Begin typing your search above and press return to search.
proflie-avatar
Login
exit_to_app
exit_to_app
Homechevron_rightKudumbamchevron_rightTravelchevron_rightBeauty Spotchevron_rightവേണമെങ്കിൽ...

വേണമെങ്കിൽ ഓട്ടോപിടിച്ചും കേരളത്തിൽനിന്ന്​ കശ്മീരിൽ പോയി വരാം...

text_fields
bookmark_border
From Wayanad to Kashmir: All the way in an autorickshaw
cancel
camera_alt

സിയാദ്, സിറാജ്, ഷഫീഖ്,

അഷ്കർ എന്നിവർ കശ്മീരിൽ

വേണമെങ്കിൽ ഓട്ടോപിടിച്ചും കശ്മീരിൽ പോയി വരാം എന്ന് തെളിയിച്ച നാല് ഫ്രീക്കന്മാരുടെ 40 ദിവസത്തെ യാത്രാജീവിതമാണിത്. ​'വയനാടൻ' എന്ന് പേരിട്ട ​ഫ്രീ​ക്ക​ൻ ഓ​ട്ടോ​യു​മൊ​ത്തു​ള്ള 8000 കി​ലോ​മീ​റ്റ​ർ നീ​ണ്ട യാ​ത്ര അവർക്ക് അ​തി​ശ​യ​ക​ര​മാ​യ പാൻ ഇന്ത്യൻ അ​നു​ഭ​വ​മാണ് പകർന്നു നൽകിയത്. ഒരു ഫീൽ ഗുഡ് റോഡ് മൂവി പോലെ മനോഹരമായ ആ യാത്രയിതാ...

സിയാദിെൻറ വെ​റൈ​റ്റി പ്ലാ​ൻ

ഓ​ട്ടോ​യി​ൽ ക​ശ്മീ​ർ വ​രെ പോ​യാ​ലോ എ​ന്ന് ആദ്യം തോ​ന്നി​യ​ത് വ​യ​നാ​ട് കാ​ട്ടി​ക്കു​ള​ത്തെ ബ​സ്​​സ്​​റ്റാ​ൻ​ഡി​ന​ടു​ത്ത് റെഡിമെയ്ഡ് കട നടത്തുന്ന സിയാദി​നാ​ണ്. കൂ​ട്ടു​കാ​രിൽ ചി​ല​രോ​ടൊ​ക്കെ പ​റ​ഞ്ഞ​പ്പോ​ൾ മ​റു​പ​ടി ചി​രി മാ​ത്രമായിരുന്നു. പി​ന്നെ​യാ​ണ് സി​റാ​ജി​നോ​ട് പ​റ​യു​ന്ന​ത്. കേ​ട്ട​പാ​ടെ അ​വ​ൻ ഒ.​കെ. വൈ​കീ​ട്ട് ഷ​ഫീ​ഖി​നോ​ടും അ​ഷ്ക​റി​നോ​ടും കാ​ര്യ​മ​വ​ത​രി​പ്പി​ച്ചു. യാ​ത്ര​യെ​ന്ന് കേ​ൾ​ക്കു​മ്പോ​ഴേ ​ചാടിയിറങ്ങുന്ന അ​വ​ർ ഡ​ബ്ൾ ഒ.​കെ. അ​ങ്ങ​നെ ടീം ​സെ​റ്റാ​യത് പെട്ടെന്നാണ്.

ഇ​നി വ​ണ്ടി വേ​ണം. കെ.​എ​ൽ 12 വ​യ​നാ​ട് ര​ജി​സ്ട്രേ​ഷ​ൻ വേ​ണ​മെ​ന്ന നി​ബ​ന്ധ​ന​യേ ഉ​ണ്ടാ​യി​രു​ന്നു​ള്ളൂ. സി​യാ​ദിെ​ൻ​റ ജ്യേ​ഷ്​​ഠ​ൻ​റ സു​ഹൃ​ത്ത് സു​നീ​ഷ് പ​റ​ഞ്ഞാ​ണ് പ​യ്യം​പ​ള്ളി​യി​ലെ ഒ​രു വീ​ട്ടി​ലെ​ത്തു​ന്ന​ത്. മൂ​ടി​യ പ്ലാ​സ്​​റ്റി​ക് മാ​റ്റി​യ​പ്പോ​ൾ തു​രു​മ്പി​ച്ച 2004 മോ​ഡ​ൽ 2 സ്ട്രോ​ക്ക് ഓ​ട്ടോ വെ​ളി​പ്പെ​ട്ടു. മു​റ്റ​ത്ത് സ്ഥ​ലം മെ​ന​ക്കെ​ടു​ത്തു​ന്ന ഇ​ത് ആക്രിക്കാർ​ക്ക് കൊ​ടു​ത്തെ​ങ്കി​ലും ഒ​ഴി​വാ​ക്കാ​നു​ള്ള തീ​രു​മാ​ന​ത്തി​ലാ​യി​രു​ന്നു വീ​ട്ടു​കാ​ർ. റ​ണ്ണി​ങ് ക​ണ്ടീ​ഷ​നി​ലുള്ള വ​ണ്ടി 5000 രൂ​പ​ക്ക് ക​ച്ച​വ​ട​മാ​ക്കി. കൊ​ണ്ടു​പോ​യ​ത് നേ​രെ കാ​ട്ടി​ക്കു​ള​ത്തെ റ​ഫീ​ഖിെ​ൻ​റ വ​ർ​ക്​​ഷോ​പ്പി​ലേ​ക്ക്.

