അതിജീവനത്തി​െൻറ കേരള പാഠങ്ങൾ

നിപ സൃഷ്​ടിച്ച ഭീതിയിൽനിന്ന്​ തുടങ്ങി മഹാപ്രളയത്തിൽ മുങ്ങിയ കേരള ജനതയുടെ അതിജീവനത്തി​​​​​​​െൻറ വർഷമായിരു ന്നു കടന്നുപോയത്​. 2018 മേയിലാണ്​ കേരളത്തിൽ നിപ വൈറസി​​​​​​​െൻറ സംക്രമണം ഉണ്ടായതായി പുണെയിലെ ദേശീയ വൈറോളജി ഇൻസ ്​റ്റിറ്റ്യൂട്ട് സ്ഥിരീകരിക്കുന്നത്​. തുടർന്നുള്ള മാസങ്ങളിൽ കേരളമെമ്പാടും ഭീതിവിതച്ച നിപ 16 ജീവനുകളാണ്​ എടുത ്തത്​. നൂറോളം പേർ വൈറസ്​ ബാധയേറ്റതായി സംശയിക്കപ്പെട്ട്​ ചികിത്സയിൽ കഴിഞ്ഞു. വൈറസ്​ ബാധയേറ്റ രണ്ടു​പേർ ജീവിത ത്തിലേക്ക്​ അത്ഭുതകരമായി തിരിച്ചുവന്നു. ആരോഗ്യവകുപ്പി​​​​​​​െൻറ നേതൃത്വത്തിലുള്ള കൃത്യവും ആസൂത്രിതവുമായ പ്രതിരോധ പ്രവർത്തനങ്ങളിലൂടെ നിപ ഭീതിയിൽനിന്ന്​ അധികംവൈകാതെ കേരളം മുക്​തമായി.

നൂറ്റാണ്ടു കണ്ട ഏറ്റവും ഭീകര പ്രളയം നട ന്ന വർഷം എന്ന നിലക്കാണ്​ 2018നെ കേരള ചരിത്രം അടയാളപ്പെടുത്തുക. കാസർകോട്​ ഒഴികെ കേരളത്തിലെ ഏതാണ്ടെല്ലാ ജില്ലകളെ യും ഗുരുതരമായി ബാധിച്ച പ്രളയം നിരവധി ജീവനുകളെടുത്തു. അനേകായിരം പേർക്ക്​ വീടും ജീവനോപാധികളും നഷ്​ടപ്പെട്ടു. കേ​ര​ള​ത്തി​ൽ 443 പേരാണ്​ പ്രളയക്കെടുതിയിൽ മരിച്ചത്​. 54.11 ല​ക്ഷം ജ​ന​ങ്ങ​ളെ​യാ​ണ്​ പ്ര​ള​യം ദു​രി​ത​ത്തി​ലാ​ക്കി​യ​ത്. 47,727 ഹെ​ക്​​ട​ർ കൃ​ഷി ന​ശി​ച്ചു. ​പ്രളയകാലത്ത്​ 14.52 ല​ക്ഷം പേ​ർ ദു​രി​താ​ശ്വാ​സ ക്യാ​മ്പു​ക​ളി​ലാ​ണ്​ ക​ഴി​ഞ്ഞ​ത്​.

