Begin typing your search above and press return to search.
exit_to_app
exit_to_app
Homechevron_rightKudumbamchevron_rightSpecialschevron_right'ഓട്ടുകമ്പനി ജോലിയിൽ...

'ഓട്ടുകമ്പനി ജോലിയിൽ നിന്നും അഭിഭാഷകയിലേക്ക്​'; അസാധ്യമായി ഒന്നുമില്ലെന്ന്​ പഠിപ്പിക്കുന്ന സുജാത

text_fields
bookmark_border
ഓട്ടുകമ്പനി ജോലിയിൽ നിന്നും അഭിഭാഷകയിലേക്ക്​; അസാധ്യമായി ഒന്നുമില്ലെന്ന്​ പഠിപ്പിക്കുന്ന സുജാത
cancel
camera_alt

സുജാത അഭിഭാഷകയായ ശേഷം ഓട്ടുകമ്പനിയിലെത്തിയപ്പോൾ             
ചി​​ത്ര​​ങ്ങ​​ൾ:അ​​ഷ്​​​ക​​ർ ഒ​​രു​​മ​​ന​​യൂ​​ർ

പ്രീഡിഗ്രിക്കുശേഷം പഠനം നിർത്തി ഓട്ടുകമ്പനിയിൽ ജോലിക്കു പോയ സുജാത 23 വർഷത്തിനു ശേഷം ഇന്ന് അഡ്വക്കറ്റ് സുജാതയാണ്. കേസ് നടത്താൻ പോയി അഭിഭാഷകയായി മാറിയ ഈ സാധാരണക്കാരിയുടെ ജീവിതം അസാധ്യമായി ഒന്നുമില്ലെന്ന് പഠിപ്പിക്കുകയാണ്...

പാ​തി​വ​ഴി​യി​ൽ പ​ഠ​നം അ​വ​സാ​നി​പ്പി​ച്ച് ഓ​ട്ടു​ക​മ്പ​നി​യി​ലേ​ക്ക് സ​ഞ്ച​രി​ച്ച പ്രീ​ഡി​ഗ്രി​ക്കാ​രി... സ്വ​പ്ന​ങ്ങ​ളും മോ​ഹ​ങ്ങ​ളു​മൊ​ക്കെ മ​റ​ന്ന് ചൂ​ടും പു​ക​യും നി​റ​യു​ന്ന ഓ​ട്ടു​ക​മ്പ​നി​യി​ലേ​ക്ക് ന​ട​ക്കു​മ്പോ​ൾ അ​വ​ളു​ടെ മ​ന​സ്സി​ൽ അ​ച്ഛ​നും അ​മ്മ​യും സ​ഹോ​ദ​രി​മാ​രും മാ​ത്ര​മാ​യി​രു​ന്നു. പി​ന്നെ​യു​ള്ള ജീ​വി​തം അ​വ​ർ​ക്കു​വേ​ണ്ടി​യാ​യി​രു​ന്നു.

എ​സ്.​എ​സ്.​എ​ൽ.​സി​ക്ക്​ ഡി​സ്​​റ്റി​ങ്ഷ​നും പ്രീ​ഡി​ഗ്രി​ക്ക് സെ​ക്ക​ൻ​ഡ്​ ക്ലാ​സും നേ​ടി​യ ആ ​പെൺകുട്ടിയുടെ പേ​ര് സു​ജാ​ത. എ​ന്നാ​ൽ, 23 വ​ർ​ഷം നീ​ണ്ട ഓ​ട്ടു​ക​മ്പ​നി​യി​ലെ ക​രി​പു​ര​ണ്ട ജീ​വി​ത​ത്തി​നൊ​ടു​വി​ൽ ഇന്നവ​ൾ വെ​റും സു​ജാ​ത​യ​ല്ല, അ​ഡ്വ. സു​ജാ​ത​യാ​ണ്. പ​ഠ​ന​മൊ​ക്കെ അ​വ​സാ​നി​ച്ചെ​ന്നു ക​രു​തി​യ ജീ​വി​ത​ത്തി​നി​ട​യി​ൽ ക​ണ്ടു​മു​ട്ടി​യ പ​ഴ​യ ക​ളി​ക്കൂ​ട്ടു​കാ​ര​നാ​ണ് സു​ജാ​ത​യു​ടെ ജീ​വി​ത​ത്തി​ലേ​ക്ക് അ​റി​വി​ന്റെ പ്ര​കാ​ശം നി​റ​ച്ച​ത്.

