പെൺകെണിയിൽ വ്യാപാരിയുടെ പണം തട്ടിയ കേസിലെ മുഖ്യപ്രതി അറസ്​റ്റിൽ

വാ​ള​യാ​ര്‍: ഗ​ള്‍ഫി​ലെ വ്യാ​പാ​രി​യാ​യ ചാ​വ​ക്കാ​ട് സ്വ​ദേ​ശി​യെ ത​ട്ടി​ക്കൊ​ണ്ടു​പോ​യി ഒ​രു കോ​ടി രൂ​പ വി​ല​മ​തി​ക്കു​ന്ന സ്വ​ത്തു​ക്ക​ളും പ​ത്ത്​ ല​ക്ഷം രൂ​പ​യും ത​ട്ടി​യെ​ടു​ത്ത കേ​സി​ലെ മു​ഖ്യ​സൂ​ത്ര​ധാ​ര ​ന്‍ അ​റ​സ്​​റ്റി​ല്‍. തൃ​ശൂ​ർ ചാ​വ​ക്കാ​ട് അ​ക​ലാ​ട് മൊ​യ്തീ​ന്‍പ​ള്ളി പ​ണി​ക്ക​വീ​ട്ടി​ല്‍ അ​ന​സി​നെ​യാ ​ണ്​ (25) വാ​ള​യാ​ര്‍ എ​സ്.​ഐ അ​ന്‍ഷാ​ദി​​​െൻറ നേ​തൃ​ത്വ​ത്തി​ൽ പി​ടി​കൂ​ടി​യ​ത്. ക​ഴി​ഞ്ഞ ജൂ​ലൈ​യി​ൽ ന​ട​ന്ന ക​വ​ര്‍ച്ച​യി​ലെ മു​ഖ്യ​പ്ര​തി​യാ​ണ് പി​ടി​യി​ലാ​യ​ത്. ഗ​ള്‍ഫി​ല്‍ വ്യാ​പാ​രി​യാ​യ ചാ​വ​ക്കാ​ട് സ്വ​ദേ​ശി​യെ പ്ര​തി​യു​ടെ പെ​ണ്‍സു​ഹൃ​ത്തി​നെ​െ​ക്കാ​ണ്ട് ഫോ​ണി​ലൂ​ടെ വി​ളി​പ്പി​ച്ച്​ ബ​ന്ധം സ്ഥാ​പി​പ്പി​ച്ചി​രു​ന്നു.

ക​ഞ്ചി​ക്കോ​ടാ​ണ് വീ​ടെ​ന്നും വീ​ട്ടി​ലെ പ്രാ​രാ​ബ്​​ധം മൂ​ലം എ​ന്തെ​ങ്കി​ലും ജോ​ലി ശ​രി​യാ​ക്കി​ത്ത​ര​ണ​മെ​ന്നും പ​റ​ഞ്ഞാ​ണ് ഫോ​ണ്‍ ചെ​യ്തി​രു​ന്ന​ത്. ക​ഴി​ഞ്ഞ ജൂ​ലൈ​യി​ല്‍ യു​വ​തി​യു​ടെ വാ​ക്ക് വി​ശ്വ​സി​ച്ച് വാ​ള​യാ​റി​ലെ​ത്തി​യ ചാ​വ​ക്കാ​ട് സ്വ​ദേ​ശി​യാ​യ വ്യാ​പാ​രി​യു​ടെ കാ​റി​ല്‍ യു​വ​തി ക​യ​റി​യി​രി​ക്കു​ക​യും ഈ ​സ​മ​യ​ത്ത് ഇ​ന്നോ​വ കാ​റി​ലെ​ത്തി​യ പ്ര​തി​ക​ള്‍ ഫോ​ട്ടോ​ക​ള്‍ എ​ടു​ക്കു​ക​യും ഫേ​സ്ബു​ക്കി​ലും മ​റ്റും ഇ​ടു​മെ​ന്ന് ഭീ​ഷ​ണി​പ്പെ​ടു​ത്തി കോ​യ​മ്പ​ത്തൂ​ര്‍ ഭാ​ഗ​ത്തേ​ക്ക് ത​ട്ടി​ക്കൊ​ണ്ടു പോ​വു​ക​യു​മാ​യി​രു​ന്നു.

കോ​യ​മ്പ​ത്തൂ​ര്‍ പേ​രൂ​രി​ലു​ള്ള വീ​ട്ടി​ലി​ട്ട് മ​ര്‍ദി​ച്ച​ശേ​ഷം യു​വ​തി​യേ​യും ചേ​ര്‍ത്ത് നി​ര്‍ത്തി അ​ര്‍ധ​ന​ഗ്​​ന ഫോ​ട്ടോ​ക​ള്‍ എ​ടു​ത്തി​രു​ന്നു. പി​ന്നീ​ട് ഭീ​ഷ​ണി​പ്പെ​ടു​ത്തി 1,03,800 രൂ​പ കൈ​പ്പ​റ്റി. 80 ല​ക്ഷം രൂ​പ വി​ല വ​രു​ന്ന സ്വ​ത്തു​ക്ക​ളു​ടെ പ്ര​മാ​ണ​ങ്ങ​ളു​ണ്ടാ​ക്കി പ്ര​തി​ക​ളു​ടെ ബ​ന്ധു​ക്ക​ളു​ടെ പേ​രി​ല്‍ വി​ല്‍പ​ന ന​ട​ത്താ​ന്‍ നി​ര്‍ബ​ന്ധി​ച്ച് ക​രാ​റു​ണ്ടാ​ക്കു​ക​യും ചെ​യ്തു. ഒ​ളി​വി​ല്‍ ക​ഴി​ഞ്ഞി​രു​ന്ന പ്ര​തി വി​ദേ​ശ​ത്തേ​ക്ക് ക​ട​ക്കാ​നി​രി​ക്കെ​യാ​ണ് അ​റ​സ്​​റ്റ്.