Begin typing your search above and press return to search.
proflie-avatar
Login
exit_to_app
exit_to_app
Homechevron_rightKudumbamchevron_rightSpecialschevron_rightഇവിടെ പ്ലാസ്റ്റിക്...

ഇവിടെ പ്ലാസ്റ്റിക് 'കടക്ക് പുറത്ത്'

text_fields
bookmark_border
Bring your own container to curb plastic usage
cancel
camera_alt

ബിട്ടു ജോൺ

പ്ലാ​സ്​​റ്റി​ക് ഇ​ല്ലാ​ത്തൊ​രു പ​ർ​ച്ചേ​സി​നെ​ക്കു​റി​ച്ച് ഇ​ക്കാ​ല​ത്ത് ന​മു​ക്ക് ചി​ന്തി​ക്കാ​ൻ പ​റ്റു​മോ? ശ​രി​ക്കും അ​തൊ​രു റി​സ്കി ടാ​സ്കാ​ണ്. എ​ത്ര ശ്ര​മി​ച്ചാ​ലും എ​ന്തെ​ങ്കി​ലും ഐ​റ്റം പ്ലാ​സ്​​റ്റി​കിൽ പാ​ക്ക് ചെ​യ്തു​വാ​ങ്ങാ​ൻ നി​ർ​ബ​ന്ധി​ത​രാ​വാ​റു​ണ്ട് ന​മ്മ​ൾ. എ​ന്നാ​ൽ, ഈ ​പ്ര​ശ്ന​ത്തി​ന് ഒ​രു ലോ​കോ​ത്ത​ര മാ​തൃ​ക​യാ​ണ് കോ​ത​മം​ഗ​ലം സ്വ​ദേ​ശി ബി​ട്ടു ജോ​ണ്‍ ആ​വി​ഷ്ക​രി​ച്ച​ത്. പ്ലാ​സ്​​റ്റി​ക് പൂ​ർ​ണ​മാ​യും ഒ​ഴി​വാ​ക്കി പ്ര​കൃ​തിസൗ​ഹൃ​ദ ക​ട​യാ​ണ് എം.​ടെ​ക്കു​കാ​ര​നാ​യ യു​വാ​വ് ആ​രം​ഭി​ച്ച​ത്. പ​ഴ​യ​കാ​ല പ​ല​ച​ര​ക്കു​ക​ട​ക​ളെ അ​നു​സ്മ​രി​പ്പി​ക്കുംവി​ധം രൂ​പ​ക​ൽ​പ​ന ചെ​യ്ത മോ​ഡേ​ൺ പ​ല​ച​ര​ക്കുക​ട​യാ​ണി​ത്. കേ​ര​ള​ത്തി​ലെ ആ​ദ്യ പ്ലാ​സ്​​റ്റി​ക് മു​ക്ത ക​ട​കൂ​ടി​യാ​ണ് സെ​വ​ൻ ടു ​ന​യ​ൻ ഗ്രീ​ൻ സ്​​റ്റോ​റെ​ന്ന് ബി​ട്ടു പ​റ​യു​ന്നു.


