വീട്ടുജോലിക്കിടയിൽ പാഴാകുന്നത് ലിറ്റർ കണക്കിന് വെള്ളം; വീട്ടിൽ വെള്ളം പാഴാകുന്നത് തടയാനുള്ള എളുപ്പവഴികൾ

നിത്യേനയുള്ള വീട്ടുജോലിക്കിടയിൽ എത്രമാത്രം വെള്ളമാണ് ദിവസവും പാഴായിപ്പോകുന്നത്. അതേക്കുറിച്ച് എപ്പോഴെങ്കിലും ചിന്തിച്ചിട്ടുണ്ടോ? നമ്മുടെ ശീലങ്ങളിൽ അൽപം മാറ്റം വരുത്തിയാൽ ഇതിന് പരിഹാരം കണ്ടെത്താനാവും. അതിനുള്ള വഴികളിതാ...

അടുക്കള

● അ​ടു​ക്ക​ള​യി​ലെ സി​ങ്കി​ൽ തു​ട​ർ​ച്ച​യാ​യി ഒ​രു മി​നി​റ്റ് ടാ​പ്പ് തു​റ​ന്നി​ട്ടാ​ൽ 10-20 ലി​റ്റ​റോളം വെ​ള്ളം ന​ഷ്​​ട​മാ​കും. മറ്റു ജോലികൾ ചെയ്യുമ്പോഴും പലതവണയായി ടാപ്പ് തുറന്ന് വെള്ളം എടുക്കുന്നതിനു പകരം ഒരു ബക്കറ്റിൽ ആദ്യമേതന്നെ എടുക്കുക. പാത്രം കഴുകാൻ ഇതിൽനിന്നെടുക്കാം.

● അ​ഴു​ക്ക്, എ​ണ്ണ​മ​യം എ​ന്നി​വയുള്ള പാത്രങ്ങൾ ആ​ദ്യം അൽപം വെ​ള്ള​ത്തി​ൽ ക​ഴു​കി​യ​ശേ​ഷം മാത്രം ബാ​ക്കി ടാപ്പിൽ കഴുകുക.

● പ​ഴ​ങ്ങ​ൾ, പ​ച്ച​ക്ക​റി​ക​ൾ എ​ന്നി​വ ടാ​പ്പി​ൽ​നി​ന്ന് നേ​രി​ട്ട് ക​ഴു​കാ​തെ പാ​ത്ര​ത്തി​ലിട്ട് ക​ഴു​കു​ക. ബാ​ക്കി​വ​രു​ന്ന വെള്ളം ഒ​രു പാ​ത്ര​ത്തി​ലേ​ക്ക് മാ​റ്റി​വെ​ച്ച് ചെ​ടി​ നനക്കാനു​പ​യോ​ഗി​ക്കാം.

● അടുക്കളയില്‍ വാങ്ങുന്ന ഉപകരണങ്ങളെല്ലാം പരമാവധി വാട്ടര്‍ എഫിഷ്യന്‍റ് ആണെന്ന് ഉറപ്പുവരുത്തുക. ഡിഷ്‌വാഷറും മറ്റും വാങ്ങുമ്പോള്‍ ‘ലൈറ്റ് വാഷ്’ ഓപ്ഷനുള്ളത് നോക്കിയെടുക്കാന്‍ ശ്രദ്ധിക്കണം.

● സാധനങ്ങള്‍ വേവിക്കാന്‍ ആവശ്യത്തിലധികം വലുപ്പമുള്ള പാത്രം എടുക്കുന്നവരുണ്ട്. ഇങ്ങനെ ചെയ്യുന്നതിലൂടെ വെള്ളത്തിന്‍റെ ഉപയോഗം കൂടും. പാകത്തിന് വലുപ്പമുള്ള പാത്രമെടുത്ത് ആവശ്യത്തിന് വെള്ളം ഉപയോഗിച്ച് പാചകം ചെയ്യാന്‍ ശീലിക്കാം.

വാ​ഷ്ബേ​സി​ൻ

● വാ​ഷ്ബേ​സി​ൻ ടാപ്പ് തു​ട​ർ​ച്ച​യാ​യി തു​റ​ന്നിടുന്നതും വെള്ളം ന​ഷ്​​ട​മാകാൻ ഇടയാക്കും. ഇവിടെയും ക​പ്പി​ൽ വെ​ള്ളം എ​ടു​ത്തു​വെച്ച് ഉ​പ​യോ​ഗി​ക്കാം.

● പല്ലു തേക്കുമ്പോഴും കൈകഴുകുമ്പോഴും ഷേവിങ് സമയത്തും അനാവശ്യമായി ടാപ്പ് തുറന്നിടുന്നത് പൂർണമായും ഒഴിവാക്കുക.

