11കാരിയെ ലൈംഗിക അതിക്രമത്തിനിരയാക്കാൻ ശ്രമം; യുവാവ് അറസ്റ്റിൽ

കല്‍പ്പറ്റ: പെണ്‍കുട്ടിയെ ലൈംഗിക അതിക്രമത്തിനിരയാക്കാന്‍ ശ്രമിച്ചെന്ന പരാതിയില്‍ യുവാവ് അറസ്റ്റിൽ. വെള്ളമുണ്ട പുളിഞ്ഞാല്‍ നമ്പന്‍ വീട്ടില്‍ മുഹമ്മദ് യാസീന്‍ (27) ആണ് അറസ്റ്റിലായത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.

കഴിഞ്ഞ മാര്‍ച്ചിലാണ് സംഭവം. യുവാവ് പീഡിപ്പിക്കാന്‍ ശ്രമിച്ച കാര്യം പെൺകുട്ടി അധ്യാപികയോട് വെളിപ്പെടുത്തുകയായിരുന്നു. തുടർന്ന് സ്കൂള്‍ അധികൃതര്‍ വിവരം കുട്ടിയുടെ വീട്ടില്‍ അറിയിക്കുകയും പൊലീസില്‍ വിവരമറിയിക്കുകയും ചെയ്തു.

പെൺകുട്ടിയുടെ വിശദമായ മൊഴിയുടെ അടിസ്ഥാനത്തിൽ പോക്സോയും മറ്റു വകുപ്പുകളും ചുമത്തി യുവാവിനെതിരെ കേസെടുത്ത് അറസ്റ്റ് ചെയ്യുകയായിരുന്നു.