വീ​ട്ടി​ലേ​ക്ക് ആ​വ​ശ്യ​മാ​യ മു​ഴു​വ​ൻ സാ​ധ​ന​ങ്ങ​ളു​മു​ണ്ട് ബി​ട്ടു​വി​െ​ൻ​റ ക​ട​യി​ൽ. എ​ല്ലാം പ​ക്ഷേ 'ലൂ​സ്' ആ​യി​ട്ടാ​ണു വി​ൽ​ക്കു​ന്ന​തെ​ന്നു മാ​ത്രം. ക്ലീ​നി​ങ് ലോ​ഷ​നു​ക​ള്‍, സ്​​റ്റി​ഫ് ആ​ന്‍ഡ് ഷൈ​ന്‍, ഹാ​ന്‍ഡ് വാ​ഷ്, മി​ന​റ​ല്‍ വാ​ട്ട​ർ, പാ​ൽ, ഷാം​പൂ തു​ട​ങ്ങി​യ​വ​യെ​ല്ലാം ഗ്ലാ​സ് കു​പ്പി​യി​ലാ​ണ് ന​ൽ​കു​ന്ന​ത്. ഇ​നി ആ​വ​ശ്യ​ക്കാ​ര്‍ കാ​ലി​ക്കു​പ്പി കൊ​ണ്ടു​വ​ന്നാ​ൽ അ​ങ്ങ​നെ​യും വാ​ങ്ങാം. ക​സ്​​റ്റ​മ​ർ​ക്ക്​ പ്ലാ​സ്​​റ്റി​ക് ഇ​ല്ലാ​തെ ആ​വ​ശ്യ​മു​ള്ള സാ​ധ​നം ഫ്ര​ഷാ​യി കൊ​ണ്ടു​പോ​കാം എ​ന്ന​താ​ണ് ഇ​വി​ട​ത്തെ പ്ര​ത്യേ​ക​ത. 2018ലാ​ണ് കോ​ല​ഞ്ചേ​രി മെ​ഡി​ക്ക​ൽ കോ​ള​ജി​ന​ടു​ത്ത് ക​ട ആ​രം​ഭി​ച്ച​ത്. ഒ​രു ല​ണ്ട​ൻ യാ​ത്ര​ക്കി​ടെ​യാ​ണ് അ​വി​ട​ത്തെ 'എ​ര്‍ത്ത്, ഫു​ഡ്, ല​വ്' എ​ന്ന സൂ​പ്പ​ർ​മാ​ർ​ക്ക​റ്റ് കാ​ണു​ന്ന​ത്. അ​താ​ണ് ക​ട​തു​ട​ങ്ങാ​ൻ ബി​ട്ടു​വി​ന് വ​ഴി​ത്തി​രി​വാ​യ​തും. പ്ലാ​സ്​​റ്റി​ക് ഇ​ല്ലാ​തെ എ​ങ്ങ​നെ ഗ്രോ​സ​റി ക​ട ആ​രം​ഭി​ക്കാം എ​ന്ന ചി​ന്ത​യാ​ണ് ബി​ട്ടു​വി​നെ ഗ്രീ​ൻ സ്​​റ്റോ​റി​ലെ​ത്തി​ച്ച​ത്.

ഒ​ന്ന​ര വ​ർ​ഷ​ത്തോ​ളം സ​മ​യ​മെ​ടു​ത്താ​ണ് ക​ട രൂ​പ​ക​ൽ​പ​ന ചെ​യ്ത​ത്. പാ​ക്ക് ചെ​യ്തു​വ​രു​ന്ന വ​സ്തു​ക്ക​ളി​ലാ​ണ് കൂ​ടു​ത​ൽ പ്ലാ​സ്​​റ്റി​ക് അ​ട​ങ്ങു​ന്ന​ത് എ​ന്ന​തി​നാ​ൽ തു​ട​ക്കം 80 ശ​ത​മാ​ന​ത്തോ​ളം സാ​ധ​ന​ങ്ങ​ളും ലൂ​സ് ആ​യാ​ണ് വി​ൽ​പ​ന​ക്കു വെ​ച്ച​ത്. പ​ക്ഷേ, ആ​ളു​ക​ൾ സ​ഹ​ക​രി​ച്ച​തോ​ടെ ലൂ​സ് ഐ​റ്റ​ങ്ങ​ൾ​ക്ക്​ ആ​വ​ശ്യ​ക്കാ​ർ വ​ർ​ധി​ക്കു​ക​യും പാ​ക്​​ഡ്​ ​േപ്രാ​ഡ​ക്ട്​പ​തി​െ​യ ഔ​ട്ടാ​വു​ക​യും ചെ​യ്തു; ഒ​പ്പം പ്ലാ​സ്​​റ്റി​ക്കും. ക​ട തു​ട​ങ്ങി ര​ണ്ട​ര വ​ർ​ഷ​ത്തി​നി​ടെ 12 ല​ക്ഷം പ്ലാ​സ്​​റ്റി​ക് ക​െ​ണ്ട​യ്ന​ർ, മൂ​ന്നു ല​ക്ഷ​ത്തോ​ളം പ്ലാ​സ്​​റ്റി​ക് ബോ​ട്ടി​ലു​ക​ൾ എ​ന്നി​വ ഭൂമിക്ക് ഭാരമാവാതെ സേ​വ് ചെ​യ്യാ​ൻ സാ​ധി​ച്ചു എ​ന്ന​ത് വ​ലി​യ നേ​ട്ട​മാ​ണ്. വാ​ങ്ങു​ന്ന സാ​ധ​ന​ങ്ങ​ളു​ടെ എ​ണ്ണം അ​നു​സ​രി​ച്ച് എ​ത്ര പ്ലാ​സ്​​റ്റി​ക് സേ​വ് ചെ​യ്തു എ​ന്ന​ത് അ​വ​രു​ടെ ബി​ല്ലി​ൽ​ത​ന്നെ കാ​ണി​ക്കു​ന്ന​തു​കൊ​ണ്ട് കൃ​ത്യ​മാ​യ കണക്കു​ണ്ട്.