അ​വി​ടെ​നി​ന്നാ​ണ് വ​യ​നാ​ട്ടി​ൽ​നി​ന്ന് ക​ശ്മീ​ർ​വ​രെ പോ​യി ച​രി​ത്ര​ത്തി​ൽ ഇ​ടം​പി​ടി​ച്ച ഫ്രീ​ക്ക​ൻ ഒാ​ട്ടോ​ പി​റ​വിയെടുത്തത്. ട​യ​റു​ക​ൾ മാ​റ്റി പെ​യി​ൻ​റ​ടി​ച്ച് സു​ന്ദ​രി​യാ​ക്കി. മു​ക​ളി​ൽ കാ​രി​യ​ർ ഫി​റ്റ് ചെ​യ്തു. ഭ​ക്ഷ​ണം പാ​കംെ​ച​യ്യാ​ൻ ചെ​റി​യ അ​ടു​ക്ക​ള, മൊ​ബൈ​ൽ ചാ​ർ​ജി​ങ് പോ​ർ​ട്ട്, പി​റ​കി​ലി​രി​ക്കു​ന്ന​വ​ർ​ക്ക് കാ​ല് നീ​ട്ടി​വെ​ക്കാ​ൻ ന​ടു​വി​ലെ ക​മ്പി ഒ​ഴി​വാ​ക്കി മു​ൻ സീ​റ്റ് നീ​ളം കൂ​ട്ടി. പ​ണി​ക​ളി​ൽ അ​ധി​ക​വും സ്വ​യം ചെ​യ്തു. പോ​ർ​ട്ട​ബ്ൾ ഗ്യാ​സ്കു​റ്റി വാ​ങ്ങി. സ്​​റ്റൗ വീ​ട്ടി​ൽ​നി​ന്നെ​ടു​ത്തു. രേ​ഖ​ക​ൾ ശ​രി​യാ​ക്കാ​ൻ ചെ​ല​വാ​യ16,000 അ​ട​ക്കം ഓ​ട്ടോ പു​ത്ത​നാ​ക്കാ​ൻ 34,000 രൂ​പ​യാ​യി.ഓ​ട്ടോ ഡ്രൈ​വ​റാ​യ ജ്യേഷ്ഠൻ(​സി​യാ​ദിെ​ൻ​റ) നം​ഷീ​ദിെ​ൻ​റ കി​ടി​ല​ൻ സ​പ്പോ​ർ​ട്ടാ​യി​രു​ന്നു യാ​ത്ര​ക്ക് ബ​ലം. മ​റ്റു​ള്ള​വ​രു​ടെ വീ​ട്ടു​കാ​ർ​ക്ക് അ​ര​സ​മ്മ​തം മാ​ത്രം. ഓ​ട്ടോ വാ​ങ്ങി​യ​തോ​ടെ​യാ​ണ് കു​ടും​ബ​ക്കാ​രും നാ​ട്ടു​കാ​രു​മെ​ല്ലാം പി​ള്ളേ​ര് സീ​രി​യ​സാ​ണെ​ന്ന് അ​റി​യു​ന്ന​ത്. അ​ങ്ങനെ ജ​നു​വ​രി ഏഴിന് ​യാ​ത്ര തു​ട​ങ്ങി ഫോ​ട്ടോ​സൊ​ക്കെ ഷെ​യ​ർ​ചെ​യ്യാ​ൻ തു​ട​ങ്ങി​യ​തോ​ടെ എ​ല്ലാ​വ​ർ​ക്കും ആ​വേ​ശ​മാ​യി.

നാ​ൽ​വ​ർ സം​ഘം

ബാ​വ​ലി സ്വ​ദേ​ശി​യാ​ണ് സി​യാ​ദ്. സി​റാ​ജ് മാ​ന​ന്ത​വാ​ടി​യി​ലെ കൊ​റി​യ​ർ സ്ഥാ​പ​ന​ത്തി​ൽ ജോ​ലി ചെ​യ്യു​ന്നു. ഷ​ഫീ​ഖ് പെ​യി​ൻ​റി​ങ്, വ​ണ്ടി​ക്ക​ച്ച​വ​ടം. അ​ഷ്ക​റും പെ​യി​ൻ​റി​ങ് തൊ​ഴി​ലാ​ളി​യാ​ണ്. മൂ​വ​രും കാ​ട്ടി​ക്കു​ളം സ്വ​ദേ​ശി​ക​ൾ.യാ​ത്ര​ക്കു​ള്ള പ​ണം ക​ണ്ടെ​ത്ത​ൽ, വ​ണ്ടി ശ​രി​യാ​ക്ക​ൽ എ​ന്നി​വ​ക്കെ​ല്ലാ​മാ​യി മാ​സ​ങ്ങ​ൾ എ​ടു​ത്തു. കോ​വി​ഡ് മുൻകരുതൽ, മ​രു​ന്ന്, ഫ​സ്​​റ്റ്​ എ​യ്ഡ് കി​റ്റ് എ​ന്നി​വ​യെ​ല്ലാം ഒ​രു​ക്കി. സ്​​റ്റേ​ഷ​നി​ൽ അ​റി​യി​ച്ച​പ്പോ​ൾ യാ​ത്ര പോ​വു​ന്ന​തി​ന് പെ​ർ​മി​ഷ​നൊന്നും വേണ്ടെന്ന് പൊ​ലീ​സ് പ​റ​ഞ്ഞു. ആ​ർ.​ടി.​ഒ​യെ​യും കണ്ടു. ഡ​ൽ​ഹി​യി​ൽ വ​ണ്ടി ക​യ​റ്റു​മോ​യെ​ന്ന സം​ശ​യം അ​ദ്ദേ​ഹം പ്ര​ക​ടി​പ്പി​ച്ചു. 16 വ​ർ​ഷം പ​ഴ​ക്ക​മു​ള്ള​താ​ണ് വ​ണ്ടി. പു​റ​പ്പെ​ടു​ന്ന​തി​ന് മൂ​ന്ന് ദി​വ​സം മു​മ്പ്, 20 വ​ർ​ഷം​വ​രെ പ​ഴ​ക്ക​മു​ള്ള സ്വ​കാ​ര്യ വാ​ഹ​ന​ങ്ങ​ൾ​ക്ക് ഡ​ൽ​ഹി​യി​ൽ അ​നു​മ​തി ല​ഭി​ക്കു​ന്ന നി​യ​മം വ​ന്നു. അ​തോ​ടെ ആ ​ആ​ശ​ങ്ക​യും ഒ​ഴി​ഞ്ഞു.

ര​ണ്ട് കാ​നു​ക​ളി​ലാ​യി 10 ലി​റ്റ​ർ പെ​ട്രോ​ൾ എ​പ്പോ​ഴും വ​ണ്ടി​യി​ൽ ക​രു​തും. ഇ​തി​ൽ ഒ​ഴി​ക്കാ​നു​ള്ള ഓ​യി​ലും. ഓ​യി​ൽ എ​ല്ലാ പ​മ്പി​ലും കി​ട്ടാ​ത്ത​തി​നാ​ൽ പ​ര​മാ​വ​ധി വാ​ങ്ങി സ്​​റ്റോ​ക്ക്​ ചെ​യ്യും. ഓ​രോ​രു​ത്ത​രും ര​ണ്ടോ മൂ​ന്നോ ജോ​ഡി വ​സ്ത്ര​മേ ക​രു​തി​യുള്ളൂ. ത​ണു​പ്പ്​ കാ​ലാ​വ​സ്ഥ​യാ​യ​തി​നാ​ൽ വി​യ​ർ​ത്ത് ഇ​ട​ക്ക് വ​സ്ത്രം മാ​റേ​ണ്ട ആ​വ​ശ്യ​വു​മു​ണ്ടാ​യി​ല്ല. നാ​ലു​പേ​ർ​ക്ക് കി​ട​ക്കാ​വു​ന്ന ഒ​രു ടെ​ൻ​റും കൊ​ണ്ടു​പോ​യി.

