക​ള​ങ്ക​രു​ടെ ക​ണ്ണു​നീ​രും കൊ​ല്ല​പ്പെ​ട്ട പേ​ര​റി​യാ​ത്ത കു​രു​ന്നു​ക​ളു​ടെ അ​നാ​ഥ​മാ​ക്ക​പ്പെ​ട്ട സ്വ​പ്ന​ങ്ങ​ളു​മാ​യി ച​രി​ത്രം മു​ന്നോ​ട്ടു​ത​ന്നെ നീ​ങ്ങു​ക​യാ​ണ്.

തി​രി​ച്ചു​ള്ള യാ​ത്ര​യി​ൽ ട്രാ​ഫി​ക് ബ്ലോ​ക്കു​ക​ൾ കു​റ​വാ​യി​രി​ക്കു​മെ​ന്നും അ​തി​നാ​ൽ പെ​ട്ടെ​ന്നു​ത​ന്നെ എ​ത്തു​മെ​ന്നും ഡ്രൈ​വ​ർ ഇ​ടക്ക്​​ പ​റ​യു​ന്നു​ണ്ടാ​യി​രു​ന്നു. 'ഇ​പ്പ ശ​രി​യാ​ക്കി​ത്ത​രാം' എ​ന്ന വെ​ള്ളാ​ന​ക​ളു​ടെ നാ​ട്ടി​ലെ കു​തി​ര​വ​ട്ടം പ​പ്പു​വി​​െൻറ ഡ​യ​ലോ​ഗാ​ണ് ഓ​ർ​മ വ​ന്ന​ത്. എ​ങ്കി​ലും വി​ന​യാ​ന്വി​ത​നാ​യ ഈ ​നി​ഷ്ക​ള​ങ്ക സാ​ധു​വി​നോ​ട് ദ​യ തോ​ന്നി​പ്പോ​കു​ന്നു.

പു​റ​ത്ത് ലോ​കം പ​ച്ച​ത്ത​ഴ​പ്പി​നാ​ൽ സു​ന്ദ​ര​മാ​ണ്. കാ​റ്റി​ൽ ത​ല​യു​യ​ർ​ത്തി​നി​ൽ​ക്കു​ന്ന ബു​ദ്ധ​പ്ര​തി​മ​ക​ളും വി​ഹാ​ര​ങ്ങളു​ടെ സ്വ​ർ​ണം​ പൂ​ശി​യ മ​കു​ട​ങ്ങ​ളും വി​ൻ​റ്​ ചാ​ൻ​റു​ക​ളു​ടെ മ​ണി​യൊ​ച്ച​ക​ളും മ​നോ​ഹ​രം ത​ന്നെ...

●