You are here

ഒരു കുഞ്ഞ്​ കത്തിൽ ഉരുകിത്തീർന്നത്​ ആയുസ്സിന്‍റെ പരിഭവങ്ങൾ

  • നാ​ലാം ക്ലാ​സു​കാ​ര​ൻ അ​ന​ന്തു പ​ഠ​ന​ത്തി​ന്‍റെ ഭാ​ഗ​മാ​യി ത​പാ​ല്‍ ദി​ന​ത്തി​ല്‍ എ​ഴു​തി​യ ക​ത്ത്​ ​വ്യാ​ഴ​വ​ട്ട​ത്തി​ല​ധി​കം നീ​ണ്ട പ​രി​ഭ​വ​ത്തിന്‍റെ മഞ്ഞുരുക്കി

ഗു​രു​വാ​യൂ​ർ: വാ​ട്‌​സ് ആ​പ്പും ഫേ​സ് ബു​ക്കും ട്വി​റ്റ​റു​മൊ​ക്കെ വാ​ഴും സൈ​ബ​ര്‍ കാ​ല​ത്ത് നാ​ലാം ക്ലാ​സു​കാ​ര​ൻ അ​ന​ന്തു പ​ഠ​ന​ത്തി​​​െൻറ ഭാ​ഗ​മാ​യി ത​പാ​ല്‍ ദി​ന​ത്തി​ല്‍ എ​ഴു​തി​യ ക​ത്ത്​ അ​വ​​​െൻറ​യും കു​ടു​ബ​ത്തി​​​െൻറ​യും ജീ​വി​തം ത​ന്നെ മാ​റ്റി മ​റി​ച്ചു. ഗു​രു​വാ​യൂ​ർ ഇ​രി​ങ്ങ​പ്പു​റം ജി.​എ​ല്‍.​പി സ്‌​കൂ​ള്‍ വി​ദ്യാ​ര്‍ഥി​യാ​യ അ​ന​ന്തു എ​ഴു​തി​യ ക​ത്ത് ​ഒ​രു വ്യാ​ഴ​വ​ട്ട​ത്തി​ല​ധി​കം നീ​ണ്ട പ​രി​ഭ​വ​വും പി​ണ​ക്ക​വും​ ഉ​രു​ക്കി​ക്ക​ള​ഞ്ഞ്​ പു​നഃ​സ​മാ​ഗ​മ​ത്തി​ന്​ വ​ഴി തു​റ​ന്നു​. 

മു​ത്ത​ച്ഛ​ന്​​​ ക​ത്തെ​ഴു​താ​നാ​ണ്​ അ​ധ്യാ​പ​ക​ർ പ​റ​ഞ്ഞ​ത്. അ​ന​ന്തു​വും എ​ഴു​തി- ഇ​തു​വ​രെ കാ​ണാ​ത്ത മു​ത്ത​ച്ഛ​ന്. അ​വ​ൻ ജ​നി​ക്കും മു​മ്പ്,​ 2007ൽ ​അ​ന​ന്തു​വി​​​െൻറ മാ​താ​പി​താ​ക്ക​ൾ കു​ടും​ബ​വു​മാ​യി പി​ണ​ങ്ങി ര​ണ്ട് മ​ക​ളു​മാ​യി തെ​ക്ക​ന്‍ ജി​ല്ല​യി​ലെ കു​ടും​ബ​വീ​ട്​ വി​ട്ട്​ ഗു​രു​വാ​യൂ​രി​ലെ​ത്തി​യ​താ​ണ്. പി​ണ​ക്കം വ​ര്‍ഷ​ങ്ങ​ളോ​ളം നീ​ണ്ടു. ഇ​തി​നി​ട​യി​ലാ​ണ് അ​ന​ന്തു ജ​നി​ച്ച​ത്.  

മു​ത്ത​ച്ഛ​നെ​യോ, പി​താ​വി​​​െൻറ ബ​ന്ധു​ക്ക​ളെ​യോ അ​വ​ന്‍ ക​ണ്ടി​ട്ടി​ല്ല. അ​പ്പോ​ഴാ​ണ് ക​ഴി​ഞ്ഞ ത​പാ​ല്‍ ദി​ന​ത്തി​ല്‍ മു​ത്ത​ച്ഛ​ന്​ ക​ത്തെ​ഴു​താ​ന്‍ അ​ധ്യാ​പ​ക​ര്‍ പ​റ​ഞ്ഞ​ത്. വീ​ട്ടി​ല്‍ നി​ന്ന്​ മു​ത്ത​ച്ഛ​​​െൻറ വി​ലാ​സം വാ​ങ്ങി മ​റ്റ് കു​ട്ടി​ക​ള്‍ക്കൊ​പ്പം ക​ത്തെ​ഴു​തി. വി​ലാ​സം സ്‌​കൂ​ളും. വേ​ന​ല​വ​ധി​യി​ൽ മാ​താ​പി​താ​ക്ക​ള്‍ക്കും സ​ഹോ​ദ​രി​ക്കു​മൊ​പ്പം മു​ത്ത​ച്ഛ​​​െൻറ വീ​ട്ടി​ലെ​ത്തു​മെ​ന്നാ​യി​രു​ന്നു ഉ​ള്ള​ട​ക്കം. ഉ​ള്ള​ട​ക്കം ആ​രും ക​ണ്ട​തു​മി​ല്ല. 