ഫ്ലാ​ഗ് ഓ​ഫി​ല്ലാ​തെ...

കാ​ത്തി​രു​ന്ന് കാ​ത്തി​രു​ന്ന് ലോ​ക്ഡൗ​ണി​ന് അ​യ​വു​വ​ന്ന​പ്പോ​ഴാ​ണ് പു​റ​പ്പെ​ട്ട​ത്. ആ​രെ​യും അ​റി​യി​ച്ച് ആ​ഘോ​ഷ​മാ​ക്കാ​തെ രാ​വി​ലെ ആ​റിന്​ കി​ക്ക​ർ​വ​ലി​ച്ച് വ​ണ്ടി സ്​​റ്റാ​ർ​ട്ടാ​ക്കി. തോ​ൽ​പെ​ട്ടി വ​ഴി പോ​യി കു​ട​ക് പി​ടി​ച്ചു. പി​ന്നെ ഹാ​സ​ൻ, ഹു​ബ്ബ​ള്ളി. യാ​ത്ര തു​ട​ങ്ങി​യ​ശേ​ഷം ചെ​യ്ത 30 സെ​ക്ക​ൻ​ഡു​ള്ള പ്ര​മോ വി​ഡി​യോ വൈ​റ​ലാ​യി. അ​ത് ഇ​ൻ​സ്​​റ്റ​യി​ലും ഫേ​സ്ബു​ക്കി​ലു​മെ​ല്ലാം പാ​റി​പ്പ​റ​ന്നു. യാ​ത്രാ ഗ്രൂ​പ്പു​ക​ളി​ലെ​ല്ലാം ഷെ​യ​ർ ചെ​യ്യ​പ്പെ​ട്ടു. 10 ലക്ഷത്തിലധികം ആ​ളു​ക​ൾ ക​ണ്ടു. പ​ത്ര​ങ്ങ​ളി​ലും ചാ​ന​ലു​ക​ളി​ലും സ​മൂ​ഹമാ​ധ്യ​മ​ങ്ങ​ളി​ലും അത് പ്ര​ച​രി​ച്ച​തോ​ടെ എ​ല്ലാ​വ​രും അ​റി​ഞ്ഞു. യാ​ത്ര​യി​ൽ പ​ല​യി​ട​ത്തും അ​ത് ഉ​പ​കാ​ര​പ്പെ​​െട്ടന്ന് നാ​ലു​പേ​രും.

ആ​ദ്യ​ദി​വ​സം ജാ​വാ​ഗ​ൽ ദ​ർ​ഗ​യു​ടെ സ​മീ​പം വ​ലി​യൊ​രു ഗ്രൗ​ണ്ടി​ൽ ടെ​ൻ​റ​ടി​ച്ചു. ര​ണ്ടാ​മ​ത്തെ ദി​വ​സം ഹു​ബ്ബ​ള്ളി​യി​ൽ രാ​ത്രി അ​തി​ശ​ക്ത​മാ​യ മ​ഴ. പ​ല​യി​ട​ത്തും വെ​ള്ള​ക്കെ​ട്ട്. റോ​ഡി​ന് അ​രി​ക്ചേ​ർ​ന്ന് പോ​വുേ​മ്പാ​ൾ ഒ​രു കാ​റ്​ വേ​ഗ​ത്തി​ൽ വ​ന്ന​തോ​ടെ തി​ര​മാ​ല ക​ണ​ക്കെ വെ​ള്ളം ഉ​യ​ർ​ന്ന് വ​ണ്ടി​യി​ൽ ക​യ​റി. അ​തോ​ടെ ഇ​ല​ക്ട്രോ​ണി​ക് ഭാ​ഗ​ങ്ങ​ൾ ത​ക​രാ​റി​ലാ​യി. അ​ത് ക്ലീ​ൻ​ചെ​യ്ത്, തു​ട​ച്ച് വീ​ണ്ടും ഫി​റ്റ് ചെ​യ്ത​പ്പോ​ൾ വ​ണ്ടി സ്​​റ്റാ​ർ​ട്ടാ​യി. മ​ഴ​യാ​യ​തി​നാ​ൽ അ​ന്ന് രാ​ത്രി വ​ണ്ടി​യി​ൽ​ത​ന്നെ ക​ഴി​ച്ചു​കൂ​ട്ടി.

അ​ടു​ത്ത ദി​വ​സം രാ​ത്രി​യെ​ത്തി​യ​ത് ഒ​രു ടൗ​ണി​ൽ. റോ​ഡിെ​ൻ​റ​യും മേ​ൽ​പാ​ല​ത്തിെ​ൻ​റ​യും പ​ണി ന​ട​ക്കു​ന്നു. ര​ണ്ട് സൈ​ഡി​ലെ​യും റോ​ഡി​ൽ ഗ​താ​ഗ​ത​മു​ണ്ട്. ന​ടു​ക്ക് ഓ​ട്ടോ പാ​ർ​ക്ക് ചെ​യ്ത് ടെ​ൻ​റ​ടി​ച്ചു. ര​ണ്ട് ഭാ​ഗ​ത്തു​നി​ന്നും വ​ണ്ടി പോ​വു​ന്ന​തിെ​ൻ​റ കു​ലു​ക്കം. ഭ​യം കാ​ര​ണം ഉ​റ​ങ്ങാ​ൻ ക​ഴി​ഞ്ഞി​ല്ല. അ​ടു​ത്ത ദി​വ​സം കോ​ലാ​പ്പൂ​രി​ൽ എ​ത്തി. കോ​ലാ​പ്പൂ​ർ -മ​ഹാ​രാ​ഷ്​​ട്ര ഹൈ​വേ​യി​ൽ എ​ത്തി​യ​പ്പോ​ൾ ചാ​ന​ലു​ക​ളി​ൽ​നി​ന്ന് വി​ളി​വ​ന്നു. വി​ഷ്വ​ൽ അ​യ​ച്ചു​കൊ​ടു​ക്കാ​ൻ. വി​ഡി​യോ പ​ക​ർ​ത്തു​ന്ന​തി​നി​ടെ ലോ​റി പോ​യ​പ്പോ​ൾ ഓ​ട്ടോ കു​ലു​ങ്ങി ഫോ​ൺ നി​ല​ത്തു​വീ​ണ് സി​യാ​ദിെ​ൻ​റ ഫോ​ൺ പൊ​ട്ടി. ര​ണ്ട് ദി​വ​സം ക​ഴി​ഞ്ഞാ​ണ് പു​തി​യ ഫോ​ൺ വാ​ങ്ങി​യ​ത്.

