Begin typing your search above and press return to search.
proflie-avatar
Login
exit_to_app
exit_to_app
kaduva movie youth congress
cancel
Homechevron_rightNewschevron_rightKeralachevron_rightറോഡ്​ തടസ്സപ്പെടുത്തി...

റോഡ്​ തടസ്സപ്പെടുത്തി ചിത്രീകരണമെന്ന്​; സിനിമ സെറ്റിലേക്ക് യൂത്ത് കോണ്‍ഗ്രസ് മാര്‍ച്ച്, ഒടുവിൽ പ്രവർത്തകർ തമ്മിൽ തർക്കം

text_fields
bookmark_border

വാഴൂർ (കോട്ടയം): റോഡ്​ തടസ്സപ്പെടുത്തി ഷൂട്ടിങ് നടത്തിയെന്ന് ആരോപിച്ച് സിനിമ സെറ്റിലേക്ക് യൂത്ത് കോണ്‍ഗ്രസി​െൻറ പ്രതിഷേധ മാര്‍ച്ച്. പൃഥ്വിരാജ് നായകനായ ഷാജി കൈലാസ് ചിത്രം 'കടുവ'യുടെ സെറ്റിലാണ്​ സംഭവം.

കാഞ്ഞിരപ്പള്ളി കുന്നുംഭാഗത്ത് ടി.ബി റോഡിലായിരുന്നു ഷൂട്ടിങ്. അന്യായമായി റോഡിൽ ഗതാഗതം തടയുകയും പാതയോരത്ത് മാലിന്യം ഇടുകയും ചെയ്യു​െന്നന്ന്​ ആരോപിച്ച് യൂത്ത് കോൺഗ്രസ് ചിറക്കടവ് മണ്ഡലം കമ്മിറ്റിയുടെ നേതൃത്വത്തിലാണ്​ മാർച്ച് നടത്തിയത്​.

നടൻ ജോജുവിനെതിരെയും സമരക്കാർ മുദ്രാവാക്യം വിളിച്ചു. പൃഥ്വിരാജ്, കലാഭവൻ ഷാജോൺ, അലൻസിയർ എന്നീ നടന്മാർ സംഭവസ്ഥലത്ത് ഉണ്ടായിരുന്നു. ഞായറാഴ്ച വൈകീട്ട്​ നാലോടെയായിരുന്നു സംഭവം. മാർച്ചിനെത്തുടർന്ന്​ ചിത്രീകരണം അര മണിക്കൂറോളം നിർത്തിവെച്ചെങ്കിലും പിന്നീട് പുനരാരംഭിച്ചു.

മാർച്ച് എത്തിയതോടെ ​പൊലീസുമായി ചെറിയ തോതിൽ ഉന്തും തള്ളും ഉണ്ടായി. ഇതിനിടെ, ഷൂട്ടിങ് കാണാനെത്തിയ കാഞ്ഞിരപ്പള്ളിയിൽനിന്നുള്ള യൂത്ത് കോൺഗ്രസ് പ്രവർത്തകരും മാർച്ച്​ നടത്തിയവരും തമ്മിൽ നേരിയ തോതിൽ തർക്കവുമുണ്ടായി.

നേതാക്കൾ ഇടപെട്ട് പ്രവർത്തകരെ ശാന്തരാക്കുകയായിരുന്നു. അതേസമയം, യൂത്ത്​ കോൺഗ്രസ്​ പ്രവർത്തകർ തമ്മിൽ സംഘർഷമുണ്ടായെന്ന പ്രചാരണം തെറ്റാണെന്ന്​ ഡി.സി.സി അംഗം സനോജ് പനക്കലും യൂത്ത് കോൺഗ്രസ് ചിറക്കടവ് മണ്ഡലം പ്രസിഡൻറ് അനന്തകൃഷ്ണനും പറഞ്ഞു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:kaduva movieyouth congress
News Summary - Youth Congress march to the cinema set, and finally a dispute between activists
Next Story