ഇ​തു​വ​രെ കാ​ണാ​ത്ത പേ​ര​ക്കി​ടാ​വി​​​െൻറ ക​ത്ത് ക​ണ്ട്​  മു​ത്ത​ച്ഛ​​നും മ​റ്റും ഉ​ള്ളു​രു​കി. വേ​ന​ല​വ​ധി​യി​ൽ എ​ത്തു​ന്ന മ​ക​​​െൻറ കു​ടും​ബ​ത്തെ കാ​ത്ത്​​മു​ത്ത​ച്ഛ​ന്‍ വ​ഴി​ക്ക​ണ്ണു​മാ​യി ഇ​രു​ന്നു. ഇ​തൊ​ന്നും അ​ന​ന്തു​വി​​​െൻറ മാ​താ​പി​താ​ക്ക​ള്‍ അ​റി​ഞ്ഞി​ല്ല.  അ​വ​ധി​ക്കാ​ലം ക​ഴി​ഞ്ഞ​തോ​ടെ മു​ത്ത​ച്ഛ​​​െൻറ ക്ഷ​മ ന​ശി​ച്ചു.  ക​ത്തി​ലെ  സ്‌​കൂ​ളി​നെ കു​റി​ച്ചു​ള്ള അ​ന്വേ​ഷ​ണ​മാ​യി പി​ന്നെ. ഗൂ​ഗി​ള്‍ മാ​പ് വ​ഴി സ്‌​കൂ​ൾ ക​ണ്ടെ​ത്തി. അ​ന​ന്തു​വി​​​െൻറ പി​താ​വി​​​െൻറ സ​ഹോ​ദ​രി ഭ​ര്‍ത്താ​വ്​ ര​ണ്ടാ​ഴ്ച മു​മ്പ് സ്‌​കൂ​ളി​ലെ​ത്തി. 

ഇ​തി​ന​കം നാ​ലാം ക്ലാ​സ് ക​ഴി​ഞ്ഞ് അ​ന​ന്തു മ​റ്റൊ​രു സ്‌​കൂ​ളി​ലേ​ക്ക് മാ​റി​യി​രു​ന്നു. ആ ​സ്‌​കൂ​ളി​ലെ​ത്തി​യ ബ​ന്ധു​ക്ക​ളെ അ​ന​ന്തു​വി​ന്​ തി​രി​ച്ച​റി​യാ​നാ​യി​ല്ല. ഇ​ത് മു​ന്‍കൂ​ട്ടി ക​ണ്ട ബ​ന്ധു​ക്ക​ള്‍ അ​ന​ന്തു മു​ത്ത​ച്ഛ​നെ​ഴു​തി​യ ക​ത്ത് മൊ​ബൈ​ലി​ല്‍ ഫോ​ട്ടോ​യെ​ടു​ത്ത് കൊ​ണ്ടു​വ​ന്നി​രു​ന്നു. സ്‌​കൂ​ള്‍ അ​ധി​കൃ​ത​ര്‍ അ​റി​യി​ച്ച​തി​നെ തു​ട​ര്‍ന്ന് അ​ന​ന്തു​വി​​​െൻറ മാ​താ​പി​താ​ക്ക​ളും എ​ത്തി. എ​ന്താ​യാ​ലും കു​ഞ്ഞു​മ​ന​സ്സി​ല്‍ നി​ന്ന് ഉ​തി​ര്‍ന്ന അ​ക്ഷ​ര​ക്കൂ​ട്ട​ങ്ങ​ളു​ടെ ശ​ക്തി​യി​ല്‍ പ​രി​ഭ​വ​ങ്ങ​ളും പി​ണ​ക്ക​ങ്ങ​ളും  ഉ​രു​കി​ത്തീ​ർ​ന്നു. അ​ന​ന്തു​വും മാ​താ​പി​താ​ക്ക​ളും സ​ഹോ​ദ​രി​യു​മെ​ല്ലാം ചേ​ര്‍ന്ന് അ​ടു​ത്ത ആ​ഴ്ച കു​ടും​ബ​വീ​ട്ടി​ലെ​ത്തി. 

ഇ​തു​വ​രെ കാ​ണാ​ത്ത മു​ത്ത​ച്ഛ​നും മു​ത്ത​ശ്ശി​യും ബ​ന്ധു​ക്ക​ളു​മൊ​ക്കെ അ​ന​ന്തു​വി​നെ കൊ​തി​തീ​രെ ക​ണ്ടു. പു​ന​സ​മാ​ഗ​മ​വേ​ള​യി​ല്‍ അ​ന​ന്തു​വാ​യി​രു​ന്നു താ​രം. വാ​ട​ക വീ​ട്ടി​ലെ താ​മ​സം അ​വ​സാ​നി​പ്പി​ച്ച് ഈ ​ഓ​ണ​ക്കാ​ല​ത്ത് നാ​ട്ടി​ലേ​ക്ക്  മാ​റാ​നു​ള്ള ത​യാ​റെ​ടു​പ്പി​ലാ​ണ് അ​ന​ന്തു​വി​​​െൻറ കു​ടും​ബം.

Loading...
COMMENTS