● ടാ​പ്പി​ൽനി​ന്ന്​ വ​ല​തു കൈ​യി​ൽ വെ​ള്ളം എ​ടു​ക്കു​മ്പോ​ൾ ഇ​ട​തു​കൈ ​കൂ​ടി ഉ​പ​യോ​ഗി​ച്ച് ടാപ്പ് ഇ​ട​ക്കി​ടെ നി​യ​ന്ത്രി​ക്കു​ക.

ബാത്റൂം

● അടുക്കള കഴിഞ്ഞാല്‍ വീട്ടില്‍ ഏറ്റവുമധികം വെള്ളം ആവശ്യമായി വരുന്നത് ബാത്റൂമിലാണ്. പരമാവധി കുറച്ച് സമയവും വെള്ളവുമെടുത്ത് കുളിക്കാന്‍ ശ്രദ്ധിക്കുക.

● ഷവറില്‍നിന്ന് വരുന്ന വെള്ളത്തിന്‍റെ വേഗം കുറച്ചുവെക്കാം.

● ബാ​ത്റൂ​മു​ക​ളി​ൽ ബാ​ത്ത് ട​ബ്, ഷ​വ​ർ എ​ന്നിവ ഉപയോഗിക്കുന്ന ശീ​ലം മാറ്റി ബ​ക്ക​റ്റ്, ക​പ്പ് എ​ന്ന പ​ഴ​യ സ​മ്പ്ര​ദാ​യ​ത്തി​ലേ​ക്ക് തി​രി​ച്ചു​വ​രു​ന്ന​ത് പ്രോ​ത്സാ​ഹി​പ്പി​ക്ക​ണം. ഇതുസംബന്ധിച്ച് വീട്ടിലുള്ളവരെ ബോധവത്കരിക്കാം.

● ലോ ഫ്ലഷ് ടോയ്‌ലറ്റുകള്‍ ഉപയോഗിക്കുന്നത് വെള്ളത്തിന്‍റെ ഉപയോഗത്തെ 50 ശതമാനത്തോളമാക്കി കുറക്കും.

● സംസ്കരിച്ച മ​ലി​ന​ജ​ലം കക്കൂസുകളിൽ ഉ​പ​യോ​ഗി​ക്കാ​ൻ പ​റ്റു​മെ​ങ്കി​ൽ അ​ത്ത​രം ശ്ര​മ​ങ്ങ​ൾ ന​ട​ത്തു​ക.

● വെള്ളത്തിന്‍റെ ഉപയോഗം വിദഗ്ധമായി നിയന്ത്രിക്കാൻ കഴിയുന്ന ഇടമാണ് ബാത് റൂം. കുളിയും ബാത്റൂം കഴുകലും ഒരേ സമയം ചെയ്യുന്നതുവഴി വെള്ളം ഒരു പരിധിവരെ ലാഭിക്കാം.

● നി​ലം ക​ഴു​കാൻ ബ​ക്ക​റ്റും തു​ണിയും ഉപയോഗി​ക്കു​ക. വാ​ഹ​ന​ങ്ങ​ൾ ക​ഴു​കാൻ കുറച്ച് മാത്രം വെള്ളം ഉ​പ​യോ​ഗി​ക്കു​ക.

ജലസ്രോതസ്സ് സംരക്ഷിക്കാം

● കി​ണ​ർ ശു​ദ്ധ​മാ​യി സം​ര​ക്ഷി​ക്കാം. കി​ണ​റി​ന് ആ​ൾ​മ​റ, പ്ലാ​റ്റ്ഫോം എ​ന്നി​വ ഉ​റ​പ്പാ​ക്കു​ക.

● കി​ണ​റു​ക​ളു​ടെ ശു​ചീ​ക​ര​ണ​വും മ​ഴ​വെ​ള്ള റീചാ​ർ​ജി​ങ്ങും വ​ർ​ഷാ​വ​ർ​ഷം ന​ട​ത്തു​ക.

● രാ​മ​ച്ചം ന​ല്ലൊ​രു ജ​ല​സം​ര​ക്ഷ​ണ ചെ​ടി​യാ​ണ്. വീ​ട്ടു​പ​രി​സ​ര​ത്ത് കൂ​ടു​ത​ൽ രാ​മ​ച്ചം ന​ടാം.

● കി​ണ​ർ വെ​ള്ളം ഇ​ട​ക്ക് ക്ലോ​റി​നേ​റ്റ് ചെ​യ്ത് മാ​ലി​ന്യ​മു​ക്ത​മാ​ക്കാം.

● ജ​ല​സ്രോ​ത​സ്സു​ക​ളി​ലേ​ക്ക് മാ​ലി​ന്യം വ​ലി​ച്ചെ​റി​യാ​തി​രി​ക്കു​ക.