പിന്നീട് പോ​യ​ത് പു​ണെ​യി​ലേ​ക്കാ​ണ്. സി​യാ​ദിെ​ൻ​റ നാ​ട്ടു​കാ​ര​ൻ അ​ജി​ത്ത് അ​വി​ടെ സെ​റ്റി​ൽ​ഡാ​ണ്. അവനുമൊത്ത് സ്ഥ​ലങ്ങളെല്ലാം പോ​യി​ക്ക​ണ്ടു. പി​ന്നെ മും​ബൈ. അ​വി​ടെ സി​യാ​ദിെ​ൻ​റ ക​സിെ​ൻ​റ കൂ​ടെ ത​ങ്ങി. മും​ബൈ ടൗ​ണി​ൽ ഓ​ട്ടോ​റി​ക്ഷ ക​യ​റ്റാ​ൻ പ​റ്റാ​ത്ത​തി​നാ​ൽ വേ​റെ വ​ണ്ടി​യി​ലാ​യി​രു​ന്നു ക​റ​ക്കം.

തു​ട​ർ​ന്ന് ഗു​ജ​റാ​ത്തി​ലേ​ക്ക്. യാത്രക്കിടെ ടാ​ങ്കി​ലെ എ​ണ്ണ തീ​ർ​ന്നു. കാ​നി​ൽ ക​രു​തി​യ എ​ണ്ണ ഒ​ഴി​ക്കാ​ൻ നി​ർ​ത്തി​യ​ത് ക​ണ്ട ഗു​ജ​റാ​ത്തി​യാ​യ ഒ​രു ഓ​ട്ടോ​ക്കാ​ര​ൻ അ​ടു​ത്തെ​ത്തി. വ​ണ്ടി​ക്ക് പ​ണി​കി​ട്ടി നി​ൽ​ക്കു​ക​യാ​ണെ​ന്നാ​ണ് അ​യാ​ൾ ക​രു​തി​യ​ത്. ഇ​പ്പം ശ​രി​യാ​ക്കി​ത്ത​രാം എ​ന്ന ഭാ​വേ​ന ഡ്രൈ​വ​ർ സീ​റ്റി​ൽ ക​യ​റി​യി​രു​ന്ന് സ്​​റ്റാ​ർ​ട്ടാ​ക്കി ഫു​ൾ ആ​ക്സി​േ​ല​റ്റ​ർ കൊ​ടു​ത്തു. ഒ​രു​പാ​ട് ദൂ​രം ഓ​ടി​യ പെ​ട്രോ​ൾ വ​ണ്ടി​ക്ക് ഇ​ങ്ങ​നെ ആ​ക്സി​ലേ​റ്റ​ർ കൊ​ടു​ക്ക​രു​തെ​ന്ന് പ​റ​ഞ്ഞെ​ങ്കി​ലും ആ​ര് കേ​ൾ​ക്കാ​ൻ. ആ ​ഗു​ജ​റാ​ത്തി​ക്ക് ഹി​ന്ദി അ​റി​യി​ല്ല​ല്ലോ... അയാൾ കൈവെച്ചതോടെ വണ്ടിക്ക് പണികിട്ടി. കക്ഷി പതിയെ സ്കൂ​ട്ടാ​യി.

അ​പ്പോ​ഴാ​ണ് ബൈ​ക്കി​ൽ എ​തി​ർ​വ​ശ​ത്തു​കൂ​ടെ പോ​യൊരാൾ അ​ടു​ത്തെ​ത്തി​ത്. അദ്ദേഹത്തിെൻറ സഹായത്തോടെ ര​ണ്ട് കി​ലോ​മീ​റ്റ​റ​ക​ലെ​യു​ള്ള വ​ർ​ക്​​ഷോ​പ്പിൽ ഓട്ടോയെത്തിച്ച് പ്ര​ശ്നം പ​രി​ഹ​രി​ച്ചു.അ​വി​ടെ​നി​ന്ന് കേ​ന്ദ്ര​ഭ​ര​ണ​പ്ര​ദേ​ശ​മാ​യ ദാ​മ​നി​ൽ ക​റ​ങ്ങി രാ​ജ​സ്ഥാ​ൻ പി​ടി​ച്ചു. അ​ജ്മീ​ർ, പി​ന്നെ ഹ​രി​യാ​ന​യി​ലേ​ക്ക്. തു​ട​ർ​ന്ന് പ​ഞ്ചാ​ബ്. വാ​ഗ അ​തി​ർ​ത്തി​യി​ൽ ആ ​സ​മ​യ​ത്ത് സ​ന്ദ​ർ​ശ​ക​ർ​ക്ക് പ്ര​വേ​ശ​ന​മി​ല്ലെ​ന്ന​തി​നാ​ൽ ആ ​മോ​ഹം ന​ട​ന്നി​ല്ല. തു​ട​ർ​ന്ന് അ​മൃ​ത്​​സ​റി​ലെ​ത്തി. സു​വ​ർ​ണ​ക്ഷേ​ത്രം ക​ണ്ടു. അ​വി​ടെ​നി​ന്ന് തി​രി​ക്കുേ​മ്പാ​ൾ ഗുരുദാസ്പൂരിൽ വെച്ച് രാ​ത്രി​ ഓട്ടോക്ക് വീണ്ടും പണികിട്ടി. പെ​ട്ടെ​ന്ന് വ​ണ്ടി നി​ന്നു പോയതായിരുന്നു.അ​ന്ന് ടെെ​ൻ​റാ​ന്നും കെ​ട്ടാ​തെ വ​ണ്ടി​യി​ൽ​ത​ന്നെ ക​ഴി​ച്ചു​കൂ​ട്ടി.

