യോഗ കേ​ന്ദ്രത്തിനെതിരെ ഫലപ്രദമായ അന്വേഷണം നടക്കുന്നുണ്ടെന്ന്​ സർക്കാർ ഹൈകോടതിയിൽ

കൊച്ചി: മിശ്ര വിവാഹിതയായ യുവതിയെ തടങ്കലിൽ വെച്ചു പീഡിപ്പിച്ചെന്ന കേസിൽ തൃപ്പൂണിത്തുറയിലെ ശിവശക്​തി യോഗ കേ​ന്ദ്രത്തിനെതിരെ ഫലപ്രദമായ അന്വേഷണം നടക്കുന്നുണ്ടെന്ന്​ സർക്കാർ ഹൈകോടതിയിൽ. നിർബന്ധിത മതപരിവർത്തന കേന്ദ്രങ്ങൾക്കെതിരെ ശക്​തമായ നടപടിയെടുക്കുമെന്നും സർക്കാർ ഹൈകോടതിയിൽ ബോധിപ്പിച്ചു.

യോഗ കേന്ദ്രത്തിനെതിരെ നൽകിയ പരാതിയിൽ ശരിയായ അന്വേഷണം നടക്കുന്നില്ലെന്ന്​ പരാതിക്കാരിയും തൃശൂർ സ്വദേശി റി​േൻറാ ഐസകി​​െൻറ ഭാര്യയുമായ ഡോ. ശ്വേത കോടതിയിൽ പരാതിപ്പെട്ടപ്പോഴാണ്​ സർക്കാർ അഭിഭാഷകൻ ഇക്കാര്യം വ്യക്​തമാക്കിയത്​. 

ശ്വേതയെ വിട്ടുകിട്ടാൻ റി​േൻറാ നൽകയ ഹേബിയസ്​ കോർപസ്​ ഹരജിയിലാണ്​ യോഗ കേന്ദ്രത്തിലെ പീഢനം ചൂണ്ടിക്കാട്ടി യുവതി പരാതി നൽകിയിരുന്നത്​. മതസ്​പർദ്ധയുണ്ടാക്കലുൾപ്പെടെയുള്ള കാര്യങ്ങൾ സംബന്ധിച്ച്​ പരാതി നൽകിയെങ്കിലും ഇത്​ രേഖപ്പെടുത്തിയിട്ടില്ലെന്നാണ്​ ശ്വേതയുടെ പരാതി. സാക്ഷികളുടെ മൊഴി രേഖപ്പെടുത്തിയിട്ടുമില്ല. സർക്കാറി​​െൻറ വിശദീകരണത്തെ തുടർന്ന് ഹരജി തിങ്കളാഴ്​ച പരിഗണിക്കാനായി മാറ്റി. യോഗ കേന്ദ്രത്തിനെതിരെ സമാന പരാതിയുള്ള കണ്ണൂർ സ്വദേശിനി ശ്രുതിയുടെ ഹരജിയിൽ കോടതി വ്യാഴാഴ്​ച വിധി പറഞ്ഞു.