● കി​ണ​റി​നു ചു​റ്റും സ​സ്യാ​വ​ര​ണം ഒ​രു​ക്കാം.

● ജൈ​വവ​സ്തു​ക്ക​ൾ, പ​ച്ചി​ല​ക​ൾ എ​ന്നി​വ​യാ​ൽ ഭൂമിക്ക് പു​ത​യി​ടു​ക.

● സ്വിമ്മിങ് പൂളുകളിലും മറ്റും ബാഷ്പീകരണം പരമാവധി കുറക്കാൻ പൂള്‍ കവറുകള്‍ ഉപയോഗിക്കാം.

● ഓരോ ദിവസവും ജലലഭ്യതയും ഉപയോഗവും പൊരുത്തപ്പെടുന്ന രീതിയില്‍ വാട്ടര്‍ മാനേജ്‌മെന്‍റ് വീട്ടിലും നടപ്പാക്കുക.

പൈപ്പുകൾ പരിശോധിക്കാം

● ​ പൈ​പ്പു​ക​ളി​ൽ ചോ​ര്‍ച്ച ഉണ്ടെങ്കിൽ പ​രി​ഹ​രി​ക്കു​ക​.

● വീടുകളില്‍ തുള്ളി തുള്ളിയായോ അല്ലാതെയോ ഇത്തിരി വെള്ളംപോലും നഷ്ടപ്പെടുന്നില്ലെന്ന് ഉറപ്പുവരുത്തുക.

● അ​നാ​വ​ശ്യ​മാ​യി ടാ​പ്പ് തു​റ​ന്നി​ടു​ന്ന​ത് ഒ​ഴി​വാ​ക്കു​ക.

ചെടി നനക്കൽ

● വാട്ടര്‍ പ്യൂരിഫയറില്‍നിന്നും മറ്റും ബാക്കിവരുന്ന വെള്ളം പാഴാക്കാതെ ചെടി നനക്കാനും മറ്റും ഉപയോഗിക്കാം.

● വെള്ളം ഗ്ലാസിലോ കപ്പിലോ എടുത്തു കുടിക്കുമ്പോള്‍ ബാക്കിയാകുന്നത് കളയുന്നവരാണ് പലരും. ഇതൊഴിവാക്കാൻ ഒരു കുപ്പിയില്‍ കുടിവെള്ളം എടുത്തുവെച്ചു ശീലിക്കാം. അതിൽനിന്ന് ആവശ്യത്തിന് കുടിക്കാം.

● ചെ​ടി​ക​ൾ​ക്കും മ​റ്റു കൃ​ഷി​ക​ൾ​ക്കും വെ​ള്ളം വേ​രി​ൽ ല​ഭി​ക്കു​ന്ന വി​ധം ന​ന​ക്കു​ക. ന​ന​ക്കു​ന്ന​ത് പ്ര​ഭാ​ത​സ​മ​യ​ത്തും സ​ന്ധ്യ​ക്കും ആ​ക്കു​ക.

● വേ​ന​ൽ​ക്കാ​ല​ത്ത് ഹോ​സ് ഉ​പ​യോ​ഗി​ച്ച് ന​ന​ക്ക​രു​ത്. പ​ക​രം ബ​ക്ക​റ്റും ക​പ്പും ഉ​പ​യോ​ഗി​ക്കു​ക. വാ​ഹ​നം ക​ഴു​കു​ന്ന​തി​ലും ഈ ​രീ​തി പി​ന്തു​ട​രാം.

● ഒന്നോ രണ്ടോ തവണ ഉപയോഗിച്ചതും രാസവസ്തുക്കൾ കലരാത്തതുമായി അവശേഷിക്കുന്ന വെള്ളം ഉണ്ടെങ്കിൽ അത് ചെടികൾക്കായി വീണ്ടും ഉപയോഗിക്കാം. എങ്കിലും ഉപയോഗിക്കുന്ന വെള്ളം വൃത്തിഹീനമല്ലെന്ന് ഉറപ്പാക്കുക.

● അ​ല​ക്കു​മ്പോ​ൾ പ​ര​മാ​വധി ഫോ​സ്ഫേ​റ്റ് ര​ഹി​ത സോ​പ്പും സോ​പ്പു​പൊ​ടി​യും ഉ​പ​യോ​ഗി​ക്കു​ക.

● വാ​ഷി​ങ്‌​ മെ​ഷീ​നി​ല്‍നി​ന്ന്​ പു​റ​ന്ത​ള്ളു​ന്ന രാസവസ്തുക്കൾ കലരാത്ത ജ​ല​ം ചെ​ടി​ന​ന​ക്കാൻ ഉ​പ​യോ​ഗി​ക്കാം.