യുട്യൂബർ മണവാളൻ പൊലീസ് പിടിയിൽ

തൃശൂർ: ‘മണവാളൻ മീഡിയ’ എന്ന യൂട്യൂബ് ചാനൽ ഉടമ മുഹമ്മദ് ഷഹീൻ ഷാ പിടിയിൽ. കേരള വർമ കോളജ് വിദ്യാർഥികളെ കാറിടിച്ച് കൊലപ്പെടുത്താൻ ശ്രമിച്ച കേസിലാണ് നടപടി.

ഏപ്രിൽ 19നായിരുന്നു സംഭവം. കേരളവർമ കോളേജ് റോഡിൽ സൈക്കിളിൽ യാത്ര ചെയ്യുകയായിരുന്ന രണ്ട് കോളജ് വിദ്യാർഥികളെ കാറിടിച്ച്​ കൊലപ്പെടുത്താൻ ശ്രമിച്ചെന്നാണ് കേസ്. പൊലീസ് കേസെടുത്തതിന് പിന്നാലെ ഇയാൾ ഒളിവിൽ പോയിരുന്നു.

തൃശൂർ വെസ്റ്റ്​ പൊലീസ്​ ഇയാൾക്കെതിരെ ലുക്ക് ഔട്ട് നോട്ടീസ് പുറപ്പെടുവിച്ചിരുന്നു. തൃശൂർ എരനെല്ലൂർ സ്വദേശിയാണ് മുഹമ്മദ് ഷഹീൻ ഷാ (26).