സർവം മറന്ന ദുരിതാശ്വാസം
കേരളം ഒറ്റക്കെട്ടായി നിന്ന സമയമായിരുന്നു പ്രളയകാലം. മത, രാഷ്​ട്രീയ താൽപര്യങ്ങൾക്കപ്പുറത്ത്​ പ്രളയത്തിൽ അകപ്പെട്ടവരെ ജീവിതത്തിലേക്ക്​ തിരിച്ചുകൊണ്ടുവരാനായി കേരളമെമ്പാടും കൈയ്​മെയ്​ മറന്ന്​ പ്രവർത്തിച്ചു. രക്ഷാപ്രവർത്തനങ്ങളിൽ സർക്കാർ സംവിധാനങ്ങളെക്കാൾ പങ്കുവഹിച്ചത്​ മത്സ്യ​ത്തൊഴിലാളികൾ അടക്കുമുള്ളവരായിരുന്നു. സന്നദ്ധ സംഘടനകളും കൂട്ടായ്​മകളും ഒത്തുചേർന്നതോടെ രക്ഷാപ്രവർത്തനം സുഗമമായി. ​ആലപ്പുഴ ജില്ലയിലെ ചെങ്ങന്നൂരിനെയും കുട്ടനാടിനെയും ആണ്​​ പ്രളയം ഏറ്റവും ഭീകരമായി ബാധിച്ചത്​. ഇവിടങ്ങളിൽ പതിനായിരങ്ങൾ രണ്ടും മൂന്നും ദിവസം വീടുകളിൽ ഭക്ഷണമോ വെള്ളമോ കിട്ടാതെ കുടുങ്ങിക്കിടന്നു. മലയോര മേഖലകളിൽ ഉരുൾപൊട്ടലും മണ്ണിടിച്ചിലുമാണ്​ ഭീതിസൃഷ്​ടിച്ചത്​.

രക്ഷാപ്രവർത്തനം മുതൽ ദുരിതാശ്വാസക്യാമ്പുകളിലേക്ക്​ അവശ്യസാധനങ്ങൾ എത്തിക്കുന്നതിൽവരെ കേരളീയർ മത്സരിക്കുന്ന കാഴ്​ചയാണ്​ പിന്നീട്​ കണ്ടത്​. സമൂഹമാധ്യമങ്ങൾ രക്ഷാപ്രവർത്തനങ്ങളിലും ദുരിതാശ്വാസ പ്രവർത്തനങ്ങളിലും വലിയ പങ്കുവഹിച്ചു. പ്രളയ ദുരിതാശ്വാസ പ്രവർത്തനങ്ങൾക്കായി തുടങ്ങിയ മുഖ്യമന്ത്രിയുടെ ദുരിതാശ്വാസ നിധിയിലേക്ക്​ സഹായങ്ങളുടെ കുത്തൊഴുക്കായിരുന്നു. ലോകത്തി​​​​​​​െൻറ വിവിധ ഭാഗങ്ങളിൽനിന്ന്​ സഹായം എത്തി. യു.എ.ഇ, ഖത്തർ ഭരണകൂടങ്ങൾ നേരിട്ട്​ സഹായം വാഗ്​ദാനം ചെയ്​തു. പക്ഷേ, അന്യരാജ്യങ്ങളുടെ സഹായം സ്വീകരിക്കാൻ പാടില്ലെന്ന കേന്ദ്രത്തി​​​​​​​െൻറ പിടിവാശിയിൽ തട്ടി അത്​ മുടങ്ങി.

