ഗൾഫിൽ നിന്നെത്തിയ സുഹൃത്തിന്​​ ക്വാറ​ൈൻറനിൽ കഴിയാൻ വീടൊഴിഞ്ഞ്​ യുവാവ്​; ഇത്​ കോവിഡ്​ കാലത്തെ വേറിട്ട മാതൃക

കൊടുങ്ങല്ലൂർ (തൃശൂർ): ഗൾഫിൽനിന്ന്​ വരുന്ന പ്രവാസികൾക്ക്​ മുന്നിൽ വാതിൽ കൊട്ടിയടക്കുന്ന ഈ കോവിഡ്​ കാലത്ത്​ നന്മയുടെ വേറിട്ട മാതൃകയാവുകയാണ് എറിയാടുകാരൻ സുധീർ അലി. ഗൾഫിൽനിന്ന്​ മടങ്ങിയെത്തിയ സുഹൃത്ത്​ കൈലാസന്​​ ക്വാറ​ൈൻറനിൽ കഴിയാൻ സ്വന്തം വീട്​ വിട്ടുനൽകിയാണ്​ ഇദ്ദേഹം സമൂഹത്തിന്​ ശക്​തമായ സന്ദേശം നൽകുന്നത്​. 

ജീവിതം കരക്കടുപ്പിക്കാൻ ഗൾഫിലേക്ക് പോയതായിരുന്നു കൈലാസൻ. ദുരിതകാലത്ത് ജോലിയൊന്നും ലഭിക്കാതെ നാട്ടിലേക്ക് മടങ്ങേണ്ടി വന്നു. ​ക്വാറ​ൈൻറൻ സൗകര്യമില്ലാത്ത കൂരയിലേക്കായിരുന്നു തിരിച്ചുവന്നത്​. സുഹൃത്തിൻെറ ഇല്ലായ്മകൾ കണ്ടറിഞ്ഞ സുധീർ അലി സ്വന്തം വീട് കൈലാസന് ക്വാറ​ൈൻറനിൽ കഴിയാൻ വിട്ടുനൽകി. കുടുംബത്തോടൊപ്പം സമീപത്തെ അംഗൻവാടിയിലേക്ക് മാറാനായിരുന്നു സുധീർ തീരുമാനിച്ചിരുന്നത്​. 

ഇതിനിടെ വിവരം അറിഞ്ഞ സഹോദരി അവരുടെ അധീനതയിലുള്ള വീട് സുധീർ അലിക്ക്​ വിട്ടുനൽകി. ഗൾഫിൽനിന്ന്​ വന്ന സുഹൃത്തിന്​ വീട് ക്വാറ​ൈൻറൻ സൗകര്യത്തിന്​ വിട്ടുകൊടുത്ത സുധീർ അലിയെ പ്രസിഡൻറ് പ്രസാദിനി മോഹൻെറ നേതൃത്വത്തിൽ ഗ്രാമപഞ്ചായത്ത് ആദരിച്ചു. എറിയാട് പേബസാർ പടിഞ്ഞാറ് തറപറമ്പിൽ കൊച്ചലിയുടെ മകനായ സുധീർ അലി മരപ്പണി തൊഴിലാളിയാണ്.
 

LATEST VIDEOS