You are here

കണിയാപുരത്ത്​ യൂത്ത്​ ലീഗ്​-പി.ഡി.പി സംഘർഷം; 13 പേർക്ക്​ പരിക്ക്​

  • പൊലീസുകാരനടക്കം ആറു പേർക്ക്​ പരിക്ക്​

18:27 PM
23/12/2018

പോത്തൻകോട്​: യൂത്ത് ​ലീഗ്​ യുവജനയാത്രക്കിടെ പി.ഡി.പി പ്രവർത്തകരും യൂത്ത്​ ലീഗ്​ പ്രവർത്തകരും തമ്മിൽ കണിയാപുരത്ത്​ സംഘർഷം. ​ഒരു  പൊലീസുകാരനടക്കം 13 പേർക്ക്​ പരിക്കേറ്റു. കണിയാപുരം ആലുമൂട്​ റെയിൽവേ ഗേറ്റ്​ റോഡിൽ ആരംഭിച്ച  സംഘർഷം ദേശീയ പാതകടന്ന്​ പലയിടങ്ങളിലായി വെട്ടുറോഡുവരെ നീണ്ടു. യുവജനയാത്രയുടെ സമാപന  സമ്മേളനത്തിനെത്തിയ മലപ്പുറം സ്വദേശികളും പി.ഡി.പി പ്രാദേശിക പ്രവർത്തകരും തമ്മിലായിര​ുന്നു ഏറ്റുമുട്ടൽ​. ദേശീയപാതയിൽ കല്ലേറും നടന്നു. 

അബ്​ദുന്നാസിർ മഅ്​ദനിക്കെതിരെ യൂത്ത്​ ലീഗ്​ നേതാവ്​ പി.കെ. ഫിറോസ്​ നടത്തിയ പ്രസ്​താവനയിൽ പ്രതിഷേധിച്ചായിരുന്നു പി.ഡി.പി പ്രകടനം. നാലോടെ ആരംഭിച്ച  പി.ഡി.പി പ്രകടനത്തിനിടെ പിന്നാലെവന്ന യൂത്ത്​ ലീഗ്​ പ്രവർത്തകർ വടികളുമായി അക്രമം  നടത്തുകയായിരുന്നുവത്രേ. ചിതറി ഒാടിയ പി.ഡി.പി പ്രവർത്തകർ ദേശീയപാതയിൽ  സംഘടിച്ച്​ യൂത്ത്​ ലീഗുകാർക്കെതിരെ രംഗത്തുവന്നു.  പരിക്കേറ്റവർ വിവിധ ആശുപത്രികളിൽ ചികിത്സതേടി. യൂത്ത്​ലീഗുകാർ സഞ്ചരിച്ച വിളംബരജാഥയുടെ  വാഹനവും പത്തിലധികം പ്രവർത്തകരെയും പൊലീസ്​ കസ്​റ്റഡിയിലെടുത്തു. 

സംഘർഷത്തിനി​െട മംഗലപുരം പൊലീസിലെ സിവിൽ പൊലിസുകാരനായ ശ്രീജിത്തിനാണ്​​ മർദനമേറ്റത്​. പി.ഡി.പിയുടെ  പ്രകടനത്തിന്​ മംഗലപുരം എസ്​.​െഎ അജയൻ ഉൾപ്പെടെ രണ്ട്​ പൊലീസുകാരാണ്​ ഒപ്പമുണ്ടായിരുന്നത്​. പ്രകടനം നടക്കു​​േമ്പാൾ  സംഘർഷ സാധ്യത ഇല്ലാതിരുന്നതിനാൽ  കൂടുതൽ പൊലീസുകാരെ ഒപ്പം കൂട്ടിയില്ലെന്നാണ്​​ പൊലീസ്​  വിശദീകരണം. പൊലീസുകാർ കുറവായിരുന്നത്​ സംഘർഷം വ്യാപിക്കാൻ കാരണമായി. വിവരമറിഞ്ഞ്​ ആറ്റിങ്ങൽ ഡിവൈ.എസ്​.പിയുടെ നേതൃത്വത്തിൽ ചിറയിൻകീഴ്​, മംഗലപുരം, കഠിനംകുളം,  ആറ്റിങ്ങൽ എസ്​.​െഎമാരടക്കം വൻ പൊലീസ്​ സംഘം കണിയാപുര​െത്തത്തി. ​സംഘർഷ സാധ്യതയുള്ള മേഖലകളിൽ കൂടുതൽ ​െപാലീസിനെ നിയോഗിച്ചിട്ടുണ്ട്​. 

Loading...
COMMENTS