അ​ക്ഷ​ര​ങ്ങ​ളെ​യും പു​സ്ത​ക​ങ്ങ​ളെ​യു​മൊ​ക്കെ മ​റ​ന്നു​തു​ട​ങ്ങി​യ നി​മി​ഷ​ങ്ങ​ളി​ൽ​നി​ന്ന് സു​ജാ​ത വീ​ണ്ടും പ​ഠി​ച്ചു​തു​ട​ങ്ങു​ക​യാ​യി​രു​ന്നു. അ​ഞ്ചു വ​ർ​ഷ​ങ്ങ​ൾ​ക്കി​പ്പു​റം തൃ​ശൂ​ർ മാ​ള പൊ​യ്യ​യി​ലെ എ​യിം ലോ ​കോ​ള​ജി​ൽനി​ന്ന് 64 ശ​ത​മാ​നം മാ​ർ​ക്ക് നേ​ടി​യാ​ണ് സു​ജാ​ത ബി.​ബി.​എ എ​ൽ​എ​ൽ.​ബി പൂ​ർ​ത്തി​യാ​ക്കി​യ​ത്. ''സ​ന്തോ​ഷ​വും അ​ഭി​മാ​ന​വു​മൊ​ക്കെ​യാ​ണ് ഈ ​നി​മി​ഷ​ത്തി​ൽ തോ​ന്നു​ന്ന​ത്.'' തൃ​ശൂ​ർ വ​ള്ളി​ശ്ശേ​രി​യി​ൽ എ​ട​ത്തേ​ട​ത്ത് വീ​ട്ടി​ലെ വ​ക്കീ​ൽ വി​ശേ​ഷ​ങ്ങ​ൾ പ​റ​ഞ്ഞുതു​ട​ങ്ങി.

പ​ഠ​നം നി​ർ​ത്തി ഓ​ട്ടു​ക​മ്പ​നി​യി​ലേ​ക്ക്

''പ​ത്താം ക്ലാ​സ് വ​രെ അ​വി​ണി​ശ്ശേ​രി സെ​ൻ​റ്​ ജോ​സ​ഫ്സ്​ ഹൈ​സ്കൂ​ളി​ലാ​ണ് പ​ഠി​ച്ച​ത്. പ്രീ​ഡി​ഗ്രി​ക്ക് കേ​ര​ള​വ​ർ​മ കോ​ള​ജി​ൽ ചേ​ർ​ന്നു. സ​യ​ൻ​സ് ഗ്രൂ​പ്പാ​യി​രു​ന്നു. പ്രീ​ഡി​ഗ്രി​ക്ക് സെ​ക്ക​ൻ​ഡ്​ ക്ലാ​സു​ണ്ടാ​യി​രു​ന്നു. തു​ട​ർ​ന്ന് പ​ഠി​ക്ക​ണ​മെ​ന്ന് ആ​ഗ്ര​ഹ​മു​ണ്ടാ​യി​രു​ന്നു​വെ​ങ്കി​ലും പ​ഠി​ക്കാ​നായി​ല്ല. വീ​ട്ടി​ലെ സാമ്പത്തിക പ്രശ്നങ്ങൾ പഠിക്കാനുള്ള സാഹചര്യങ്ങൾ ഇല്ലാതാക്കുകയായിരുന്നു.

''അ​ച്ഛ​ൻ രാ​മ​നും അ​മ്മ വി​ലാ​സി​നി​ക്കും കൃ​ഷി​യാ​ണ്. ഞ​ങ്ങ​ൾ അ​ഞ്ചു പെ​ൺ​മ​ക്ക​ളാ​ണ്. ശാ​ര​ദ​യും ര​തി​യും സ​തി​യും ചേ​ച്ചി​മാ​രാ​ണ്. രാ​ധി​ക​യാ​ണ് അ​നു​ജ​ത്തി. എ​ല്ലാ​വ​രു​ടെ കാ​ര്യ​ങ്ങ​ളും നോ​ക്കിന​ട​ത്താ​നു​ള്ള സാ​മ്പ​ത്തി​ക​മൊ​ന്നും ഇ​ല്ലാ​തെ വ​ന്ന​തോ​ടെ​യാ​ണ് പ​ഠ​നം അ​വ​സാ​നി​പ്പി​ക്കു​ന്ന​ത്.

