കോഴിക്കോട്ട് ആൾക്കൂട്ടക്കൊല; യുവാവിനെ സംഘം ചേർന്ന് മർദിച്ച് കൊലപ്പെടുത്തി; പിതാവും രണ്ടുമക്കളുമടക്കം 10 പേർ അറസ്റ്റിൽ

കോ​ഴി​ക്കോ​ട്: മാ​യ​നാ​ട് യു​വാ​വി​നെ സം​ഘം ചേ​ർ​ന്ന് മ​ർ​ദി​ച്ച് കൊ​ല​പ്പെ​ടു​ത്തി. പാ​ല​ക്കോ​ട്ടു​വ​യ​ൽ അ​മ്പ​ല​ക്ക​ണ്ടി കി​ഴ​ക്ക​യി​ൽ എം.​കെ. ബോ​ബി​യു​ടെ മ​ക​ൻ സൂ​ര​ജാ​ണ് (20) ​കൊ​ല്ല​പ്പെ​ട്ട​ത്. സം​ഭ​വ​ത്തി​ൽ പാ​ല​ക്കോ​ട്ടു​വ​യ​ൽ പെ​ര​യാ​ട്ടി​ൽ മ​നോ​ജ് കു​മാ​ർ (49), മ​ക്ക​ളാ​യ അ​ജ​യ് മ​നോ​ജ് (20), വി​ജ​യ് മ​നോ​ജ് (19), പ​ങ്കാ​ളി​ക​ളാ​യ അ​ന​ന്തു കൃ​ഷ്ണ (20), അ​ശ്വി​ൻ ശ​ങ്ക​ർ (18), യ​ദു​കൃ​ഷ്ണ (20), അ​ഭി​ശാ​ന്ത് (21), വി​ജ​യ് കൃ​ഷ്ണ (21), നി​ഹ​ൽ (20) എ​ന്നി​വ​രെ​യാ​ണ് ചേ​വാ​യൂ​ർ ഇ​ൻ​സ്പെ​ക്ട​ർ എ​സ്. സ​ജീ​വ് അ​റ​സ്റ്റു​ചെ​യ്ത​ത്. പ്രാ​യ​പൂ​ർ​ത്തി​യാ​കാ​ത്ത ഒ​രാ​ള​ും അ​റ​സ്റ്റി​ലാ​യി​ട്ടു​ണ്ട്.

ശ​നി​യാ​ഴ്ച രാ​ത്രി 11.30ഓ​ടെ​യാ​ണ് നാ​ടി​നെ ന​ടു​ക്കി​യ സം​ഭ​വം. പാ​ല​ക്കോ​ട്ടു​വ​യ​ൽ തി​രു​ത്തി​ക്കാ​വ് ക്ഷേ​​ത്രോ​ത്സ​വ​ത്തി​നി​ടെ റോ​ഡി​ലേ​ക്ക് കൂ​ട്ടി​ക്കൊ​ണ്ടു​പോ​യാ​ണ് സൂ​ര​ജി​നെ സം​ഘം​ചേ​ർ​ന്ന് ക്രൂ​ര​മാ​യി മ​ർ​ദി​ച്ച​ത്. ക​ഴു​ത്തി​നും വാ​രി​യെ​ല്ലി​നു​മു​ൾ​പ്പെ​ടെ ഗു​രു​ത​ര പ​രി​ക്കേ​റ്റ ഇ​യാ​ളെ നാ​ട്ടു​കാ​ർ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ എ​ത്തി​ച്ചെ​ങ്കി​ലും ജീ​വ​ൻ ര​ക്ഷി​ക്കാ​നാ​യി​ല്ല. ചെ​ത്തു​ക​ട​വ് എ​സ്.​എ​ൻ.​ഇ.​എ​സ് കോ​ള​ജി​ൽ ബി​രു​ദ വി​ദ്യാ​ർ​ഥി​ക​ൾ ത​മ്മി​ലു​ണ്ടാ​യ ത​ർ​ക്ക​ത്തി​ന്റെ തു​ട​ർ​ച്ച​യാ​യി വി​ദ്യാ​ർ​ഥി​ക​ൾ സു​ഹൃ​ത്തു​ക്ക​ളെ സം​ഘ​ടി​പ്പി​ച്ച് ഏ​റ്റു​മു​ട്ടു​ക​യാ​യി​രു​ന്നു.

