തൃശൂര്‍ റെയില്‍വേ സ്റ്റേഷനില്‍ പെട്രോളുമായി യുവാവ് പിടിയിൽ

തൃശൂര്‍: തൃ​ശൂര്‍ റെയില്‍വേ സ്റ്റേഷനില്‍ രണ്ടരലിറ്റര്‍ പെട്രോളുമായി യുവാവിനെ ആര്‍.പി.എഫ് പിടികൂടി. കോട്ടയം സ്വദേശി സേവിയര്‍ വര്‍ഗീസാണ് പെട്രോളുമായി പിടിയിലായത്.

ബംഗളൂരു-കന്യാകുമാരി എക്‌സ്പ്രസിലാണ് ഇയാൾ തൃശൂരിൽ എത്തിയത്. ട്രെയിനില്‍ പാഴ്‌സലായി അയച്ച ബൈക്കിലുണ്ടായിരുന്ന പെട്രോളാണ് താന്‍ കൈയില്‍ സൂക്ഷിച്ചിരുന്നതെന്ന് യുവാവ് ആര്‍.പി.എഫിന് മൊഴി നല്‍കി.