''ഞ​ങ്ങ​ളു​ടെ ഈ പ്രദേശത്ത് ധാ​രാ​ളം ഓ​ട്ടു​ക​മ്പ​നി​ക​ളും മ​ര​ക്ക​മ്പ​നി​ക​ളു​മൊ​ക്കെ​യു​ണ്ട്. അ​ച്ഛ​നെ സ​ഹാ​യി​ക്കാ​ൻ, പെ​ട്ടെ​ന്ന് കു​റ​ച്ച് പ​ണം ക​ണ്ടെ​ത്താ​ൻ എ​നി​ക്ക് ജോ​ലി​ക്ക് പോ​കേ​ണ്ടി​വ​ന്നു. അ​ങ്ങ​നെ​യാ​ണ് ഓ​ട്ടു​ക​മ്പ​നി​യി​ൽ ജോ​ലി​ക്കു ചേ​രു​ന്ന​ത്. സൂ​പ്പ​ർ ടൈ​ൽ​സ് എ​ന്ന ഓ​ട്ടു​ക​മ്പ​നി​യി​ലാ​യി​രു​ന്നു ജോ​ലി. പിന്നീട് 23 വ​ർ​ഷം ഇ​വി​ടെത​ന്നെ​യാ​യി​രു​ന്നു. ഇ​വി​ടെ മാ​ത്ര​മ​ല്ല, മ​ര​ക്ക​മ്പ​നി​യി​ലും ജോ​ലി​ക്കു പോ​കു​മാ​യി​രു​ന്നു. സൂ​പ്പ​ർ​ടൈ​ൽ​സി​ലെ എ​ട്ടു മ​ണി​ക്കൂ​ർ ജോ​ലി ക​ഴി​ഞ്ഞാ​ണ് മ​ര​ക്ക​മ്പ​നി​യി​ലേ​ക്കു പോ​കു​ന്ന​ത്.


''ഞ​ങ്ങ​ൾ മ​ക്ക​ളെ കു​റെ​യൊ​ന്നും പ​ഠി​പ്പി​ക്കാ​ൻ അ​ച്ഛ​നും അ​മ്മക്കും സാ​ധി​ച്ചി​ല്ല. പ​ക്ഷേ, എ​ല്ലാ​വ​ർ​ക്കും അ​ത്യാ​വ​ശ്യം വി​ദ്യാ​ഭ്യാ​സ​മൊ​ക്കെ​യു​ണ്ട്. ഉ​ന്ന​ത വി​ദ്യാ​ഭ്യാ​സം കൊ​ടു​ക്കാ​നു​ള്ള സാ​ഹ​ച​ര്യ​മി​ല്ലാ​യി​രു​ന്നു. പ്രീ​ഡി​ഗ്രി ക​ഴി​ഞ്ഞ് പ​ഠി​ക്കാ​ൻ പ​റ്റി​യി​ല്ല​ല്ലോ എ​ന്നു ക​രു​തി വി​ഷ​മ​മൊ​ന്നും തോ​ന്നി​യി​ട്ടി​ല്ല. പ​ല കാ​ര​ണ​ങ്ങ​ൾ​കൊ​ണ്ട് പ​ഠി​ക്കാ​ൻ സാ​ധി​ക്കാ​തെ പോ​യ എ​ത്ര​യോ ആ​ൾ​ക്കാ​രു​ണ്ട്. ഇ​ത്ര​യെ​ങ്കി​ലും പ​ഠി​ക്കാ​ൻ സാ​ധി​ച്ചി​ല്ലേ... പി​ന്നെ ജോ​ലി​യെ​ടു​ക്കാ​നു​ള്ള ആ​രോ​ഗ്യ​മെ​ങ്കി​ലും ദൈ​വം ത​ന്ന​ല്ലോ എ​ന്നൊ​ക്കെ​യാണ് ചി​ന്തി​ച്ച​ത്'' -സു​ജാ​ത പ​റ​ഞ്ഞു.