സാ​ധ​ന​ങ്ങ​ൾ സൂ​ക്ഷി​ക്കാ​നാ​യി വി​വി​ധ ത​രം ബി​ന്നു​ക​ൾ വി​ദേ​ശ​ത്തു​നി​ന്നാ​ണ് ഇ​റ​ക്കു​മ​തി ചെ​യ്ത​ത്. ജ​ര്‍മ​നി, അ​മേ​രി​ക്ക, ചൈ​ന എ​ന്നി​വി​ട​ങ്ങ​ളി​ല്‍നി​ന്നൊ​ക്കെ കൊ​ണ്ടു​വ​ന്ന വ​സ്തു​ക്ക​ള്‍ ഉ​പ​യോ​ഗി​ച്ചാ​ണ് ഷോ​പ് സ​ജ്ജീ​ക​രി​ച്ച​ത്. ജാ​റി​ല്‍നി​ന്നു പ​മ്പു​ചെ​യ്ത്​ ലോ​ഷ​നൊ​ക്കെ എ​ടു​ക്കു​ന്ന മെ​ഷീ​ന്‍ യു.​എ​സി​ല്‍നി​ന്നു കൊ​ണ്ടു​വ​ന്ന​താ​ണ്.അ​ള​വു​നോ​ക്കു​ന്ന​തി​ന് സ​ഹാ​യി​ക്കാ​നാ​ളു​ണ്ട്. പൊ​ടി​ക​ളൊ​ക്കെ മൊ​ത്ത​ത്തി​ൽ വാ​ങ്ങി അ​തി​ൽ പ്രി​സ​ർ​വേ​റ്റി​വോ ക​ള​റോ ചേർക്കാ​തെ പൊ​ടി​ച്ചാ​ണ് വി​ൽ​പ​ന​ക്ക് വെ​ക്കു​ന്ന​ത്. ബ്രാ​ൻ​ഡു​ക​ളൊ​ന്നും വെ​ക്കാ​റി​ല്ല. 1600ഓ​ളം ഐ​റ്റം​സ് ക​ട​യി​ലു​ണ്ട്. വൃ​ത്തി​യു​ടെ കാ​ര്യ​ത്തി​ലും ​േപ്രാ​ഡ​ക്ടി​െ​ൻ​റ ഗു​ണ​മേ​ന്മ​യു​ടെ കാ​ര്യ​ത്തി​ലും ഒ​രു കോം​പ്ര​മൈ​സി​നു​മി​ല്ലെ​ന്നും ബി​ട്ടു പ​റ​ഞ്ഞു.

