വർഷം രണ്ട്​, ഉത്തരമില്ലാതെ മരുന്ന്​ ഗോഡൗൺ തീപിടിത്തങ്ങൾ

തി​രു​വ​ന​ന്ത​പു​രം: ആ​രോ​ഗ്യ​വ​കു​പ്പി​ന്​ കീ​ഴി​ലു​ള്ള ​കെ.​എം.​എ​സ്.​സി.​എ​ല്ലി​ന്‍റെ മ​രു​ന്ന്​ സം​ഭ​ര​ണ​ശാ​ല​ക​ളി​ലെ തീ​പി​ടി​ത്തം​ ര​ണ്ടു​വ​ർ​ഷം​ പി​ന്നി​ടു​മ്പോ​ഴും അ​ന്വേ​ഷ​ണ​വും ന​ട​പ​ടി​യും പു​ക​യാ​യി. റി​പ്പോ​ർ​ട്ട്​ തേ​ട​ലും അ​ന്വേ​ഷ​ണ പ്ര​ഖ്യാ​പ​ന​വു​മെ​ല്ലാം മു​റ​പോ​ലെ ന​ട​ന്നെ​ങ്കി​ലും 10 ദി​വ​സ​ത്തി​നു​ള്ളി​ൽ മൂ​ന്ന്​​ ജി​ല്ല​ക​ളി​ലെ മ​രു​ന്ന്​ ഗോ​ഡൗ​ൺ ഒ​രു​പോ​ലെ ക​ത്തി​യ​തി​ന്​​ കാ​ര​ണം​​ ഇ​ന്നും അ​ജ്ഞാ​തം. കോ​ഴി​ക്കോ​ട്​ മെ​ഡി​ക്ക​ൽ കോ​ള​ജി​ൽ അ​ഞ്ചു​പേ​രു​ടെ ജീ​വ​നെ​ടു​ത്ത തീ​പ്പ​ട​ർ​ച്ച​യു​ടെ പ​ശ്ചാ​ത്ത​ല​ത്തി​ലാ​ണ്​ കോ​ടി​ക​ളു​ടെ മ​രു​ന്ന്​ ക​ത്തി​യ​മ​ർ​ന്ന ഗോ​ഡൗ​ൺ തീ​പി​ടി​ത്ത​ത്തെ​ക്കു​റി​ച്ചും ചോ​ദ്യ​മു​യ​ർ​ന്ന​ത്.

2023 മേ​യ്​ 17 നാ​ണ്​ കൊ​ല്ലം ഉ​ളി​യ​ക്കോ​വി​ലി​ലെ ​മ​രു​ന്ന്​ സം​ഭ​ര​ണ​ശാ​ല​ക്ക്​ തീ​പി​ടി​ച്ച​ത്. മേ​യ്​ 23ന്​ ​തി​രു​വ​ന​ന്ത​പു​ര​ത്തെ​യും മേ​യ്​ 27ന്​ ​ആ​ല​പ്പു​ഴ​യി​ലെ​യും​ ഗോ​ഡൗ​ൺ സ​മാ​ന നി​ല​യി​ൽ ക​ത്തി. മൂ​ന്നി​ട​ത്തും തീ​പ​ട​ർ​ന്ന​ത്​ രാ​ത്രി. കൊ​ല്ല​ത്ത്​ 10 കോ​ടി രൂ​പ​യു​ടെ​യും തി​രു​വ​ന​ന്ത​പു​ര​ത്ത് 1.22 കോ​ടി​യു​ടെ​യും ആ​ല​പ്പു​ഴ​യി​ൽ 15 ല​ക്ഷം രൂ​പ​യു​ടെ​യും നാ​ശ​ന​ഷ്ട​മു​ണ്ടാ​യി.

തി​രു​വ​ന​ന്ത​പു​ര​ത്ത്​ തീ ​അ​ണ​യ്ക്കു​ന്ന​തി​നി​ടെ, ഫ​യ​ർ​ഫോ​ഴ്​​സ്​ ഉ​ദ്യോ​ഗ​സ്ഥ​​ന്‍റെ ജീ​വ​നും ന​ഷ്ട​പ്പെ​ട്ടു. ഇ​ത്ര ഗു​രു​ത​ര നാ​ശ​ന​ഷ്ട​ങ്ങ​ളു​ണ്ടാ​യി​ട്ടും അ​തി​ന്‍റെ ഗൗ​ര​വ​മൊ​ന്നും ആ​രോ​ഗ്യ​വ​കു​പ്പി​നു​ണ്ടാ​യി​ല്ല. അ​തി​ന്‍റെ ഏ​റ്റ​വും വ​ലി​യ തെ​ളി​വാ​ണ്​ ര​ണ്ടു​​വ​ർ​ഷ​മാ​യി​ട്ടും കാ​ര​ണം പോ​ലും ക​ണ്ടെ​ത്താ​നാ​കാ​ത്ത​ത്. തീ​പി​ടി​ത്ത​ത്തി​ലെ സ​മാ​ന​ത​ക​ളെ കു​റി​ച്ച്​ അ​ന്നേ ദു​രൂ​ഹ​ത ഉ​യ​ർ​ന്നി​രു​ന്നു.