പുനർനിർമാണ സ്വപ്​നങ്ങൾ
കേരളത്തെ സമ്പൂർണമായി പുനർനിർമിക്കാനുള്ള പദ്ധതികൾ ആസൂത്രണംചെയ്യുമെന്നായിരുന്നു മുഖ്യമന്ത്രി പിണറായി വിജയൻ പറഞ്ഞത്​. െഎ​​ക്യ​​രാ​​ഷ്​​​ട്ര​​സ​​ഭ ഏ​​ജ​​ൻ​​സി​​ക​​ൾ ന​​ട​​ത്തി​​യ പ​​ഠ​​ന​​മ​​നു​​സ​​രി​​ച്ച്​​ 26,718 കോ​​ടി രൂ​​പ​​യു​​ടെ ന​​ഷ്​​​ടം കേ​​ര​​ള​​ത്തി​​നു​​ണ്ട്. സം​​സ്​​​ഥാ​​ന​​ത്തി​​​​​​​െൻറ ​പു​​ന​​ർ​​നി​​ർ​​മാ​​ണ​​ത്തി​​ന്​ 31,000 കോ​​ടി രൂ​​പ ചെ​​ല​​വു​​വ​​രു​​മെ​​ന്ന്​ ക​​ണ​​ക്കാ​​ക്കി​​യ കേ​​ര​​ള സ​​ർ​​ക്കാ​​ർ 4800 കോ​​ടി രൂ​​പ​​യാ​​ണ് കേ​​​ന്ദ്ര സ​​ഹാ​​യ​​മാ​​യി ആ​​ദ്യം ആ​​വ​​ശ്യ​​പ്പെ​​ട്ട​​ത്. എന്നാൽ, ദേ​​ശീ​​യ ദു​​ര​​ന്ത​​നി​​വാ​​ര​​ണ ഫ​​ണ്ടി​​ൽ​​നി​​ന്ന്​ 3048.39 കോ​​ടി​ രൂ​​പ​യാണ്​ കേന്ദ്രം അനുവദിച്ചത്​. ആ​​ദ്യ​​ത​​വ​​ണ അ​നു​വ​ദി​ച്ച 100 കോ​​ടി രൂ​​പ​​യും ര​​ണ്ടാം​​ത​​വ​​ണ ന​ൽ​കി​യ 500 കോ​​ടി​​യും ഉ​ൾ​പ്പെ​ടെ​യാ​ണ്​ ഇത്​. അ​ടി​സ്​​ഥാ​ന​സൗ​ക​ര്യ മേ​ഖ​ല​യി​ൽ​മാ​ത്രം പു​ന​ർ​നി​ർ​മാ​ണ​ത്തി​ന്​ 15,881.60 കോ​ടി വേ​ണ്ടി​വ​രും എന്നിരിക്കെയാണ്​ ഇത്​. മ​രാ​മ​ത്ത്​ റോ​ഡു​ക​ൾ 7647.40 കോ​ടി, ത​ദ്ദേ​ശ റോ​ഡു​ക​ളും ശു​ചി​ത്വ​വും 3507 ​േകാ​ടി, ജ​ല​വി​ത​ര​ണം 1450 കോ​ടി, ഭ​ക്ഷ്യ​സു​ര​ക്ഷ, ജ​ല​സേ​ച​നം, കൃ​ഷി 1484 കോ​ടി, തീ​ര​സം​ര​ക്ഷ​ണ​വും പു​ന​ര​ധി​വാ​സ​വും 1000 കോ​ടി, പൊ​തു​കെ​ട്ടി​ട​ങ്ങ​ൾ 191 കോ​ടി, ആ​രോ​ഗ്യം 150 കോ​ടി, ജൈ​വ വൈ​വി​ധ്യ​വും പ​രി​സ്​​ഥി​തി​യും 452 കോ​ടി എ​ന്നി​ങ്ങ​നെ​യാ​ണ്​ ക​ണ​ക്കാ​ക്കി​യ​ത്.

രാഷ്​ട്രീയ വിവാദങ്ങൾ
നിരവധി രാഷ്​ട്രീയ ആരോപണ പ്രത്യാരോപണങ്ങൾക്കുകൂടി വഴിവെച്ചു പ്രളയദുരന്തം. ഡാം മാനേജ്​മൻറിലെ സർക്കാറി​​​​​​​െൻറ പിഴവാണ്​ പ്രളയത്തിന്​ ഹേതുവായതെന്ന പ്രതിപക്ഷ ആരോപണം വലിയ ചർച്ചകൾക്ക്​ വഴിമരുന്നിട്ടു. അടിയന്തര ധനസഹായ വിതരണം പോലും പൂർത്തിയാക്കാൻ ഇതുവരെ സാധിച്ചിട്ടില്ലെന്നതടക്കം പ്രളയാനന്തര ദുരിതാശ്വാസ പ്രവർത്തനങ്ങളിലെ മെല്ലെപ്പോക്കും വലിയ വിമർശനങ്ങൾക്ക്​ ഇടവരുത്തി.
​