പിറ്റേന്ന് വി​മു​ക്ത​ഭ​ട​നും ചായക്കട ഉടമയുമായ പ​പ്പു​ജിയുടെ സഹായത്തോടെ അദ്ദേഹത്തി​​​​െൻറ വ​ണ്ടി​യി​ൽ ഓ​ട്ടോ കെ​ട്ടി​വ​ലി​ച്ച് ക​ട​യു​ടെ സ​മീ​പം എ​ത്തി​ച്ചു. വ​ർ​ക്​​ഷോ​പ്പ് അ​ന്വേ​ഷി​ച്ചപ്പോ​ഴാ​ണ് അ​റി​യു​ന്ന​ത് അ​വി​ടെ പെ​ട്രോ​ൾ ഓ​ട്ടോ കു​റ​വാ​ണെ​ന്ന്. ര​ണ്ടു ദി​വ​സം ക​ഴി​ഞ്ഞി​ട്ടും പാ​ർ​ട്സ് കി​ട്ടി​യി​ല്ല. അ​വ​സാ​നം, ഒ​ന്നു​കി​ൽ ജ​മ്മു​വി​ൽ അ​ല്ലെ​ങ്കി​ൽ, ഹി​മാ​ച​ലി​ലേ കി​ട്ടാ​ൻ സാ​ധ്യ​ത​യു​ള്ളൂ​വെ​ന്ന് അ​റി​ഞ്ഞു. നാ​ട്ടി​ലെ വ​ർ​ക്​​ഷോ​പ്പി​ൽ വി​ളി​ച്ച​പ്പോ​ൾ അ​വ​രും പ​റ​ഞ്ഞു, പി​സ്​​റ്റ​ൻ മാ​റ്റാ​തെ ഓ​ട്ടോ സ്​​റ്റാ​ർ​ട്ട് ചെ​യ്യാ​ൻ ക​ഴി​യി​ല്ലെ​ന്ന്.

ഹി​മാ​ച​ലി​ലേ​ക്ക് ബ​സി​ൽ തി​രി​ച്ചു. മ​ണാ​ലി കാ​ണാം പാ​ർ​ട്സ് മേ​ടി​ക്കാം എ​ന്ന ല​ക്ഷ്യ​ത്തോ​ടെ​യാ​യി​രു​ന്നു യാ​ത്ര. മ​ണാ​ലി​യി​ൽ ബ​സി​റ​ങ്ങി​ പാർട്സ് അന്വേഷിച്ചു. അ​വി​ടെ എ​ത്തിയപ്പോഴേക്കും ഷോ​പ്​ പൂ​ട്ടി​യതിനാൽ അ​ന്ന​വി​ടെ ത​ങ്ങി അ​ടു​ത്ത ദി​വ​സം രാ​വി​ലെ​ത​ന്നെ പിസ്​റ്റൻ വാങ്ങി.

ഓ​ട്ടോ കു​ടു​ങ്ങി​യ സ്ഥ​ല​ത്തി​ന് സ​മീ​പ​ത്തു​ള്ള വ​ർ​ക്​​ഷോ​പ്പി​ലു​ള്ള​വ​ർ​ക്കൊ​ന്നും െപ​ട്രോ​ൾ ഓ​ട്ടോ​യു​ടെ എ​ൻ​ജി​ൻ​പ​ണി വ​ലി​യ ധാ​ര​ണ​യി​ല്ല. അ​വ​സാ​നം നാ​ട്ടി​ലെ വ​ർ​ക്​​ഷോ​പ്പി​ലെ റ​ഫീ​ഖിനെ വി​ഡി​യോ കാൾ​ചെ​യ്ത് കാ​ര്യം അ​വ​ത​രി​പ്പി​ച്ചു. റ​ഫീ​ഖിെ​ൻ​റ നി​ർ​ദേ​ശ​പ്ര​കാ​രം പി​സ്​​റ്റ​ൻ ഫി​റ്റ് ചെ​യ്തു. ഇ​തി​നി​ട​യി​ൽ പ​ഞ്ചാ​ബി​ൽ കാ​ണാ​നു​ള്ള സ്ഥ​ല​ങ്ങ​ളി​ലൊ​ക്കെ പോ​യി.

ക​ശ്മീ​രിൽ...

ല​ക​ൻ​പൂ​ർ അ​തി​ർ​ത്തി​വ​ഴിയാണ് ജ​മ്മു​വി​ലേ​ക്ക് പോയത്. ജ​മ്മു​വി​ൽ​നി​ന്ന് ഉ​ധം​പൂ​ർ വ​രെ ന​ല്ല റോ​ഡാ​ണ്. ഉ​ധം​പൂ​രി​ലെ പ​ട്നി ടോ​പ്, സ​നാ​സ​ർ എ​ന്നി​വി​ട​ങ്ങ​ളി​ലൊ​ക്കെ ക​റ​ങ്ങി. മ​ഞ്ഞു​മ​ല​യി​ൽ വ​ണ്ടി ക​യ​റ്റാ​നു​ള്ള സൗ​ക​ര്യം, വ്യൂ േ​പാ​യ​ൻ​റ് തു​ട​ങ്ങി​യ​വ​യെ​ല്ലാം ഉ​ണ്ട്. 26ാം ദി​വ​സം ഉ​ധം​പൂ​രി​ലെ​ത്തി​യ​പ്പോ​ഴേ ക​ശ്മീ​ർ എ​ന്ന ല​ക്ഷ്യം പൂ​ർ​ത്തി​യാ​യി​രു​ന്നു. അ​വി​ടെ​നി​ന്നു​ള്ള ഫോ​ട്ടോ​ക​ളൊ​ക്കെ സ​മൂ​ഹമാ​ധ്യ​മ​ങ്ങ​ളി​ൽ അ​പ്​​ലോ​ഡ് ചെ​യ്ത​തോ​ടെ നാ​ട്ടി​ൽ​നി​ന്നൊ​ക്കെ അ​ഭി​ന​ന്ദ​ന​ങ്ങ​ൾ പ്ര​വ​ഹി​ച്ചു. ദാ​ൽ ത​ടാ​കം, ശ്രീ​ന​ഗ​ർ തു​ട​ങ്ങി​യ സ്ഥ​ല​ങ്ങ​ളി​ലേ​ക്ക് പോ​വാ​ൻ ഉ​ദ്ദേ​ശി​ച്ചി​രു​ന്നെ​ങ്കി​ലും കാ​ലാ​വ​സ്ഥ മോ​ശ​മാ​യ​തി​നാ​ൽ സാ​ധി​ച്ചി​ല്ല. ഓ​ഫ് റോ​ഡ​ർ വ​ണ്ടി​വ​രെ സ്ലി​പ്പാ​വു​ന്ന സ​മ​യ​മാ​യി​രു​ന്നു അ​ത്. ഒ​രു​നി​ല​ക്കും ഓ​ട്ടോ​ക്ക് പോ​വാ​ൻ സാ​ധ്യ​മ​ല്ലെ​ന്ന് മ​ന​സ്സി​ലാ​യ​തോ​ടെ കൂ​ടു​ത​ൽ മു​ന്നോ​ട്ടു​പോ​വാ​നു​ള്ള തീ​രു​മാ​നം ഉപേക്ഷിച്ചു. ര​ണ്ടു ദി​വ​സം ത​ങ്ങിയ ശേഷം തി​രി​ച്ച് പ​ത്താ​ൻ​കോ​ട്ടി​ലേ​ക്ക് വ​ന്നു. പ​ഞ്ചാ​ബ്, ഹ​രി​യാ​ന അ​വി​ടെ​നി​ന്ന് ഡ​ൽ​ഹി. ഡ​ൽ​ഹി​യി​ലേ​ക്ക് വ​ര​വെ ക​ർ​ഷ​ക​സ​മ​ര​ക്കാ​രെ അ​ഭി​വാ​ദ്യം ചെ​യ്തു. അ​വ​രു​ടെ സ​ൽ​ക്കാ​രം സ്വീ​ക​രി​ച്ചു. സ​മ​ര​ക്കാ​രു​ടെ കൊ​ടിെ​യാ​ക്കെ വ​ണ്ടി​യി​ൽ കെ​ട്ടി.