കേസ് നടത്താൻ പോയത് വഴിത്തിരിവായി

പെ​ട്ടെ​ന്നൊ​രു ദി​വ​സം നി​യ​മം പ​ഠി​ച്ചാ​ലോ​യെ​ന്ന് തീ​രു​മാ​നി​ച്ച ആ​ള​ല്ല സു​ജാ​ത. സ്വ​ന്തം വീ​ടി​രി​ക്കു​ന്ന ഭൂ​മി​യു​ടെ കേ​സ് വാ​ദി​ക്കാ​ൻ വ​ക്കീ​ലി​നെ കാ​ണാ​ൻ പോ​യ​താ​ണ്. കേ​സ് ന​ട​ത്തി​പ്പ് കാ​ര്യ​ങ്ങ​ളെ​ക്കു​റി​ച്ച് സം​സാ​രി​ച്ച് സം​സാ​രി​ച്ച് ഒ​ടു​വി​ൽ വ​ക്കീ​ൽ ചോ​ദി​ച്ചു, സു​ജാ​ത​ക്ക്​ പ​ഠി​ക്കാ​ൻ പോ​യാ​ലെ​ന്താ എ​ന്ന്. അ​ഭി​ഭാ​ഷ​ക​ന്റെ ആ ​ചോ​ദ്യ​മാ​ണ് ഈ 46​കാ​രി​യു​ടെ ജീ​വി​ത​ത്തി​ലെ വ​ഴി​ത്തി​രി​വാ​കു​ന്ന​ത്.

അ​ഡ്വ. മ​നോ​ജ് കൃ​ഷ്ണ​നെ​യാ​ണ് സു​ജാ​ത കാ​ണാ​ൻ പോ​യ​ത്. സു​ജാ​ത​ക്ക്​ മ​നോ​ജ് അ​ഭി​ഭാ​ഷ​ക​ൻ മാ​ത്ര​മ​ല്ല, പ​ഴ​യ ക​ളി​ക്കൂ​ട്ടു​കാ​ര​ൻകൂ​ടി​യാ​ണ്. സു​ജാ​ത​യു​ടെ വ​ല്യ​ച്ഛ​ന്റെ ചെ​റു​മ​ക​നാ​ണ് മ​നോ​ജ്. ''എ​ന്നെ​ക്കാ​ൾ മൂ​ന്നു വ​യ​സ്സി​ന് ഇ​ള​യ​താ. ഒ​രു​മി​ച്ച് ക​ളി​ച്ചുവ​ള​ർ​ന്ന​വ​ർ. കേ​സി​നെ​ക്കു​റി​ച്ചും വീ​ടി​നെ​ക്കു​റി​ച്ചും ജോ​ലിക്കാ​ര്യ​ങ്ങ​ളു​മൊ​ക്കെ പ​റ​ഞ്ഞു​വ​ന്ന​പ്പോ​ഴാണ് പ​ഠനത്തെ​ക്കു​റി​ച്ചും സം​സാ​രി​ച്ച​ത്'' -സു​ജാ​ത തു​ട​ർന്നു.

''പ്രീ​ഡി​ഗ്രി വ​രെ പ​ഠി​ച്ചു​വെ​ന്ന കാ​ര്യം മനോജിനറിയാം. എ​ന്റെ മാ​ർ​ക്ക് ലി​സ്​​റ്റ്​ ക​ണ്ട​തോ​ടെ​യാ​ണ് ഇ​നി​യും പ​ഠി​ക്കാ​ൻ അ​വ​സ​ര​മു​ണ്ട്, വീ​ണ്ടും പ​ഠി​ക്ക​ണ​മെ​ന്ന്​ അ​ദ്ദേ​ഹം പ​റ​യു​ന്ന​ത്. അ​തൊ​ന്നും ഞാ​ൻ ഗൗ​ര​വ​ത്തോ​ടെ ക​ണ്ടി​ല്ല. പ​ക്ഷേ, ഇ​ത്ര​യും കാ​ലം ജോ​ലി ചെ​യ്തി​ല്ലേ, ഇ​നി പ​ഠി​ക്കാ​ൻ പോ​ക​ണ​മെ​ന്ന്​ മ​നോ​ജ് വ​ക്കീ​ൽ നി​ർ​ബ​ന്ധി​ച്ചു​കൊ​ണ്ടി​രു​ന്നു. ഒ​ടു​വി​ൽ പ​ഠി​ക്കാ​ൻ തീ​രു​മാ​നി​ച്ചു.

