മന്ത്രി എ.സി മൊയ്‌തീൻ ക്വാറൻറീനിൽ പ്രവേശിക്കണമെന്നാവശ്യപ്പെട്ട് യൂത്ത് കോൺഗ്രസ്‌ സമരം

കുന്നംകുളം: ഗുരുവായൂരിലേക്ക് വന്ന പ്രവാസികളിൽ കോവിഡ്  സ്ഥിരീകരിച്ച സാഹചര്യത്തിൽ അവരോടു നേരിട്ട് ഇടപഴകിയ മന്ത്രി എ.സി മൊയ്‌തീൻ അടിയന്തരമായി ക്വാറൻറീനിൽ പ്രവേശിക്കണമെന്നാവശ്യപ്പെട്ട് യൂത്ത് കോൺഗ്രസ്‌ കുന്നംകുളം നിയോജകമണ്ഡലം കമ്മിറ്റി മന്ത്രിയുടെ കുന്നംകുളത്തെ ഓഫീസ് ഉപരോധിച്ചു. 

നിയോജക മണ്ഡലം കമ്മിറ്റി പ്രസിഡൻറ്​ എ.എം നിതീഷി​​​െൻറ നേതൃത്വത്തിലായിരുന്നു ഉപരോധം. ജില്ലാ സെക്രട്ടറി പി.കെ ശ്യം, നിയോജക മണ്ഡലം വൈസ് പ്രസിഡന്റ് മഹേഷ്‌ തിപ്പിലിശേരി, വിഘ്‌നേശ്വർ പ്രസാദ്, ലിബിൻ മോഹൻ, റോഷിത്, ജെറിൻ രാജു  എന്നിവരും പ്രതിക്ഷേധ സമരത്തിൽ പങ്കെടുത്തു. ഓഫീസ് ഉപരോധിച്ചവരെ പോലീസ് അറസ്റ്റ് ചെയ്ത് നീക്കി.