''കാ​രി​ബാ​ഗ് മാ​ത്രം പ്ലാ​സ്​​റ്റി​ക് അ​ല്ലാ​ത്ത​ത് ഉ​പ​യോ​ഗി​ക്കു​ക​യും ബാ​ക്കി സാ​ധ​ന​ങ്ങ​ൾ പ്ലാ​സ്​​റ്റി​ക് ക​വ​റി​ൽ എ​ടു​ക്കു​ന്ന​തും ശ​രി​ക്കും മ​ണ്ട​ത്ത​മാ​ണ്. പാ​ക്​​ഡ്​ സാ​ധ​ന​ങ്ങ​ൾ പ്ലാ​സ്​​റ്റി​ക് ക​െ​ണ്ട​യ്ന​റി​ൽ വാ​ങ്ങി വീ​ട്ടി​ലെ​ത്തി​യാ​ൽ അ​തി​െ​ൻ​റ ഉ​പ​യോ​ഗം ക​ഴി​ഞ്ഞു. പി​ന്നെ അ​ത് ഭൂ​മി​ക്ക് ഭാ​ര​മാ​ണ്. പ​ല​രും അ​വ ക​ത്തി​ച്ചോ കു​ഴി​ച്ചി​ട്ടോ ഒ​ഴി​വാ​ക്കാ​റാ​ണ് പ​തി​വ്. ശ​രി​ക്കും ഇ​ൻ​ഡി​വി​ജ്വ​ൽ ഐ​റ്റം വാ​ങ്ങു​മ്പോ​ഴാ​ണ് പ്ലാ​സ്​​റ്റി​ക് ഒ​ഴി​വാ​ക്കേ​ണ്ട​ത്. അ​ല്ലാ​തെ കാ​രി ക​വ​ർ മാ​ത്രം മാ​റ്റി​യി​ട്ട് കാ​ര്യ​മി​ല്ല... ബ്രി​ങ് യു​വ​ർ ഓ​ൺ ക​െ​ണ്ട​യ്ന​ർ ആ​ണ് പോ​ളി​സി. പേ​പ്പ​ർ ക​വ​ർ ഒ​രി​ക്ക​ലും ശാ​ശ്വ​ത പ​രി​ഹാ​ര​മ​ല്ലെ​ന്ന് അ​റി​യാം. പ​ക്ഷേ, ആ​ളു​ക​ളു​ടെ സ​ഹ​ക​ര​ണം​ത​ന്നെ​യാ​ണ് വി​ജ​യം. ഇ​തേ പാ​റ്റേ​ണി​ൽ ക​ട ആ​രം​ഭി​ക്കാ​ൻ നി​ര​വ​ധി പേ​ർ താ​ൽ​പ​ര്യം കാ​ണി​ച്ച് രം​ഗ​ത്തു​വ​രു​ന്നു എ​ന്ന​താ​ണ് ഏ​റ്റ​വും വലിയ പോ​സി​റ്റി​വ് റെ​സ്പോ​ൺ​സ്'' -ബി​ട്ടു പ​റ​ഞ്ഞു.

ഈ ​രം​ഗ​ത്ത് താ​ൽ​പ​ര്യ​മു​ള്ള​വ​ർ​ക്ക് ഗ്രീ​ൻ സ്​​റ്റോ​റി​നാ​യി ക​ൺ​സ​ൽ​ട്ടി​ങ്​ വ​ർ​ക്ക്​ ചെ​യ്തു കൊ​ടു​ക്കാ​നും ത​യാ​റാ​ണ് ബിട്ടു. പ​ക്ഷേ, ഇ​നീ​ഷ്യ​ൽ ഫ​ണ്ടി​ങ്​ പ്ര​ശ്ന​മാ​യ​തി​നാ​ൽ പ​ല​രും പി​ന്തി​രി​യു​ന്നു. അ​ത്ത​രം കാ​ഴ്ച​പ്പാ​ടു​ള്ള​വ​രെ സ​ഹാ​യി​ക്കാ​ൻ സ​ർ​ക്കാ​ർ രം​ഗ​ത്തു​വ​ര​ണം. വേ​സ്​​​റ്റ് മാ​നേ​ജ്മെ​ൻ​റി​നാ​യി ചെ​ല​വ​ഴി​ക്കു​ന്ന ഫ​ണ്ടി​ൽ ഇ​ത്ത​രം കാ​ര്യ​ങ്ങ​ൾ​ക്കും പി​ന്തു​ണ ന​ൽ​ക​ണം. ഫ്രാ​ഞ്ചൈ​സി അ​ടി​സ്ഥാ​ന​ത്തി​ൽ എ​റ​ണാ​കു​ള​ത്ത് മ​റ്റൊ​രു ക​ട ഉ​ട​ൻ ആ​രം​ഭി​ക്കുമെന്നും അ​ദ്ദേ​ഹം പ​റ​ഞ്ഞു.

