മദ്യാസക്തി; ഷേവിങ്​ ലോഷൻ കുടിച്ച യുവാവ് മരിച്ചു

കായംകുളം: മദ്യത്തിന് പകരം ഷേവിങ്​ ലോഷൻ കുടിച്ച യുവാവ് മരിച്ചു. കറ്റാനം ഇലിപ്പക്കുളം തോപ്പിൽ വീട്ടിൽ വാടകക്ക് താമസിക്കുന്ന പുത്തൻതെരുവ് പനച്ചമൂട് യൂനുസി​െൻറ മകൻ നൗഫലാണ് (38) മരിച്ചത്. മദ്യഷാപ്പുകൾ പൂട്ടിയതോടെ രണ്ടുദിവസമായി ഇയാൾ ഇത്​ ഉപയോഗിച്ചിരുന്നതായി പറയുന്നു.

ശനിയാഴ്ച രാവിലെ അസ്വസ്ഥത തോന്നിയ ഇയാളെ സമീപത്തെ സ്വകാര്യ ആശുപത്രിയിലും തുടർന്ന് തിരുവനന്തപുരത്തെ സ്പെഷാലിറ്റി ആശുപത്രിയിലും എത്തിച്ചെങ്കിലും മരിച്ചു. കിണർമുക്കിലെ ബാർബർ ഷോപ്പിലെ ജീവനക്കാരനായിരുന്നു.

മൃതദേഹം തിരുവനന്തപുരം മെഡിക്കൽ കോളജ് ആശുപത്രി മോർച്ചറിയിൽ. ഭാര്യ: സബീന. മക്കൾ: നാസിയ, നാസിക്, നൗറിൻ. ഖബറടക്കം ഞായറാഴ്ച ഉച്ചക്കുശേഷം കരുനാഗപ്പള്ളി ആദിനാട് ജുമാമസ്ജിദ്​ ഖബർസ്ഥാനിൽ.