കൃപേഷും ശരത്തും സി.പി.എമ്മി​െൻറ രക്തദാഹത്തിനിര- എം.എം.ഹസ്സന്‍

തിരുവനന്തപുരം: സി.പി.എമ്മി​​െൻറ രക്തദാഹം അവസാനിച്ചിട്ടില്ലെന്നതി​​െൻറ തെളിവാണ് കാസര്‍ഗോഡ് യൂത്ത് കോണ്‍ഗ്ര സ് പ്രവര്‍ത്തകരായ കൃപേഷി​​െൻറയും ശരത്‌ലാലി​​െൻറയും ക്രൂരമായ കൊലപാതകമെന്ന് മുന്‍ കെ.പി.സി.സി പ്രസിഡൻറ്​ എം.എം. ഹസ്സന്‍. സി.പി.എം നേതൃത്വം നല്‍കുന്ന എല്‍.ഡി.എഫി​​െൻറ കേരളരക്ഷായാത്ര കടന്ന് പോയതിന് പിന്നാലെ ആസൂത്രിതമായ ഈ കൊല പാതകം നടത്തിയത് സി.പി.എം. പ്രവര്‍ത്തകരാണ്. ആരാച്ചാരുടെ അഹിംസാ പ്രസംഗം പോലെയാണ് സമാധാന മുദ്രാവാക്യം മുഴക്കി കോടിയേരി ബാലകൃഷ്ണന്‍ നടത്തുന്ന രക്ഷായാത്രയെന്നും എം.എം.ഹസ്സന്‍ പരിഹസിച്ചു.

കണ്ണൂരില്‍ സി.പി.എമ്മുകാര്‍ ക്രൂരമായി കൊലപ്പെടുത്തിയ ഷുഹൈബി​​െൻറ ഒന്നാം ചരമവാര്‍ഷികം ആചരിക്കുമ്പോള്‍ സി.പി.എം ന
ത്തിയ ഈ കൊലപാതകത്തിലൂടെ വെളിപ്പെടുന്നത് രാഷ്ട്രീയ എതിരാളികളെ ഉന്‍മൂലനാശം ചെയ്താലല്ലാതെ അവര്‍ അടങ്ങില്ലെന്ന പ്രഖ്യാപനമാണ്. ഭരണസ്വാധീനത്തി​​െൻറ മറവില്‍ പൊലീസി​​െൻറ മൗനാനുവാദത്തോടെ നടന്ന കൊലപാതകത്തിന് ഉത്തരവാദികളായവരെ ഉടന്‍ അറസ്റ്റ് ചെയ്യാന്‍ തയാറകണം. അല്ലാത്തപക്ഷം സര്‍ക്കാരിനെതിരെ ശക്തമായ പ്രക്ഷോഭം ഉണ്ടാകുമെന്നും അദ്ദേഹം മുന്നറിയിപ്പ്​ നൽകി.
കൊലപാതക രാഷ്ട്രീയത്തിലൂടെ കേരളത്തെ ചോരക്കളമാക്കുന്ന സി.പി.എമ്മി​​െൻറ അക്രമത്തെ പ്രതിഷേധിക്കാന്‍ എല്ലാ ജനാധിപത്യവിശ്വാസികളും തയാറാകണമെന്നും ഹസ്സൻ പറഞ്ഞു.