വർഗീയ വിദ്വേഷം പടർത്തി; എൻ. ഗോപാലകൃഷ്​ണനെതിരെ പരാതിയുമായി യൂത്ത്​ലീഗ്​

കോഴിക്കോട്​: വർഗീയ വിദ്വേഷം പടർത്തുന്ന പ്രചാരണം നടത്തിയ ഹിന്ദുത്വവാദിയും സംഘ്​പരിവാർ സഹയാത്രികനുമായ എൻ.ഗോപാലകൃഷ്​ണനെതിരെ യൂത്ത്​ലീഗ്​ ഡി.ജി.പിക്ക്​ പരാതി നൽകി. 

മഹാമാരിയുടെ കാലത്തും വർഗീയ വി​ദ്വേഷം പ്രചരിപ്പിക്കുകയാണ്​ എൻ ഗോപാലകൃഷ്​ണൻ. കൊറോണയേക്കാൾ മാരകമായ വർഗീയ വൈറസ്​ പരത്തുന്ന ഇയാളെ ജയിലിലാണ്​ ക്വാറൻറീൻ ചെയ്യേണ്ടതെന്നും​ യൂത്ത്​ലീഗ്​ സംസ്ഥാന സെക്രട്ടറി പി.കെ ഫിറോസ്​ പ്രതികരിച്ചു. 

നിസാമുദ്ദീനിലെ തബ്​ലീഗ്​ സമ്മേളനം കോവിഡ്​ പരത്താൻ വേണ്ടി ആസൂത്രണം ചെയ്​തതാണെന്നും രാജ്യത്ത്​ കോവിഡ്​ പടർത്തിയത്​ മുസ് ലിംകളാണെന്നുമുള്ള തരത്തിൽ നിരവധി വിഡിയോകൾ എൻ. ഗോപാലകൃഷ്​ണൻ പ്രചരിപ്പിച്ചിട്ടുണ്ട്​.