അരക്കോടി രൂപയും 205 ഗ്രാം സ്വർണ്ണവുമായി യുവാവ് പിടിയിൽ

തച്ചനാട്ടുകര (പാലക്കാട്​): രേഖകളില്ലാതെ കടത്തുകയായിരുന്ന 48,68,080 രൂപയും 205 ഗ്രാം സ്വർണ്ണവുമായി യുവാവ് പിടിയിൽ. തൃശ്ശൂർ മണ്ണുത്തി സ്വദേശി ബിനു വർഗീസ്(42) ആണ് പൊലീസ് പിടിയിലായത്.

കരിങ്കല്ലത്താണിക്കടുത്ത തൊടൂക്കാപ്പിൽ ചൊവ്വാഴ്ച വൈകിട്ട് അഞ്ചര മണിയോടെയാണ് സംഭവം. ഡി.വൈ.എസ്.പി കൃഷ്ണദാസ്, സി.ഐ രജീഷ്, നാട്ടുകൽ എസ്.ഐ അനിൽ മാത്യു തുടങ്ങിയവരുടെ നേതൃത്വത്തിലുള്ള പോലീസ് സംഘമാണ് യുവാവിനെ പിടികൂടിയത്. പണം കടത്താൻ ഉപയോഗിച്ച കാർ പൊലീസ് കസ്റ്റഡിയിൽ എടുത്തു.