സൂ​ര​ജി​ന്റെ സു​ഹൃ​ത്ത് അ​ശ്വ​ന്തും അ​റ​സ്റ്റി​ലാ​യ വി​ജ​യ് മ​നോ​ജും എ​സ്.​എ​ൻ.​ഇ.​എ​സ് കോ​ള​ജി​ലെ വി​ദ്യാ​ർ​ഥി​ക​ളാ​ണ്. കോ​ള​ജി​ൽ നേ​ര​ത്തേ ഇ​വ​ർ ത​മ്മി​ൽ നി​സ്സാ​ര കാ​ര്യ​ത്തി​ന് ത​ർ​ക്ക​മു​ണ്ടാ​യി​രു​ന്നു. തു​ട​ർ​ന്ന് ശ​നി​യാ​ഴ്ച രാ​ത്രി തി​രു​ത്തി​ക്കാ​വി​ലെ ഉ​ത്സ​വ​ത്തി​നെ​ത്തി​യ അ​ശ്വ​ന്തി​നെ വി​ജ​യി​യും സു​ഹൃ​ത്തു​ക്ക​ളും ത​ട​ഞ്ഞു. ത​ർ​ക്ക​ത്തി​ൽ അ​ശ്വ​ന്തി​നാ​യി സൂ​ര​ജ് ഇ​ട​പെ​ടു​ക​യും ത​ർ​ക്കം താ​ൽ​ക്കാ​ലി​ക​മാ​യി ഒ​ഴി​വാ​ക്കു​ക​യും ചെ​യ്തു. പി​ന്നീ​ട് അ​ശ്വ​ന്തി​നെ ത​ട​യാ​നെ​ത്തി​യ സം​ഘം സൂ​ര​ജി​നെ​തി​രെ തി​രി​യു​ക​യാ​യി​രു​ന്നു. ഇ​തി​നി​ടെ അ​ശ്വ​ന്തും വി​ജ​യി​യും ത​മ്മി​ലു​ള്ള ത​ർ​ക്കം ത​ല്ലി​ത്തീ​ർ​ക്ക​ട്ടെ എ​ന്നു​പ​റ​ഞ്ഞ് അ​റ​സ്റ്റി​ലാ​യ മ​നോ​ജ​ട​ക്കം പ്ര​കോ​പ​ന​മു​ണ്ടാ​ക്കി.

ത​ർ​ക്കം ശാ​ന്ത​മാ​ക്കാ​ൻ ശ്ര​മി​ച്ച സൂ​ര​ജി​നെ സം​ഘം ഉ​ത്സ​വ​സ്ഥ​ല​ത്തു​നി​ന്ന് സ​മീ​പ​ത്തെ വ​ഴി​യി​ലേ​ക്ക് കൂ​ട്ടി​ക്കൊ​ണ്ടു​പോ​യാ​ണ് ക്രൂ​ര​മാ​യി മ​ർ​ദി​ച്ച​ത്. സം​ഘം​ചേ​ർ​ന്നു​ള്ള മ​ർ​ദ​ന​ത്തി​ൽ പ​രി​ക്കേ​റ്റ് നി​ല​ത്തു​വീ​ണ സൂ​ര​ജി​നെ ശ​രീ​ര​മാ​കെ ച​വി​ട്ടു​ക​യും ചെ​യ്തു. സം​ഭ​വ​മ​റി​ഞ്ഞ് പ്ര​തി​ക​ളു​ടെ വീ​ട് രാ​ത്രി ഒ​രു​വി​ഭാ​ഗം ആ​ളു​ക​ൾ ആ​ക്ര​മി​ച്ചു. വീ​ടി​ന്റെ മു​റ്റ​ത്തു​ണ്ടാ​യി​രു​ന്ന റി​റ്റ്സ് കാ​റി​ന്റെ ചി​ല്ലു​ക​ളും വീ​ടി​ന്റെ ജ​ന​ൽ ചി​ല്ലു​ക​ളും എ​റി​ഞ്ഞു​ട​ക്കു​ക​യും ബൈ​ക്ക് മ​റി​ച്ചി​ടു​ക​യും ചെ​യ്തു.

മു​ഴു​വ​ൻ പ്ര​തി​ക​ളെ​യും ഉ​ട​ൻ അ​റ​സ്റ്റു​ചെ​യ്യ​ണ​മെ​ന്നാ​വ​ശ്യ​പ്പെ​ട്ട് നാ​ട്ടു​കാ​ർ സി.​ഡ​ബ്ല്യു.​ആ​ർ.​ഡി.​എം റോ​ഡ് ഉ​പ​രോ​ധി​ച്ചു. പ്ര​തി​ക​ളു​ടെ വീ​ടി​ന് ചേ​വാ​യൂ​ർ പൊ​ലീ​സ് കാ​വ​ലേ​ർ​പ്പെ​ടു​ത്തി​യി​ട്ടു​ണ്ട്.

ചേ​വ​ര​മ്പ​ല​ത്തെ കാ​ർ ക​മ്പ​നി​യി​ൽ ടെ​ക്നീ​ഷ്യ​നാ​ണ് സൂ​ര​ജ്. മാ​താ​വ്: ര​സ്ന. സ​ഹോ​ദ​ര​ൻ: ആ​ദി​ത്യ​ൻ (സി.​ആ​ർ.​സി ചേ​വാ​യൂ​ർ). മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലെ പോ​സ്റ്റു​മോ​ർ​ട്ട​ത്തി​നു​ശേ​ഷം മൃ​ത​ദേ​ഹം വീ​ട്ടു​വ​ള​പ്പി​ൽ സം​സ്ക​രി​ച്ചു.