അനധികൃത സ്വത്ത്​ സമ്പാദന കേസ്​; തച്ചങ്കരിയുടെ വിടുതൽ ഹരജി തള്ളി

കോട്ടയം: അനധികൃത സ്വത്ത്​ സമ്പാദന കേസിൽ എ.ഡി.ജി.പി ടോമിൻ തച്ചങ്കരിയുടെ വിടുതൽ ഹരജി തള്ളി. കോട്ടയം വിജിലൻസ്​ കോടതിയാണ്​ തച്ചങ്കരിക്കെതിരെ തെളിവുണ്ടെന്ന്​ കണ്ടതോടെ ഹരജി തള്ളിയത്​. 

വിജിലൻസി​​െൻറ കണ്ടെത്തലുകൾ ശരിവെച്ചതോടെ വിചരണ അടക്കമുള്ള നടപടികൾ തച്ചങ്കരി നേരിടേണ്ടിവരും. അടുത്തമാസം 27ന്​ കേസ്​ വീണ്ടും പരിഗണിക്കും. 

2003 -2007 കാലഘട്ടത്തിൽ 65,74,000 ത്തോളം രൂപ അനധികൃതമായി സമ്പാദിച്ചുവെന്നാണ്​ കേസ്​. സ്വത്തി​​െൻറ ഉറവിടം വ്യക്തമാക്കാൻ തച്ചങ്കരിക്ക്​ സാധിച്ചിട്ടില്ല. അഴിമതിയിലൂടെയാണ്​ സ്വത്ത്​ സമ്പാദിച്ചതെന്ന ആരോപണം ഉയർന്നതി​െന തുടർന്ന്​ തച്ചങ്കരിയുടെ ഉടമസ്​ഥതയിലെ കൊച്ചിയിലെ സ്​റ്റുഡിയോയിൽ അടക്കം റെയ്​ഡ്​ നടന്നിരുന്നു. പരമ്പരാഗതമായി കൈമാറ്റം ചെയ്​തുകിട്ടിയ സ്വത്താണെന്നായിരുന്നു തച്ചങ്കരിയുടെ വാദം.