''ആ​ളു​ക​ളെ ഇ​തു പ​രി​ച​യ​പ്പെ​ടു​ത്തി, ഇ​തി​ലേ​ക്ക് കൊ​ണ്ടു​വരുക ശ്ര​മ​ക​ര​മാ​യി​രു​ന്നു. തു​ട​ക്ക​ത്തി​ല്‍ ന​ന്നാ​യി റി​സ്ക് എ​ടു​ത്തു. ഓ​ഫ​റു​ക​ള്‍ക്കു പി​ന്നാ​ലെ പോ​കു​ന്ന​വ​രെ ലൂ​സ് സാ​ധ​ന​ങ്ങ​ള്‍ വി​ല്‍ക്കു​ന്നി​ട​ത്തേ​ക്ക് കൊ​ണ്ടു​വ​രു​ക കു​റ​ച്ച് ബു​ദ്ധി​മു​ട്ട​ല്ലേ. പ​ക്ഷേ, ലൂ​സ് സാ​ധ​ന​ങ്ങ​ളാ​വു​മ്പോ​ൾ വി​ല​യി​ൽ അ​ൽ​പം വ്യ​ത്യാ​സ​മു​ള്ള​തും ആ​ളു​ക​ളു​ടെ താ​ൽ​പ​ര്യ​വും സ​ഹ​ക​ര​ണ​വും​കൂ​ടി ആ​യ​പ്പോ​ൾ നി​ര​വ​ധി ക​സ്​​റ്റ​മേ​ഴ്​​സി​നെ​യാ​ണ് കി​ട്ടി​യ​ത്. സ​മൂ​ഹ​ത്തി​ലെ എ​ല്ലാ​ത​രം ആ​ളു​ക​ളും ഇ​വി​ടെ വ​രു​ന്നു​ണ്ട്. ഈ ​ചെ​റി​യ ഷോ​പ്പി​ലൂ​ടെ ഇ​ത്ര​യും പ്ലാ​സ്​​റ്റി​ക് ഒ​ഴി​വാ​ക്കാ​ന്‍ സാ​ധി​ച്ചു​വെ​ങ്കി​ല്‍ വ​ലി​യ സൂ​പ്പ​ര്‍മാ​ര്‍ക്ക​റ്റു​ക​ളൊ​ക്കെ ഈ ​രീ​തി​യി​ലേ​ക്ക് വ​രു​ക​യാ​ണെ​ങ്കി​ല്‍ വ​ലി​യ മാ​റ്റം​ത​ന്നെ കൊ​ണ്ടു​വ​രാ​നാ​കി​ല്ലേ'' -അ​ദ്ദേ​ഹം ചോ​ദി​ക്കു​ന്നു.

പ്ലാ​സ്​​റ്റി​ക് അ​വ​ബോ​ധ ക്ലാ​സു​ക​ള്‍ക്കും ബി​ട്ടു മു​ന്നി​ലു​ണ്ട്. പ​പ്പ യോ​ഹ​ന്നാ​നും പ​ല​ച​ര​ക്ക് ക​ച്ച​വ​ട​മാ​യി​രു​ന്നു. അ​മ്മ ലി​ല്ലി. സ​ഹോ​ദ​ര​ൻ ടി​റ്റു ജോ​ണ്‍ എ​ന്‍ജി​നീ​യ​റാ​ണ്. ഭാ​ര്യ നി​ഷ ബി​ട്ടു ഡോ​ക്ട​റാ​ണ്. കോ​ല​ഞ്ചേ​രി​യി​ല്‍ ഡെ​ൻ​റ​ല്‍ ക്ലി​നി​ക് ന​ട​ത്തു​ക​യാ​ണ് നി​ഷ. മ​ക​ൾ മാ​ർ​ത്ത.