ഡി.​ആ​ർ.​എ​ൽ റൈ​ഡേ​ഴ്സ് ഗ്രൂ​പ് അം​ഗ​വും മ​ല​യാ​ളി സ​മാ​ജം ഭാ​ര​വാ​ഹി​യു​മൊ​ക്കെ​യാ​യ അ​രു​ൺ നി​ർ​ദേ​ശി​ച്ച​ത​നു​സ​രി​ച്ച് പ്ര​ധാ​ന റോ​ഡി​ലൂ​ടെ പോ​കാ​തെ ഗ്രാ​മീ​ണ റോ​ഡു​ക​ളി​ലൂ​ടെ​യാ​ണ് ഡ​ൽ​ഹി​ക്ക് തി​രി​ച്ച​ത്. ഡ​ൽ​ഹി അ​തി​ർ​ത്തി​യി​ലേ​ക്ക് ക​യ​റുേ​മ്പാ​ൾ ഇ​ൻ​റ​ർ​നെ​റ്റ് നി​ശ്ച​ല​മാ​യി. സ​മ​രം പ്ര​തി​രോ​ധി​ക്കാ​ൻ കേ​ന്ദ്ര​സ​ർ​ക്കാ​ർ ഇ​ൻ​റ​ർ​നെ​റ്റ് വി​ച്ഛേ​ദി​ച്ചി​രു​ന്നു. ഗൂ​ഗ്ൾ മാ​പ് സ്ക്രോ​ൾ ചെ​യ്ത് പോ​വേ​ണ്ട സ്ഥ​ല​ത്തെ​ക്കു​റി​ച്ച് ധാ​ര​ണ​യു​ണ്ടാ​ക്കി. അ​ങ്ങ​നെ റി​പ്പ​ബ്ലി​ക് ദി​ന​ത്തി​ൽ ക​ർ​ഷ​ക​സ​മ​രം കൊ​ടു​മ്പി​രി​ക്കൊണ്ട സ​മ​യ​ത്ത് ഡ​ൽ​ഹി​യി​ൽ പ്ര​വേ​ശി​ച്ചു. ഡ​ൽ​ഹി ജു​മാ​മ​സ്ജി​ദ്. ഇ​ന്ത്യ ഗേ​റ്റ്, കു​ത്ത​ബ്മി​നാ​ർ, യ​മു​നാ​ഘ​ട്ട് എ​ന്നി​വ​യെ​ല്ലാം ക​ൺ​കു​ളി​ർ​ക്കെ ക​ണ്ടു. പി​ന്നെ യു.​പി​യി​ലേ​ക്ക് തി​രി​ച്ച് താ​ജ്മ​ഹ​ൽ, വൃ​ന്ദാ​വ​ൻ എ​ന്നി​വ​യെ​ല്ലാം ക​ണ്ടു. തു​ട​ർ​ന്ന്, നേ​രെ ഹൈ​ദ​രാ​ബാ​ദ് പി​ടി​ച്ചു. അ​വി​ടെ സി​യാ​ദിെ​ൻ​റ കൂ​ട്ടു​കാ​ര​ൻ റാ​സി​ഖിെ​ൻ​റ അ​ടു​ത്ത് താ​മ​സം. പ്ര​ധാ​ന സ്ഥ​ല​ങ്ങ​ളി​ലൊ​ക്കെ ക​റ​ങ്ങി​യ​ശേ​ഷം ബം​ഗ​ളൂ​രു​വി​ലേ​ക്ക്. അ​വി​ടെ​നി​ന്ന് മൈ​സൂ​ർ വഴി ബാ​വ​ലി​യി​ലേ​ക്ക്. അ​ങ്ങ​നെ 40 ദി​വ​സം നീ​ണ്ട കശമീർ യാത്രക്ക് ശു​ഭ​പ​ര്യ​വ​സാ​നം.

​െചല​വ് 1,20,000

30,000 രൂ​പ വീ​ത​മാ​ണ് ഓ​രോ​രു​ത്ത​രും എ​ടു​ത്ത​ത്. കു​റി​യ​ടി​ച്ച​തും കു​റ്റി പൊ​ട്ടി​ച്ച​തും മൊ​ബൈ​ൽ വി​റ്റ​തു​മെ​ല്ലാം കൂ​ടി​യ​താ​ണ് ഈ ​തു​ക. വ​ണ്ടി​ക്ക് 34,000വും ​പെ​ട്രോ​ളും ഓ​യി​ലും അ​ട​ക്കം 45,000 രൂ​പ​യും ചെ​ല​വാ​യി. ഡ​ൽ​ഹി-​ആ​ഗ്ര റൂ​ട്ടി​ൽ യ​മു​ന എ​ക്സ്പ്ര​സ് ഹൈ​വേ​യി​ൽ മാ​ത്ര​മാ​ണ് ടോ​ൾ കൊ​ടു​ക്കേ​ണ്ടി​വ​ന്ന​ത്. റൂ​മി​നും മ​റ്റു​ള്ള​വ​ക്കൊ​ന്നും വ​ലി​യ പൈ​സ​യാ​യി​ല്ല. ഓ​ട്ടോ​യി​ൽ വ​രു​ന്ന​ത് കാ​ണുേ​മ്പാ​ൾ​ത​ന്നെ കൗ​തു​ക​മാ​യി​രു​ന്നു പ​ല​ർ​ക്കും. സി​റാ​ജാ​യി​രു​ന്നു യാത്രയിൽ പ്ര​ധാ​ന കു​ക്ക്. കു​ഷ്ക​യാ​ണ് പ്ര​ധാ​ന വി​ഭ​വം. ചോ​റും ക​റി​യു​മെ​ല്ലാം അ​തി​ൽ​ത​ന്നെ​യു​ണ്ടെ​ന്ന മെ​ച്ച​മു​ണ്ട്. ചി​ക്ക​ൻ, ബീ​ഫ് തു​ട​ങ്ങി​യ​വ വാ​ങ്ങു​ന്ന​ത് കു​റ​വാ​യി​രു​ന്നു. മു​ട്ട​ക്ക​റി​യു​ണ്ടാ​ക്കും. എ​ന്നാ​ൽ, മ​ഹാ​രാ​ഷ്​​ട്ര​യി​ൽ നാ​ല് ദി​വ​സം ബീ​ഫ് മാ​ത്ര​മാ​യി​രു​ന്നു. ക​ശ്മീ​രി​ൽ മ​ട്ട​ൻ ക​റി.