നി​യ​മം പ​ഠി​ക്കാ​ൻ നി​ർ​ദേ​ശി​ച്ച​തും അ​ദ്ദേ​ഹംത​ന്നെ​യാ​ണ്. തൃ​ശൂ​ർ ഗ​വ​ൺ​മെ​ൻ​റ്​ ലോ ​കോ​ള​ജി​ലെ വി​ദ്യാ​ർ​ഥി​ക​ൾ സൗ​ജ​ന്യ എ​ൽ​എ​ൽ.​ബി എ​ൻ​ട്ര​ൻ​സ് കോ​ച്ചി​ങ് ന​ട​ത്തി​യി​രു​ന്നു. മാ​നോ​ജ് വ​ക്കീ​ൽ അ​വ​രെ പ​രി​ച​യ​പ്പെ​ടു​ത്തി​ത്ത​ന്നു. ര​ണ്ടു​മാ​സം കോ​ച്ചി​ങ് ക്ലാ​സു​ണ്ടാ​യി​രു​ന്നു. വ​ക്കീ​ലും കു​റെ ഹെ​ൽ​പ് ചെ​യ്തു​.

മെ​റി​റ്റ് സീ​റ്റി​ൽ അ​ഡ്മി​ഷ​ൻ കി​ട്ടി​യെ​ങ്കി​ലും നീ​ണ്ട ഇ​ട​വേ​ള​ക്കു ശേ​ഷം പ​ഠി​ക്കാ​ൻ പോ​കു​ന്ന​തി​​ന്‍റെ​ ചി​ല പ്ര​ശ്ന​ങ്ങ​ളൊ​ക്കെ സു​ജാ​ത​ക്കും നേ​രി​ടേ​ണ്ടിവ​ന്നു. 23 വ​ർ​ഷ​ങ്ങ​ളാ​യി എ​ഴു​ത്തും വാ​യ​ന​യും ഒ​ന്നും ഇ​ല്ലാ​തി​രു​ന്ന ജീ​വി​ത​ത്തി​ൽനി​ന്നാ​ണ് സു​ജാ​ത ലോ ​കോ​ള​ജി​ന്റെ പ​ടി​ക​ൾ ക​യ​റു​ന്ന​ത്. പ​ത്രം വാ​യി​ക്കും എ​ന്ന​ല്ലാ​തെ വേ​റെ എ​ഴു​ത്തും വാ​യ​ന​യും ഒ​ന്നും ഇ​ല്ലാ​യി​രു​ന്ന​ല്ലോ. കൈ​യ​ക്ഷ​ര​വും ലാം​ഗ്വേ​ജും എ​ല്ലാം ട​ച്ച് വി​ട്ടി​രു​ന്നു'' -പ​ഠ​ന​നാ​ളു​ക​ളെ​ക്കു​റി​ച്ച് സു​ജാ​ത ഓ​ർ​ത്തെ​ടു​ക്കു​ന്നു.

കു​റെ സ​മ​യം എ​ന്തെ​ങ്കി​ലു​മൊ​ക്കെ എ​ഴു​തും. ഡി​ക്​​ഷ​ണ​റി നോ​ക്കി ഇം​ഗ്ലീ​ഷ് വാ​ക്കു​ക​ളു​ടെ അ​ർ​ഥം മ​ന​സ്സി​ലാ​ക്കും. ഒ​ഴി​വു​ള്ള നേ​ര​ങ്ങ​ളി​ൽ യൂ​ട്യൂ​ബി​ലെ സ്പോ​ക്ക​ൺ ഇം​ഗ്ലീ​ഷ് ക്ലാ​സ് ധാ​രാ​ളം കേ​ൾ​ക്കും. പ​ഠി​ക്കാ​നു​ള്ള​തൊ​ക്കെ രാ​ത്രി​യി​രു​ന്ന് എ​ഴു​തി​പ്പ​ഠി​ക്കും. മെ​ല്ലെ മെ​ല്ലെ ഇം​പ്രൂ​വ് ചെ​യ്തു​വ​ന്നു. ആ​ദ്യ സെ​മ​സ്​​റ്റ​റി​ൽ കു​റ​ച്ചു ബു​ദ്ധി​മു​ട്ടൊ​ക്കെ​യു​ണ്ടാ​യി​രു​ന്നു. പി​ന്നീ​ട് എ​ല്ലാം ശ​രി​യാ​ക്കി​യെ​ടു​ത്തു.

