സെക്യൂരിറ്റി ജീവനക്കാരുടെ മർദനത്തിനിരയായ യുവാവിന്‍റെ അമ്മൂമ്മ മരിച്ചു

തി​രു​വ​ന​ന്ത​പു​രം: മെഡിക്കൽ കോളേജ് ആശുപത്രിയിൽ സെക്യൂരിറ്റി ജീവനക്കാരുടെ സംഘം ചേർന്നുള്ള ആക്രമത്തിനിരയായ അരുൺ ദേവിന്‍റെ അമ്മൂമ്മ മരിച്ചു. നെഞ്ചു വേദനയെ തുടർന്ന് മെഡിക്കൽ കോളജ് ആശുപത്രിയിൽ ചികിത്സയിലായിരുന്ന രാജമ്മാൾ ആണ് മരിച്ചത്. ഇന്നലെ രാത്രിയോടെയായിരുന്നു മരണം. മൃതദേഹം നാട്ടിലേക്ക് കൊണ്ടുപോയി.

Also Read:കൂട്ടിരിപ്പുകാരന്​ തി​രു​വ​ന​ന്ത​പു​രം മെഡിക്കൽ കോളജ്​ സുരക്ഷ ജീവനക്കാരുടെ ക്രൂരമർദനം

രാജമ്മാളിന് കൂട്ടിരിക്കാൻ എത്തിയപ്പോഴായിരുന്നു ചി​റ​യി​ൽ​കീ​ഴ് കി​ഴു​വി​ലം സ്വ​ദേ​ശി അ​രു​ൺ​ ദേ​വിനെ (28) ആശുപത്രി ഗേറ്റിലെ സെക്യൂരിറ്റി ജീവനക്കാർ ക്രൂരമായി മർദിച്ചത്. മു​ത്ത​ശ്ശി​യു​ടെ പ​രി​ശോ​ധ​നാ ഫ​ല​ങ്ങ​ൾ വാ​ങ്ങാ​നാ​യി ആ​ശു​പ​ത്രി​ക്ക് പു​റ​ത്തി​റ​ങ്ങി​യ അ​രു​ൺ​ദേ​വ് തി​രി​കെ വ​രു​മ്പോ​ൾ ബ​ന്ധു ഒ​പ്പ​മു​ണ്ടാ​യി​രു​ന്നു. സെക്യൂരിറ്റി ജീ​വ​ന​ക്കാ​ര​നോ​ട് ബ​ന്ധു​വി​നെ കൂ​ടി ഉ​ള്ളി​ൽ പ്ര​വേ​ശി​പ്പി​ക്ക​ണ​മെ​ന്ന് അ​ഭ്യ​ർ​ഥി​ച്ചു. വി​സ​മ്മ​തി​ച്ച സെക്യൂരിറ്റി ജീവനക്കാരൻ പ്ര​വേ​ശ​ന പാ​സ് വാ​ങ്ങി മ​ട​ക്കി ന​ൽ​കി​യി​ല്ല. പാ​സ് മ​ട​ക്കി​ന​ൽകാൻ അ​രു​ൺ​ദേ​വ് ആ​വ​ശ്യ​പ്പെ​ട്ട​തോ​ടെ സെക്യൂരിറ്റി ജീവനക്കാരൻ പാ​സ് കീ​റി​യെ​റി​ഞ്ഞു. ഇ​തേതു​ട​ർ​ന്നു​ണ്ടാ​യ വാ​ക്കു​ത​ർ​ക്ക​ത്തി​നൊ​ടു​വി​ൽ അ​രു​ൺ​ദേ​വി​നെ ഒ​രു സു​ര​ക്ഷ ഉ​ദ്യോ​ഗ​സ്ഥ​ൻ പി​ടി​ച്ചു​ത​ള്ളി. സം​ഭ​വം ചി​ല​ർ മൊ​ബൈ​ലി​ൽ പ​ക​ർ​ത്താ​ൻ തു​ട​ങ്ങി​യ​തോ​ടെ അ​രു​ൺ​ ദേ​വി​നെ ബ​ല​മാ​യി പി​ടി​ച്ചു​വ​ലി​ച്ച്‌ സെ​ക്യൂ​രി​റ്റി റൂ​മി​നു പി​ന്നി​ലേ​ക്ക് കൊ​ണ്ടു​പോ​യി സം​ഘം ചേ​ർ​ന്ന് ക്രൂ​ര​മാ​യി മ​ർ​ദി​ക്കു​ക​യാ​യി​രു​ന്നു.

Also Read:രോ​ഗി​യു​ടെ കൂട്ടിരിപ്പുകാരനെ മർദിച്ച സുരക്ഷ ജീവനക്കാർ അറസ്റ്റിൽ

സംഭവത്തിൽ നേരത്തെ രണ്ടു സെക്യൂരിറ്റി ജീവനക്കാർ അറസ്റ്റിലായിട്ടുണ്ട്. സ്വകാര്യ സുരക്ഷാ ജീവനക്കാരായ വിഷ്ണു, രതീഷ് എന്നിവരെ മെ​ഡി​ക്ക​ൽ കോ​ള​ജ് പൊ​ലീ​സ് ആണ് അറസ്റ്റ് ചെയ്തത്. അ​രു​ൺ​ദേ​വ് നൽകിയ പ​രാ​തിയിലാണ് പൊ​ലീ​സി​ന്‍റെ നടപടി.