പകരം കുപ്പിയും പേപ്പർ കവറും

അ​ത്യാ​വ​ശ്യം എ​ല്ലാം സ്​​റ്റോ​ക്കു​ള്ള​തി​നാ​ൽ ആ​വ​ശ്യാ​നു​സ​ര​ണം സാ​ധ​നം എ​ടു​ത്ത് അ​ള​ന്ന് സ്വ​യം ബി​ല്ല​ടി​ക്കാം. പാ​ത്രം വീ​ട്ടി​ൽ​നി​ന്ന് കൊ​ണ്ടു​വ​രാ​ത്ത​വ​ർ​ക്ക് പേ​പ്പ​ർ ക​വ​ർ​ ന​ൽ​കും. ഇ​തി​ന് പ്ര​ത്യേ​ക പ​ണ​മൊ​ന്നും ഈ​ടാ​ക്കു​ന്നി​ല്ല. ഇ​ന്ന് ഭൂ​രി​ഭാ​ഗം ആ​ളു​ക​ളും പാ​ത്രം കൊ​ണ്ടു​വ​രു​ന്ന​വ​രാ​ണ്. അ​ടു​ത്ത പ​ർ​ച്ചേ​സി​ന് വ​രു​മ്പോ​ൾ പേ​പ്പ​ർ ക​വ​ർ തി​രി​കെ കൊ​ണ്ടു​വ​രു​ന്ന​വ​ർ​ക്കും പാ​ത്രം കൊ​ണ്ടു​വ​രു​ന്ന​വ​ർ​ക്കും ബി​ല്ലി​ൽ ര​ണ്ടു ശ​ത​മാ​നം ഡി​സ്കൗ​ണ്ടും ന​ൽ​കു​ന്നു​ണ്ട്. ര​ണ്ടു ശ​ത​മാ​നം അ​ത്ര കു​റ​വ​ല്ല​ല്ലോ. കൂ​ടു​ത​ല്‍ ആ​ളു​ക​ളെ തു​ണി​സ​ഞ്ചി​യും കു​പ്പി​യു​മൊ​ക്കെ ഉ​പ​യോ​ഗി​ക്കാ​ന്‍ പ്രേ​രി​പ്പി​ക്കു​ക​യാ​ണ് ല​ക്ഷ്യ​മെ​ന്ന് അ​ദ്ദേ​ഹം പ​റ​യു​ന്നു. കാ​രി​ബാ​ഗ് വേ​ണ്ട​വ​ർ​ക്ക് 20 രൂ​പ​ക്ക് ഒ​ന്നാ​ന്ത​രം കോ​ട്ട​ൺ സ​ഞ്ചി​യും ന​ൽ​കും.


ലി​ക്വി​ഡി​ന് കു​പ്പി കൊ​ണ്ടു​വ​രാ​ത്ത​വ​ർ​ക്കാ​യി വി​വി​ധ അ​ള​വി​ലു​ള്ള വ്യ​ത്യ​സ്​​ത​ത​രം കു​പ്പി​യും ന​ൽ​കു​ന്നു​ണ്ട്. 20 രൂ​പ മു​ത​ല്‍ 150 രൂ​പ വ​രെ​യാ​ണ് വി​ല. കു​പ്പി​യു​ടെ വി​ല ഡെ​പ്പോ​സി​റ്റ് തു​ക​യാ​ണ​ത്. ബോ​ട്ടി​ല്‍ ഉ​പ​യോ​ഗി​ച്ച​ശേ​ഷം വൃ​ത്തി​യാ​ക്കി തി​രി​കെ എ​ത്തി​ച്ചാ​ൽ കു​പ്പി​ക്ക്​ വാ​ങ്ങി​യ പ​ണം തി​രി​കെ ന​ല്‍കും. ചി​ല്ലു​കു​പ്പി​ക​ള്‍ ചൈ​ന​യി​ല്‍നി​ന്നു​ള്ള​താ​ണ്.


Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:plasticcontainerbittu john
News Summary - Bring your own container to curb plastic usage
Next Story