വണ്ടിപ്പെരിയാറിൽ യുവാവ് കൊല്ലപ്പെട്ടു; പ്രതി അറസ്റ്റിൽ

കു​മ​ളി: വ​ണ്ടി​പ്പെ​രി​യാ​ർ മ്ലാ​മ​ല പ​ള്ളി​ക്ക​ട​യി​ൽ മ​ദ്യ​പാ​ന​ത്തി​നി​ടെ ഉ​ണ്ടാ​യ ത​ർ​ക്ക​ത്തി​നി​ട​യി​ൽ യു​വാ​വ് കു​ത്തേ​റ്റ് മ​രി​ച്ചു. വ​ണ്ടി​പ്പെ​രി​യാ​ർ തേ​ങ്ങാ​ക്ക​ൽ ര​ണ്ടാം ഡി​വി​ഷ​ൻ പ​ള്ളി​ക്ക​ട​യി​ൽ താ​മ​സി​ക്കു​ന്ന അ​ശോ​ക് കു​മാ​ർ (22) ആ​ണ് മ​രി​ച്ച​ത്. വെ​ള്ളി​യാ​ഴ്ച രാ​ത്രി 11 ഓ​ടെ​യാ​ണ്​ സം​ഭ​വം.

തോ​ട്ടം തൊ​ഴി​ലാ​ളി​യാ​ണ് മ​രി​ച്ച അ​ശോ​ക് കു​മാ​ർ.​ കൊ​ല​പാ​ത​ക​വു​മാ​യി ബ​ന്ധ​പ്പെ​ട്ട് ബ​ന്ധു​വും മൈ​ക്ക് ഓ​പ​റേ​റ്റ​റു​മാ​യ മ്ലാ​മ​ല പ​ള്ളി​ക്ക​ട സ്വ​ദേ​ശി സു​ധീ​ഷി​നെ (19) വ​ണ്ടി​പ്പെ​രി​യാ​ർ ഇ​ൻ​സ്പെ​ക്ട​ർ ഹേ​മ​ന്ത് കു​മാ​റും സം​ഘ​വും അ​റ​സ്റ്റ് ചെ​യ്തു. വെ​ള്ളി​യാ​ഴ്ച രാ​ത്രി 11 ഓ​ടെ ഇ​രു​വ​രും സു​ധീ​ഷി​ന്‍റെ ക​ട​ക്ക്​ മു​ന്നി​ലി​രു​ന്ന് മ​ദ്യ​പി​ക്കു​ന്ന​തി​നി​ടെ​യാ​ണ് ത​ർ​ക്ക​മു​ണ്ടാ​യ​ത്. മ​ദ്യ​ല​ഹ​രി​യി​ൽ സു​ധീ​ഷ്, അ​ശോ​ക് കു​മാ​റി​ന്‍റെ നെ​ഞ്ചി​ൽ കു​ത്തി​യ​താ​ണ് മ​ര​ണ​ത്തി​നി​ട​യാ​ക്കി​യ​ത്. കു​ത്തേ​റ്റു വീ​ണ അ​ശോ​ക് കു​മാ​റി​നെ നാ​ട്ടു​കാ​ർ ഉ​ട​ൻ പീ​രു​മേ​ട് താ​ലൂ​ക്ക് ആ​ശു​പ​ത്രി​യി​ൽ എ​ത്തി​ച്ചെ​ങ്കി​ലും മ​ര​ണ​പ്പെ​ട്ടു.

പ്ര​തി​യു​മാ​യി ശ​നി​യാ​ഴ്ച് പോ​ലീ​സ് സം​ഘം സ്ഥ​ല​ത്ത് തെ​ളി​വെ​ടു​പ്പ് ന​ട​ത്തി. ഇ​തി​നി​ടെ, അ​ശോ​ക് കു​മാ​റി​ന്‍റെ​യും പ്ര​തി സു​ധീ​ഷി​ന്‍റെ​യും ബ​ന്ധു​ക്ക​ൾ ത​മ്മി​ലു​ണ്ടാ​യ സം​ഘ​ർ​ഷ​വും വാ​ക്കേ​റ്റ​വും വീ​ടു​ക​ൾ​ക്ക് നേ​രെ അ​ക്ര​മ​ത്തി​ൽ ക​ലാ​ശി​ച്ചു. സം​ഘ​ർ​ഷ​ത്തി​ൽ എ​സ്റ്റേ​റ്റ് ല​യ​ത്തി​ൽ താ​മ​സി​ക്കു​ന്ന ഐ​യ്യ​മ്മ​ക്ക് (55) പ​രി​ക്കേ​റ്റു.

പ്ര​ദേ​ശ​ത്ത് സം​ഘ​ർ​ഷം ഉ​ണ്ടാ​യ​തോ​ടെ ഇ​വി​ടെ പൊ​ലീ​സും തെ​ര​ഞ്ഞെ​ടു​പ്പ് ഡ്യൂ​ട്ടി​ക്കെ​ത്തി​യ കേ​ന്ദ്ര​സേ​ന​യും നി​രീ​ക്ഷ​ണ​ത്തി​നെ​ത്തി. കൊ​ല​പാ​ത​കം ന​ട​ന്ന സ്ഥ​ല​ത്ത് ഇ​ടു​ക്കി​യി​ൽ നി​ന്നു​ള്ള ഫോ​റ​ൻ​സി​ക് സം​ഘ​വും വി​ര​ല​ട​യാ​ള വി​ദ​ഗ്ധ​രും തെ​ളി​വെ​ടു​ത്തു.

കൊ​ല്ല​പ്പെ​ട്ട അ​ശോ​ക് കു​മാ​റി​ന്‍റെ മൃ​ത​ദേ​ഹം പോ​സ്റ്റു​മോ​ർ​ട്ട​ത്തി​നാ​യി ഇ​ടു​ക്കി മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലേ​ക്ക് മാ​റ്റി. സം​സ്കാ​രം പി​ന്നീ​ട് ന​ട​ക്കും. ദേ​വി​യാ​ണ് ഭാ​ര്യ.