ഗു​ണ​നി​ല​വാ​ര​മി​ല്ലാ​ത്ത ബ്ലീ​ച്ചി​ങ് പൗ​ഡ​റാ​ണ് തീ​പി​ടി​ത്ത കാ​ര​ണ​മെ​ന്ന ആ​രോ​ഗ്യ​വ​കു​പ്പി​ന്‍റെ വാ​ദം ഡ്ര​ഗ്സ് ക​ൺ​ട്രോ​ൾ വി​ഭാ​ഗ​ത്തി​ന്‍റെ പ​രി​ശോ​ധ​ന​യോ​ടെ ആ​ദ്യം ത​ന്നെ അ​സ്ഥാ​ന​ത്താ​യി​രു​ന്നു. ബ്ലീ​ച്ചി​ങ്​ പൗ​ഡ​റി​ന്‍റെ രാ​സ​പ്ര​തി​പ്ര​വ​ർ​ത്ത​ന​മാ​ണ്​ കാ​ര​ണ​മെ​ന്നാ​യി​രു​ന്നു അ​ടു​ത്ത വാ​ദം. എ​ന്നാ​ൽ, എ​ന്തു​കൊ​ണ്ട്​ പ​ക​ൽ തീ​പി​ടി​ത്ത​മു​ണ്ടാ​യി​ല്ലെ​ന്ന ചോ​ദ്യ​ത്തി​ന്​ ഉ​ത്ത​ര​മു​ണ്ടാ​യി​ല്ല.

മ​ഴ​വെ​ള്ള​മോ മ​റ്റോ ബ്ലീ​ച്ചി​ങ്​ പൗ​ഡ​റി​ൽ ക​ല​ർ​ന്ന​ത്​ വ​ഴി​യു​ള്ള രാ​സ​പ്ര​വ​ർ​ത്ത​ന​മാ​ണ്​ കാ​ര​ണ​മെ​ന്നാ​യി പി​ന്നീ​ട്. തി​രു​വ​ന​ന്ത​പു​ര​ത്ത്​ സം​ഭ​വ​സ​മ​യം മ​ഴ​യു​ണ്ടാ​യി​രു​ന്നെ​ങ്കി​ലും ആ​ല​പ്പു​ഴ​യി​ലി​ല്ലാ​യി​രു​ന്നു. കൊ​ല്ല​ത്തെ തീ​പി​ടി​ത്തം മി​ന്ന​ൽ മൂ​ല​മാ​ണെ​ന്നാ​ണ്​ ​ആ​ദ്യം വാ​ദി​ച്ച​ത്. ഗോ​ഡൗ​ൺ ചു​മ​രു​ക​ളി​ലൊ​ന്നും വി​ള്ള​ലോ മി​ന്ന​ലേ​റ്റ അ​ട​യാ​ള​ങ്ങ​ളോ ഉ​ണ്ടാ​യി​രു​ന്നി​ല്ലെ​ന്ന്​ വ്യ​ക്ത​മാ​യ​തോ​ടെ,​ കാ​ര​ണ​ങ്ങ​ൾ മാ​റ്റി​പ്പി​ടി​ച്ചു. കോ​വി​ഡ് കാ​ല​ത്ത് അ​മി​ത നി​ര​ക്കി​ൽ വാ​ങ്ങി​ക്കൂ​ട്ടി​യ പി.​പി.​ഇ കി​റ്റ്, കാ​ലാ​വ​ധി ക​ഴി​ഞ്ഞി​ട്ടും സൂ​ക്ഷി​ച്ചി​രി​ക്കു​ന്ന ഗു​ളി​ക​ക​ൾ, മ​രു​ന്നു​ക​ൾ, പ​ഞ്ഞി എ​ന്നി​വ​യാ​ണ് അ​ഗ്നി​ക്കി​ര​യാ​യ​ത്.