ജാ​തി ചോ​ദി​ക്കു​ന്ന​വ​ർ

രാ​ജ​സ്ഥാ​ൻ-​ഹ​രി​യാ​ന ബോ​ർ​ഡ​റി​ൽ ഒ​രു​ദി​വ​സം രാ​ത്രി കോ​ട​മ​ഞ്ഞ് കാ​ര​ണം വ​ണ്ടി ഓ​ടി​ക്കാ​ൻ പ​റ്റാ​ത്ത അ​വ​സ്ഥ​യി​ലാ​യി. ഒ​രു ഉ​ൾ​പ്ര​ദേ​ശ​ത്ത് വണ്ടി സൈ​ഡാ​ക്കി ടെ​ൻ​റ​ടി​ച്ചു. ഇ​തി​നി​ട​യി​ൽ നാട്ടുകാരായ കു​റ​ച്ച് ആ​ളു​ക​ൾ പോസ്​റ്റർ ഒട്ടിക്കാൻ വ​ന്നു. അ​വ​ർ​ക്ക് ടോ​ർ​ച്ചൊ​ക്കെ അ​ടി​ച്ചു​കൊ​ടു​ത്ത് സ​ഹാ​യി​ച്ചു. ബാ​ന​ർ കെ​ട്ടി​യ അ​യാ​ൾ ഇ​റ​ങ്ങി​വ​ന്ന് എ​ല്ലാ​വ​രു​ടെ​യും പേ​ര് ചോ​ദി​ച്ചു. സി​യാ​ദ്, അ​ഷ്ക​ർ... എ​ന്നൊ​ക്കെ കേ​ട്ട​പ്പോ​ൾ ഭാ​വ​വ്യ​ത്യാ​സം. രാ​ജ​സ്ഥാ​നി മി​ക്സ് ആ​ണ് ഭാ​ഷ. അ​യാ​ൾ​ക്ക് ഹി​ന്ദി അ​റി​യാം. വ​ണ്ടി​യു​ടെ​യും ന​മ്പ​ർ േപ്ല​റ്റിെ​ൻ​റ​യും നാ​ലു​പേ​രെ​യും ഒ​രു​മി​ച്ച് നി​ർ​ത്തി​യു​മു​ള്ള ഫോ​ട്ടോ​യെ​ടു​ത്തു. അ​വ​ർ പോ​യി. കു​റ​ച്ച് ക​ഴി​ഞ്ഞ​പ്പോ​ഴു​ണ്ട് ആ​രോ ടെ​ൻ​റി​ൽ മു​ട്ടു​ന്നു. പു​റ​ത്തി​റ​ങ്ങി​യ​പ്പോ​ൾ പൊ​ലീ​സു​കാ​ർ. കൂ​ടെ ഫോ​ട്ടോ​യെ​ടു​ത്ത ആ​ളും. പൊ​ലീ​സുകാർ വി​വ​ര​ങ്ങ​ൾ ചോ​ദി​ച്ച​റി​ഞ്ഞു. പേ​ര് ചോ​ദി​ക്കു​ന്ന​തി​ന് മു​മ്പു​ത​ന്നെ മ​തം, ജാ​തി​യാ​ണ് ചോ​ദി​ച്ച​ത്. ന​മ്മു​ടെ നാ​ട്ടി​ലൊ​ന്നും ഇ​ല്ലാ​ത്ത ആ ​ചോ​ദ്യം വ​ലി​യ വി​ഷ​മ​മു​ണ്ടാ​ക്കി​. പൊ​ലീ​സുകാർ അ​ഡ്ര​സൊ​ക്കെ വാ​ങ്ങി തി​രി​കെ പോ​യി. .


ഗ്രാ​മീ​ണ റോ​ഡു​ക​ളി​ലൂ​ടെ

ഹൈ​വേ​ക​ളി​ൽ വ​ണ്ടി​ക​ളു​ടെ ബ​ഹ​ള​മ​ല്ലാ​തെ മ​റ്റൊ​ന്നു​മി​ല്ല. നാ​ട് കാ​ണാ​ൻ പ​റ്റി​ല്ല. കു​റെ സ​ഞ്ച​രി​ച്ച​പ്പോ​ൾ മ​ടു​പ്പ് തോ​ന്നി. അ​തോ​ടെ, ഗൂ​ഗ്ൾ മാ​പ്പി​ലൊ​ക്കെ നോ​ക്കി ജി​ല്ല റോ​ഡു​ക​ൾ ക​ണ്ടെ​ത്തി. അ​തു​വ​ഴി​യാ​യി യാ​ത്ര. ചി​ല​യി​ട​ത്ത് റോ​ഡ് മോ​ശ​മാ​ണെ​ങ്കി​ലും ഓ​രോ നാ​ടി​നെ​യും അ​റി​യാ​ൻ, മ​ന​സ്സി​ലാ​ക്കാ​ൻ ഉ​പ​ക​രി​ച്ചു. ഉ​ൾ​പ്ര​ദേ​ശ​ങ്ങ​ളി​ലൂ​ടെ പോ​വാ​ൻ ചെ​റി​യ ഭ​യ​മൊ​ക്കെ​യു​ണ്ടാ​യി​രു​ന്നെ​ങ്കി​ലും അ​തി​നെ അ​തി​ജ​യി​ക്കു​ന്ന​താ​യി​രു​ന്നു പു​തി​യ കാ​ഴ്ച​ക​ൾ​ക്കാ​യു​ള്ള ആ​കാം​ക്ഷ.

