മുഖ്യമന്ത്രിയെ നീക്കണമെന്നാവശ്യപ്പെട്ട്​ ഹരജി

െകാച്ചി: കൂട്ടുത്തരവാദിത്തം നഷ്​ടപ്പെട്ട മന്ത്രിസഭക്ക്​ നേതൃത്വം നൽകുന്ന മുഖ്യമന്ത്രിയെ ചുമതല നിർവഹിക്കുന്നതിൽനിന്ന്​ തടയണമെന്നാവശ്യപ്പെട്ട്​ ഹൈകോടതിയിൽ ഹരജി. ഒരുമന്ത്രിക്കെതിരെ മറ്റൊരു മന്ത്രി ഹരജി നൽകുകയും മ​ന്ത്രിസഭയോഗത്തിൽനിന്ന്​ നാല്​ മന്ത്രിമാർ വിട്ടുനിൽക്കുകയും ചെയ്​തതിലൂടെ മുഖ്യമന്ത്രിക്ക്​ ഭരണഘടനാപരമായി തുടരാൻ അവകാശമില്ലെന്ന്​ ചൂണ്ടിക്കാട്ടി കേരള, കൊച്ചി സർവകലാശാല മുൻ സിൻഡിക്കേറ്റ്​ അംഗം ആർ.എസ്​. ശശികുമാറാണ്​ ​േക്വാ വാറ​േൻറാ ഹരജി നൽകിയിരിക്കുന്നത്​.

ഒരുമ​ന്ത്രി മറ്റൊരു മന്ത്രിക്കും സർക്കാറിനുമെതിരെ ആരോപണമുന്നയിച്ചതിലൂടെ മന്ത്രിസഭയുടെ കൂട്ടുത്തരവാദിത്തം നഷ്​ടപ്പെട്ടതായി ഡിവിഷൻ ബെഞ്ചുതന്നെ വിധിന്യായത്തിൽ പരാമർശിച്ചിട്ടുണ്ട്​. ​കഴിഞ്ഞ 15ന്​ സി.പി.​െഎ പ്രതിനിധികളായ നാല്​ അംഗങ്ങൾ മന്ത്രിസഭയോഗത്തിൽ പ​െങ്കടുക്കാതെ ബോധപൂർവം മാറി നിന്ന സംഭവവുമുണ്ടായി. യോഗത്തിൽനിന്ന്​ വിട്ടുനിൽക്കുന്നതായി എഴുതി നൽകിയശേഷമായിരുന്നു ഇൗ നടപടി. ഇക്കാര്യം പാർട്ടി പത്രത്തിൽ മുഖപ്രസംഗത്തിലൂടെ വെളിപ്പെടുത്തുകയും ചെയ്​തു. സി.പി.എമ്മാക​െട്ട ഇതിനെതിരെ അവരുടെ മുഖപത്രത്തിലൂടെയും പ്രതികരിച്ചു. ഇതെല്ലാം മന്ത്രിസഭയുടെ കൂട്ടുത്തരവാദിത്തം നഷ്​ടപ്പെട്ടതി​​​െൻറ പ്രതിഫലനമാണ്​. നാല്​ മന്ത്രിമാർ വിട്ടുനിന്നതിനെ അസാധാരണ സംഭവമെന്ന്​ മുഖ്യമന്ത്രിതന്നെ വിശേഷിപ്പിച്ചിട്ടുണ്ട്​.

ഭരണഘടനാപരമായ അധികാരമാണ്​ മുഖ്യമന്ത്രി നിർവഹിക്കുന്നത്​. മന്ത്രിമാരായി സത്യപ്രതിജ്​ഞ ചെയ്യുന്നവർ ഭരണഘടനയുടെ 163, 164 അനുച്ഛേദത്തിലെ വ്യവസ്​ഥകൾ പാലിക്കാൻ ബാധ്യസ്​ഥരാണ്​. സർക്കാറി​​​​​െൻറ നടപടികൾക്ക്​ നിയമസഭയിൽ മറുപടി പറയാൻ ബാധ്യസ്​ഥരാണിവർ. ഭരണനിർവഹണത്തി​​​െൻറ സൗകര്യാർഥം വകുപ്പുകളും ചുമതലകളും മന്ത്രിമാർക്ക്​ മുഖ്യമ​ന്ത്രി വിഭജിച്ചുനൽകിയിട്ടുണ്ടെങ്കിലും ഒൗദ്യോഗികമായി ഗവർണറുടെ പേരിലാണ്​ മന്ത്രിസഭ തീരുമാനങ്ങളുണ്ടാകുന്നത്​. അതിനാൽ ഒരുമന്ത്രിയുടെ എല്ലാ തീരുമാനങ്ങൾക്കും മന്ത്രിസഭയിലെ എല്ലാ മന്ത്രിമാരും ഉത്തരവാദികളാണ്​. ഭരണഘടനാപരമായ ബാധ്യത ഒാരോരുത്തർക്കുമുണ്ട്​. ഏതെങ്കിലും മന്ത്രിക്ക്​ വ്യക്​തിപരമായി മന്ത്രിസഭയുടെ കൂട്ടുത്തരവാദിത്തത്തിൽനിന്ന്​ മാറിനിൽക്കാനാവില്ല. ജനാധിപത്യപരമായി തെരഞ്ഞെടുക്കപ്പെട്ട സർക്കാറുകളുടെ ഭരണഘടനാപരമായ പ്രവർത്തനത്തി​​​െൻറ അടിസ്​ഥാനംതന്നെ കൂട്ടുത്തരവാദിത്തമെന്ന സങ്കൽപമാണ്​.

 ഇക്കാര്യങ്ങളെല്ലാം ചേർത്തുവായിക്കു​േമ്പാൾ മുഖ്യമന്ത്രിക്ക്​ മന്ത്രിയെന്ന നിലയിൽ തുടരാനുള്ള ഭരണഘടനാപരമായ അവകാശം നഷ്​ടപ്പെട്ടിരിക്കുകയാണ്​. ഭരണഘടനാപരമായ പ്രതിസന്ധിയാണ്​ മുഖ്യമന്ത്രിയും സർക്കാറും നേരിടുന്നത്​. കൂട്ടുത്തരവാദിത്തം നഷ്​ടമാകാനിടയാക്കിയ മന്ത്രിമാർക്കെതിരെ നടപടിക്കും മുഖ്യമന്ത്രി മുതിർന്നിട്ടില്ല. ഇൗ സാഹചര്യത്തിൽ മുഖ്യമന്ത്രിക്ക്​ ആ സ്​ഥാനത്ത്​ തുടരാൻ അർഹതയില്ലെന്നും മുഖ്യമന്ത്രിയെന്ന നിലയിൽ തുടർന്ന്​ പ്രവർത്തിക്കുന്നത്​ തടയണമെന്നുമാണ്​ ഹരജിയിലെ ആവശ്യം.