പ​ഠ​ന​ത്തി​നും മ​നോ​ജ് വ​ക്കീ​ൽ സ​ഹാ​യി​ച്ചി​രു​ന്നു. സം​ശ​യ​ങ്ങ​ളൊ​ക്കെ തി​രു​ത്തി​ത്ത​ന്നും റ​ഫ​ർ ചെ​യ്യാ​നു​ള്ള പു​സ്ത​ക​ങ്ങ​ൾ ന​ൽ​കി​യും അ​ദ്ദേ​ഹം ഒ​പ്പം നി​ന്നു. തൃ​ശൂ​ർ ത​ന്നെ അ​ഡ്മി​ഷ​ൻ കി​ട്ട​ണ​മെ​ന്ന് നി​ർ​ബ​ന്ധ​മു​ണ്ടാ​യി​രു​ന്നു. ആ​റു മ​ണി​ക്ക് ക്ലാ​സ് ക​ഴി​ഞ്ഞ് വീ​ട്ടി​ലെ​ത്തി​യാ​ൽ മ​ര​ക്ക​മ്പ​നി​യി​ൽ ജോ​ലി ക്ക് പോ​ക​ണ​മാ​യി​രു​ന്നു. 2015 സെ​പ്റ്റം​ബ​റി​ലാ​ണ് എ​ൽ​എ​ൽ.​ബി​ക്ക് ചേ​രു​ന്ന​ത്.

വീ​ട്ടി​ൽനി​ന്ന് കോ​ള​ജി​ലേ​ക്ക് ര​ണ്ടു മ​ണി​ക്കൂ​ർ ബ​സി​ൽ യാ​ത്ര ചെ​യ്യ​ണം. അ​ങ്ങോ​ട്ടും ഇ​ങ്ങോ​ട്ടുംകൂ​ടി നാ​ലു മ​ണി​ക്കൂ​ർ യാ​ത്ര​യു​ണ്ട്. അ​ത്ര എ​ളു​പ്പ​മാ​യി​രു​ന്നി​ല്ല യാ​ത്ര. എ​ങ്കി​ലും ആ ​സ​മ​യ​ത്ത് ബ​സി​ലി​രു​ന്ന് പ​ഠി​ക്കും. കോ​ള​ജി​ൽ പോ​യി​ത്തു​ട​ങ്ങി​യ​തോ​ടെ ഓ​ട്ടു​ക​മ്പ​നി​യി​ലെ ജോ​ലി അ​വ​സാ​നി​പ്പി​ച്ചു. എ​ൻ​ട്ര​ൻ​സ് എ​ഴു​തി, പ​ഠി​ക്കാ​ൻ പോ​കു​ന്നു എ​ന്നൊ​ക്കെ കേ​ട്ട​പ്പോ എ​ല്ലാ​വ​ർ​ക്കും വ​ലി​യ സ​ന്തോ​ഷ​മാ​യി​രു​ന്നു.

സുജാത അച്ഛനും അമ്മയുമൊത്ത്

ഏ​തു പ്രാ​യ​ത്തി​ലാ​ണെ​ങ്കി​ലും പ​ഠി​ക്കു​ക എ​ന്ന കാ​ര്യം എ​ല്ലാ​വ​ർ​ക്കും സ​ന്തോ​ഷ​മു​ള്ള​ത​ല്ലേ. വീ​ട്ടി​ലു​ള്ള​വ​രും കൂ​ടെ ജോ​ലി ചെ​യ്തി​രു​ന്ന​വ​രു​മൊ​ക്കെ പി​ന്തു​ണ​യോ​ടെ ഒ​പ്പം നി​ന്നു. ന​ന്നാ​യി പ​ഠി​ക്ക​ണം, ഒ​രു സ​പ്ലി​മെ​ന്റ​റി പ​രീ​ക്ഷപോ​ലും എ​ഴു​താ​ൻ ഇ​ട​വ​ര​രു​ത് എ​ന്ന് ആ​ഗ്ര​ഹി​ക്കു​ക​യും പ്രാ​ർ​ഥി​ക്കു​ക​യും ചെ​യ്തു. അ​തു​പോ​ലെത​ന്നെ ദൈ​വം പി​ന്തു​ണ​ച്ചു, ഒ​രു സ​പ്ലിപോ​ലും എ​ഴു​തേ​ണ്ടി​വ​ന്നി​ല്ല.