നാ​ലു​പേ​രും മാ​റി​മാ​റി ഓ​ടി​ച്ചു. പ​ര​മാ​വ​ധി 40 കി​ലോ​മീ​റ്റ​ർ സ്പീ​ഡി​ലേ ഓ​ടി​ച്ചി​ട്ടു​ള്ളൂ. എ​ക്സ്പ്ര​സ് ഹൈ​വേ​യി​ൽ ടൂ​റി​സ്​​റ്റ്​ ബ​സു​ക​ളൊ​ക്കെ പോ​വു​ക 140 കിേ​ലാ​മീ​റ്റ​ർ വേ​ഗ​ത്തി​ലൊ​ക്കെ​യാ​ണ്. ശ​രി​ക്കും ഓ​ട്ടോ സൈ​ഡി​ലേ​ക്ക് പാ​റി​പ്പോ​വു​ന്ന​തു​പോ​ലെ​യു​ള്ള അ​നു​ഭ​വം. ഓ​ടി​ക്കു​ന്ന​വ​ർ​ക്കാ​ണ് അ​ത് ശ​രി​ക്കും മ​ന​സ്സി​ലാ​വു​ക.

ന​ട്ട് തോ​ഡാ ലൂ​സ്; പ്ലീ​സ് ടൈ​റ്റ്...

യാ​ത്ര​ക്കി​ടെ മ​ഹാ​രാ​ഷ്​​ട്ര​യി​ൽ​വെ​ച്ച് ട​യ​ർ ചെ​റു​താ​യൊ​ന്ന് പ​ണി​ത​ന്നു. ഒ​രു വ​ർ​ക്​​ഷോ​പ്പി​ലെ​ത്തി ഹി​ന്ദി​യും ഇം​ഗ്ലീ​ഷു​മെ​ല്ലാം കൂ​ട്ടി​ക്കു​ഴ​ച്ച് കാ​ര്യ​മ​വ​ത​രി​പ്പി​ച്ചു. ഇതെല്ലാം കേട്ട് ട​യ​ർ അ​ഴി​ക്കു​ന്ന​തി​നി​ടെ പ​ച്ച​മ​ല​യാ​ള​ത്തി​ൽ അയാളുടെ കമൻറ്​: 'എ​ടാ ഇൗ ​ന​ട്ടൊ​ന്ന് ടൈ​റ്റാ​ക്കി​യാ​ൽ പോ​രെ. എന്തി​നാ ഇ​ത്ര ബു​ദ്ധി​മു​ട്ടു​ന്ന​ത്'. ക​ക്ഷി ആ​ല​പ്പു​ഴ​ക്കാ​ര​നാ​യിരുന്നു. കു​ടും​ബ​മ​ട​ക്കം അ​വി​ടെ താ​മ​സം. രാ​ജ​സ്ഥാ​നി​ൽ പു​ഷ്ക​ർ മ​രു​ഭൂ​മി​യി​ലും ഉൾഗ്രാമങ്ങളിലും മലയാളി ടച്ച് അനുഭവിച്ചിരുന്നു. അവിടെ സെറ്റിൽഡായ തൃശൂർ, കോട്ടയം ജില്ലക്കാരായിരുന്നു അവർ.

ഓ​ട്ടോ​ക്കാ​ര​ൻ 'പൊ​ലീ​സ്'

മും​ബൈ​യി​ൽ ഓ​രോ ജ​ങ്ഷ​നി​ലും പൊ​ലീ​സു​കാ​ർ കൈ​കാ​ണി​ച്ച് നി​ർ​ത്തി​ക്കും. എ​ന്നാ​ൽ, എ​ല്ലാ​വ​രും ന​ല്ല രീ​തി​യി​ലാ​ണ് പെ​രു​മാ​റി​യ​ത്. വ​ഴിെ​യാ​ക്കെ കൃ​ത്യ​മാ​യി പ​റ​ഞ്ഞു​ത​രും. ഡ​ൽ​ഹി​യിലൂടെ പോ​വു​ന്ന​തി​നി​ടെ പൊ​ലീ​സ് പി​ടി​ച്ചു. ഓേ​ട്ടാ​യു​ടെ മു​ന്നി​ൽ ര​ണ്ട് ഹോ​ൺ ഫി​റ്റ്ചെ​യ്തി​രു​ന്നു. അ​തി​ന് 10,000 രൂ​പ ഫൈ​ൻ ആ​വ​ശ്യ​പ്പെ​ട്ടു. പൈ​സ കി​ട്ടാ​നു​ള്ള ത​ന്ത്രം. അ​വ​സാ​നം 500 രൂ​പ കൊ​ടു​ത്തു രക്ഷപ്പെട്ടു. യു.​പി​യി​ലെ ഒ​രു ഓ​ട്ടോ​ക്കാ​ര​ൻ ത​ട​ഞ്ഞ് നി​ർ​ത്തി ഒ​രു സ്ലി​പ് എ​ഴു​തി​ത്തന്നിട്ട് പ​ണം ആ​വ​ശ്യ​പ്പെ​ട്ടു. ഞ​ങ്ങ​ൾ അ​യാ​ളോ​ട് ഇം​ഗ്ലീ​ഷി​ലാ​ണ് സം​സാ​രി​ച്ച​ത്. അ​യാ​ൾ​ക്ക് ഒ​രു പി​ടി​യു​മി​ല്ല. സ്ലി​പ് തി​രി​കെ കൊ​ടു​ത്ത് വ​ണ്ടി വി​ട്ടു (അ​യാ​ൾ​ക്ക് ഇം​ഗ്ലീ​ഷ് അ​റി​യാ​ഞ്ഞി​ട്ടാ​ണോ അ​ല്ല ത​ങ്ങ​ളു​ടെ 'അ​ടി​പൊ​ളി' ഇം​ഗ്ലീ​ഷ് തി​രി​യാ​ഞ്ഞി​ട്ടാ​ണോ ആ​വോ..​സ​ജീ​റിെ​ൻ​റ ആ​ത്മ​ഗ​തം.

അ​ടു​ത്ത യാ​ത്ര പെ​ട്ടെ​ന്നുത​ന്നെ പോ​വ​ണ​മെ​ന്നു​ണ്ട്. ഫ​ണ്ടി​ല്ലാ​ത്ത​താ​ണ് പ്ര​ശ്നം. പെ​ട്ടെ​ന്ന് ​െറ​ഡി​യാ​ക്ക​ണം. ഉ​റ​ച്ച തീ​രു​മാ​ന​മു​ണ്ടെ​ങ്കി​ൽ ബാ​ക്കി​യെ​ല്ലാം പി​ന്നാ​ലെ വ​രും..​നാ​ൽ​വ​ർ​സം​ഘം ആ​ത്മ​വി​ശ്വാ​സ​ത്തോ​ടെ പ​റ​യു​ന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:autorickshawWayanad to Kashmir
News Summary - From Wayanad to Kashmir: All the way in an autorickshaw
Next Story