കണ്ണിൽ കരടല്ല; പുറത്തെടുത്തത്​ മരക്കഷ്​ണം

കോഴിക്കോട്​: മൂന്ന്​ മാസം നീണ്ട മാറാത്ത വേദനക്കൊടുവിൽ രോഗിയുടെ കണ്ണിൽ നിന്ന്​ ശസ്​ത്രക്രിയ ചെയ്​തെടുത് തത്​ മൂന്നര സ​െൻറി മീറ്റർ നീളമുള്ള മരത്തി​​െൻറ കഷ്​ണം. വയനാട് പുൽപ്പള്ളി സ്വദേശിയായ 67 കാര​​െൻറ വലത്​ കണ്ണിൽ നി ന്നാണ്​ കോഴിക്കോട് കോംട്രസ്​റ്റ്​ കണ്ണാശുപത്രിയിൽ നടത്തിയ ശസ്​ത്രക്രിയയിലൂടെ മരക്കഷ്​ണം നീക്കം ചെയ്​തത്​. < /p>

കഴിഞ്ഞ ഡിസംബർ അഞ്ചിനാണ് വഴിനടക്കവെ അബദ്ധത്തിൽ നിലത്തുള്ള മരച്ചില്ലയിലേക്ക്​ ഇദ്ദേഹം മുഖംകുത്തി വീണത്​. വീഴ്​ചയിൽ കൺതടത്തി​​െൻറ താഴെ ചെറിയൊരു മുറിവ്​ മാത്രമാണ്​ ശ്രദ്ധയിൽപ്പെട്ടത്​. രണ്ട്​ ദിവസംകൊണ്ട്​ മുറിവുണങ്ങിയെങ്കിലും കണ്ണിൽ അസഹ്യമായ വേദനയും വീക്കവും മാറാത്തതിനെ തുടർന്ന്​ ഒന്നിലധികം നേത്രരോഗ വിദഗ്​ധരെ സമീപിച്ചെങ്കിലും അവർക്ക്​ കണ്ണിനകത്ത്​ എന്തെങ്കിലും ഉള്ളതായി കണ്ടെത്താനായില്ല.

മരുന്നുകൾ കഴിച്ചിട്ടും കണ്ണിലെ പഴുപ്പ്​ കുറയാതായയോടെ അർബുദമാണെന്ന സംശയത്തിൽ ബയോപ്​സി​ പരിശോധനക്ക്​ നിർദ്ദേശിക്കുകയും ചെയ്​തു.

ഇതിനിടയിലാണ്​ കൂടുതൽ പരിശോധനക്കായി ഇയാൾ കോംട്രസ്​റ്റ്​ കണ്ണാശുപത്രിയിൽ എത്തുന്നത്​. ആശുപത്രിയിലെ പ്രഥമ പരിശോധനയിൽ തന്നെ ഡോക്ടർമാർ കണ്ണിനകത്ത് എന്തോ കാര്യമായ വസ്തു ഉള്ളതായി മനസ്സിലാക്കി. തുടർന്നാണ്​ ബുധനാഴ്​ച ചീഫ്​ സർജൻ ഡോ. ലൈലാ മോഹൻ അനസ്തെ​റ്റിസ്​റ്റ്​ ഡോ. ദ്വിദീപ് ചന്ദ്രൻ എന്നിവർ ചേർന്ന്​ ഒരു മണിക്കൂർ നീണ്ട ശസ്ത്രക്രിയയിലൂടെ മരക്കഷ്​ണം പുറത്തെടുത്തത്​. എന്നാൽ രോഗിയുടെ കാഴ്ചക്ക് തകരാറുകളൊന്നും സംഭവിച്ചിട്ടില്ലെന്ന്​ ആശുപത്രി അധികൃതർ അറിയിച്ചു.