വ​ർ​ഷ​ങ്ങ​ൾ​ക്കുമു​മ്പ്​ ന​ഷ്​​ട​മാ​യ കോ​ള​ജ് ജീ​വി​ത​മാ​ണ് തി​രി​കെ കി​ട്ടി​യ​ത്; കു​റെ ന​ല്ല സു​ഹൃ​ത്തു​ക്ക​ളെ​യും. കൂ​ടെ പ​ഠി​ച്ച​വ​ർ മാ​ത്ര​മ​ല്ല പ​ഠി​പ്പി​ച്ച​വ​രും എ​ന്നെ​ക്കാ​ൾ പ്രാ​യം കു​റ​ഞ്ഞ​വ​രാ​യി​രു​ന്നു. പ​രി​ശ്ര​മി​ച്ചാ​ൽ മ​തി, അ​തി​ന്റെ ഫ​ലം ദൈ​വം എ​ന്താ​യാ​ലും നി​ങ്ങ​ൾ​ക്കു ത​രു​മെ​ന്ന് ആ​ശ മ​രി​യ മി​സ് എ​പ്പോ​ഴും പ​റ​യു​മാ​യി​രു​ന്നു.

തൃ​ശൂ​ർ ജി​ല്ല കോ​ട​തി​യി​ലാ​ണ് പ്രാ​ക്​​ടി​സ് ചെ​യ്യാ​നു​ദ്ദേ​ശി​ക്കു​ന്ന​ത്. സി​വി​ൽ കേ​സി​ൽ സ്പെ​ഷ​ലൈ​സേ​ഷ​ൻ ചെ​യ്യാ​നാ​ണ് തീ​രു​മാ​നം. ഓ​ട്ടു​ക​മ്പ​നി​യി​ലെ ജോ​ലി അ​വ​സാ​നി​പ്പി​ച്ചു. ര​ണ്ടു മാ​സ​മാ​യി അ​ഡ്വ. മ​നോ​ജി​ന്റെ ഓ​ഫി​സി​ൽ പോ​കു​ന്നു​ണ്ട്.

''പ്രാ​യം ശ​രീ​ര​ത്തി​ന​ല്ലേ, അ​ത്​ മ​ന​സ്സി​നെ ബാ​ധി​ക്കാ​തെ നോ​ക്ക​ണം. ക​ഠി​നാ​ധ്വാ​നം ചെ​യ്യു​ന്ന​യാ​ൾ​ക്ക് അ​സാ​ധ്യ​മാ​യി ഒ​ന്നു​മി​ല്ല. ആ​ദ്യ​മാ​യി ഓ​ട്ടു​ക​മ്പ​നി​യി​ൽ പോ​യ​പ്പോ​ഴും ബു​ദ്ധി​മു​ട്ടു​ക​ളു​ണ്ടാ​യി​രു​ന്നു. പി​ന്നീ​ട് അ​തൊ​ക്കെ മാ​റി, പ​രി​ച​യ​മാ​യി വ​ന്ന​തോ​ടെ അ​തൊ​ന്നും ഭാ​ര​മാ​യി തോ​ന്നി​യ​തേ​യി​ല്ല. ഏ​തു കാ​ര്യ​വും സ​ന്തോ​ഷ​ത്തോ​ടെ ചെ​യ്താ​ൽ മ​തി. ഒ​രു ബു​ദ്ധി​മു​ട്ടും തോ​ന്നി​ല്ല. പ​രി​ശ്ര​മ​ത്തി​ലൂ​ടെ ആ​ഗ്ര​ഹ​ങ്ങ​ളൊ​ക്കെ നേ​ടി​യെ​ടു​ക്കാ​നാ​കും. എ​ന്റെ ജീ​വി​തം ന​ൽ​കി​യ തി​രി​ച്ച​റി​വാ​ണി​ത്'' -ആ​ത്മ​വി​ശ്വാ​സം നി​റ​ഞ്ഞ ചി​രി​യോ​ടെ സു​ജാ​ത പ​റ​ഞ്ഞു.

Show Full Article
TAGS:inspiring story Madhyamam kudumbam 
News Summary - lawyer sujatha inspiring story
Next Story