കഞ്ചാവ്​ ലഹരിയിൽ യുവാവ് ബാർബർ ഷോപ് അടിച്ചുതകർത്തു

കാഞ്ഞങ്ങാട്​: കഞ്ചാവ്​ ലഹരിയിലെത്തിയ യുവാവ്​ കാഞ്ഞങ്ങാട്​ നഗരത്തിലെ ബാർബർ ഷോപ് അടിച്ചുതകർത്തു. ചൊവ്വാഴ്​ച രാത്രിയിലാണ്​ സംഭവം.

തിങ്കളാഴ്​ച രാത്രി വൈകി നയാ ബസാറിലെ കടയിൽ മുടിമുറിക്കാനെത്തിയ കാരാട്ട്​ നൗഷാദ്​ എന്ന യുവാവിനോട്​ കട അടക്കാറായതിനാൽ രാവിലെ വരാൻ ആവശ്യപ്പെട്ടിരുന്നു. എന്നാൽ, പറ്റി​ല്ലെന്നും ഇപ്പോൾ മുടിവെട്ടണമെന്നും ആവശ്യപ്പെട്ടു.

കട അടച്ചതിനാൽ പറ്റില്ലെന്ന്​ മറുപടി നൽകിയപ്പോൾ, നാളെ കാണിച്ചുതരാം എന്ന്​ ഭീഷണി മുഴക്കി ഇയാൾ പോവുകയായിരുന്നു. ചൊവ്വാഴ്​ച രാത്രി വീണ്ടുമെത്തിയാണ്​ ബാർബർ ഷോപ്​ അടിച്ചുതകർത്തത്​. ​

നാട്ടുകാരും പൊലീസും ചേർന്ന്​ ബലപ്രയോഗത്തിലൂടെയാണ്​ നൗഷാദിനെ കീഴടക്കിയത്​. ഹോസ്​ദുർഗ്​ പൊലീസ്​ നൗഷാദിനെതിരെ കേസ്​ രജിസ്​റ്റർ ചെയ്​തു.