Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_right100 കടന്ന പെട്രോൾ...

100 കടന്ന പെട്രോൾ കൊള്ളക്കെതിരെ 100 സൈക്കിളിൽ 100 കി.മി പ്രതിഷേധയാത്ര നടത്തി യൂത്ത്​ കോൺഗ്രസ്​

text_fields
bookmark_border
100 കടന്ന പെട്രോൾ കൊള്ളക്കെതിരെ 100 സൈക്കിളിൽ 100 കി.മി പ്രതിഷേധയാത്ര നടത്തി യൂത്ത്​ കോൺഗ്രസ്​
cancel

തിരുവനന്തപുരം: 100 കടന്ന പെട്രോൾ കൊള്ളക്കെതിരെ 100 സൈക്കിളിൽ 100 കി.മി പ്രതിഷേധയാത്ര നടത്തി യൂത്ത്​ കോൺഗ്രസ്​. കായംകുളത്തുനിന്ന്​ സംസ്​ഥാന പ്രസിഡൻറ്​ ഷാഫി പറമ്പിൽ എം.എൽ.എയുടെ നേതൃത്വത്തിൽ സംഘടിപ്പിച്ച സമരയാത്ര നൂറുകിലോമീറ്റർ പിന്നിട്ട്​ രാജ്​ഭവന്​​ മുന്നിൽ സമാപിച്ചു. പ്രതിഷേധ റാലിയുടെ സമാപനം കെ.പി.സി.സി പ്രസിഡൻറ്​ കെ. സുധാകരൻ ഉദ്​ഘാടനം ​ചെയ്​തു.

ജനങ്ങളുടെ ദുരിതം മനസ്സിലാക്കാത്ത ​പ്രധാനമന്ത്രിയാണ്​ രാജ്യം ഭരിക്കുന്നതെന്ന്​ കെ. സുധാകരൻ കുറ്റപ്പെടുത്തി. കഴിഞ്ഞ യു.പി.എ ഭരണത്തിൽ ഇന്ധനവില 50 രൂപ ആയപ്പോൾ കാളവണ്ടിയിൽ യാത്രചെയ്​ത്​​ പ്രതിഷേധിച്ച ബി.ജെ.പി നേതാക്കാൾ വില 100 കടന്നിട്ടും മിണ്ടുന്നില്ല. കോവിഡിന്​ മുന്നിൽ പകച്ചുനിൽക്കു​േമ്പാൾ തന്നെ രാജ്യത്തെ ജനങ്ങൾ ഇന്ധന വിലവർധനയെ തുടർന്നുള്ള നിത്യോപയോഗസാധനങ്ങളുടെ വിലക്കയറ്റത്തിൽ ദുരിതമനുഭവിക്കുകയാണ്​. എന്നിട്ടും പ്രധാനമന്ത്രി ഒന്നുമറിഞ്ഞില്ല, ഒന്നും കേട്ടില്ല, ഒന്നും കണ്ടില്ല എന്ന ഭാവത്തിൽ മൗനത്തിലാണ്​. ഈ ഫാഷിസ്റ്റ്​ ഭരണത്തെ തൂത്തെറിയണം -അദ്ദേഹം പറഞ്ഞു.


സംസ്​ഥാനത്തിന്​ കൂടുതൽ കോവിഡ്​ വാക്​സിൻ അനുവദിക്കണമെന്നോ ഇന്ധനവില കുറക്കണമെന്നോ ​പ്രധാനമന്ത്രിയുമായി നടത്തിയ കൂടിക്കാഴ്​ചയിൽ ആവശ്യപ്പെടാൻ മുഖ്യമന്ത്രി തയാറായില്ലെന്ന്​ രമേശ്​ ചെന്നിത്തല പറഞ്ഞു. ഇന്ധനവില കുതിച്ചുയർന്നിട്ടും കേന്ദ്ര-സംസ്​ഥാന സർക്കാറുകൾ കണ്ടില്ലെന്ന്​ നടിക്കുകയാണെന്ന്​ ഉമ്മൻ ചാണ്ടി കുറ്റപ്പെടുത്തി.

ഷാഫി പറമ്പിൽ അധ്യക്ഷത വഹിച്ചു. എം.എം. ഹസൻ, കെ.സി. ജോസഫ്​, ടി. സിദ്ദിക്ക്​, വി.ടി. ബൽറാം, മാത്യു കുഴൽനാടൻ എം.എൽ.എ, എൻ.എസ്.​ നുസൂർ, റിജിൽ മാങ്കുറ്റി എന്നിവരും സംസാരിച്ചു.




Show Full Article
TAGS:Youth Congress petrol price petrol Deisel fuel price 
News Summary - Youth Congress march 100 km on 100 bicycle to protest against petrol price hike
Next Story